англичани – Kurir.mk

Англичаните масовно потпишуваат петиција против ВАР технологијата

Дарко Андоновски — Mon, 30 Dec 2019 14:40:07 +0000

После серијата спорни ситуации кога беа поништени голови поради милиметарски офсајд или признат гол иако требало да биде поништен, во Англија навивачите почнаа да потпишуваат петиција за укинување на видео-технологијата. Популарниот ВАР беше воведен за да се подобри регуларноста и да нема случки кои директно ќе влијаат на резултатот, но искуството покажува дека и со ВАР се прават грешки, а се губи и течноста во играта. Веќе никој не може да се радува веднаш после постигнат гол, бидејќи тој гол може да биде поништен поради офсајд. Англиската Премиерлига последна од големите воведе ВАР, па затоа таму и отпорот е најголем. По стадионите се пеат песни против ВАР и дека „ова веќе не е фудбал“.

Двајца Англичани приведени вчера вечер во Скопје откако физички нападнале две лица

Матеја Петровски — Fri, 05 Oct 2018 12:45:18 +0000

Вчера вечер во 23:30 часот пријавено е дека во трговски центар во Скопје лицата Р.Ф.Б.(58) и Д.В.Е.(54), двајцата од Англија, го нарушиле јавниот ред и мир со физики напад врз А.Ј.(29) и С.Н.(28) од Скопје, информираат од МВР. По нападот тие побегнале со такси возило, но набргу потоа биле пронајдени и приведени во Полициската станица Центар за понатамошно постапка. Се преземаат мерки за расчистување на случајот.

Шеесет илјади Англичани бараат 16 јули да биде неработен ден

Дарко Андоновски — Tue, 10 Jul 2018 10:43:24 +0000

Пласманот на Англија во полуфиналето на Светското фудбалско првенство во Русија предизвикува еуфорија на Островот. Многумина се оптимисти дека англиската репрезентација ќе стигне до трофејот. Веќе е почната петиција понеделник (16 јули) да биде прогласен за неработен ден затоа што „фудбалот ќе се врати дома“. Петицијата досега ја потпишале повеќе од 60.000 луѓе, а се очекуваа таа бројка значително да порасне при евентуален пласман на „Гордиот Албион“ во финалето. За да се оствари тоа, најпрво Англија утре ќе треба да биде подобра од Хрватска во полуфиналната пресметка во Москва. Во првото полуфинале вечер (20 часот) играат Франциај и Белгија. Финалето ќе се одигра на 15 јули со почеток во 17 часот.

СП Русија: Англичаните ќе кренат ограда од шест метри околу својата база

Дарко Андоновски — Wed, 06 Jun 2018 14:17:28 +0000

Ограда од шест метри ќе го штити националниот тим на Англија од љубопитни погледи за време на Светското првенство 2018 година во Русија. Таа ќе биде подигната околу базата на „Трите лава“ во Зелегорск, дел од Санкт Петербург. Барањето до локалните власти дојде од раководството на англиската делегација, која посака да го скрие процесот на обука на тимот. Таквото барање не е регулирано во правилата на Меѓународната фудбалска федерација (ФИФА).