андреј жерновски – Kurir.mk

Извини шефе, не мора да платиш казна: Мерцедесчето на Жерновски, непрописно паркирано, дигнато од пајак, следи ургенција, па спуштен

Дарко Андоновски — Tue, 24 Aug 2021 12:16:29 +0000

Актерот Роберт Велјановски на „Твитер“ постави фотографии каде може да се види дека службеното возило на Жерновски прво го крева пајак, па го враќа назад. Разлика меѓу функционер на СДСМ и граѓанин во 4 слики! Мерцедесчето на директорот Жерновски, непрописно паркирано, дигнато од пајак, следи ургенција, па спуштен Мерцедес со: Извини шефе, не мора да платиш казна! Еве јас ќе ги гласам. Вакви инфлуенсери заслужуваат влаС!

Разлика меѓу функционер на СДСМ и граѓанин во 4 слики! Мерцедесчето на директорот Жерновски, непрописно паркирано, дигнато од пајак, следи ургенција, па спуштен Мерцедес со: Извини шефе, не мора да платиш казна! Еве јас ќе ги гласам. Вакви инфлуенсери заслужуваат влаС!#МРШ pic.twitter.com/8AqikDQgWK
— Robert Veljanovski (@r_veljanovski) August 24, 2021

Андреј Жерновски ќе биде координатор за изградба на новиот Kлинички центар во Скопје, од Владата демантираат

Ивана Ефремовски — Thu, 22 Jul 2021 13:27:41 +0000

Поранешниот градоначалник на општина Центар, Андреј Жерновски, од Владата на СДСМ ќе добие уште една функција. Имено, како што дознава КУРИР, Жерновски ќе биде координатор за изградба на новиот Kлинички центар во Скопје. Од Владата демантираат.

Јаулески: Силна е Македонија кога вакви сѐ уште трпи!

Тале Кристо — Tue, 02 Mar 2021 09:17:49 +0000

Од генијалниот ум на една амеба - Седнал, размислил и оп - Еурека, напишал статус, реагира пратеникот од редовите на ВМРО-ДПМНЕ Јован Јаулески на објавен статус на Андреј Жерновски. Силна е Македонија кога вакви сѐ уште трпи, него ајде вака да ја анализираме работата: -Трошиш милиони народни пари, правиш апликација за online настава и истата не профункционира или пак трошиш стотици илјади за да направиш апликација за регистрација на македонски државјани во дијаспора и уште првиот ден се мајтапат со апликацијата и практично ја девалвираат. Ама амеба е амеба, а ум е ум. Сосема на крај одговорност ќе има, познавав многу јаки слуги во едни минати времиња, кои мачиња станаа. Доѓаме и по вашата одговорност, пишува во својата објава Јаулески.

Јанушев: Господине Жерновски, СДСМ е единствената партија со двајца докажани криминалци – Зоран Заев и Владо Бучковски

Тале Кристо — Thu, 03 Dec 2020 17:57:34 +0000

Во вечерашното издание на дебатната емисија "24 анализа" гостуваше пратеникот од редовите на ВМРО-ДПМНЕ и коалицијата "За обнова на Македонија", Игор Јанушев кој се осврна на штетните политики на власта, како и на моменталните политички случувања во однос на договорот со Република Бугарија. Пратеникот Јанушев потенцираше дека СДСМ ја водат рекетари, крадци и луѓе со мрачно минато. Меѓу другото напомена дека во нивната партија единствено постојат двајца докажани криминалци, од кои едниот е веќе два три пати аболициран за криминал тежок над 9 милиони евра, а другиот е осуден поради бизнис со оружје. "Жерновски, Вие немате право на глас во однос на стекнување имот. Во вашата партија имате докажани криминалци кои за своите дела биле зад решетките, а потоа со Ваша помош излегувале. А за вашите милионски тендери за пет метри улица на Боемската улица во Скопје, допрва ќе треба да објасните на јавноста. Толку скапи улици не се прават ни во Њујорк", додаде Јанушев. Нивото и капацитетот на СДСМ е тој, да се краде и да се лаже. Ништо ново речиси 30 години. Но, народот овој пат најубаво имаше шанса да види како функционира државата кога на власт се крадци од типот на вас и вашите сопартијци. За тоа еден ден ќе одговарате пред законот, заврши Јанушев.

