андријана јаневска – Kurir.mk

МОЌНО: Македонската публика се расплака од емоции на ОВОЈ НАСТАП на „Златна бубамара“ – Игор и Андријана маестрални (ВИДЕО)

Ивана Ефремовски — Mon, 27 Mar 2023 06:32:22 +0000

Синоќа се емитуваше овогодинешното издание на Златна бубамара на популарноста. Низа награди, многу настапи, шеги, смеа... Еден настап ја расплака македонската публика. Бура од емоции предизвика пеењето на Андријана Јаневска и рецитирањето на Игор Џамбазов. Еден од најдобрите македонски вокали ја запеа „Ми заплакало селото Ваташа“, а актерот и шоумен ја рецитираше „Цветови“ од Славко Јаневски. В Тиквешко негде, в некое село, кај в слана тивко венеше цвете, – убија дете. Нивниот моќен настап погледнете го во продолжение, во видеото после седмата минута. ЌЕ УЖИВАТЕ!

ДОСЕГА НЕВИДЕНА ФОТОГРАФИЈА: Андријана на ушка кај Тоше Проески, Каролина распеана до нив- прекрасни спомени

Катерина Бојаџиева — Wed, 17 Mar 2021 20:43:33 +0000

Каролина Гочева, Тоше Проески и јас, 2000 година во Сиднеј, Австралија. Насмеани и распеани одиме да гледаме кошаркарски натпревар на Олимпијадата. Прекрасни спомени од едно време кога другарството беше најважно, кога зборот суета беше туѓ и кога музиката нè обединуваше. Ова го напиша Андријана Јаневска, познатата македонска пејачка, виолинистка и музички педагог, споделувајќи ја досега невидената фотографија од нејзината приватна архива, која како што напиша на Фејсбук, ја објавила со дозвола на Каролина и семејството на Тоше.

Јаневска: Да беше Лепенец река во Германија немаше околу да има ѓубре

Ивона Петрова — Mon, 08 Feb 2021 07:11:11 +0000

Македонската пејачка Андријана Јаневска на социјалните мрежи објави фотографии од околината на реката Лепенец која е полна со ѓубре. -На првата фотографија е Лепенец, прекрасна река на 10 минути пешачење од мојот дом. На останатите фотографии е околината на Лепенец. Да беше Лепенец река во Германија, немаше околу да има ѓубре, туку претпоставувам патека за пешачење, клупи и плажа на островот. Поентата е дека не мора да биде во Германија за да биде чисто! Може и кај нас! Сè што е потребно е свест за чиста и здрава околина и љубов кон природата, пишува Јаневска.

Андријана Јаневска и Стефче Стојковски против уривањето на „Универзална сала“

Тале Кристо — Fri, 31 Jul 2020 08:55:23 +0000

По веста која ја налути и разбранува јавноста дека „Универзална сала“ можеби ќе се руши и на нејзинио место ќе никне некаков парк со летна сцена, нешто во чија позадина како кукавичко јајце во туѓо гнездо, лежет лични бизнис интерси, цунамитѕо од реакции не престанува. од обични граѓани, до некогашни вработени и соработници во „Јавна установа Центар за организирање приредби Универзална сала“, како што гласи полниот назив на оваа институција, која не е само обичен концертен објект, туку од првиот ден на своето постоење се јавувала како организатор на бројни настапи, концерти, фестивали, манифестации, претстави… Со еден збор креативно – културен храм, институција и самата по себе и културно светилиште по култот која го изградила за себе, пишува естрадниот портал Вистина. Токму затоа најгласни се и оние кои биле дел во градењето на тој културен култ, а меѓу нив секако и дел од македонските музички, естрадни и фолклорни… уметници. Андријана Јаневска, познатата македонска пејачка, виолинистка и музички педагог е една од оние која токму својата кариера, своето уметничко деби го имала во „Универзална сала“. Непосредно пред своето заминување за Преспа, во делот на Република Албанија, каде токму за претстојниот празник – Илинден на плоштадот во овој град со свој концерт годинава ќе го отвори “Македонско културно лето” во Албанија, Андријана Јаневска во кусата изјава за Вистина.ком.мк порача: „Мојот прв настап беше во Универзалната сала. Таму ја започнав кариерата, дебитирајќи на Скопскиот фестивал. По природа сум тип на човек кој сака да гради, а не да руши и сигурна сум дека може да се најде решение оваа сала повторно да функционира, оттука, каде што е од истата локација“ – изјави Јаневска. Познатиот македонски фолклорист, народен уметник и мултиинструменталист кој свири повеќе народни инструменти – Стефче Стојковски кој многупати настапувал во „Универзлна сала“ дури и со некои од најголемите имиња и легенди на македонскиот изворен фолклор, исто така жестоко се спротиставува на уривањето на салата, тврдејќи дека градењето е доблест а уривањето особено на еден ваков култен културен објект е знак на творечка и духовна немоќ: „Мојот личен став во врска со најавите за рушење на Универзална сала е дека доколку таа се сруши , ќе се сруши еден солидарен подарок, донација од 30-етина држави како хуманитарна помош за овој културен објект јој изграден после земјотресот. Ќе се срушат спомените од моето детство, спомените од моите настапи со познатите македонски музички легенди, Васка Илиева, Вања Лазарова, Александар Сариевски и многу други… Доблест, големина, белег на една нација е да се сочува, надгради или возобнови веќе изграденото, или да се изгради ново поубаво од постоечкото. Да се руши , да се урива, да се уништува, разурнува, по мене е знак на дестимулација , слабост, очај, безидејност и творечка духовна немоќ“ – заклучува Стојковски во изјавата за нашиот портал.

