андреа пирло – Kurir.mk

Пирло може да добие отказ поради – Несторовски!

Ристе Здравков — Mon, 02 Oct 2023 12:54:08 +0000

Италијанската легенда Андреа Пирло имаше лош старт на сезоната со Сампдорија во Серија Б, па наскоро би можел да ја загуби тренерската работа. Екипата од Џенова во следното коло игра против Асколи на македонскиот напаѓач Илија Несторовски и тоа може да му биде последна средба ако не успее да победи. Сампдорија досега има една победа, две нерешни средби и пет порази, а притоа и казна од два бода од Фудбалската федерација.

Пирло: Саудиска Арабија ќе ја има најдобрата лига во светот

Дарко Андоновски — Mon, 24 Jul 2023 10:38:41 +0000

Поранешниот италијански фудбалер Андреа Пирло верува дека шампионатот на Саудиска Арабија може да стане еден од најдобрите во светот. - Се отвори нов фудбалски пазар во светот. Слично се случи пред неколку години во Кина. Во фудбалот се е исто како во животот, тој што има можност нека ја користи. Има првенства во Италија, Англија, ќе има лига на арапски држави. Можеби таа ќе биде најдобра на светот, изјави поранешниот играч на Милан и Јувентус, кој сега е на чело на Сампдорија, во интервју за La Gazzetta dello Sport. Прв од големите фудбалски ѕвезди во Саудиска Арабија трансфер направи Кристијано Роналдо, а по него голем број прочуени фудбалски имиња. Во Саудиска Арабија на познатите фудбалери им се нудат богати договори се во насока на афирмација на тамошната лига и фудбалот воопшто.

Медиуми: Пирло нов тренер на Сампдорија

Тале Кристо — Tue, 27 Jun 2023 17:23:36 +0000

Повеќе италијански, како и англиски медиуми објавија дека е постигнат договор за соработка меѓу Сампдорија и Андреа Пирло. Според истите извори, поранешниот италијански репрезентативец и ѕвезда на Интер, Јувентус и Милан, ќе потпише договор на две години со клубот од Џенова. Пирло во текот на оваа недела треба официјално да биде промовиран во нов тренер на Сампдорија која по долги години прв пат го загуби прволигашкиот статус и од следната сезона ќе игра во Серија Б. Пирло на клупата на Сампдорија ќе седне на местото на српскиот стратег Дејан Станковиќ, кој во октомври лани беше назначен за тренер, но не успеа да обедзбеди останок и под негово водство клубот од Џенова заврши на последното место.

КАКО ДА СЕ ВОЗДРЖИ КОГА Е СЕКС БОМБА – Пирло ужива на плажа со партнерката, а во еден момент во вода ја крена во раце, а потоа започна „акцијата“ (ФОТО)

Дарко Андоновски — Tue, 27 Jun 2023 10:02:37 +0000

Легендарниот италијанскифудбалер Андреа Пирло ужива во слободното време со својата партнерка Валентина Балдини на шпанското сонце додека е на одмор во Форментера. Поранешениот италијански репрезенативец е „уловен“на одмор со својата партнерка Валентина Балдини во Форментера, Шпанија, а парот опуштен на на луксузна јахта ги впиваше сончевите зраци и се разладуваше во морето. Валентина го покажа своето совршено тело во кафено бикини, во кое до израз дојдоа нејзините бујни гради. Инаку, Пирло отсекогаш бил еден од омилените фудбалери во Италија, а за време на фудбалската кариера го носеше дресот на три великани Интер, Милан и Јувентус. Пред Валентин беше во брак со Дебора Роверси од која се разведе во 2014 година и со која има две деца, синот Никол и ќерката Анџела.

Пирло може да ја предводи Бенфика

Дарко Андоновски — Mon, 27 Dec 2021 12:41:13 +0000

Поранешниот тренер на Јувентус, Андреа Пирло може да ја преземе Португалија, објави „Calciomercato.it“. Бенфика е заинтересирана за 42-годишниот италијански фудбалски стручњак. Претседателот на клубот Руи Коста разгледува неколку кандидати. Актуелниот стручњак на Бенфика, Хорхе Жесус, наскоро може да го напушти тимот. За потсетување, тимот под негово водство стигна до осминафиналето од Лигата на шампионите. Пирло се повлече од функцијата тренер на Јувентус во мај 2021 година.

