андриј шевченко – Kurir.mk

Шевченко стана надворешен советник на Зеленски

Катерина Бојаџиева — Wed, 27 Sep 2023 09:53:15 +0000

Поранешната украинска фудбалска ѕвезда Андриј Шевченко стана надворешен советник на украинскиот претседател Володимир Зеленски, јавуваат украинските медиуми. Претседателот Зеленски на 26 септември го објави указот за назначување на Шевченко за надворешен советник, но од претседателскиот декрет не може да се разбере какви ќе бидат должностите на Шевченко. Шевченко се стекна со големо меѓународно признание како играч на италијанскиот Милан и англискиот Челзи. Со Милан ја освои Лигата на шампионите во 2003 година, а една година подоцна ја освои и Златната топка, најпрестижната фудбалска награда. Поранешниот фудбалер играше 111 пати за националниот тим и постигна 48 гола, а пред заминувањето во странство го претставуваше Динамо Киев. По играчката кариера која ја заврши во јули 2012 година, Шевченко напрво седеше на клупата на домашните тимови како помошник тренер, а во јули 2016 година стана селектор на украинската репрезентација и ја одведе репрезентацијата до четврт-финалето на Европското првенство во 2021 година, што е негово најдобро достигнување досега. Во сезоната 2021/22. ја предводеше италијанската Џенова. Се смета за еден од најдобрите украински фудбалери на сите времиња. Украинскиот претседател Зеленски минатата година го назначи сега 46-годишниот Шевченко за амбасадор на Фондацијата за обнова и развој на Украина.

Шевченко му се заблагодари на Милан за поддршката за Украина

Ристе Здравков — Fri, 21 Oct 2022 07:26:48 +0000

Украинската фудбалска легенда, Андриј Шевченко му се заблагодари на својот поранешен клуб Милан за „неверојатната“ поддршка која ја даваат на неговата земја. Популарниот Шева, кој има над 300 настапи за „росонерите“ вели дека средствата кои се собрани со помош на клубот придонеле многу за бегалците од Украина, кои веќе пристигнле во Украина. „Фондацијата на Милан заврши неверојатна работа за Украина од почетокот на војната. Со само еден телефонски разговор направивме добра програма со градоначалникот на Милано за помош на украинските бегалци“, вели Шевченко за „Си-ен-ен“. Шевченко заедно со програмата „Милан за мир“ собраа 200.000 евра со посебно дизајнираните дресови со бројот и името на легендарниот напаѓач, откако првата тура се продаде за неколку дена.

ФОТО: Шевченко му подари капитенска лента во боите на украинското знаме, Левандовски ќе ја носи во Катар

Ивона Петрова — Wed, 21 Sep 2022 08:30:25 +0000

Капитенот на полската фудбалска репрезентација Роберт Левандовски на претстојното Светско првенство во Катар на раката ќе носи капитенска лента во националните бои на Украина, која му ја подари прославениот украински фудбалер и поранешен селектор Андриј Шевченко. Левандовски и Шевченко остварија средба на Националниот стадион во Варшава каде поранешниот напаѓач на киевски Динамо, Милан и Челзи му ја предаде жолто – сината капитенска лента на голгетерот на Барселона. -Ќе ги носам украинските бои на Светското првенство во Катар. Ќе ја носам лентата од Шевченко како потсетник дека украинскиот народ не е осамен и дека со нив сме во мислите, изјави Левандовски при средбата со Шевченко.

Шевченко се расплака на телевизија: Убиваат деца и постари лица, потребна ни е вашата помош (ВИДЕО)

Ристе Здравков — Mon, 07 Mar 2022 16:15:04 +0000

Легендарниот напаѓач на Украина и на „Милан“, Андриј Шевченко, гостуваше во италијанската државна телевизија РАИ, каде што зборуваше за ситуацијата во Украина, која трпи жестока агресија од Русија. Шевченко низ солзи им кажа на Италијанците дека дел од неговото семејство е во родната земја. „Мајка ми, сестра ми и роднините се во Украина. Нивниот избор е да останат во Украина. Не можам да гледам што се случува во мојата земја без да плачам. Моите луѓе ми ја кажуваат вистината за Украина. Се бомбардираат градови, се убиваат деца и постари лица. Мораме да ја убедиме Русија да ги запре нападите и да најде дипломатско решение за крајот на војната“, изјави Шевченко, кој моментно се наоѓа во Лондон. Украинецот ја стекна славата во Италија со одличните игри во дресот на „Милан“, а сега ги повика Италијанците да ги примат бегалците што доаѓаат од Украина. „Кога дојдов во Италија, таа земја ми го отвори срцето. Се чувствував како еден од вас и затоа Италија ја сметам за втор дом. Сега, ве молам, да ги отворите вашите срца за мојот народ. Ни треба твојата помош. Нека се чувствуваат овде сега како што се чувствував јас. Многумина веќе ни покажаа многу наклонетост, но јас од вас барам повеќе“, рече Шевченко. „Украина сака да биде дел од Европа. Тоа е одлука на нас како народ. Володимир Зеленски е голем претседател и нѐ води кон независност и слобода“, заклучи Шевченко.