ВИДЕО: Панчо – ДНК посака да биде Маријан Стојаноски – ДЈ Шорти се сплоти со ликот на „крушевскиот Павароти“

Ивона Петрова — Mon, 22 Jun 2020 11:22:32 +0000

Кога си малечок имаш милион желби… Особено посакуваш да бидеш некој и нешто или поточно како некого кога ќе пораснеш. И тоа останува тајна во тебе, длабоко скриена, потајно посакувана се додека еден ден кога ќе пораснеш не си ја отвориш душата и пред сите јавно не ја откриеш и признаеш, дека кога си бил малечок, си сакал да бидеш како… него! Токму тоа му се случи на Панчо од „ДНК“ . Денес познат и популарен, си приушти можност да си го оствари сонот, а неговата желба од сништата да стане реалност – да биде на местото на неговиот македонски музички идол од младоста – Маријан Стојаноски! Владимир Блажев попознат како Панчо ја искористи музичката пауза која естрадата ја стави во лер заради корона епидемијата, па се договори да се најде со дамата која му овозможи да го доживее тоа блажено чувство, да се најде на местото на нејзиниот некогашен дует партнер и сегашен колега од сериозните музички води. Колешката на Панчо му излезе од прва во пресрет, па средбата помеѓу него и Андријана Јаневска беше договорена во едно музичко студио. Се разбира, здравствените протоколи запазени, рацете измиени, маските на лице ставени, а и пропишаната социјална дистанца испочитувана. Но затоа близината на емоциите и среќата што ете, конечно Панчо можеше да биде на местото на „неговиот човек“ од младоста – пуштени на најјако! За професионалци како Андријана и Панчо од проба нема потреба, па спонтано се случи репризата на големиот макфестовски дует хит од почетокот на новиот милинеум, „Љубов ти е адреса“… Се разбира овој пат во изведба на Андријана и Панчо… на местото на Маријан Стојаноски! Изведбата маестрална, а пејачот облиен со море од емоции, блескаше од восхит што конечно, ете, дојде и тој ден, заедно со Андријана Јаневска да може во вечниот евергрин да се сплоти, на местото на „крушевскиот Павароти“! А дека копијата испаднала поверна и од оргиналот, пофалбите сами кажуваат. Особено ако ти ги дал оној, на чие место си посакувал уште од мал да застанеш! А сега кога на неговото место гордо стоиш, и самиот ти се заблагодарува – што постоиш! И после некој нека каже дека, после вака упатените комплименти од една на друга адреса, нема нешто во насловот: „Љубов ти е адреса“!

