Андреј Рубљов – Kurir.mk

Медведев го надигра Рубљев и обезбеди полуфинале на УСА Опен

Бошко Тасиќ — Thu, 07 Sep 2023 03:55:43 +0000

Рускиот тенисер Данил Медведев се пласира во полуфиналето на УС Опен откако за 168 минути го совлада сонародникот Андреј Рубљев со 3-0 во сетови (6-4, 6-3, 6-4). Ривал на Медведев во полуфиналето ќе му биде победникот од мечот Александар Зверев - Карлос Алкараз.

Ѓоковиќ преку Рубљов обезбеди пласман во полуфиналето на Вимблдон

Бошко Тасиќ — Tue, 11 Jul 2023 19:52:16 +0000

Српскиот тенисер Новак Ѓоковиќ славеше во четвртфиналето на Вимблдон против Русинот Рубљов со 3:1 во сетови и успеа да си обезбеди полуфинале на неофицијалното Светско тениско првенство. На Новак му се отвора патот до нова титула на најславниот тениски гренслем турнир во светот. Ако триумфира во Британија, тоа ќе е осми грен слем за него таму, или 24-ти вкупно во кариерата. Победата над Рубљов му беше 33-та по ред на Вимблдон. Првиот сет го доби Русинот со 6:4 во гемови, ама тоа само како да го разлути Србинот. Потоа го започна својот танц и ги доби сите три наредни сета, со 6:1, 6:4 и 6:3. Во полуфиналето противник ќе му биде Италијанецот Јаник Синер, кој денеска исто така играше четири сета и стигна до своето прво полуфинале на овој грен-слем турнир.

Алкараз ја одбрани титулата во Барселона, Лајовиќ победи на турнирот во Бања Лука

Бошко Тасиќ — Sun, 23 Apr 2023 17:58:07 +0000

Шпанскиот тенисер Карлос Алкараз го освои турнирот во Барселона каде во големото финале го совлада петтиот светски рекет, Стефанос Циципас од Грција, со резултат 2:0 во сетови 6:3 и 6:4 за 80 минути игра. Тенисерот од Мурсија така ја потврди одличната форма, ова му беше деветта титула во кариерата, а трета оваа сезона, откако претходно ги освои Буенос Ајрес и Индијан Велс. Душан Лајовиќ од Србија е победник на турнирот во Бања Лука (Босна и Херцеговина) откако 2:1 во сетови 6:3, 4:6, 6:4 во завршната битка за пехарот беше подобар од Русинот Андреј Рубљов. За Лајовиќ ова е втора професионална титула во неговата кариера откако првата ја освои во 2019 година во Умаг. Лајовиќ не само што ја прекината серијата на Русинот од осум победи во низа, туку на овој турнир триумфираше над двајца играчи од ТОП 10. Претходно во четвртфиналната фаза го елиминираше сонародникот и прв светски рекет, Новак Ѓоковиќ.

Рубљов: Не бев среќен во боксот, тенисот ме исполнува

Ивона Петрова — Tue, 18 Apr 2023 18:34:54 +0000

Никогаш не се сомневав во себеси и знаев дека ќе постигнам големи резултати во тенисот, рече рускиот тенисер Андреј Рубљов по вчерашниот триумф во Конте Карло што за него прв трофеј на турнирите од серијата Мастерс 1000. Во финалето 25-годишниот Рубљов го победи Данецот Холгер Руне и дојде до својата 13 АТП титула во кариерата. Во својата рана младост, моментно шестиот светски рекет тренираше бокс, но одлучи да се посвети на тенисот. „Во боксот не бев среќен, а барав нешто што ќе ме усреќи. Во боксот веројатно не се чувствував пријатно бидејќи сите беа поголеми од мене. Сакав да побегнам од тоа и добро е што така заврши. Во тенисот се пронајдов себеси. Тенисот отсекогаш ме исполнуваше. Уживам и сè уште верувам дека тоа е многу важно за успех“, изјави Рубљов, кој оваа недела го очекува настап на АТП турнирот во Бања Лука, каде е втор носител.

