ане лашкоска – Kurir.mk

Лашкоска: За Онкологија треба да одговараат директорите и министрите за здравство од јануари 2018 година од кога не бил во функција КАТО системот

Катерина Бојаџиева — Thu, 12 Oct 2023 17:24:55 +0000

Ревизорите укажуваат на неправилности, но прашањето е колку институциите постапуваат по извештаите, еве и конкретно за извештајот на Клиниката за онкологија, укажа пратеничката Ане Лашкоска од ВМРО-ДПМНЕ на денешната дебата на собраниската седница на Комисијата за финансирање и буџет на која се разгледуваше ревизорскиот извештај за Клиниката за онкологија. „Една работа не е јасна, ревизорите укажуваат дека се постапува по извештаите. Сепак се поставува прашањето каков е одѕивот на институциите, еве сега конкретно за Онкологија. Дали вие кои ги работите извештаите сте повикани да дадете одговори во јавното обвинителство. Ревизијата може да му помогне на обвинителот но прашање е дали воопшто има интерес за ова кај обвинителството“, кажа Лашкоска. Лашкоска укажа дека е недозволиво недоаѓањето на јавниот обвинител Љубомир Јовески. „Јовески вели дека не можел да дојде да биде на Комисијата на која го разгледуваме ревизорскиот извештај за Онкологија. Каква е таа итна работа, каква е таа работа која е поважна од човечкиот живот. На пример, тој утре не треба да се појави на работа, значи треба сите да бараме оставка од него. Редно е некој веќе да сноси одговорност“, вели Лашкоска. Според пратеничката во јавноста може да излезе вистината ако се тргне од моментот на исклучување на като системот. „Не можело тоа да се случи без знаење на директорот, министерот за здравство и истите требаше да одговараат, а требаше да има некаков епилог и до сега. Обвинителот Јовески очигледно е извршител на СДСМ и ги прикрива криминалците“, изјави Лашкоска. Лашкоска заклучи дека одговорноста за човечките животи не може да заврши само на оставка на еден човек, на еден директор на Клиниката. „Одговорност треба да понесат и министрите за здравство и не само политичка, туку и кривична одговорност. Време е да се стави крај на вакви функционери одговорни за човечките животи“, смета Лашкоска.

Лашкоска и Мисајловски на работен состанок на тема „Поврзаноста на Националната развојна стратегија со просторно планирање и регионален развој“

Дарко Андоновски — Thu, 28 Sep 2023 12:49:07 +0000

Пратеничката од редовите на ВМРО-ДПМНЕ, Ане Лашкоска преку статус на Фејсбук пишува дека денеска се одржало работен состанок на тема „Поврзаноста на Националната развојна стратегија со просторно планирање и регионален развој“. -Работен состанок на тема: Поврзаноста на Националната развојна стратегија со просторно планирање и регионален развој. Денес, заедно со претседателот на комисијата за транспорт, врски и екологија, Владо Мисајловски ,како и колегите членови на комисиите за локална самоуправа и комисијата за транспорт, врски и екологија имавме работен состанок со гости од Владата на Шкотска, Британска амбасада, УНДП, МАНУ, ОН, експерти од НРС на кој разменивме искуства во врска со прашања за регионалниот развој и просторно планирање. Се надевам дека дискусиите од овој состанок ќе дадат значаен придонес во изработката и реализацијата на Националната развојна стратегија на Р. Македонија, стои во нејзиниот пост на Фејсбук.

