анемија – Kurir.mk

Домашен лек за анемија: Како на природен начин да ја зголемите количината на железо во организмот?

Ристе Здравков — Fri, 03 Mar 2023 08:34:25 +0000

Анемијата е многу чест проблем, особено кај помладите жени. Причините за анемијата можат да бидат различни, но најчесто главен виновник е недостатокот на железо, односно недостатокот на овој минерал во нашата исхрана. За среќа, исхраната може многу да помогне во регулирањето на овој проблем, како и да го подобри нивото на железо, а нутриционистите предлагаат да ги воведете следните намирници: – сусам – спанаќ – домат Покрај овие намирници, корисниците на социјалните мрежи споделуваат рецепт за кој тврдат дека за само еден месец драстично им ја подобрил крвната слика и проблемот со анемијата: четвртина цвекло половина калинка 4-5 јагоди два портокалови прстени лажица мед 2дл вода Подготовка: Изблендирајте и процедете. Консумирајте секој ден.

Зошто не треба да се игнорира упорната анемија или нискиот хемоглобин?

Магдалена Андонова — Tue, 18 Oct 2022 07:58:53 +0000

Анемијата е вообичаено нарушување на крвта што може да влијае на луѓето од сите возрасни групи. Анемијата е предизвикана од намалување на еритроцитите во крвта, како и намалување на хемоглобинот. Хемоглобинот е протеин во нашите црвени крвни зрнца кој делува како транспортно средство за кислород до сите ткива на нашето тело. Еритроцитите и другите крвни зрнца се произведуваат во сунѓереста структура позната како коскена срцевина која е присутна во повеќето долги коски во нашето тело.

- Кога таквиот протеин станува низок, состојбата може да доведе до различни симптоми кои се разликуваат помеѓу возрасните групи и варираат во зависност од тежината. Ако некој има постојано низок хемоглобин и тој се развива бавно во одреден временски период, таквите пациенти може да покажат малку симптоми, да изгледаат бледо и лесно да се заморуваат. Од друга страна, ако анемијата се развие брзо, како со загуба на крв, хемолитична анемија или рак на крвта, може да биде опасна по живот. Тоа е придружено со екстремно отежнато дишење и оток - изјави д-р Ананд Кумар, консултант хематолог, лекар за трансплантација на коскена срцевина и педијатриски онколог, пишува „Индиан експрес“. Кои се причините? Причините за постојано низок хемоглобин или анемија варираат во различни возрасни групи. Кај децата најчеста причина за низок хемоглобин е нутритивниот дефицит (железо и витамин Б12), кој лесно може да се коригира со суплементи, но причините за пролонгирана анемија кај децата се малку, главно вродени или наследни состојби.

Овие деца може да имаат дефект во формирањето на хемоглобинот (таласемија, српеста анемија), дефект на надворешниот ѕид на црвените крвни зрнца (наследна сфероцитоза) или ензимски дефект (недостаток на G6PD), што може да доведе до често распаѓање на еритроцитите (хемолиза). Некои од нив може да имаат дефекти во производството на коскената срцевина (Diamond Blackfan синдром, Fanconi анемија). Со цел да се дијагностицираат овие состојби, се прават низа тестови на крвта. Едноставен тест, како што е периферна размаска, може да обезбеди витални индиции за основната состојба на пациентот. Секој постар човек кој има повторлив недостаток на железо - проблемот не може да биде само во исхраната. Ова може да се должи на сериозен проблем како што е рак на желудникот или дебелото црево што може да се идентификува во рана фаза со ендоскопија.

Се смета дека жените имаат постојано низок хемоглобин поради загуба на крв во менструалните циклуси поради недостаток на железо. Меѓутоа, ако се зголеми над нормата, треба да се исклучат локални причини како што се фиброиди или ретки наследни нарушувања на крварење како што е Фон Вилебрандовата болест. Третман Третманот зависи од основната причина. Може да вклучува едноставни додатоци на железо и/или витамин Б12 за нутритивна анемија, имуносупресија за автоимуни состојби, хемотерапија на трансплантација на коскена срцевина за вродени крвни проблеми како што се таласемија или високоризични карциноми на крвта.

- Да се биде свесен и да се консултирате со хематолог во вистинско време помага да се ублажат стравовите, рано да се дијагностицира и соодветно да се третира основната состојба - рече д-р Кумар.

Направете природен лек против анемија – Одличен за трудници и деца и ја подобрува крвната слика за рекордно време

Магдалена Андонова — Mon, 04 Jul 2022 14:33:27 +0000

За време на бременоста, на жените им треба двојно повеќе железо од небремените жени. Поголемите потреби се должат на тоа што бебето треба да се снабдува со кислород и преку организмот на мајката. Потешка форма на анемија за време на бременоста може да го зголеми ризикот од предвремено породување, раѓање на бебе со мала телесна тежина, но и да го зголеми ризикот од постпородилна депресија. Доколку се чувствувате слабо и исцрпено за време на бременоста, задолжително спомнете го тоа кај докторот, кој ќе ви ја провери крвната слика и ќе вклучи терапија доколку е потребно. Организмот секако треба да го зајакнете со природни препарати, а има и природен лек кој е одличен за подобрување на крвната слика. Потребни состојки: - 200 мл мед - 200 гр ореви - 200 гр суво грозје - 200 мл сок од морков - 200 мл сок од цвекло - 2 лимони Подготовка: Измијте 2 лимони. Исечете ги на половина и извадете ги семките. Сомелете ги заедно со кората (ако лимонот е испрскан - излупете го) и ставете го во голема тегла. Во мелениот лимон додадете мед, сок од цедено цвекло и сок од морков и измешајте. Во смесата додадете ситно сечкани или мелени ореви и суво грозје и повторно измешајте сè. Ќе добиете околу 1 кг вкусна и многу здрава лековита супстанција. Земете по една лажица три пати на ден, пред јадење. Чувајте ја теглата во фрижидер.

