Андреј Јакимовски – Kurir.mk

Рекордни бројки за Андреј Јакимовски во НЦАА

Тале Кристо — Sun, 29 Jan 2023 14:15:27 +0000

Македонскиот репрезентативец Андреј Јакимовски ноќеска го одигра својот најдобар (поентерски) натпревар откако е дојден во составот на Вашингтон Стејт, и беше најзаслужниот за победата на популарните „Кугарс“ на средбата против Аризона Стејт (75:58). Јакимовски одигра 31 минута, а за тој период поминат во игра, постигна 22 поени што е негов нов личен рекорд во НЦАА-лигата во кариерата. Досегашниот рекорд на македонскиот кошаркар изнесуваше 19 поени, а ги реализира пред две години. Во новиот рекорд, Јакимовски реализираше пет тројки (од десет обиди), а додаде уште седум скока и три асистенции, за вкупен индекс 24. Вашингтон Стејт Универзитетот се наоѓа на деветтата позиција во Пацифик-12 дивизијата. Има биланс од 10 победи и 13 порази.

Јакимовски: Многу битна победа, продолжуваме понатаму како првопласирани

Ивона Петрова — Mon, 29 Aug 2022 06:53:13 +0000

Македонскиот кошаркарски репрезентативец Андреј Јакимовски е задоволен од остварената првична цел, две победи на двата натпревара во августовскиот прозорец од претквалификациите за Евробаскет 2025. Јакимовски заедно со Ненад Димитријевиќ и капитенот Војдан Стојановски гбеа најзаслужниот за победата вчеравечер против Словачка. – Мислам дека на почетокот немавме доволно добра комуникација, особено во одбраната. После советите од стручниот тим, на полувремето, ја сменивме и одбраната. Играв на позиција 4, тоа делуваше доста добро во одредени моменти од натпреварот. Освен тоа дополнителни проблеми ни зададе нивниот висок процент на реализација. Особено во шутот од далечина. И играчи кои не важат како шутери, успеваа да погодуваат. Во одреден период од мечот, мислам дека имаа дури и 60% на реализација. На крајот, некако успеавме да ја изнесеме победата, и да ја оствариме првичната цел, во август да имаме две победи. Во финишот, кога требаше, погодувавме и јас и Нено и Војдан, дојдовме до она што го баравме во поголем дел од средбата. Поведовме, а кога веќе стигнавме до драгоцената предност, не ја испуштивме. Дојдовме до уште една многу битна победа, која ни дава можности да завршиме како први, и да одиме понатаму во евро-квалификациите, изјави Јакимовски. „Црвено-жолтите“ исто како и Норвешка имаат по две победи, додека Словачка и Данска се без триумф по двете кола во Д-групата.

Јакимовски: Важно е ние младите да почнеме од некаде

Бошко Тасиќ — Sun, 26 Jun 2022 14:55:35 +0000

Андреј Јакимовски е еден од повратниците во најсилната кошаркарска репрезентација на Македонија, за која не можеше да настапува поради обврските кои ги имаше во Америка, каде владеа строги правила за странците поради коронавирусот. Јакимовски ќе игра за Македонија по точно две години, а самиот не го крие задоволството што конечно ќе може да им помогне на сонародниците. – Конечно по долг период можам да играм за сенорскиот тим. Огромно задоволство е да се игра за репрезентацијата и тоа е предизвик. Немаме притисок, на нас ни останува да го дадеме најдоброто од себе и да го дадеме максимумот од себе, а за резултатите ќе видиме. Имаме доста млад тим, но мора да покажеме зошто сме тука. Резултатите можеби нема да ги видиме сега, но важно е сите помладите да почнеме од некаде и да градиме тим. Со актуелниот светски шампион ќе видиме до каде сме, првиот натпревар е против таа силна Шпанија, но ние нема предвреме да се предадеме, – порачува крилото на нашата најдобра селекција.