Лашкоска: Владата со експропријацијата ќе направи голем грабеж

Ивана Ефремовски — Tue, 23 May 2023 13:25:50 +0000

Невидено, несфатливо и неприфатливо измени на закон за експропријација да бидат со европско знаме. Не се работи за закон со европски вредности, туку тоа е процес што секоја земја го спроведува според свои правила, рече пратеничката од ВМРО-ДПМНЕ, Ане Лашкоска на денешната собраниска дебата за законите кои се однесуваат на реализација на договорот за коридорите 8 и 10д. Се прават погрешни работи, посочи Лашкоска. „Ги ставате општините на страна во овој процес, вас ќе ви требаат податоци токму од нив, и тие се клучни како ќе го спроведувате без податоци процесот за експропријација“, рече Лашкоска. Според неа сите работи Владата ги прави без никаква анализа. „Без разлика што ќе ги гласате проблемите ги има и допрва ќе ги има. Сега на непочнато се плаќаат пенали, а ќе се плаќаат дополнително“, вели Лашкоска. Лашкоска укажа дека со овој процес се планира само еден голем грабеж. „Има низа на неодговорени прашања што говори за работа без план, но со многу криминал. Од каде ќе обезбедите средства за експропријација, со Буџетот средства не се обезбедени, дали направивте пренамена на средства или дополнително ќе ја задолжувате државата, поточно граѓаните ќе ги враќаат парите“, посочи Лашкоска.

Лашкоска: Ниту укорите од ЕК не допреа до власта, таа е решена да изгласа закон кој ќе удри врз правата на работниците

Ивана Ефремовски — Wed, 17 May 2023 12:43:48 +0000

„Недела неработен ден, месеци и месеци секој ден дали од собраниската говорница, дали на медиумите каде што гостувавте, дали вие, дали претставници на Владата, главна теза без разлика на која тема се разговараше, беше недела неработен ден. Ама почитувани колеги, ни на комисиската расправа, ни на седницата, ниту еден од вас нема да спомене недела неработен ден. Исчезна недела неработен ден“, истакна Ане Лашкоска, пратеник од редовите на ВМРО-ДПМНЕ на денешната собраниска седница.

Лашкоска додаде дека Деловникот на Собранието на Република Македонија од 2008 година во член 135 предвидува дека содржината на секој предлог закон со кој се врши усогласување со правото на ЕУ треба да се содржи коресподентна табела со податоците на изворните акти на ЕУ, со полн назив, број, датум, како изјава за усогласеност. Односно треба да содржи информација со кои регулативи, директиви или конкретни препораки што се однесуваат директно на Македонија се врши хармонизација со европското законодавство.

„Укори пристигнаа и од самата Европска Комисија, т.е. од амбасадорот Гир во овие случаи, за овие закони да не се злоупотребува европското знаменце“, потсети пратеничката.

Таа посочи дека но и тоа не допре до власта, па измените на законот за работни односи веќе ја поминаа комисиската расправа на Комисијата за европски прашања.

„Владејачкото мнозинство е спремно овој закон без разлика на штетите што ќе ги направи по правата на работниците да си го изгласа и тој да стапи во сила“, рече Лашкоска.

Лашкоска: Ако бевме нормална држава причините за разрешување на замениците министри требаше да бидат неуспесите, а не партиското пазарење

Ристе Здравков — Tue, 28 Feb 2023 16:47:34 +0000

Ако бевме нормална држава причините за разрешување на замениците министри требаше да бидат разрешени поради неуспесите, а не пазарењето. Или како резултат на тоа што Ковачевски Алтернатива ја размени со Алијанса за Албанците, бидејќи со нив мислеше ќе има поголемо мнозинство, но видовме што се случи, рече пратеничката од ВМРО-ДПМНЕ, Ане Лашкоска на денешната дебата за разрешување на замениците министри. Лашкоска укажа дека и покрај низата проблеми во образованието никој ништо не спомнува за надминување на истите. „Како Зоран Заев кој беше прв човек на советот за реформа на правосудство, така и Димитар Ковачевски се назначи за прв човек на совет за унапредување на образованието тело кое се формираше по скандалот со учебниците во октомври минатата година. Овој совет остана само на хартија зошто нема никаков напредок, учениците немаат учебници, не се знае дали се проверува содржината за да не се случи скандалот како со учебникот по историја. Им дадоа насока на училиштата да се работи онлајн кога има дојава за бомби, власта ни тоа не го спомнува, а денес има пак дојави за бомби. Нема прецизни насоки како да се работи онлајн“, рече Лашкоска. Лашкоска укажа дека Ковачевски должи многу одговори, но оти сега она што треба да го направи е да замине од функцијата и да има избори.

Лашкоска до Ковачевски: Дали свесно заедно со министерката за култура продолжувате да ги уништувате традиционалните манифестации во Македонија и од каде ќе се обезбедат пари за прифатените жалби од апликантите на конкурсот?

