Почина професор Д-р. Владимир Андонов, основоположник современата анестезиологија

Магдалена Андонова — Sun, 15 Nov 2020 14:47:47 +0000

Денес на 86 годишна возраст почина професор Д-р. Владимир Андонов, основоположник и дојаен на современата анестезиологија, реаниматологија и интензивно лекување во нашата држава и учител на многу генерации на анестезиолози, информираат од Министерството за здравство. Професор Андонов во континуитет од 1967 година е раководител на Одделот за анестезиологија и интензивно лекување при Хируршката клиника во Скопје, а од 1990 до 1995 година бил директор и основач на Клиниката за анестезиологија, реанимација и интензивно лекување (КАРИЛ) при Медицинскиот факултет во Скопје. Од 1993 година до неговото пензионирање е шеф на Катедрата по анестезиологија и реанимација на Медицинскиот факултет во Скопје Автор е на повеќе од 80 стручни и научни трудови, објавени во земјата и во странство, коавтор на три учебници во земјата и на еден во странство. Добитник е на повеќе награди, меѓу кои и на државната награда “Св.Климент Охридски” во 2003 година. Министертвото за здравство, министерот Доц Д-р Венко Филипче и Здружението на лекари по Анестезија, реанимација и интензивно лекување (ЗЛАРИЛ) и претседателката доц. Д-р. Маја Мојсова Мијовска, изразуваат длабоко сочуство кон семејството на проф. Андоновски. Проф. Д-р Владимир Андонов беше голем лекар, кој во својата секојдневна работа несебично се жртвуваше во спасувањето на многу човечки животи и несебично го пренесуваше своето знаење на своите ученици.

Тоа што го преживеа оваа жена на операција е ужасно: Докторот се расплакал од мака, а ќе се вознемирите и вие (ВИДЕО)

Ивана Ефремовски — Tue, 04 Sep 2018 15:07:10 +0000

Канаѓанката Дона Пенер го потресе светот со нејзината приказна дека за време на целата операција на стомакот, била будна, но не можела да пушти глас. Дона преживеала вистински хорор за време на рутинска операција на стомакот. Жената била подготвена за неколку мали реза на стомакот, добила анестезија, но тогаш нешто се случило. Анестезијата не делувала целосно и жената останала свесна и трпела надчовечки болки. Но токму поради анестезијата, не можела ниту збор да каже, ниту да пушти глас. Таа во интервју го раскажува денеска ужасот што и се случил пред 15 години. За ББС раскажува дека станала свесна за тоа што ја очекува кога докторот го побарал скалпелот и почнал да и го сече стомакот. Но, анестезијата делувала така што не можела да се помрдне, а болката била неиздржлива. Операцијата траела час и половина, а Дона за цело време чувствувала и како и ставаат инструменти во неа, како ја сечат. Дишењето и било контролирано, а од стрес пулсот и се зголемил, но вештачки бил стабилизиран. По некое време и паралитикот престанал да делува и жената се обидела да си го извлече цевчето од грлото, по што почнала да се гуши. Тогаш слушнала непознат глас, кој и вели „Што и да се случи, со тебе се ќе биде добро“. Анестезиологот веднаш и ставил маска и така се спасила од сигурна смрт. Подоцна му раскажала на докторот дека го слушала за целото време на операцијата и чуствувала ужасни болки, на што тој се расплакал и кажал дека му е многу жал. Канаѓанката по оваа операција со месеци одела на психотерапија. Дона вели дека приказната не ја раскажала за да обвни некого, туку нејзината приказна да биде опомена за тоа што може да се случи при операција и да се внимава на пациентите.

анестезија – Kurir.mk

Почина професор Д-р. Владимир Андонов, основоположник современата анестезиологија

Тоа што го преживеа оваа жена на операција е ужасно: Докторот се расплакал од мака, а ќе се вознемирите и вие (ВИДЕО)