Андријана Јаневска слави две брачни годишнини: Пред една деценија со оро во „Имес“, 10 години подоцна вака (ФОТО)

Ивона Петрова — Sun, 21 Jun 2020 11:48:14 +0000

На познатата македонска пејачка Андријана Јаневска музиката и е се’ во животот. Со неа е опкружена и дома и на работа и приватно и професионално. Покрај тоа што пее, таа е и виолинистка и професорка по музика, а веќе цела деценија и сопруга на некогашниот гитарист на култната македонска група „Архангел“, Драган Гиновски-Гино, кој воедно е и еден од ретките мајстори за поправка и репарација на гитари кај нас, но и заедно со неа го имаат и своето музичко студио „Гиновски“ во скопската населба Бардовци, каде што и живеат. Иако, кога своевремено се дозна за нивната врска, можеби наизглед изгледаа како неспоиви, нивниот љубовен и животен спој трае веќе цела деценија. Успешна приказна која ја врзува љубовта, семејството и двете дечиња, синовите Димитар и Кристијан и секако- музиката! еновиве Андријана и Гино славеа годишнина од бракот! Десет години заедно, во заедница, десет години семејство… Јубилејот пејачката го обзнани на социјалните мрежи, па на својот Фејсбук профил сподели фотографија од венчавката на која таа е во невестинската венчаница, а сопругот во елегантен костум и покрај неа во описот напишала: -На денешен ден, пред точно 10 лета со гитаристов се венчавме во црквата Св. Димитрија, а вечерта игравме оро во Имес! Потпис ставивме во 2009-та, па така секоја година си славиме две годишнни. Јакоооо!“ Така Андријана откри дека всушност слави две брачни годишнини. Онаа од потпишувањето на нивната „моминско-ергенска капитулација“ и официјализирање на граѓанскиот брак и онаа од заклетвата пред Бога и свадбената веселба, една година подоцна. А јубилејот? Како што дознавме, Андријана и Гино заради ситуацијата со корона епидемијата решиле 10-годишнината од бракот да ја прослават дома. Со заедничка вечера, зашто Гино ако е мајстор за гитари, тогаш е велемајстор за готвење, велат доброупатените пријатели на познатата македонска, музичка, брачна двојка! Вистина.мк

ФОТО: Новогодишна атмосфера во домот – македонската пејачка покажа како украсила за празниците

Дарко Андоновски — Thu, 12 Dec 2019 21:50:02 +0000

Македонската пејачка Андријана Јаневска често објавува фотографии на Инстаграм од приватниот живот, а сега се одлучи и да го покаже домот. Таа покажа како ја украсила својата соба пред празниците. Погледнете:

Македонската пејачка пливаше како делфин во Охрид, испрати порака до друга позната Македонка (ВИДЕО)

Ивана Ефремовски — Thu, 11 Jul 2019 17:34:21 +0000

Македонската пејачка и професорка по виолина Андријана Јаневска е на одмор во Охрид. Таа на „Фејсбук“ објави видео во кое плива во Охридското езеро во стилот „делфин“, па ѝ се заблагодари на пливачката Наташа Мешковска што ја научила да плива во овој стил. „Вежбам делфин во Охрид. Наташа Мешковска, фала што ме научи, сега ќе ти го земам лебот“, напиша Јаневска на видеото. „Лебот секогаш треба да се сподели. Браво делфинка“, возврати пливачката.

Андријана Јаневска објави фотографии од нејзиниот прекрасен двор во скопско Бардовци (ФОТО)

Предраг Кукиќ — Mon, 27 May 2019 19:58:49 +0000

Андријана Јаневска објави фотографии од својот двор на Фејсбук. Таа со сопругот и двете синчиња живее во скопско Бардовци каде имаат куќа со прекрасен парк со многу зеленило и цвеќиња.

Андријана Јаневска прозборе за смртта на својата мајка: Болката не може да ја снема, но мораш да научиш да живееш со неа

Дарко Андоновски — Sat, 16 Mar 2019 17:38:47 +0000

Андријана Јаневска во интервју за „Бекстејџ“ за прв пат во јавноста прозборе за смртта на својата мајка. Познатата пејачка рече дека искрено се надева оти времето лечи се и дека болката со текот на времето која што ја чувствува после нејзиното заминување ќе ја снема. -Велат дека времето лечи се и јас искрено се надевам дека тоа е така. Болката не може да ја снема, но мораш да научиш да живееш со неа. За мене семејството е се’ и многу ми е важно и со помош на моите деца, сопруг се обидувам да го надминам тоа, откри пејачката која после подолга пауза се враќа на музичката сцена и тоа со песна на хрватски јазик. После повеќе од 20 години сосема случајно добив покана да снимам песна на хрватски јазик, потпишав договор со продукција од таму и веќе е снимено и видеото за првиот сингл. Имаме големи планови, но не можам да откријам се“, кажа пејачката.