Јакимовски е најдобар европски тројкаш во НЦАА

Бошко Тасиќ — Wed, 02 Feb 2022 21:59:32 +0000

Андреј Јакимовски полека влегува во посакуваната форма и повторно се наметнува во еден од лидерите на Вашингтон Стејт Универзитетот. На последните три меча беше фантастичен, два пати е прогласен за играч на натпреварот, а во третиот оствари дабл-дабл. Во овој момент, Јакимовски е најдобар стрелец за три поени во цела НЦАА (1 дивизија) според процентот на уфрлени тројки кога станува збор за европските кошаркари во ова натпреварување. Досега погоди 27 од вкупно 60 обиди или 45% што е фантастичен ефект за македонскиот репрезентативец.

Јакимовски играч на натпреварот во кошаркарскиот тим на Вашингтон Стејт Универзитетот

Тале Кристо — Sun, 16 Jan 2022 19:58:49 +0000

Mакедонскиот кошаркарски репрезентативец, Андреј Јакимовски, синоќа беше главен играч на Вашингтон Стејт Универзитетот во дуелот со Калифорнија. Јакимовски ја продолжи одличната серија во играта од последните неколку натпревари, а на синоќешниот натпревар беше прогласен за играч на мечот постигнувајќи четири тројки за негов рекорд на сезоната. Тимот на Андреј, Вашингтон Стејт „Кугарс“ (WSU) победи со резултат 65:57, а голем придонес во победата имаше нашиот млад кошаркар, кој беше прогласен за играч на мечот, поради постигнати речиси четвртина од поените на WSU, вкупно 16. Јакимовски беше прв стрелец во тимот и постави личен рекорд оваа сезона. Освен тоа, додаде уште седум скока за да го комплетира одличниот впечаток и една асистенција,а имаше стопроцентен учинок од линијата за слободни фрлања,од каде реализираше две од две фрлања, во вкупно 30 минути игра на паркетот. За Вашингтон Стејт ова е десетта победа во 17-от натпревар оваа сезона.

Андреј Јакимовски и следната сезона дел од Вашингтон Кугарс

Бошко Тасиќ — Sun, 15 Aug 2021 07:43:46 +0000

Еден од најдобрите млади македонски кошаркари Андреј Јакимовски и следната сезона ќе биде дел од колеџ тимот на Вашингтон Кугарс. На 25 натпревари во својата дебитантска сезона, од кои 19 како стартер, Јакимовски просечно постигнуваше по 5,5 поени.

Шести триумф на Јакимовски со „Кугарси“ во НЦАА

Ивана Ефремовски — Sat, 19 Dec 2020 11:58:04 +0000

Македонскиот кошаркар Андреј Јакимовски запиша двоцифрен број поени зад своето име во шестиот триумф во низа на Вашингтон Стејт кугарс во НЦАА лигата. „Кугарси“ го продолжија максималниот ефект во новата НЦАА сезона со синоќешниот убедлив триумф над Монтана Стејт со 82:54, а Јакимовски имаше ефект од десет поени (2/6 за три и 2/4 за два поени), како и седум скокови и две асистенции. Следен противник на тимот на Јакимовски е Прејри Вју, третопласираната екипа во Југозападната дивизија во НЦАА.

Македонија горда на ова младо момче: Андреј руши сé пред себе!!!

Ивана Ефремовски — Sun, 28 Jul 2019 18:46:25 +0000

Андреј Јакимовски постигна 33 поени на мечот со Грузија, која што почна редовно да извезува играчи во НБА и Евролига. Ги зачини со 8 скока и МВП индекс 42. На дуелот од второто коло, против Украина имаше 21 поен, 11 скока, со 2 асистенции и 3 украдени топки, без НИТУ ЕДНА ЗАГУБЕНА топка за скоро 36 минути на паркетот, со индекс 23. На првиот дуел со Ирска, постигна 23 поени (20 во првото полувреме) плус 11 скока и 3 асистенции за индекс 31. Целата сторија за овој Македонец на кој многу сме горди, прочитајте ја на basketball.mk.