Тале Кристо — Thu, 23 Feb 2023 18:11:46 +0000

На денешната собраниска седница за пратенички прашања, пратеничката од редовите на ВМРО-ДПМНЕ Ане Лашкоска упати две пратенички прашања. Првото упатено пратеничко прашање е до премиерот каде таа запраша од каде ќе се обезбедат пари за прифатените жалби од апликантите на конкурсот во културата? „Имено секоја година од кога СДСМ е на власт откако ќе се објават резултатите од конкурсите од годишната програма на министерството за култура истите се пропратени со голем број на негативни реакции и незадоволство од уметниците и разни организации од засегнатите страни. Свесно ли премиерот заедно со министерката за култура продолжува да ги уништувате традиционалните манифестации во Република Македонија“, рече Лашкоска. Лашкоска додаде дека тоа таа го прашува за да знае дали целта да не добијат пари долгогодишните манифестации е за да тие се уништат. „Прашувам дали целта на вашата одлука да не добијат пари долгогодишните манифестации како Вевчански карневал, Илинденски марш, карневалот Прочка во Прилеп, Блаже Миневски за романот Гоце Делчев или пак минималните средства доделени на ОФФ фест, Макфест, Страцинови средби, Танц Фест, Прилеп Џез фестивал итн е за да се уништат традиционалните манифестации во Република Македонија“, вели Лашкоска. Лашкоска второто пратеничко прашање го упати до министерот за транспорт и врски. Таа го запраша министерот за транспорт и врски Дали свесно се предизвикуваат проблеми во работењето на македонски пошти се со цел да се уништи оваа институција и понатаму да се приватизира истата? Дали намерно не се почитуваат договорите од страна на власта склучени со синдикатот и не се решаваат наталожените проблеми за кои вработените најавуваат штрајк? Дали свесно се обезвреднува пошта за да ја продадете без пари и кој е тој што треба да стане сопственик на македонска пошта односно со кого веќе Владата го води пазарот? „2000 вработени во македонска пошта излегуваат на штрајк ако за 5 дена не се стопира одлуката за 31 ново вработување, на македонска пошта не и требаат нови 31 вработен во администрацијата оти не може да ги исплати платите и на сегашните над 2000 вработени. Синдикатот на македонска пошта побара стопирање на одлуката за нови вработувања и даде рок на Владата од 5 дена за состанок на кој би почнале да се решаваат наталожените проблеми“, изјави Лашкоска Таа додаде дека ова е проблем кои вработените во македонска пошта го истакнуваат во јавност повеќе од една година и укажуваат на финансиските проблеми кои ги има македонска пошта и покрај проблемите со кои се соочуваат, генералниот директор распишал оглас за 31 нововработени во администрација за кој синдикатот велат дека се непотребни.

Лашкоска: Се уште нема кандидат за министер за дијаспора што покажува дека ова министерство сеуште се продава на Пазар 3

Дарко Андоновски — Wed, 22 Feb 2023 13:43:12 +0000

Пратеничката Ане Лашкоска на денешната собраниска седница зборуваше за разрешување на министерот за дијаспора каде посочи дека премиерот Димитар Ковачевски за овој министер нема кажано ниту една реченица ниту за неговото назначување, ниту за неговото разрешување. Имено таа дополни дека иако овој министер ќе се разреши сеуште не се знае кој ќе биде на негов заменик. „Еве денес и на дневен ред го имаме и разрешувањето на министерот Џемаил Чупи за кој што премиерот не кажа ниту една реченица ни за неговото разрешување, ниту пак за неговото назначување пред една година. Интересно е да се потенцира што и во новиот предлог за министри, за заменик на овој министер нема дадено кандидат, значи ова министерство за дијаспора сеуште е Пазар 3, сеуште се продава ќе видиме кој ќе биде следниот купувач“- рече таа. Лашкоска во текот на своето обраќање потенцираше дека од веб страната на ова министерство нема всушност ништо сработено во изминатите 6 години. „Ја отворив веб страната за дијаспора за да видам што сработило ова министерство односно министерот Чупи заради тоа што истиот во јавност го немаме воопшто видено, а таму видов дека бил и министер без ресор истовремено и министер за дијаспора. Исто и тој претходно исто морам да потенцирам дека не само од делувањето од една година туку буквално од ова министерство нема ништо да направело или да сработило во изминативе 6 години. И нормално се потврдува дека ова министерство постои за да некој биде назначен за министер за да се задоволи направен пазар помеѓу коалициони партнери“-кажа пратеничката. Лашкоска во врска со активности укажа дека Чупи нема активности, на веб страната како активности се спроведени активности на министерството за земјоделие, реформи во локален и рурален развој кој што не постојат и така натаму. „И бидејќи нема никакви активности, замислете на веб страна на ова министерство споредувани се активности на министерството за земјоделие, реформи во локален и рурален развој кој што не постојат, ама дури и овој министер си ги присвојува, па во активности навел средба со претприемач наш од дијаспора, потоа дека присуствувал на доделување на наградата за новинарство „Мито Хаџивасилев-Јасмин“, присуствувал на регионална конференција за борба против корупција, обуки каде воопшто не му е местото. Ова се активностите на министерот кој што денес во разрешуваме“- додаде Лашкоска.

