ВИДЕО: Две топки на Вембли, Англија доби сомнителен пенал

Ивона Петрова — Thu, 08 Jul 2021 06:26:26 +0000

Судијата Дани Макели од Холандија е тема на денот во фудбалска Европа. За Англија тој досуди пенал кој за многумина е непостоечки, но скандалот да биде уште поголем е што на „Вембли“ се играше со две топки на теренот. Макели по сите правила на фудбалскта игра требаше да ја прекине акцијата и да не дозволи воопшто Стерлинг да влезе во шеснаесетникот, потоа дојде спорниот момент, но реакција од судијата немаше. УЕФА е под критики, неутралните сметаат дека Англичаните на ЕП 2020 се најпривилегирани.

Англија преку Данска до финале против Италија на ЕУРО 2020

Ивона Петрова — Thu, 08 Jul 2021 05:51:25 +0000

Англија вчеравечер пред 60.000 гледачи на стадионот „Вембли“ во Лондон ја совлада Данска по продолженија со 2:1 (1:1) и избори финале на Европското првенство против Италија. Англија офанзивно го почна второто полуфинале на ЕУРО2020, но откако го издржа почетниот притисок Данска воспостави контрола на теренот и прва дојде во водство со прекрасен гол од слободен удар на Микел Дамсгард во 30 минута. Англичаните ја анулираа негативата девет минути подоцна со автоголот на данскиот капитен Симон Кјаер. Второто полувреме не донесе голови на „Вембли“, а Англија направи целосен резултатски пресврт во последната минута од првото продолжение. Каспер Шмајхел најпрво го одбрани ударот од белата точка на Хари Кејн, но англискиот капитен прв стигна до одбиената топка и во вториот обид го совлада данскиот голман. Противник на Англија на 11 јули на „Вембли“ ќе биде Италија, која вчера на пенали ја елиминира Шпанија.

англија – данска – Kurir.mk

ВИДЕО: Две топки на Вембли, Англија доби сомнителен пенал

Англија преку Данска до финале против Италија на ЕУРО 2020