Жерновски е новиот директор на Железници, Макрадули ќе раководи со Македонски пошти

Ивана Ефремовски — Tue, 27 Oct 2020 10:46:19 +0000

Екс градоначалникот на општина Центар, и поранешен заменик министер за надворешни работи, Андреј Жерновски, ќе биде директор на ЈП за Желзничка инфраструктура, дознава ТВ21. Во моментов со претпријатието раководи Фестим Халили, кадар на ДУИ.

Се очекува следните недели Владата да го предложи на УО, а потоа Жерновски да биде избран за нов директор на МЖ инфраструктура.

Уште еден заменик министер од минатата влада ќе биде директор на ЈП. Станува збор за Јани Макрадули, кој што беше заменик министер за животна средина, и поранешен потпретседател на Собранието, кој во иднина ќе раководи со ЈП Македонски Пошти. Досегашаниот директор на ова претипријатие, Ејуп Рустеми, во иднина ќе раководи со ЈП државни патишта.

Жерновски го поби сопствениот премиер Спасовски: Ние немаме обврска да менуваме табли!

Љупчо Цветаноски — Thu, 13 Feb 2020 09:51:07 +0000

Заменикот-министер за надворешни работи, Андреј Жерновски тврди дека министерката за Труд и социјална политика, Рашела Мизрахи, немала обврска да ја менува таблата со Република Македонија.

Во емисијата „Топ Тема“ на Телма, Жерновски во дебата со Тимчо Муцунски, ја урна владината позиција дека Мизрахи е виновна, со тоа што истакна дека Мизрахи не прекршила ниту еден рок што би се однесувал на менување на таблата.

Андоновски до Жерновски: Што имате вие направено за граѓаните како човек со 25 годишно искуство во политиката во Македонија?

Катерина Бојаџиева — Thu, 28 Nov 2019 20:02:44 +0000

Добро би било затоа што сте во дипломатија, да земете Атлас и да ги поднаучите знамињата. Не знам дали сте вие или луѓето кои што ви го водат вашиот профил на социјалните мрежи, па да не ги грешите знамињата на државите, му порача Стефан Андоновски, советник за меѓународни односи од ВМРО-ДПМНЕ, на заменик министерот за надворешни работи Андреј Жерновски во вечерашната дебата во емисијата „Само вистина“ на Канал 5, откако пред само две недели Жерновски сакаше да и се заблагодари на Холандија за ратификација на протоколот за членство во НАТО, но, по грешка и се заблагодари на Јемен. Андоновски го праша Жерновски, дали може да каже што точно направил за граѓаните во својата 25 годишна кариера како политичар во Македонија, укажувајќи дека до сега граѓаните се сеќаваат само на она мало „плоштадче“ со две клупи и две канти за ѓубре од врем кога бил градоначалник на општина Центар. -Вие сте 25 години во политика. За 25 години, еден денар немате платено данок, туку државата ви плаќа вас, преку Град Скопје, преку министерство, и ме интересира што вие имате донесено за овие 25 години за Република Македонија? Дали имате донесено некоја инвестиција, дали со некој проект сте ја намалиле невработеноста, дали сте изградиле нешто?, праша Андоновски. -Вие останавме во сеќавањето на граѓаните по оние скверови, ветувани рекламирани и повеќе потрошивте на реклама од колку на самиот сквер и плоштадчето беше две клупи и две канти за ѓубре, додава тој.

Жерновски на 40. сесија на Советот за човекови права на ОН

Ивана Ефремовски — Mon, 25 Feb 2019 06:42:09 +0000

Заменик-министерот за надворешни работи, Андреј Жерновски ќе ја предводи делегацијата на Македонија, која во периодот од денеска до задутре ќе престојува во Женева, каде ќе учествува на 40-та сесија на Советот за човекови права на ОН.