Лашкоска: Реконструкцијата на владата нема да овозможи функционирање на парламентот и институциите

Дарко Андоновски — Tue, 14 Feb 2023 16:05:40 +0000

Една година помина од кога на чело на оваа влада е Димитар Ковачевски, истиот тој барајќи спас за себе и уште некое време дишење на шкрги на ова парламентарно мнозинство денес ни нуди разрешување на министри, а потоа на наредна точка именување на нови министри, вели Ане Лашкоска, пратеничка од ВМРО-ДПМНЕ на денешната собраниска седница. Лашкоска смета дека и оваа реконструкција нема да овозможи на владата и парламентот да функционираат, додавајќи дека Ковачевски ги испазарил министерствата за здравство, правда и информатичко општество. Премиерот Ковачевски мачејќи се да има некакво парламентарно мнозинство на Пазар 3 во просториите на Илинденска ги испазари министерствата за правда, здравство, информатичко општество, и заменичките места за земјоделие и одбрана. Но, и да се изгласа реконструкција на оваа влада нема да овозможи функционирање на парламентот, а со тоа и на институциите во државата, рече таа. Според Лашкоска предлогот за разрешување на министрите Ковачевски треба прво да го гледа како свој личен неуспех. Предлогот за денешното разрешување треба Ковачевски прво да го гледа како свој личен неуспех, затоа што пазарењето не треба да е причина за промена на министри, додаде Лашкоска. Лашкоска се осврна на неспособноста и неуспехот на досегашните министри, укажувајќи дека тоа е една од најголемите причини зошто Ковачевски треба да си поднесе оставка и да си замине. Една од најголемите причини зошто Ковачевски денес заедно со овие министри треба да си поднесе оставка и да замине е здравството во државата. Здравство немаме, здравството тоне, потенцираше Лашкоска.

ВМРО-ДПМНЕ бара во најбрз можен рок да се закаже јавна расправа за енергетско-економската состојба во Македонија

