Андрес Иниеста – Kurir.mk

Иниеста ја продолжува кариерата во ОАЕ

Катерина Бојаџиева — Wed, 09 Aug 2023 15:57:04 +0000

Поранешниот играч за врска на шпанската фудбалска репрезентација и на Барселона, Андрес Иниеста му се приклучи на фудбалскиот клуб Емирејтс, соопшти денеска професионалната Про Лига на Обединетите Арапски Емирати (ОАЕ). „Добредојде Иниеста“, порача клубот од ОАЕ преку социјалните мрежи. Клубот со седиште во Рас Ал-Каима објави фотографија на 39-годишниот Иниеста во клупскиот дрес и најави дека деталите од договорот дополнително ќе бидат објавени на прес – конференција. Иниеста минатиот месец ги напушти редовите на јапонскиот клуб Висел Кобе во кој мина пет сезони. Легендарниот Иниеста во дресот на Барселона освои девет шпански титули, како и четири трофеи во Лигата на шампиони, а со шпанската репрезентација се закити со една светска и две европски титули.

Андрес Иниеста има нов клуб

Ристе Здравков — Wed, 09 Aug 2023 08:52:38 +0000

Андрес Иниеста има нов клуб. Како и што беше најавено, Иниеста кариерата ја продолжува во редовите на ФК Емирејтс, клуб од Обединетите Арапски Емирати. Трансферот на Иниеста го потврди клубот на социјалните мрежии. „Добредојде Иниеста“, стои во објавата на клубот на нивните официјални страници. Иниеста во ОАЕ пристигнува од јапонскиот Висел Кобе, претходно 22 години го носеше дресот на Барселона.

🔥💚

@andresiniesta8 @fabriziorom pic.twitter.com/eW3tm0KTh2
— شركة نادي الامارات لكرة القدم (@Emirates_FC) August 8, 2023

Иниеста повторно во дресот на Барселона?

Ристе Здравков — Thu, 25 May 2023 11:59:13 +0000

Познатиот шпански играч за врска Андрес Иниеста и официјално е слободен играч откако стави крај на петгодишниот ангажман во јапонскиот Висел Кобе. Триесет и деветгодишниот мајстор на фудбалот наскоро ќе објави дали и каде ќе ја продолжи кариерата, но во меѓувреме работи на проект кој ќе го доведе повторно да го облече дресот на неговата сакана Барселона. Имено, планирано е да се организира пријателски натпревар помеѓу Барселона и Кобe, кој би се одиграл во знакот на Андрес Иниеста. Тој ќе игра по едно полувреме за двете екипи. Барселона наводно без проблем се согласила на оваа идеја, додека сега го чека „зелено светло“ од Кобe.

Андрес Иниеста на 39 години ќе прави нов трансфер

Бошко Тасиќ — Sun, 07 May 2023 04:53:44 +0000

Андрес Иниеста се уште е член на јапонскиот клуб Висел Кобе и нема намера да ја заврши кариерата. Тој пред четири години се пресели од Барселона во Азија. Во пресрет на неговиот 39. роденден, Иниеста би можел да ја напушти Јапонија.Легендарниот шпански играч за врска има договор со Јапонецот до почетокот на следната година, но шест месеци порано се согласи да ја раскине соработката. Иниеста ќе се прости од Коби на 6 јуни на пријателскиот натпревар против Барселона. После тоа ќе бара нов клуб, а како опција му се нуди МЛС лигата, но и некои клубови од Блискиот Исток. Иниеста за „црвената фурија“ настапуваше од 2006 до 2018 година и освои две европски првенства и едно светско првенство.

Иниеста: Убаво би било јас и Чави да ја предводиме Барселона, но тоа е комплицирано

Тале Кристо — Thu, 29 Dec 2022 15:11:14 +0000

Поранешниот шпански фудбалски репрезентативец Андрес Иниеста потврди дека постојат мали шанси да му се приклучи на Чави Ернандез во стручниот штаб на Барселона, објави весникот „Марка“. Иниеста и Чави беа клупски колеги во Барселона. Чави сега е тренер на каталонскиот клуб, а Иниеста настапува за јапонски Висел Кобе. – Мислам дека тоа е многу тешко. Луѓето замислуваат многу работи, бидејќи со години нè гледаа како играме заедно. Би било навистина убаво и добро, но такво нешто е многу сложено. Тој е тренер, а јас сум сè уште активен фудбалер. Тоа е тешко да се спои. Важно е Чави да ја врши својата работа и да ја врати Барселона таму каде заслужува да биде“, рече Иниеста, кој за време на Светското првенство во Катар го посети тренинг кампот на Барселона. „Уверен сум дека Барселона оваа сезона може да ја освои титулата. Испаднаа од Лигата на шампиони и тоа беше тежок удар за сите, но останаа во сите други натпреварувања. Во Ла Лига стојат добро, преостануваат уште многу натпревари, но уверен сум дека ќе ја освојат титулата“, додаде Иниеста.

