англиска фудбалска репрезентација – Kurir.mk

УЕФА поведе постапка против Англиската федерација поради инцидентите на „Вембли“

Дарко Андоновски — Tue, 03 Aug 2021 20:01:36 +0000

УЕФА соопшти вечерва дека официјално поведе постапка против Англиската фудбалска федерација (ФА), поради насилното однесување на нејзините навивачи за време на финалето на ЕУРО 2020 на лондонскиот стадион „Вембли“ – По завршувањето на истрагата што инспектор за етички и дисциплински прашања ја спроведе по повод инцидентите за време на финалниот натпревар во кои учествуваа англиски навивачи, во и надвор од стадионот, поведовме постапка против ФА поради кршење на дисциплинските мерки, се наведува во соопштението на УЕФА. Финалето на ЕУРО2020 во кое Италија на 11 јули во Лондон на пенали ја совлада Англија, го одбележаа голем број инциденти предизвикани од англиските навивачи. Значителен број од нив успеаја да влезат на „Вембли“ без влезници, а во текот на целиот ден надвор од стадионот физички се пресметуваа со италијанските навивачи, фрлајќи кон нив камења и пиротехнички средства.

Легендарниот англиски фудбалер боледува од деменција

Ивона Петрова — Mon, 02 Nov 2020 08:36:53 +0000

Медиумите од Островото пишуваат дека легендарниот англиски фудбалер Сер Боби Чарлтон е болен од деменција. За лошата здравствена состојба на 83 годишниот Чарлтон потврда стигна и од неговата сопруга Норма која истакнала дека одлучиле јавно да говорат за болеста бидејќи нивното искуство би можело да му помогне на некого. По ваквите вести се огласија и од Манчестер Јунајтед каде Чарлтон играше од 1956 до 1973 година и се стекна со статус на легенда. -Многу сме тажни поради веста дека страшната болест го погоди Сер Боби Чарлтон. Продолжуваме да пружаме љубов и поддршла до неговото семејство и него лично, истакнаа од Олд Трафорд. За Јунајтед, Чарлтон одигра 758 натпревари и постигна 249 голови. Со „црвените ѓаволи“ освои три титули шампион на Англија, ФА Куп и Лига на шампиони. Со селекцијата на Англија ја освои светската титула во 1966 година предводејќи го Гордиот албион како најдобар стрелец на Мундијалот.

Скандалот се зголемува: Втор репрезентативец на Англија фатен со кокаин

Предраг Кукиќ — Sat, 05 Jan 2019 10:02:09 +0000

Вториот репрезентативец на Англија се најде во центарот на скандалот поврзан со кокаин, објавија британските медиуми. Играчот за кој станува збор, а чие име не е споменато, е виден од страна на жена која го видела како влегува и излегува од тоалетот за време на Божиќната забава. Жената тврди дека пријатели на фудбалерот и понудиле и на неа дрога. Репрезентативецот на „трите лава“ и ѕвезда на Премиер лигата бил исфрлен од клубот, затоа што бил толку пијан, што не можел да стои на нозе. – Неколку пати ми беше понудено да пробам дрога. Играчот не можеше да се контролира себеси и постојано влегуваше и излегуваше од тоалетите. Се чинеше дека сите се под влијание на кокаин, објаснува сведокот пред „Сан“. Вчера, излегоа информации за уште еден англиски репрезентативец, кој бил виден од страна на соиграч како шмрка кокаин.