Андриј Шевленко – Kurir.mk

Милан со посебен дрес на Шевченко ќе собираат пари за Украина

Бошко Тасиќ — Thu, 10 Mar 2022 21:08:50 +0000

Италијанскиот фудбалски гигант Милан објави неколку иницијативи за собирање на пари за помош на бегалците од Украина, вклучувајќи посебен дрес дизајниран во соработка со легендата на клубот, Андриј Шевченко. Легендата на украинскиот фудбал Шевченко неодамна објави порака за мир пред полуфиналето од Копа Италија со Интер, а сега „росонерите“ во соработка со Црвениот крст ќе организираат аукција за собирање на средства. Клучниот дел од иницијативата е новиот дрес наречен „Специјална едиција – Манчестер 2003 за Украина“, со дресот со број 7 на Шевченко кој го носеше кога го постигна одлучувачкиот пенал против Јувентус во финалето на ЛШ на „Олд Трафорд“ во 2003 година. На дресот ќе ги има и боите на украинското знаме со порака „АЦ Милан за мир“.

Шевченко: Горд сум на мојата Украина

Бошко Тасиќ — Thu, 24 Feb 2022 08:09:37 +0000

По последните случувања во Украина се огласи и легендарниот фудбалер на оваа земја Андриј Шевченко. „Украина е мојата татковина! Отсекогаш сум бил горд на Украина и моите Украинци. Поминавме низ тешки времиња, но во последните 30 години формиравме држава на искрени и вредни луѓе. Денес е тешко време за сите нас, но треба да се обединиме и уште еднаш да покажеме сила“, истакна емотивно Шевченко.

Една слика, милион зборови – Пандев и Шевченко заедно на првиот тренинг на Џенова

Бошко Тасиќ — Fri, 19 Nov 2021 19:53:58 +0000

Новиот тренер на фудбалскиот клуб Џенова Андриј Шевченко, беше сликан до македонската фудбалска легенда Горан Пандев. Украинецот остави длабока трага во Милан со своите 127 голови, додека Пандев две децении игра во италијанската лига. „Една фотографија, две освоени Лига на шампиони“ – порачаа од Џенова. Новиот тренер триумфираше во ЛШ со Милан во 2003 година, додека најискусниот поединец во составот на Џенова, Пандев, освои европски трофеј со Интер во 2010 година.