Шевченко апелира за поголема меѓународна помош за Украина

Дарко Андоновски — Thu, 03 Mar 2022 17:05:55 +0000

Еден од најдобрите украински фудбалери на сите времиња Андриј Шевченко повика денеска на испраќање поголема странска помош за жртвите на руската инвазија на неговата татковина. Поранешниот украински репрезентативец и селектор рече дека УЕФА и ФИФА донеле вистинска одлука со исфрлувањето на Русија од меѓународните натпреварувања, иако спортот сега е последната работа на која мисли во овој момент. – Имаме бегалци, потребна ни е хуманитарна помош. Потребна ни е медицинска помош, помош во храна …, порача Шевченко. – Фудбалот веќе не постои за мене. Не размислувам за него. Не е време за тоа … Од моментот кога се будам фокусиран сум само на тоа како можам да и помогнам на својата земја и што можам да направам, додаде легендарниот украински фудбалер и тренер.

Шевченко преговара со полската репрезентација

Тале Кристо — Sun, 16 Jan 2022 09:49:13 +0000

Полската фудбалска федерација го обнови интересот за Андриј Шевченко, кој вчера доби отказ од тренерското место во Џенова. Полјаците веќе почнале преговори со 45-годишниот Украинец, објави новинарот Николо Шира. Репрезентацијата на Полска остана без селектор на крајот на декември, кога Пауло Соуза реши да застане на чело на Фламенго. На 24 март Полска ќе имаат полуфинален плејоф натпревар со селекцијата на Русија за настап на Светското првенство во 2022 година.

Шевченко: Ако Џенова остане во Серија А, тоа ќе биде како освојување на ЛШ

Ивона Петрова — Mon, 22 Nov 2021 08:43:25 +0000

Тренерот на Џенова, Андриј Шевченко, по поразот од Рома (0:2) во 13. коло, рече дека опстанок во Серија А за неговиот тим би бил голем успех рамен на освојување на Лигата на шампионите. – Имаме многу повредени фудбалери. Против Рома покажавме карактер, добро се движевме, но немавме доволно сили за нешто повеќе. Бев пријатно изненаден од тоа како навивачите ме поздравија, дојдоа и му дадоа поддршка на тимот, дури и на крајот од натпреварот. Тимот вложи многу труд, момците навистина дадоа сè од себе. На навивачите им се допаѓаат овие работи овде. Нè очекуваат многу тешки натпревари, ова го знаеме сите. Ако останеме во Серија А, тоа ќе биде како да ја освоивме Лигата на шампионите, истакна Шевченко. Украинецот во своето деби на тренерското место во Џенова, капитенската лента му ја додели на Горан Пандев кој одигра еден час против Рома.

Официјално: Легендарниот Шевченко ќе му биде тренер на Пандев

Ивана Ефремовски — Sun, 07 Nov 2021 14:50:24 +0000

Легендарниот украински ас, Андриј Шевченко и официјално е назначен на нов тренер на италијанскиот прволигаш Џенова. Калчолигашот одлучи да ја прекине соработката со Давиде Балардини поради лошите резултати и само едната оставрена победа на единаесетте мечеви во досегашниот дел од шампионатот, а за негов наследник го именуваше Шевченко, има кое е многу познато во фудбалските кругови. Андреј по импресивната играчка кариера во која играше за Динамо Киев, Милан и Челси одлично ја водеше селекцијата на Украина за да сега се впушти во прв клупски предизвик. Тој потпиша договор до 30 јуни 2024 година, а дебито ќе го има против Рома на Жозе Мурињо на 21 ноември.

Шевченко ќе му биде тренер на Пандев во Џенова

Ивана Ефремовски — Sat, 06 Nov 2021 09:01:15 +0000

Поранешниот селектор на украинската фудбалска репрезентација Андриј Шевченко ќе потпише договор со Џенова до 2023 година со опција за продолжување на уште една сезона, соопшти новинарот Николо Шира. Тренерот ќе заработува 1,8 милиони евра годишно во Џенова, плус бонуси. Во стручниот штаб на Шевченко ќе бидат Андреа Мулдера и Мауро Тасоти, кои соработуваа со него во репрезентацијата на Украина. Четириесет и петгодишниот Шевченко ја водеше украинската репрезентација од 2016 до 2021 година. Џенова за која настапува Македонецот Горан Пандев, по 12 натпревари во Серија А има само една победа, шест нерешени средби и пет порази и се наоѓа на 17. место на табелата. (МИА)

Андриј Шевченко не е повеќе селектор на Украина

Бошко Тасиќ — Sun, 01 Aug 2021 15:40:29 +0000

Андриј Шевченко ја напушта функцијата селектор на фудбалската репрезентација на Украина. Шевченко кој ги одведе Украинците до четвртфинале на ЕВРО 2020, што е нивен најголем успех, пет години беше селектор на својата земја, и откако му истече договорот, реши да се збогува со националниот тим. „Денеска ми истече договорот со украинската фудбалска федерација. Минав пет години со А тимот, работев напорно за да докажеме дека можеме да играме модерен фудбал. Благодарен сум на челниците на федерацијата за можноста да работам со репрезентацијата, им благодарам и на сите играчи, благодарност и до сите фанови за поддршката и критиките. Со верба во Украина“ – напиша Шевченко.