Важна вест за луѓето кои се слабокрвни, ова жените најмногу треба да го знаат

Ивана Ефремовски — Wed, 10 Nov 2021 13:10:33 +0000

Анемијата е предизвикана поради недостиг на железо во крвта, витамин Б12 и фолна киселина. Болеста се јавува доста често, а најчесто ги напаѓа жените на возраст од 15 до 50 години. Најчесто до слабокрвност доаѓа поради недостиг на железо. Железото е неопходно за изградба на хемоглобин, а поради недостиг на железо доаѓа до ослабување на апсорпцијата на други минерали и елементи во крвта, што може да доведе до поголема чувствителност на инфекции. Слабокрвноста или анемијата може да се лекува со препарати кои се збогатени со железо. Лекувањето на анемијата трае подолг период, дури и до шест месеци, а важно е да се напомене дека оваа болест не се лечи со витамински препарати со додаток на железо бидејќи тие не содржат доволна количина железо за лекување на болести. Исто така, за време на лекувањето на анемијата, важно е да не се внесуваат преголеми количини железо во организмот. Важна улога во лекување на слабокрвноста има исхраната, при што важно е да се внесува храна богата со железо, како грав, леќа, говедско месо, јајца, морски плодови, суви смокви, какао… Употребата на намирници со доста витамин Ц ја поттикнува апсорпцијата на железо, така што добро е со оброкот да се испие чаша цеден портокал, или да се дополнува исхраната со витамин Ц (до два грама дневно). Веќе споменавме дека најзагрозени се жените на возраст од 15 до 50 години, односно во време на репродуктивниот период. На жените на таа возраст им е потребно 15 мг железо, на доилките 20 мг, а на трудниците дури 25 мг. За време на циклусот жената може да изгуби и до 13,5 мг железо на ден, а некои студии покажуваат дека секоја петта жена поради силни месечни циклуси има анемија. Потребите за железо се зголемуваат и во текот на растот и развојот, и во адолесценцијата. Железото се апсорбира во дванаесетпалачното црево и во почетниот дел на тенкото црево, па во посебна ризична група спаѓаат лицата кои имаат проблеми, или болест на желудникот и цревата.

Три природни лекови против анемија

Ивона Петрова — Fri, 14 Feb 2020 12:07:24 +0000

Доколку имате проблеми со анемија важно е исхраната да ја збогатите со состојки кои се природни лекови за оваа состојба. Во продолжение ќе прочитате зошто сусамот, спанаќот и доматот се одлични во борбата против анемијата. 1. Сусам Црното семе во сусамот е одличен извор на железо, а еве како да го употребите во борбата против анемијата. Ставете една лажичка сусам во вода и оставете да отстои два часа. Исцедете го сусамот и изгмечете го за да добиете паста. Додадете една лажичка мед и добро промешајте Земајте по една лажичка од пастата два пати дневно. 2. Спанаќ Само половина шоља спанаќ е се што ви е потребно да ја зајакнете крваната слика. Богат е витамините А, Б9 и Ц, железо, калциум и бета каротен. Вклучете го спанаќот во секојдневната исхрана, но внимавајте да не го преварите бидејќи на тој начин ќе го сманите нивото на оксална киселина која ја спречува апсорбцијата на железото. -Спанаќот додадете го во салата. Може да го измешате со целер, брокула, кељ и ќе добиете здрав и поинаков додаток за вашиот ручек. -Сварете половина шоља спанаќ за да направите супа. Додадете ги вашите омилени зачини и оваа вкусна супа јадете ја два пати дневно. -Во чаша со сок од листовите од спанаќ додадете две лажички мед. Овој сок пијте го секој ден, наредните 40 дена. 3. Домат Не е доволно да имате високо ниво на железо во крвта, потребно е и вашето тело да го апсорбира. Доматот е одлично решение за подобра апсорбција за железото. Богат е со витамин Ц. -Јадете свеж домат секојдневно. Внесувајте го во салата, сендвич или едноставно јадете го самостојно. -Испијте чаша сок од домат барем еднаш дневно. -Додајте домат во јадењата кои ги подготвувате.

Вкусен напиток од 2 состојки против анемија, астма и холестерол

Предраг Кукиќ — Wed, 17 Oct 2018 10:41:38 +0000

Смоквите се богати со калциум, калиум и цинк. Тие се одличен извор на железо, витамин А, Ц, Е и К. Во минатото, тие биле овошјето на кралевите, а денес ни помагаат да се справиме со многу модерни болести. Потребни состојки: 40 смокви Маслиново масло Начин на подготовка: Ставете ги смоквите во тегла и ставете маслиново масло додека теглата не се наполни до врвот. Затворете ја теглата и држете ги така околу 40 дена. Јадете по 1 лажица од оваа смеса пред секој оброк. Таа е ефикасен лек против астма, холестерол и анемија.