Ивана Ефремовски — Wed, 23 Feb 2022 11:19:54 +0000

Првичните очекувања дека цената на енергенсите ќе се намали уште во првото тромесечје од 2022 година полека но сигурно избледуваат. Во текот на вчерашниот ден министрите на ДУИ дадоа загрижувачки изјави за медиумите, вели Ане Лашкоска, пратеничка на пратеничката група на ВМРО-ДПМНЕ. -Министерот за финансии, Фатмир Бесими, засега на ниво на шпекулации ја оцени можноста од недостаток на електрична енергија, а речиси повеќе од сигурно новонастанатата состојба во Украина ќе влијае врз цената на енергенсите. Во текот на вчерашниот ден цената за 1000 кубни метри гас на лондонската берза достигна и ниво од 960 долари. Најавите од Русија која важи за значаен снабдувач со гас за европскиот континент се дека цената може да дојде и до 2000 долари за 1000 кубни метри. Како резултат на зголемените цени на гасот во изминатиот период Македонија прогласи кризна состојба за снабдување со топлинска енергија т.е. криза во снабдувањето со парно за дел од жителите на Скопје. Во првиот месец од кризната состојба, Владата плати 6 милиони евра, а крајот на кризната состојба е 30 април, вели таа. Во делот на електричната енергија, цената на унгарската берза од која се снабдува нашата држава во одредени периоди од денот повторно достигнува околу 250 евра по мегават час. -Таа цена е шест пати повисока од цената по која произведуваат домашните капацитети. За потсетување домашните капацитети за 10 години го имаат преполовено своето производство, од 6 илјади на 3 илјади гигават часови. Неспобноста во управувањето на енергетскиот сектор ја плаќаме со повисока цена на струјата за 30% во последните 18 месеци. Дополнително, Владата во периодот ноември 2021 - февруари 2022 година на АД ЕСМ му префрлила 170 милиони евра. Тенденцијата е овој износ да надмине и 200 милиони евра. Од најпрофитна компанија, до загубар во само еден мандат на СДСМ и ДУИ, вели пратеничката на ВМРО-ДПМНЕ. -Во делот на горивата, ова е коалицијата за која важи мотото „сиромашните не возат“ и затоа сметаат дека дополнителните давачки што ги воведоа во изминатите години не влијаат на животниот стандард. Пред некој ден излезе информација дека автобускиот превоз од еден до друг град поскапе за 15 до 20 проценти, а власта вели не ги засега граѓаните. Транспортните компании во изминатиот период неколкупати бараа помош од Владата, но попусто. За нешто помалку од две години цената на литар дизел од 46 денари се зголеми на 75 денари, а литар бензин од 50 денари во април 2020 година, сега се продава по цена од 84,5 денари. Почитувани, поскапувањата кај енергенсите се на дневна основа, а Владата нема никаква стратегија за пребродување на овој период. Бизнис секторот мора да добие поддршка од Владата. Во приватниот сектор работат 600 илјади луѓе. Од бизнис сектор се полни најголем дел од буџетот и државата мора партнерски да се однесува кон него, истакна Лашкоска. „Токму затоа како пратеничка група на ВМРО-ДПМНЕ и Коалицијата за Обнова на Македонија бараме, во најбрз можен рок да се закаже јавна расправа за енергетско-економската состојба во Македонија, и за тоа како да се премости кризата со цената на енергенсите кои влијаат на ликвидноста на компании, а со тоа и на цените на производите кои ги продаваат. Резултатот од оваа јавна расправа мора да е еден оперативен план со конкретни мерки кои треба да ги превземе власта за полесно пребродување на 2022 година“ - рече таа.

Лашкоска: СДСМ гласаше против укинувањето на таканаречената Пржинска влада и повторно го покажа на дело своето лицемерие

Тале Кристо — Thu, 10 Feb 2022 13:13:26 +0000

СДСМ покажаа дека се се плашат од парламентарни избори и со одбивањето за укинувањето на Пржинската влада се обидуваат да избегаат од одговорност за сите штетни политики и криминали со кои ја доведоа државата на дното и сериозно го нарушија нејзиниот меѓународен углед, изјави денеска пратеничката од редовите на ВМРО-ДПМНЕ Ане Лашкоска. Во Продолжение интегрален текст од изјавата на Лашкоска: -Денес, СДСМ гласаше против укинувањето на таканаречената Пржинска влада и повторно го покажа на дело своето лицемерие. Иако во јавноста се изјаснуваа дека се согласуваат за укинување на Пржинската влада, денес на еден кукавички начин повторно избегаа од избори. Ние сме свесни дека СДСМ ќе направи се за што подолго да остане на власт бидејќи знаат дека на наредните парламентарни избори ќе бидат казнети од граѓаните за своите штетни политики. Денес, СДСМ покажаа дека се се плашат од парламентарни избори и со одбивањето за укинувањето на Пржинската влада се обидуваат да избегаат од одговорност за сите штетни политики и криминали со кои ја доведоа државата на дното и сериозно го нарушија нејзиниот меѓународен углед. Сакаме да им порачаме на СДСМ дека предвремените парламентарни избори се единствениот излез од оваа агонија во која ги доведоа македонските граѓани и конечно да престанат да нанесуваат штети што оставаат катастрофални последици бидејќи Република Македонија и нејзините граѓани се поважни од нивните функции, криминали и тендери, рече Лашкоска.