андреј пленковиќ – Kurir.mk

Рама и Пленковиќ ги повикуваат ЕУ и Западот да донесат мерки против Белград

Ивона Петрова — Mon, 02 Oct 2023 13:15:06 +0000

Премиерите на Албанија и на Хрватска, Еди Рама и Андреј Пленковиќ најостро го осудија „насилството на српските паравоени единици на северот на Косово, како и нивното „хероизација“ од Белград, со повик до премиерите на земјите од Европската унија и Западот да донесат мерки против Србија. Рама, кој е во официјална посета на Загреб, на прес-конференција во Бански двори рече дека „агресијата на паравоените сили е еднакво загрижувачка како и реакцијата на Белград“. „Имаме злосторство, убиство на полициски службеник и имаме хероизација на тие кои го извршија“, рече Рама, додавајќи дека тоа „не смее да биде прифатливо во Европа, која има спротивни вредности“. Пленковиќ смета дека тие потези „не можат да останат без одговор“ и дека одлуката на Белград за ден на жалост „речиси подразбира идентификација со тоа што се случило“. Тој изјави дека ќе следи истрага за целосно да се утврди што се случило, по што специјалниот претставник на ЕУ за дијалог меѓу Приштина и Белград ќе предложи мерки. Пленковиќ рече дека и Европската комисија (ЕК) може да донесе мерки автономно, без согласност на сите земји членки, како што тоа го направи пред неколку месеци против Косово. Хрватскиот премиер истакна дека е сигурен оти мерките ќе бидат преземени, а Рама повика тие да се спроведат, како што рече, „без губење време“, бидејќи одлуката на Белград за ден на жалост не остава простор за поинакви интерпретации.

Пленковиќ: Србија и БиХ да го усогласат визниот режим со Европската Унија

Ивана Ефремовски — Mon, 25 Sep 2023 17:16:27 +0000

Србија и Босна и Херцеговина треба да го усогласат визниот режим со Европската Унија, а проблемот со илегалната миграција мора да се реши на надворешната граница на Унијата, пред се на границите на Грција и Бугарија со Турција, изјави хрватскиот премиер Андреј Пленковиќ. Во изјавата дадена за новинарите во Пазин, Пленковиќ нагласи дека е неопходна и „построга политика на визен режим што Босна и Херцеговина и Србија треба да ја усогласат со визната политика на Европската Унија“. - Не може да дојдете на аеродром во Белград или Сараево, а потоа од турист да се претворите во илегален мигрант, рече премиерот на Хрватска. Тој ја отфрли можноста за поставување жица на границата со соседна Босна и Херцеговина. - Хрватска има повеќе од 6.000 полицајци на границата, ја чува својата граница, нема жица на границата со Босна и Херцеговина и нема да има бидејќи од другата страна живеат Хрвати и сите граѓани на Босна и Херцеговина, истакна Пленковиќ. (МИА)

