Ангеловски пред Полска: Играме за нешто големо

Тале Кристо — Sun, 13 Oct 2019 07:52:18 +0000

Селекторот на фудбалската репрезентација на Македонија, Игор Ангеловски пред денешниот натпревар против Полска во квалификациите за ЕП 2020 изјави дека не е важно против кого играме, туку за што играме. – Ние играме за нешто големо, и не може никој тоа да ни го одземе. Респект за Полска, но ние ќе го дадеме максимумот, а дали тоа ќе биде доволно за нешто, ќе видиме. Можам да кажам дека уживам во моментов со овие момци кои го даваат максимумот на секој меч, вели Ангеловски. Според него, напаѓачот Роберт Левандовски е најопасниот играч на Полска. – Ме импресионираше уште кога играше за Борусија. Но мене ме импресионираат и моите фудбалери и она што тие го покажуваат во моментов, изјави селекторот Игор Ангеловски. Натпреварот Полска-Македонија се игра денеска во Варшава со почеток од 20:45 часот.

За дуелите со Гибралтар и Ерменија, Ангеловски повика 18 фудбалери

Ристе Здравков — Wed, 29 Aug 2018 11:12:37 +0000

Селекторот на македонската фудбалска репрезентација Игор Ангеловски денеска ги соопшти имињата на фудбалерите на кои ќе смета на првите два натпревари од Лига на Нации. „Црвено-жолтите“ на 6 септември се среќаваат со Гибралтар, три дена подоцна (9 септември) играат со Ерменија. На списокот на селекторот Ангеловски се наоѓаат 18 фудбалери, но поради повреда неизвесен е настапот на Аријан Адеми (Динамо Загреб) и Дарко Велковски (Ријека). Повик од Ангеловски добија: Голмани: Столе Димитриевски и Давид Митов Нилсон; Одбрана: Стефан Ристовски, Висар Муслиу, Егзон Бејтулаи, Кире Ристевски, Дарко Велковски и Мите Цикарски; Среден ред: Аријан Адеми, Енис Барди, Стефан Спировски, Бобан Николов, Езџан Алиоски и Елиф Елмас; Напад: Горан Пандев, Илија Несторовски, Александар Трајковски и Иван Тричковски. (МИА)

ангеловски – Kurir.mk

Ангеловски пред Полска: Играме за нешто големо

За дуелите со Гибралтар и Ерменија, Ангеловски повика 18 фудбалери