англиска премиер лига – Kurir.mk

По само четири кола, прва тренерска смена сезонава во Премиер лигата

Дарко Андоновски — Tue, 30 Aug 2022 09:39:49 +0000

Управата на премиерлигашот Борнмаут одлучи да го смени тренерот по поразот од Ливерпул со 9:0. Скот Паркер е прв кој добива отказ по само четири кола сезонава во најсилното фудбалско натпреварување во Англија. Паркер го презеде Борнмаут пред сезоната 2021/22 и успеа да стигне до го внесе во Премиер лигата. Оваа сезона тимот предводен од 41-годишен стручњак оствари една победа и три порази, еден од нив убедливиот од Ливерпул. Гери О’Нил, кој претходно го водеше првиот тим на Борнмаут, ја презеде функцијата привремен тренер.

Избран тимот на сезоната во Премиер лигата

Бошко Тасиќ — Fri, 10 Jun 2022 07:18:24 +0000

Професионалната Асоцијација на фудбалери од Англија (ПФА) и оваа година го избра тимот на сезоната во Премиер лигата за сезоната што измина. Манчестер Сити уште еднаш се искачи на тронот во Англија, а второпласиран беше тимот на Ливерпул кој ја загуби титулата во последното коло од шампионатот. Ливерпул е застапен со дури шест фудбалери, додека Сити во тимот има тројца играчи. Останатите двајца играчи се од Челси и изненадувачки Манчестер Јунајтед, кој е најголемо разочарување во Премиер лигата за изминатата сезона. Најдобар тим според Професионалната асоцијација на фудбалери во Англија: Алисон, Александер Арнолд, Ридигер, Ван Дијк, Кансело, Тијаго Алкантара, Бернардо Силва, Кевин Де Брујне, Мо Салах, Садио Мане, Кристијан Роналдо.

Арсенал прв клуб во Премиер лигата кој добил 100 црвени картони

Дарко Андоновски — Sat, 01 Jan 2022 15:12:40 +0000

Дефанзивецот на Арсенал, Габриел Магаљес е исклучен на денешниот натпревар од Премиер лигата против Манчестер сити. Бразилецот доби втор црвен картон (втор жолт) во 59. минута од играта. Арсенал е првиот клуб во историјата кој добил 100 црвени картони во Англиското фудбалско првенство. Во исто време, Габриел стана вториот играч на Топџиите отстранет на 1 јануари. Во 1997 година, тоа веќе се случи со напаѓачот Џон Хартсон на натпреварот против Мидлсброу (2:0). Средбата Арсенал Манчестер сити заврши со победа на гостите со 2:1. Головите за „граѓаните“ ги постигнаа Марез и Родри, погодокот за Арсенал е дело на Сака. Манчестер сити по 21. коло е лидер во Премиер лигата со 53 бодови, Арсенал е 4-ти со 35 бода од 20 натпревари.

Деветнаесет тимови од Премиер лигата не се задоволни од продажбата на Њукасл на инвеститори од Саудиска Арабија

Дарко Андоновски — Sat, 09 Oct 2021 07:17:11 +0000

Клубовите од англиската Премиер лига се жалат на продажбата на Њукасл на инвеститори од Саудиска Арабија. Премиерлигашите испратија протестно барање за итна интервенција при купувањето на Њукасл од инвеститори од Саудиска Арабија, пишува „Гардијан“. Деветнаесетте клубови од Премиер лигата се здружија против овој аранжман. Не секој во Англија е среќен што државата Саудиска Арабија се меша во работите на Премиер лигата. Во самата Саудиска Арабија, тврдат дека инвестициски фонд (ПИФ), кој го купи Њукасл, не е директно поврзан со државата.

Артета, Гвардиола и Клоп претендираат за наградата најдобар тренер во Премиер лигата во септември

Дарко Андоновски — Thu, 30 Sep 2021 12:47:38 +0000

Англиската Премиер лига денес ја објави листата на кандидати за наградата најдобар тренер во септември. Номинирани се: Микел Артета (Арсенал), Хосеп Гвардиола (Манчестер сити), Јирген Клоп (Ливерпул), Греам Потер (Брајтон) и Дин Смит (Астон Вила). За потсетување, најдобар тренер во Премиер лигата во август беше предводникот на Тотенхем, Нуно Еспирито Санто.