„Постои шанса Меси да се врати во Барселона“

Ивана Ефремовски — Sun, 30 Oct 2022 18:18:54 +0000

Фудбалерот на јапонски Кобе и поранешен член на Барселона, Андрес Иниеста, изјави во разговор за аргентинската телевизија TyC дека Лионел Меси би можел да се врати во редовите на каталонскиот гигант. Иниеста и Меси беа 14 години клупски колеги во Барселона. Шпанецот во 2018 година замина во Јапонија, додека Аргентинецот во 2021. Прејде во француски ПСЖ. -Поранешниот Меси и денешниот Меси се поинакви од сите други. Тој е број еден, изјави Иниеста. -Враќањето во Барселона не е лесно, но Лео може да се врати, постои можност за такво нешто, додаде поранешниот шпански репреентативец. (МИА)

Иниеста би сакал да се врати во Барселона како спортски директор или тренер

Магдалена Андонова — Wed, 26 Oct 2022 13:07:07 +0000

Поранешниот играч на Барселона, Андрес Иниеста изјави дека би сакал да се врати во каталонскиот клуб како спортски директор или тренер. Во моментов 38-годишниот играч од средниот ред настапува за јапонскиот клуб Висел Кобе. – Мојата фаза како играч на Барселона е веќе завршена. Ќе биде невозможно да се натпреварувам со играчите таму, тие се млади и физички силни. Сакам да се вратам во Барселона како тренер или спортски директор, но прво треба да учам во различни области, а потоа ќе видиме, изјави Иниеста за „Барса Универзал“. Иниеста играше за Барселона од 2002 до 2018 година. Како дел од тимот го освои шпанското првенство девет пати, Купот на Шпанија шест пати и Лигата на шампионите четири пати. Во мај 2018 година, Иниеста беше официјално претставен како играч на јапонскиот клуб Висел Кобе. Договорот е потпишан на три години во вредност од 90 милиони евра. Во 2021 година, играчот го продолжи договорот со клубот за уште две сезони. (МИА)

Иниеста излезе со став: Дали Барса може да го добие Реал во Ел Класико, а подоцна и титулата

Ристе Здравков — Tue, 19 Oct 2021 12:50:17 +0000

Легендата на Барселона, Андрес Иниеста, го даде својот став околу шансите на Барса за титулата во Примера оваа сезона. Иако многумина ги отпишаа, сепак Барселона се уште има шанси за титулата, бидејки сезоната е во рана фаза и се е можно. „Како поранешен играч на Барселона, тешко е да се анализира ситуацијата бидејки има многу различни приказни надвор од клубот, додека бев дел од клубот, сега ќе можев пореално да се процени“. „Барселона е секогаш оптимист, посебно сега пред Ел Класико. Со нетрпение го очекуваат натпреварот, нивниот тим одигра добро и победи последното коло. Барселона го има тимот кој може да го добие Ел Класико, па и Примера сезонава, се надевам дека ќе ги освојат бодовите против Реал“, истакна Иниеста. Дербито се игра во недела на 24 октомври, на „Камп ноу“ од 16:15 часот.

Иниеста го продолжи договорот со Висел Коби до 2023 година

Ивона Петрова — Tue, 11 May 2021 10:54:11 +0000

Играчот за врска на Висел Коби, Андрес Иниеста го продолжи договорот со клубот, соопшти прес-службата на тимот. Новиот договор на 37-годишниот играч со јапонскиот клуб се пресметува до летото 2023 година. Минатата сезона Висел Коби заврши на 14. место во поредокот. Шпанецот постигна четири гола и шест асистенции. Иниеста игра за Висел Коби од 2018 година, каде се пресели од Барселона.

Иниеста: Оваа пауза ми дава сила да се обидам и да ја продолжам кариерата

Ивона Петрова — Fri, 17 Apr 2020 10:33:27 +0000

Легендата на Барселона, Андрес Иниеста даде опсежно интервју за „Марка“, каде разговараше за голем број теми, вклучувајќи ги и неговите први чекори во клубот и крајот на неговата кариера. Договорот на 35-годишниот со јапонски Висел Кобе истекува следната година. – На почетокот имав секакви тешкотии во Барселона. Од една страна, кога морав да се преселам во градот, јас лично страдав затоа што морав да се разделам со семејството на 12-годишна возраст. Ми беше тешко да го поднесам тоа. Од друга страна, кога дојдов до првата постава, имав потешкотии да се изборам за моето место и бев постојан во конкуренцијата што беше таму, но секогаш верував во себе и го постигнав тоа што го сакав, вели Иниеста. Во однос на продолжувањето на договорот со јапонскиот тим, тој вели дека прво сака да се врати во игра, за да можат сите да се забавуваат повторно, а потоа ќе размисли за тоа. – Оваа пауза ми дава одредена сила да се обидам да ја продолжам професионалната кариера. Сепак, сите наши мисли се насочени кон надминување на оваа комплексна ситуација што светот ја доживува. Фудбалот е ставен во втор план, но јас се обидувам да останам физички силен заради моментот кога ќе ги продолжиме натпреварите, иако не знаеме точно кога ќе биде тоа, рече Иниеста.