Пленковиќ: Побарав од Мицотакис итна депортација на невините

Ивана Ефремовски — Thu, 17 Aug 2023 15:01:24 +0000

Хрватскиот премиер Андреј Пленковиќ денеска изјави дека ќе им пружи максимална поддршка на хрватските граѓани во Грција, кои беа уапсени поради навивачки судири и информираше дека побарал од грчкиот премиер Киријакос Мицотакис што поскоро да ги депортира невините во Хрватска, бидејќи, според него, не е можно сите стотина уапсени да се подеднакво одговорни за настаните во Атина. Пленковиќ на почетокот на седницата на хрватската Влада се осврна на нередите во Атина, при што беше убиен еден грчки државјанин, а околу стотина хрватски државјани беа уапсени и затворени и посочи дека најостро го осудува хулиганство, пренесува ХРТ. - Ваквото однесување претставува негација на спортот, го нарушува хрватскиот фудбал и угледот на Хрватска, особено кога ќе видиме дека според резултатите Хрватска е фудбалска велесила. Како општество мораме да го осудиме дивјаштвото, насилството и хулиганството, истакна Пленковиќ и додаде дека дава максимална помош за хрватските граѓани. Тој повтори дека хрватската полиција ја информирала грчката полиција и другите земји за потенцијалното пристигнување на навивачите. „Нашата дипломатија, МВЕП (Министерството за надворешни и европски работи) и другите се целосно ангажирани. Во постојана комуникација сме на премиерско и министерско ниво. Ќе се стремиме максимално да ја исполниме нашата уставна обврска, а тоа е заштита на хрватските државјани и обезбедувањето конзуларна и правна помош“, истакна Пленковиќ. Пленковиќ во разговорот со Мицотакис посочил дека најостро го осудува насилството. „Без да ја прејудицирам вината, изразив сочувство за смртта на навивачот на АЕК. Побарав од премиерот да ја осигура безбедноста на нашите граѓани во затворските институции. Второ, процесот да биде фер, брз и ефикасен. Со оглед на тоа што не е реално сите 100 осомничени подеднакво одговорни за немири, предизвикување повреди и уништување, оние за кои ќе се утврди дека не се, што поскоро да бидат депортирани во Хрватска“, нагласи Пленковиќ. Нашите служби ќе комуницираат со грчките власти и ќе дадат дополнителна поддршка, било за медицинска помош или за некои други потреби, изјави хрватскиот премиер, потсетувајќи дека станува збор за правна постапка што ја спроведуваат грчкото обвинителство и судовите. -Ние сме во постојан контакт со родителите, јавноста знае и дека повеќето од приведените се многу млади, додаде тој. (МИА)

Пленковиќ за осомничените навивачи во Грција: Се товарат за сериозни дела; според Милановиќ третирани се како воени заробеници

