Тухел сака да биде селектор на англиската репрезентација

Тале Кристо — Thu, 13 Oct 2022 20:20:27 +0000

Германскиот фудбалски стратег Томас Тухел е заинтересиран да ја предводи англиската репрезентација, објави денеска лондонски „Телеграф“. Тухел пред еден месец доби отказ во Челзи со кој освои три трофеи, вклучувајќи ја и Лигата на шампиони. Актуелниот англиски селектор Герет Саутгејт ја презеде должноста во септември 2016 година, а сега е под критики од јавноста по елиминацијата на Англија од А дивизијата во УЕФА Лигата на нации. Саутгејт има договор со Фудбалската федерација на Англија до јуни 2024 година, но неговата иднина на селекторската должност ќе зависи од пласманот на англиската репрезентација на претстојното Светско првенство во Катар. Англија е во група со САД; Иран и Велс.

Стерлинг суспендиран од англиската репрезентација по пресметката со Гомез

Ивона Петрова — Tue, 12 Nov 2019 08:35:39 +0000

Фудбалерот од средниот ред на Манчестер сити, Рахим Стерлинг е суспендиран од репрезентацијата на Англија за квалификацискиот натпревар на ЕУРО 2020 против Црна Гора. Според извештаите на медиумите, Стерлинг имал физичка пресметка со дефанзивецот на Ливерпул, Џо Гомез на еден од тренинзите на „Гордиот Албион“. Тие веќе имаа конфликт за време на дербито во првенството во Англија, во кој Ливерпул беше поуспешен од Манчестер со 3:1. – Решивме да не го вклучиме Рахим во натпреварот против Црна Гора. Една од главните причини е тоа што играчот не може да го одвои клупското ривалство од настапите за репрезентацијата. За жал, неговите емоции по дерби мечот сепак беа свежи. Имам чувство дека донесовме вистинска одлука. Важно е сите играчи да се поддржуваат едни со други и да се фокусираат на натпреварот во четврток, изјави англискиот селектор Гарет Саутгејт.

англиска репрезентација – Kurir.mk

Тухел сака да биде селектор на англиската репрезентација

Стерлинг суспендиран од англиската репрезентација по пресметката со Гомез