Англиската Премиер лига со најмногу претставници на ЕП

Дарко Андоновски — Tue, 08 Jun 2021 07:04:55 +0000

Најмногу фудбалери на претстојното Европско првенство доаѓаат од англиската Премиер лига. Помеѓу 118 играчи од клубовите во Англија се наоѓа и македонскиот репрезентативец Езѓан Алиоски. На второто место на оваа листа се наоѓа германската Бундеслига со 90 играчи. Трета е италијанската Серија А со 70. Во ТОП 5 се наоѓаат уште и шпанската Ла Лига со 39 и руската Премиер лига со 32 фудбалери. Европското првенство ќе се одржи од 11 јуни до 11 јули во 11 градови.

Бејл е најплатениот играч во Премиер лигата, Гвардиола е лидер меѓу тренерите

Дарко Андоновски — Fri, 19 Mar 2021 10:41:40 +0000

Францускиот весник „Л’Екип“ ги рангираше најплатените играчи и тренери на клубовите во Премиер лигата. Играчот за врска на Тотенхем, Герет Бејл, кој игра на позајмица од Реал Мадрид, добива најмногу меѓу играчите во англискиот шампионат – 2,5 милиони евра месечно. Следуваат голманот на Манчестер јунајтед, Давид Де Геа (1,85 милиони евра), играчот за врска на Манчестер сити, Кевин де Брујн (1,58 милиони евра), крилото на Сити, Рахим Стерлинг (1,48 милиони евра) и играчот за врска на Манчестер јунајтед, Пол Погба (1,43 милиони евра). Најплатен тренер во лигата е Пеп Гвардиола, кој е на чело на Манчестер Сити (1,89 милиони евра). Второто место го делат тренерот на Тотенхем, Жозе Мурињо и Јирген Клоп од Ливерпул (1,42 милиони евра).

Саутемптон е единаесеттиот тим со освоени 1.000 бодови во Премиер лигата

Дарко Андоновски — Tue, 08 Dec 2020 11:50:02 +0000

Саутемптон го победи Брајтон вчеравечер со 2:1 на гостувањето во 11. коло од англискиот фудбалски шампионат. „Светците“ станаа 11-от тим кој има собрано над 1.000 бода во Премиер лигата во нивната историја. На оваа листа се и Манчестер јунајтед, Арсенал, Челзи, Ливерпул, Астон Вила, Тотенхем, Евертон, Манчестер сити, Њукасл и Вест Хем. Оваа сезона, Саутемптон е петти во Премиер лигата со 20 бода.

Премиер лига одбори финансиска помош за англиските нисколигаши

Дарко Андоновски — Fri, 04 Dec 2020 09:48:57 +0000

Раководството на Премиер лига и Англиската фудбалска лига (ЕФЛ) договорија пакет финансиска помош од 250 милиони фунти за спас од банкрот на нисколигашките клубови на Островот. Како што јави британскиот сервис Би-би-си, клубовите од Премиер лигата едногласно се согласиле да ги помогнат екипите од втората Лига – Чемпионшип со бескаматен кредит од 200 милиони фунти, додека третолигашите (Лига 1) и четвртолигашите (Лига 2) ќе добијат неповратна помош од 50 милиони фунти. Претседателот на ЕФЛ Рик Пери го поздрави договорот, нарекувајќи го „опиплива посветеност на професионалниот фудбал во време кога му е најпотребна“.

Уште еден тежок удар за англиските клубови

Магдалена Андонова — Thu, 03 Sep 2020 14:01:52 +0000

Англиската Премиер лига го раскина договорот за телевизиски права со кинескиот провајдер за видео-стриминг преку Интернет, ППТВ (PPTV). Лигата не ја прецизираше причината за раскинување на договорот по една од вкупно трите сезони. Британскиот весник „Дејли мејл“ минатиот месец објави дека ППТВ не платила 160 милиони фунти за права што треба да ги достави во март. Тогаш Премиер лигата беше запрена поради пандемијата на коронавирусот. Договорот меѓу Лигата и ППТВ беше потпишан пред четири години. Тогаш беше објавено дека кинеската компанија ќе плати околу 523 милиони. фунти за да се здобијат со права за пренос на натпреварите од англискиот шампионат во живо за три години. Договорот стапи на сила на почетокот на сезоната 2019/2020. Ова е голем удар за клубовите кои се потпираат на овие приходи. (MИА)