Ивона Петрова — Tue, 15 Aug 2023 13:31:55 +0000

Хрватскиот премиер Андреј Пленковиќ денеска го коментираше апсењето на државјани на Република Хрватска во Грција, откако навивачи на Динамо Загреб предизвикаа немири во Атина, при што беше убиен еден грчки државјанин а повеќемина беа повредени. Тој нагласи дека грчката полиција била предупредена дека доаѓа група луѓе, кои очигледно ќе се судрат со навивачите на АЕК. Спортско да, спортско навивање да, но хулиганство не. Жал ни е што тоа се случи, рече тој. Пленковиќ вели дека разговарал со грчкиот премиер, од кого побарал Грција да гарантира фер и брз судски процес и безбедност во затворите. Тој изрази сочувство за смртта на грчкиот навивач. Тој посочи дека Владата и Министерството за надворешни работи се во постојан контакт со грчките власти, а амбасадата е на располагање на хрватските граѓани. Тој потсети на обвиненијата против нив, велејќи дека се работи за тешки кривични дела. - Соодветно на тоа, максимално ангажирано ќе им помогнеме на хрватските граѓани, на овие млади луѓе кои отишле таму долу на максимално ангажиран начин, водејќи сметка дека тие не отишле таму на матура, не отишле на екскурзија, не оделе на одмор, не отишле на туризам. во Грција, туку отидоа свесни дека нема да можат да влезат на натпреварот. И се случи она што се случи. Затоа, очекуваме брз процес во Грција и огромното мнозинство од овие луѓе да бидат депортирани и вратени во Хрватска. Се работи за тешки кривични дела за кои се товарат. Убеден сум дека не може да има 100, не може да има 98, кои евентуално се поврзани со овој случај каде што, за жал, загина еден граѓанин, рече хрватскиот премиер. Тој апелираше до грчките власти да ја спроведат постапката што е можно побрзо и поефикасно и да го депортираат огромното мнозинство хрватски државјани во Хрватска. – Целиот случај е во рацете на грчкото правосудство, а не на извршната, потенцираше тој. Од друга страна, хрватскиот претседател Зоран Милановиќ синоќа даде остра реакција за овој случај. - Државата мора да си ја заврши работата. Грција има своја процедура, но јас сум претседател на Хрватска, сум субјективен и себичен кога се во прашање сто хрватски затвореници. Тие луѓе се заробени како да е војна. Тоа нема врска со законот. Тоа го кажав пред неколку дена, плашејќи се дека ќе се случи вакво нешто, дека ќе има колективна етичка казна. Сега можам да навлегувам во причините зошто тоа е направено сега и зошто токму во Грција и што треба Грција да добие од УЕФА и зошто им е важно одговорноста да ја префрлат на Хрватите. Колку Грци се во притвор?, праша Милановиќ во Јелса, коментирајќи го испраќањето на сите хрватски навивачи во истражни затвори низ Грција. Тој потсети дека грчките власти - и по пет дена од приведувањето на навивачите без објаснување - не им било доволно да идентификуваат кој ќе биде одговорен, туку сите ги ставиле во притвор. - Па, тоа не е правна држава! Тие луѓе беа третирани како воени заробеници. Да бев премиер би размислил што да направам. Не е едноставно. Ова се граничи со воено право. Тие се третираат како заробена единица. Имаш пет дена да го одвоиш плевелот од група луѓе и сите ги ставаш во притвор и ги расфрлаш по цела Грција за да бидат тепани и силувани. Одлично - тоа е ЕУ“, предупреди хрватскиот претседател. „Ако пет или десет од нив стотина беа ставени во притвор, јас би рекол - во ред. Но, ова нема никаква врска со владеењето на правото. На ваквите правосудни системи многу помалку им верувам од хрватскиот кон кој сум многу скептичен и постојано го критикувам. Не можете да држите сто луѓе во притвор пет дена. Тие пет дена ви даваат огромна дискреција да видите што се случило, а потоа тие се луѓе и наши граѓани кои имаат свои човекови права“, додаде тој и предупреди дека хрватските навивачи и граѓани „во Грција се третираат како коров“. Тоа нема никаква врска со демократијата, со почитувањето на човековите права. Ако е тоа ЕУ, тогаш подобро да ја нема денес, оцени претседателот на Хрватска.

Пленковиќ: Климатските промени се најголемата закана за нашиот начин на живот

Катерина Бојаџиева — Thu, 20 Jul 2023 18:50:25 +0000

Хрватскиот премиер Андреј Пленковиќ денеска, за време на обиколката на езерото Бундек, рече дека климатските промени се можеби најголемата закана за нашиот начин на живот, поради што Владата ќе се погрижи тие да станат дел од сите политики. - Ќе се погрижиме климатските промени, кои се можеби најголемата закана за нашиот начин на живот, да станат дел од сите политики. Затоа го основавме Советот за одржлив развој, за да ја подигнеме свеста за проблемот со климатските промени што е можно повеќе, рече Пленковиќ. Тој изрази сочувство до семејствата на четворицата загинати во невремето што вчера попладне ја зафати централна и источна Хрватска и им се заблагодари на пожарникарите, полицајците, цивилната заштита и медицинските и другите служби кои работат на отстранување на штетите. - Се очекува вакви временски непогоди, кои се случуваа еднаш на сто години, сега да се случуваат во пократки временски интервали, а за тоа е потребна подготвеност на сите служби, градски, жупаниски и национални, потенцираше хрватскиот премиер.