Лапорта веќе ја најде замената за Куман

Ристе Здравков — Fri, 01 Oct 2021 11:20:54 +0000

Иако се најавуваше враќање на Чави Ернандез или доаѓање на Роберто Мартинез на клупата на шпанска Барселона, по сѐ излгеда првиот човек на каталонската гордост Жоан Лапорта има поинакви идеи, па според „радио Каталуња“, Андреа Пирло би требало да биде новиот кормилар на петкратниот европски првак. Според информациите од Шпанија, деновите на Куман му се избројани и од Лапорта добил ултиматум да го победи првакот Атлетико Мадрид, после мизеријата и срамот во Лисабон со поразот од Бенфика во ЛШ со 0-3. Ретко кој се надева дека Куман може да преживее после викендов, па Лапорта веднаш се фатил за работа за да најде замена. Најмногу од причина што новиот тренер ќе добие две недели за подготовка, бидејќи следува паузата за мундијалските квалификации, а Пирло сега е фаворит за кормилото, иако немаше баш успешно тренерско деби во минатата сезона како кормилар на Јувентус. Ваквите информации што ги објави „радио Каталуња“ ги разочараа навивачите, кои се незадоволни од изборот на Лапорта за Пирло да биде тренер, зашто ем е неискусен, ем во оваа ситуација нереално е да се очекува дека ќе го препороди тимот, посочувајќи дека тимот нема да има некој поголем напредок во однос на тоа што го игра со Куман. Одлуката за Пирло да биде тренер кај Лапорта доаѓа од финансиски аспект, Италијанецот е слободен и е најевтин од останатите кандидати.

Пирло може да ја предводи Барселона

Дарко Андоновски — Tue, 21 Sep 2021 07:16:50 +0000

Поранешниот тренер на Јувентус, Андреа Пирло, претендира да седне на тренерското место во Барселона. Ова го објави новинарот Жерар Ромеро на Твитер. Како што е наведено во постот на новинарот, 42-годишниот Пирло е најпосакуваниот кандидат за претседател на Каталонците, Жоан Лапорта. На листата се и други кандидати: поранешниот играч на Барселона, Чави и поранешниот тренер на Интер и Јувентус, Антонио Конте. За потсетување, во моментот на чело на Барселона е Роналд Куман. Каталонците освоија осум бода на четири првенствени натпревари во Шпанија и се седми на табелата. Пирло ја започна својата тренерска кариера минатата година во Јувентус, но ја напушти функцијата на крајот на сезоната 2020/21.

Пирло: Манчини одлично ја води италијанската репрезентација

Ивона Петрова — Thu, 19 Aug 2021 06:28:46 +0000

Поранешниот тренер на Јувентус, Андреа Пирло зборуваше за работата на Роберто Манчини со италијанската репрезентација и победата на тимот на Европското првенство 2020. – Нема поголема радост од победа со репрезентацијата. За прв пат по долго време, освоивме трофеј на голем турнир. Манчини заврши одлична работа. Тимот имаше свое лице, играше речиси како клуб. Од самиот почеток, сите знаеја што да прават, изјави Пирло за „Атлетик“. На 11 јули оваа година, во Лондон во финалето на Евро 2020, Италија ја совлада Англија на пенали и го освои вредниот трофеј.

Пирло сака да работи во странство

Тале Кристо — Tue, 17 Aug 2021 19:09:49 +0000

Поранешниот тренер на Јувентус, Андреа Пирло има желба да работи во странство. – Би сакал да работам во странство. Поминав три години во САД, така што немам проблеми со англискиот, зборувам и француски. Се чувствувам како да можам да одам насекаде. Следам многу различни тренери. Од секого можете да научите нови работи. Гледам натпревари, гледам тренинзи преку Интернет. Кога ќе ми стане полесно да патувам, ќе одам да го видам во живо. Го запознав Маурисио Покетино на одмор на Ибица, и тој ми предложи да заминам во Париз. Ако можам, би сакал да одам во Манчестер, да се сретнам со Гвардиола. Подготвен сум да тргнам во нова авантура изјави Пирло за „The Athletic“. Пирло го презеде клубот од Торино во 2020 година. На крајот на сезоната 2020/21, тимот заврши на четвртото место во поредокот во Серија А, по што тој Пирло доби отказ.

Пирло наскоро може да добие отказ од Јувентус

Дарко Андоновски — Mon, 10 May 2021 10:19:37 +0000

Тренерот на Јувентус, Андреа Пирло може наскоро да добие отказ, пренесува „Ла Стампа“. Според италијанскиот весник, управата на торинскиот клуб размислува за разделба со Пирло поради незадоволителните резултати на тимот оваа сезона. – Сега во Јувентус размислуваат дали да чекаат крај на првенството или веднаш да се разделат со Пирло, пишува „Ла Стампа“. Вчера, 9 мај, Јувентус загуби со 3:0 Милан во натпревар од Серија А. По овој натпревар тренерот објави дека не планира да го напушти тимот. Јувентус е на 5. место во поредокот со 69 бода.