Андреас Трајковски – Kurir.mk

Поставен нов македонски рекорд во скок во далечина

Бошко Тасиќ — Thu, 25 May 2023 04:48:48 +0000

Македонскиот атлетичар Андреас Трајковски кој долги години живее и тренира во Данска денес постави нов рекорд во скок во далечина. Трајковски на атлетискиот митинг во Калитеа, Грција во третата серија прескокна 7.79 метри и така го собори претходниот државен рекорд (7.60) кој исто така беше во негова сопственост. На митингот Трајковски го совои четвртото место, повеќе од него скокнаа Мураил Сришинкар од Индија (8.18), Џејсин Андрин Џонсон исто така од Индија (7.87) и Џален Рукер (7.80) од Австралија.

Трајковски со нов рекорд во скок во далечина на отворено

Катерина Бојаџиева — Wed, 11 May 2022 10:53:27 +0000

Андреас Трајковски, член на АК Работнички и репрезентативец на Македонија, вчера на меѓународен атлетски митинг во Лимасол (Кипар) го собори македонскиот рекорд во скок во далечина на отворено со резултат од 7 метри и 41 сантиметар. Досегашниот Македонски рекорд на отворено во скок во далечина изнесуваше 7 метри и 15 сантиметри, кој беше во сопственост на тројца атлетичари, Зоран Тасевски, Тони Дамчевски и Славчо Мирчевски. Андреас со овој скок го освои 5-то место на митингот. Прв беше Олимпискиот шампион и Светски првак во сала Милтиадис Тентоглу од Грција со скок од 8 метри и 28 сантиметри, втор беше Рејнод Баниго од Велика Британија со 8.04 метри, додека третото место му припадна на Мохамад Амин Алсалами од Сирија со скок од 7.56 метри. Ова беше прв натпревар за Андреас сезонава на отворено во скок во далечина, а веќе следната недела го очекува нов настап на меѓународна сцена, на атлетски митинг во Солун (Грција).

Бронзен медал за Андреас Трајковски на Балканијадата во Истанбул!

Тале Кристо — Mon, 07 Mar 2022 14:36:20 +0000

На 27-та Балканијада, која викендов се оддржа во Истанбул, нашиот репрезентативец Андреас Трајковски на своето деби за македонската репрезентација го освои бронзениот медал во дисциплината скок во далечина. Уште пред почетокот на Балканијадата, тој изјави дека ќе се обиде да постигне што подобар резултат и со освоениот медал и резултат во Истанбул, - ветеното стана реалност. Трајковски до бронзениот медал дојде со резултат од 7 метри и 62 сантиметри, којшто го постигна во втората серија од натпреварувањето, што е за 3 сантиметри пократко од македонскиот рекорд, кој е во негова сопственост и го постави на отвореното првенство во Скиве, Данска на 27.02.2022 година. Сребрениот медал го освои Хрватот Марко Чеко со скок од 7 метри и 71 сантиметар, додека со злато се закити Измир Смајлај од Албанија со скок од 7 метри и 79 сантиметри. Со овој резултат Трајковски покажа дека се наоѓа во одлична форма и дека ќе продолжи во иста насока и на следните негови натпреварувања оваа сезона.