Од вкупниот број земји-членки на ОН, најавено е учество на околу 90 министри за надворешни работи кои во наредните денови ќе дикустираат за состојбата со човековите права во светот.

За време на Советот за човекови права во Женева, Жерновски ќе се сретне со генералниот секретар на ОН, Антонио Гутереш. Средбата се случува по стапувањето на сила на Преспанскиот договор и само неколку дена откако Скопје и Атина го известија Гутереш за промената на уставното име на државата.

На маргините на сесијата, планирано е да се остварат низа други билатерални средби на кои ќе се разговара за внатрешно-политичките состојби во земјата, можностите за продлабочување на билатералните односи и за многу други светски предизвици.

Жерновски ќе има и обраќање пред високите претставници од ОН и земјите членки, а фокусот се очекува да биде ставен на актуелните безбедносни проблеми и нивното влијание врз човековите права, улогата на телата на ОН за подобрување на состојбите со човековите права, како и на постигнувањата и приоритетите на државата во оваа сфера.

Жерновски и Коsијас не сакаа да слушнат за ускратените права на Република Македонија

Дарко Андоновски — Thu, 27 Sep 2018 16:45:08 +0000

Заменик-министерот за надворешни работи Андреј Жерновски денеска ја напушти салата на ОН во моментот на обраќањето на претседателот на Република Македонија Ѓорге Иванов.

Интересно е што Жерновски и шефот на грчката дипломатија Коsијас ја напуштија просторијата оркестрирано, во моментот кога претседателот Иванов во своето обраќање се осврна на договорот со Грција, односно во моментот кога аргументирано говореше за прекршување на човековите права на Македонците од страна на Грците.

Жерновски и неговиот грчки колега немаа слух за состојбата на Република Македонија, на која според претседателот Иванов и е ускратено правото на самоопределување од страна на Грција.

Жерновски на 73-та сесија на Генералното собрание на ОН

Матеја Петровски — Mon, 24 Sep 2018 05:48:32 +0000

Заменик министерот за надворешни работи Андреј Жерновски од денеска ќе престојува во работна посета на Соединетите Американски Држави, каде што ќе учествува на 73-та сесија на Генералното собрание на Обединетите Нации во Њујорк. Во тек на престојот, предвидено е да учествува на билатерални средби со високи претставници на држави и влади, учесници на Генералното собрание. Утре на покана на државниот секретар на САД, Мајк Помпео, Жерновски ќе присуствува на традиционалната годишна Трансатлантска вечера. На покана на високата претставничка за надворешна и безбедносна политика на Европската унија, Федерика Могерини, заменик министерот ќе присуствува на работна вечера со претседателите на Владите на земјите од Западен Балкан, како и на работниот појадок со мнистрите за надворешни работи на земјите од Западен Балкан, организиран од страна на Регионалниот Совет за соработка. Исто така, за време на Генералната дебата на ОН, ќе присуствува и на Мировниот самит Нелсон Мандела 2018, како и на состаноците на министрите за надворешни работи организирани од страна на Централно Европската Иницијатива и на Јадранската повелба. - Фокусот на активностите на Жерновски, покрај темите од агендата на ГС, ќе биде ставен врз билатералната соработка, напредокот во реализацијата на стратешките надворешно-политички цели на РМ, со акцент на промовирање на новиот пристап во решавањето на билатералните и регионалните прашања, и во тој контекст на преземените активности, реформите на национален план, итн., информира МНР. Посебен акцент, како што истакнуваат, ќе биде ставен на афирмација на придобивките од договорот со Грција за надминување на разликата околу името, вклучително и на низата активности во рамките на ОН што би следеле по неговото стапување на сила. Воедно ќе се афирмираат започнатите активности за забрзување на реформските процеси што се основа за членството на РМ во ЕУ и НАТО. (Миа)