Андреј Рубљов го освои Мастерсот во Монте Карло

Бошко Тасиќ — Sun, 16 Apr 2023 15:49:03 +0000

Рускиот тенисер Андреј Рубљов го освои трофејот во Монте Карло, откако беше подобар со 2-1 во сетови, односно 5-7, 6-2 и 7-5 од Холгер Руне. Норвежанецот направи брејк во шестиот гем за водство од 4-2, по што Рубљов во следниот гем врати со иста мера и потоа израмни на 4-4. Сепак, Руне беше подобар во 12. гем кога ја искористи првата брејк топка и го доби сетот со 7-5. Рубљов играше поагресивно во вториот сет и со дури три брејка стигна до 6-2 со што израмни на 1-1 во сетови, по што победникот мораше да се решава во трет сет. Руне имаше подобар почеток и со брејк стигна до водство од 3-0, но како минуваше времето, така Русинот се будеше и најпрво израмни на 4-4, по што со уште еден брејк направи пресврт за триумф од 7-5.

Данил Медведев слави титула во Дубаи

Бошко Тасиќ — Sun, 05 Mar 2023 07:07:03 +0000

Рускиот тенисер Данил Медведев е победник на АТП тенискиот турнир во Дубаи, откако во финалето за само еден час и осум минути го совлада бранителот на титулата Андреј Рубљев со убедливи 6-2, 6-2 . Со триумфот во Дубаи, Медведев ја продолжи победничката серија. Ова за него е трет освоен турнир за три недели, откако го подигна победничкиот пехар и во Ротердам и во Доха, а во изминатите три недели оствари 14 победи. За Медведев ова беше 18-та титула во сингл во кариерата.

Рубљов: Британците нема да не сакаат нас Русите на Вимблдон

Бошко Тасиќ — Mon, 19 Dec 2022 05:52:16 +0000

Забраната за учество на руските и белоруските тенисери на овогодинешниот Вимблдон е веројатно една од најлошите спортски одлуки во 2022 година. Андреј Рубљов стравува дека следната година би можело да се повтори ова сценарио и дека Британците повторно ќе забранат учество на Русите и Белорусите доколку војната во Украина продолжи. „Неодамна имавме состанок со помош на АТП. Бевме многу отворени, нудевме многу опции, многу начини да помогнеме. Сакаме да се вратиме и да играме. Но, тие не се заинтересирани. Британската влада со оваа одлука покажа дека политиката и е поважна од мирот. Тие едноставно не сакаат да помогнат. За нив сето тоа е само политика“, изјави Рубљов.

Каспер Руд ќе го предизвика Ѓоковиќ за титулата во Торино

Бошко Тасиќ — Sun, 20 Nov 2022 07:37:24 +0000

Каспер Руд со 6:4 и 6:2 го совлада Русинот Андреј Рубљов и в недела од 19.00 часот за титулата ќе игра против српскиот ас Новак Ѓоковиќ. Норвежанецот во финишот од сезоната ја потврди фантастичната форма уште во групата. Првиот сет беше решен со брејкови за 3:2 и 5:2, а немаше многу неизвесност ни во вториот. Руд двапати му го одзема сервисот на ривалот, поведе со 4:0, па 5:1, а Рубљов освои три врзани гемови и го натера противникот барем малку да се помачи до триумфот.Турнирот во Торино годдинава се игра за награден фонд од 14.750.000 долари

АТП финале: Рубљов последен полуфиналист

Ивана Ефремовски — Sat, 19 Nov 2022 10:03:02 +0000

Рускиот тенисер Андреј Рубљов е последен полуфиналист на завршниот АТП турнир во Торино, откако го решавачкиот дуел во Црвената група го совлада Гркот Стефанос Циципас со 3-6, 6-3, 6-2. Рубљов во полуфиналето ќе се соочи со победникот од Зелената група, Норвежанецот Каспер Рид, додека второто полуфинале ќе биде српско – американско меѓу Новак Ѓоковиќ и Тејлор Фриц. Ѓоковиќ го заврши групниот дел од завршниот турнир на осумте најдобри тенисери со три победи. Во својот трет настап Ѓоковиќ по три часа и 11 минути игра го совлада Русинот Данил Медведев (6-3, 6-7, 7-6) и непоразен е во игра за наградата од речиси 4.5 милиони евра. (МИА)

Ѓоковиќ со сигурен настап до рутинска победа над Рубљов

Бошко Тасиќ — Wed, 16 Nov 2022 20:00:36 +0000

Новак Ѓоковиќ ја оствари и втората победа на завршниот АТП турнир во Торино и си обезбеди место во полуфиналето. По триумфот над Стефанос Циципас, српскиот тенисер денеска беше уште поубедлив во дуелот со Андреј Рубљов, кој го затвори за 69 минути. Ѓоковиќ доби поголем отпор во првиот сет кој го доби со 6:4, за во вториот да го откаже противникот со многу убедливи 6:1 за конечна победа без загубен сет. Во истата рунда, вечерва ќе се сретнат Циципас и Данил Медведев.