Пленковиќ во прва посета на Србија

Ивона Петрова — Fri, 23 Jun 2023 18:03:16 +0000

Денес во прва официјална посета на Србија е хрватскиот премиер Андреј Пленковиќ, кој во Суботица на Денот на Хрватската заедница во Србија го отвори Хрватскиот дом - Матица и имаше билатерална средба со српската премиерка Ана Брнабиќ, јави дописиникот на МИА од Белград. Хрватскиот дом - Матица, чија изградба е целосно финансирана од хрватската влада, недалеку од центарот на Суботица, ќе биде седиште на Хрватскиот национален совет, издавачката куќа „Хрватска ријеч“ и Институтот за хрватска култура „Војводина“ и треба да биде центар на културниот и општествениот живот на хрватската заедница. во Србија. Хрватскиот премиер Андреј Пленковиќ на отварањето на Хрватскиот дом –Матица со премиерката Ана Брнабиќ изјави дека интензивирањето на средбите и посетите ќе биде многу важно за понатамошните дискусии и доближување на решавањето на отворените прашања меѓу двете земји. Пленковиќ рече дека една од клучните задачи на Владата е да се грижи за Хрватите надвор од Хрватска, особено за Хрватите во Србија, со цел да се негува нивниот идентитет, да се поддржат нивните културни, образовни, уметнички и спортски активности и сето она што го прават со голем ентузијазам и труд. Именувањето на Томислав Жигманов за министер за малцински права во Владата на Србија, Пленковиќ го оцени како важен чекор за билатералните односи на двете земји, со оглед на тоа што, Ања Шимпрага од СДС-С е потпретседател на хрватската Владата. Осврнувајќи се на обраќањето на премиерката Брнабиќ, Пленковиќ рече дека таа „се допрела на сложеноста на односите меѓу Србија и Хрватска, од времето на агресијата на режимот на Слободан Милошевиќ“. -Разговаравме за сите оние теми кои се отворени - од прашањето за исчезнатите лица, границите, процесуирањето на воените злосторства, воените штети и сето она што ги оптоварува нашите односи, но и сите актуелни прашања од економската и трговската соработка, квалитетот на подобрувањето на сообраќајната инфраструктура и напредокот во областа на стабилноста, се разбира, во контекст на европската интеграција, каде Хрватска го заокружи своето учество со приклучување кон Шенген и еврозоната, со желба и Србија, на ист начин, да биде успешна во тоа, рече Пленковиќ. Тој додаде дека „ја препознавме, важноста на соработката меѓу српското малцинство во Хрватска и Хрватите во Србија, која донесе многу „свежа нафта во моторите што постојат и ни дадовте пример дека соработката на ниво на државите ќе биде подобра од порано“. Претходно српската премиерка Ана Брнабиќ изјави дека односите со Хрватска ги смета за многу важни и дека искрено е заинтересирана за развој на севкупните односи и за подобрување на соработката.

Пленковиќ: Целта на политиката на Владата на Хрватска е поддршка на Македонија и Македонскиот народ на Европскиот пат

Дарко Андоновски — Sun, 21 May 2023 20:16:32 +0000

Македонската православна црква – Охридска архиепископија изгради и освети црква во Хрватска.. Света Злата Мегленска во Загреб е направена е со помош на хрватските власти, објавува Сител. На осветувањето на црквата присуствуваше и српскиот патријарх Порфириј. Чинот на осветување го следеше и хрватскиот премиер Пленковиќ, кој рече дека црквата е голема пригода од историски карактер за македонското малцинство во Хрватска. „Тоа е целта на политиката на Владата на Хрватска, поддршка на Македонија и Македонците и на Европскиот пат и на патот на политичката, економската, културната соработка која ја имаме и е особено важна и се манифестира во сите аспекти“, вели Пленковиќ. Од македонскиот државен врв присутен беше само директорот на комисијата за верски заедници.. Најголема заслуга за изградба на објектот има пораншениот градоначалник на Загреб, Милан Бандиќ кој преку градското собрание обезбеди градежна дозвола за верскиот објект кој се наоќа во близина на центарот на градот. Осветувањето на Свети злата мегленска има исклучително значење затоа што тоа е прва црква што МПЦ – ОА ја изгради во канонско подрачје што се води како јурисдикција на Српската православна црква. Нејзината изградба почна кога сегашниот српски патријарх беше загребско-љубљански митрополит, а тогаш остро се противеше на изградбата.

