андријана будимир – Kurir.mk

ВМРО-ДПМНЕ: Да ги потсетиме Герасимовски и Будимир дека 8 години Центар е во нивен мандат и е рекордер во издадени дозволи за градење

Магдалена Андонова — Sun, 03 Oct 2021 11:52:43 +0000

Горан Герасимовски и Андријана Будимир изгледа имаат склероза кога се расфрлаат како од ракав со ветувањата пред жителите на Центар. Будимир треба да знае дека новата сала на Работнички нејзината партија ја ветува веќе 3 мандат. Жерновски ја вети уште во 2013-та година па дури и беше избран идеен проект за тоа како би изгледала салата. Богдановиќ исто така ја вети во 2017-та година со разлика дека ќе изгради нова сала со подземен паркинг, за сега Будимир во 2021 година ја ветува пак истата сала, стои во соопштението на ВМРО-ДПМНЕ. Од партијата велат дека од друга страна пак Герасимовски ветува дека ќе се борел против претераното градење во Центар а неговата партија е на власт во Центар од 2013-та година. - Сакаме да го потсетиме Герасимовски дека за целокупниот мандат од 8 години Центар од сите општини на ниво на Република Македонија е рекордер со издадени 489 дозволи за градење од кои 310 само во мандатот на Жерновски додека останатите 179 дозволи во мандат на Богдановиќ и тоа при донесен мораториум. Дополнително предизборно општина Центар исштанца дополнителни дозволи за 200 станови, посочуваат од ВМРО-ДПМНЕ. Тие велат дека сите овие ветувања се само врв на лагите на СДСМ и граѓаните тоа го гледаат и знаат да го препознаат. Затоа центарци се мудри и паметни и на 17-ти Октомври ќе ја донесат вистинската одлука.

Тоше со неа сакаше да се венча, но Лилјана Петровиќ никогаш не го дозволи тоа- двете завршија на суд, а еве како денес изгледа Будимир (ФОТО)

Дарко Андоновски — Wed, 16 Oct 2019 16:52:36 +0000

Иако приватниот живот на Тоше Проески беше таен, сепак не поминуваше незабележано. И покрај тоа што го поврзуваа со многу девојки, неговите пријатели тврдат дека имал само една голема љубов, ракометарката Андријана Будимир, со која беше во долгогодишна врска со прекини. Тие ја започнаа врската во 2001 година, а по три години прекинаа. Повторно се зближија во 2007 година, кога почнаа да живеат заедно, до неговата трагична смрт на 16ти октомври. Тоше често ми носеше бели рози, моето омилено цвеќе, а јас му ги носев на неговиот гроб, додека не ми забрани лекарот да одам. Секој пат кога ќе отидев во Крушево завршував во болница- раскажуваше пред неколку години Будимир која по трагичната судбина на Тоше не сакала долго да се откаже од носењето црно, видно ослабна и се повлече од јавниот живот. Според нивни блиски пријатели Тоше сакал да ја побара за жена, но во тоа се вмешала неговата менаџерка Лилјана Петровиќ, советувајќи го дека ќе е лошо за неговата кариера. Будимир откри дека Лилјана кон нејзе се однесувала крајно непријатно и била многу посесивна кон Проески. Таа особено го памети моментот кога се појавила на промоцијата на негов албум, на што менаџерката бурно реагирала. – Никогаш не ги сфатив нејзините посесивни реакции. На промоцијата од албумот кога се појавив реагираше дека сè сум упропастила со своето доаѓање. А еднаш кога му се јавив таа одговори на неговиот телефон и ми рече дека не смееме повеќе да сме заедно. Му реков дека ако тој сака ќе се повлечам и ќе ја прекинеме врската. Но Тоше не можеше да се реши. Само ми рече дка станала неподнослива – се сеќава Андријана и додава дека откако по смртта на Тоше слушнала за тврдењата на Лилјана дека никогаш не биле во врска, решила да ја тужи само за да ја докаже вистината. Таа жена ми го уништи животот. Ја тужев за да докажам дека лаже, а не за да добијам пари. Андријана го доби судскиот спор откако приложи над 200 смс пораки кои ги размениле со Тоше. По долги години тага, нејзе повторно ѝ се насмевна среќата. Денес е среќно омажена со угостителот Јохан, со кого го имаат четиригодишниот син Максим. Додека професионално по обидот со козметички салон, таа му се врати на спорот и денес успешно води школа за млади ракометари во Скопје, а пред неколку месеци стана и првата жена тренер на машката репрезентација на Македонија.

Најголемиот роденденски сон никогаш не му се оствари: Беше негова најголема љубов, денес Будимир е мажена, има син и вака изгледа

Дарко Андоновски — Thu, 24 Jan 2019 18:37:04 +0000

Крушево утре ќе го одбележи 38. роденден на Тоше Проески, на својот сограѓанин, на македонската и балканска музичка ѕвезда, на човекот со огромно срце за помош на секого. Во чест и спомен на Тоше, оганизирани се повеќе манифестации. Пред сѐ, посета и почит пред неговото вечно почивалиште на Гумење. Фановите од земјава и странство веќе пристигнаа во Крушево. Од пред два дена пристигнаа неговите поддржувачи од Словенија, Србија, од Бугарија. Тие се во Крушево, да му оддадат почит на Тоше, да потсетат на него, пеејќи ги неговите песни. Тоше замина без да му се исполнат неговите најголеми желби според многумина тоа се, да стане светска ѕвезда и да оствари семејство. Поранешната ракометарка Андријана Будимир беше негова најголема љубов. Андријана Будимир денеска е среќно мажена и има едно дете, синот Максим. Пет години по трагичната смрт на пејачот Андријана Будимир се омажи со момчето Јохан со кое претходно беше во врска една година. Нејзиниот сопруг веќе има две деца и е разведен, а по раѓањето на нејзиното прво дете изјави дека Максим ќе биде иден ракометар. Будимир има и свое училиште за деца ракометари во Македонија кое одлично го води.

Беше најголема љубов на Тоше: Денес е мажена и има син, еве како изгледа Андријана Будимир (ФОТО)

Дарко Андоновски — Wed, 17 Oct 2018 20:32:17 +0000

Поранешната ракометарка Андријана Будимир беше негова најголема љубов. Андријана Будимир денеска е среќно мажена и има едно дете, синот Максим. Пет години по трагичната смрт на пејачот Андријана Будимир се омажи со момчето Јохан со кое претходно беше во врска една година. Нејзиниот сопруг веќе има две деца и е разведен, а по раѓањето на нејзиното прво дете изјави дека Максим ќе биде иден ракометар.