Агелер: Борбата против корупцијата останува приоритет, Шоле ќе покрене неколку прашања

Ристе Здравков — Mon, 09 Jan 2023 10:54:56 +0000

Амбасадорката на САД, Анџела Агелер, на прес-конференцијата со министерот за надворешни работи Бујар Османи, по повод почетокот на претседавањето на Македонија со Јадранската повелба, рече дека борбата со корупцијата останува приоритет број еден за американската дипломатија во земјава оваа година и дека за време на престојот во Македонија во среда високиот советник дерек Шоле ќе покрене неколку прашања. „Со Шоле ќе се дискутираат заедничките приоритети, а борба со корупцијата ќе остане примарна за Вашингтон. Тој ќе покрене неколку прашања при посетата оваа недела. Оваа 2023 ќе биде една многу букирана година“, рече Агелер како одговор на новинарско прашање. Министерот Османи дополни дека еден од инструментите на САД, во договорена рамка со Скопје за борба против корупцијата, ќе биде и проширувањето на црната листа за санкционирање. „Стратешки дијалог со САД е рамка за заедничка соработка и во него е и делот за борба со корупцијата. Тоа е договорена платформа и секоја нивна поддршка е добредојдена. На нив е да решат на каков начин ќе ја остварат таа поддршка. Досега беше финансиска или експертска поддршка,а еве сега има најава и преку листа со санкции. Тоа го сметаме како добродојдено и во интерес на Северна Македонија“, рече Османи.

анџела агеле – Kurir.mk

Агелер: Борбата против корупцијата останува приоритет, Шоле ќе покрене неколку прашања