Пленковиќ изрази жалење за големата загуба на детски животи во Белград

Тале Кристо — Wed, 03 May 2023 15:32:49 +0000

Хрватскиот премиер Андреј Пленковиќ упати сочувство до српската премиерка Ана Брнабиќ за масакрот во основното училиште во Белград, истакнувајќи дека е тажен поради толку големиот број изгубени детски животи. „Ве молиме прифатете го моето искрено сочувство во врска со масовното пукање во основното училиште во Белград. Изразуваме искрено сочувство до семејствата на загинатите, а на ранетите им посакуваме брзо закрепнување“, се наведува во писмото на Пленковиќ. Осум ученици и чуварот на основното училиште „Владислав Рибникар“ во центарот на Белград загинаа, а уште седуммина се тешко повредени утринава кога 14-годишник пукаше во нив. Напаѓачот е ученик на истото училиште, идентификуван како К.К., роден 2009 година, и е уапсен, потврди МВР на Србија по трагедијата без преседан во историјата на српското образование.

КОЈ ЌЕ ГО ЗАМЕНИ ЈЕНС СТОЛТЕНБЕРГ? Шведски медиуми тврдат дека Андреј Пленковиќ е сериозен кандидат за шеф на НАТО

Катерина Бојаџиева — Fri, 07 Apr 2023 13:36:44 +0000

Мандатот на генералниот секретар на НАТО Јенс Столтенберг истекува на 30 септември годинава, а се очекува името на неговиот наследник да биде познато до самитот на НАТО на 11 и 12 јули. Шведските весници Афтонбладет и Дагбладет пишуваат дека земјите од Источна и Централна Европа долго време се чувствуваат запоставени во распределбата на клучните позиции во Европската Унија и НАТО. Медиумите посочуваат дека сега се отвора простор за актуелниот романски претседател Клаус Јоханис, естонската премиерка Каја Калас и хрватскиот премиер Андреј Пленковиќ. Но, мандатот на романскиот претседател истекува дури во ноември 2024 година, а Калас се смета за премногу непријателски расположена кон Русија, што го става Пленковиќ во позиција на фаворит доколку се бара следниот генерален секретар од овој дел од Европа, пренесува 24sata.hr. Шведската јавност и досега го сметаше Пленковиќ за еден од лидерите на Европската народна партија и влијателна личност во Европската Унија. Шведските медиуми понатаму шпекулираат дека за првпат во историјата можеби раководството на НАТО би можело да го преземе жена, но сите тројца споменати кандидати имаат одредени пречки и недостатоци. Пред една година како наследничка на Столтенберг се споменуваше поранешната хрватска претседателка Колинда Грабар-Китаровиќ.

Мицкоски оствари средба со Андреј Пленковиќ, премиер на Република Хрватска и претседател на ХДЗ

Катерина Бојаџиева — Wed, 05 Apr 2023 16:57:47 +0000

Претседателот на ВМРО-ДПМНЕ Христијан Мицкоски оствари средба со Андреј Пленковиќ, премиер на Република Хрватска и претседател на ХДЗ. На средбата беа потврдени добрите односи помеѓу Република Македонија и Република Хрватска. Се говореше и за активната соработка помеѓу сестринските партии ВМРО-ДПМНЕ и ХДЗ при што се нагласи дека и понатаму таа соработка ќе продолжи и ќе се надоградува. На средбата соговорниците разговараа и за актуелната политичка и економска состојба и евроинтегративниот процес на земјата. Претседателот Мицкоски истакна дека Македонија треба да биде дел од големото европското семејство и Македонија единствено ја гледа како рамноправна членка на ЕУ за што ја побара и поддршката од пријателска Хрватска. Во текот на разговорите претседателот на ВМРО-ДПМНЕ, Христијан Мицкоски ја истакна и загриженоста за тешката економска состојба во која што се наоѓа државата, инфлацијата и растечката сиромаштија.