Андреј Стојаноски – Kurir.mk

Андреј Стојаноски со нов личен рекорд на СП – Останал без шанса за медал заради организациски пропусти?

Ивона Петрова — Mon, 21 Aug 2023 16:43:02 +0000

Македонскиот пливач, Андреј Стојаноски постави нов личен рекорд и освои шесто место на Светското првенство во пливање за глуви во Буенос Аирес, Аргентина. Стојаноски, во трката на 200 метри градно во квалификации испливал трето најдобро време. Но, вели неоправдано не му било дозволено да се натпреварува во финалето. -Пливав во две финалиња 50градно -пласман 6 место со личен рекорд и 400 мешано - пласман 6 место. Во трката 200м градно во квалификации испливав трето време. За жал во финале НЕОПРАВДАНО не ми дозволија настап, со образложение дека сум задоцнил во собата за пријавување (каде беа волонтерите). Бев кандидат за медал, можеби затоа организаторот беше ригорозен во одлуката, а пропусти во организација и судење безброј, објави Стојаноски на Фејсбук.

Македонски спортист „го прекрши Договорот од Преспа“ (ФОТО)

Катерина Бојаџиева — Mon, 02 Sep 2019 17:37:44 +0000

Натпис „Македонија“ до македонски спортист не останува незабележан од Грците ни кога станува збор за Светско првенство во пливање за глуви, а виновник за неспокојот на југ од „Северна“ е Андреј Стојаноски, пишува expres.mk. Фотографијата од единствениот претставник на Македонија на петтиот мундијал, кој се одржа од 25 до 31 август во бразилскиот град Сао Паоло, предизвика реакција од Магдалени Игнатиаду на Твитер. Светско првенство во пливање во Бразил. Честитки за Вашата изведба господине, но го прекршивте Договорот од Преспа…. Откажете го, тие немаат намера да се придржуваат до договореното ни сега, а камоли по години. #Македонија е грчка“, твитна загрижената Гркинка од Воден, иако и на официјалната вебстраница на шампионатот Македонија си е Македонија, без додавката „Северна“. Стојаноски достојно ја презентира Македонија, освојувајќи го петтото место на 200 метри мешано, седмото на 400 м мешано, осмото на 200 м слободно, деветтото на 1.500 м слободно и десеттото на 800 м слободно.

„Андреј ти си наш шампион и сите останати како тебе ќе ги подржуваме секогаш, наша должност е да ја подржиме борбата за подобро“

Катерина Бојаџиева — Wed, 17 Apr 2019 12:27:52 +0000

Андреј Стојаноски младиот Македонец кој плива веќе 15 години, но не го слуша звукот на водата. Младиот Македонец, 22 годишниот Андреј Стојаноски кој ни е пример, репер, за борба за подобро утро на секој еден од нас. Овој наш херој кој соборува светски рекорди, има 3 спортски оскари, над 250 медали и награди и беше вицешампион на Светското првенство во пливање за лица со оштетен слух во 2015 година. Андреј ти си јунак, мотивација и доказ за тоа дека треба да се бориме за подобро утро за секој од нас. Андреј ти си наш шампион, и сите останати шампиони како тебе ќе ги поддржуваме секогаш, затоа што наша должност е да ја подржиме борбата за подобро. Андреј остани наша гордост, сите вие сте наша гордост!, напиша генералниот секретар на ВМРО-ДПМНЕ Игор Јанушев на Фејсбук.