англиски јазик – Kurir.mk

МАКЕДОНИЈА И СЕ Е МОЖНО: Матурантите ги пробиле тестовите по Англиски јазик, решението го разменуваат на Вибер група

Тале Кристо — Sat, 10 Jun 2023 11:53:12 +0000

Во група на „Вибер“, 7.000 матуранти ги разменуваат одговорите и заеднички го решаваат тестот по англиски јазик, кој денеска треба да го полагаат како дел од државната матура. Денеска се полага вториот експтерен испит. Според податоците на Државниот испитен центар, како и во минатите години најмногу пријавени (13 922) има за испитот по Англиски јазик. Повеќе фотографии на Пресс 24

Македонските ученици може да се пријават за Меѓународна олимпијада по англиски јазик

Тале Кристо — Thu, 09 Feb 2023 16:40:26 +0000

Ученици од државните и приватните училишта од земјава до 31 март 2023 може да се пријават/регистрираат за учество на првата Меѓународна олимпијада по англиски јазик. Олимпијадата ќе се одржува од 10 до 17 септември 2023 во Букурешт, информира Министерството за образование и наука по известување од Амбасадата на Романија во земјава. - Сите потребни информации во врска со првата меѓународна олимпијада по англиски јазик (1st International English Language Olympiad - IELO 2023) во Романија може да се најдат на веб-страницата http://ielo.sincaibm.ro/ Дополнителни информации може да се добијат на е-адресата: [email protected], пишува во објавата на МОН.

Евростат: Англискиот е најчесто изучуван јазик во ЕУ- еве кој следува по него

Катерина Бојаџиева — Fri, 24 Sep 2021 15:37:07 +0000

Познавањето странски јазици е суштинска алатка за културна размена. Надалеку е познато дека таквите вештини се бараат и промовираат на многу работни места и можат да ја олеснат комуникацијата во неколку други контексти, објави Евростат. Во 2019 година, 59 отсто од средношколците студирале два или повеќе странски јазици во ЕУ. Во земјите на ЕУ, сите средношколци учеле два или повеќе странски јазици во Луксембург и Франција. Естонија, Романија, Чешка и Финска, исто така, имаат голем дел од учениците кои учат два или повеќе јазици (99 отсто), потоа Словачка (98 отсто), Хрватска (95 отсто) и Словенија (92 отсто). Во Грција, само еден отсто од средношколците учеле два или повеќе странски јазици во 2019 година. Низок процент на изучени јазици е регистриран и во Португалија (шест отсто), Ирска (12 отсто), Италија (25 отсто) и Шпанија (27 отсто). Во 2019 година, англискиот јазик е најчесто изучуваниот странски јазик во средните училишта во ЕУ – 96 отсто. Шпанскиот е на второ место (26 отсто), потоа францускиот (22 отсто), германскиот (20 отсто) и италијанскиот јазик (три отсто). Покрај тоа, рускиот, кој е јазик надвор од ЕУ, се изучува и во земјите од Унијата (три отсто), особено во Естонија (68 отсто) и Летонија (57 отсто), потоа Литванија (30 отсто) и Бугарија (24 отсто).

На изборниот испит од државната матура најмногу пријавени за англиски јазик

Ивона Петрова — Fri, 11 Jun 2021 11:18:39 +0000

По успешно реализираниот прв дел од државната матура денес се полага вториот екстерен предмет кој е изборен. Математика и странски јазик беа избор за учениците од гимназиското и од стручното образование, додека пак учениците во уметничките училишта бираат помеѓу странски јазик и филозофија (во училишта за ликовно образование), односно естетика (во училишта за музичко образование). Англиски јазик пријавени се да полагаат 13452 матуранти, германски јазик 140, француски јазик 32, руски јазик 18, математика 1529, филозофија 14 и естетика 66 матуранти. Полагањето започна во 10:00 часот во сите училишта и без посебни технички предизвици. Испитите траат 3 часа. -Инаку, во оваа учебна година државна матура полагаат вкупно 15.294 ученици. Првиот екстерен испит по мајчин јазик се полагаше на 5 јуни. Учениците кои поради изолација не полагаат во предвидените термини, имаат можност да полагаат на 25 и 28 јуни, со приложување потврда до училишните комисии. Резултатите ќе бидат објавени во рок од 30 дена од последниот (вториот) екстерен испит. Тие што нема да ја положат матурата во јуни или не во целост, ќе имаат втора можност во августовската сесија – термините се 11 август за првиот екстерен и 13 август за вториот екстерен испит, соопштуваат од Државниот испитен центар. Во целиот процес, ангажирани се околу 300 набљудувачи и 2000 наставници тестатори, кои предходно имаа можност да се се вакцинираат. Државниот испитен центар, заедно со Министерството за образование и наука, другите надлежни институции и со училиштата успеаа да се подготват и да го спроведат процесот на државна матура и со тоа да им се овозможи на матурантите од четиригодишното образование да окружат еден дел од процесот на школување. Стекнатата диплома за положена матура значи услов за упис во високо образование и во земјава и во странство.

Образовна ТВ-серија за учење англиски јазик наменета за средношколци и студенти

Тале Кристо — Tue, 26 May 2020 16:47:37 +0000

Од денеска до 8 јуни во термините од 12.10 и од 19 часот на МРТ 1 се емитува нова образовна серија „The Word on the Street“ наменета за средношколци и студенти, копродукција на Британски совет и Би-би-си и посветена на предавање и учење англиски јазик. – Новата ТВ-серија има за цел да ги подобри вештините за говорен англиски јазик кај популацијата од 15 до 25-годишна возраст и да ги запознае младите со британската култура. Серијата е направена во популарен телевизиски формат со интервјуа и мини квизови. Кај нас серијата можат да ја следат и основци. Нивото на јазикот е помеѓу Б1 и Б2 според Европската јазична рамка и одговара на нивото на јазикот што го изучуваат и средношколците и студентите во земјата според нашите наставни програми, објави Министерството за образование и наука. „The Word on the Street“ ќе се емитува и во други земји од регионot. Проследена е со онлајн ресурси за вежбање и учење: https://learnenglish.britishcouncil.org/general-english/word-street, додека останатите ресурси за предавање и учење на англискиот јазик се достапни на веб-страницата на Британскиот совет: https://www.britishcouncil.mk/en/stay-home

Старите лица не го почитуваат полицискиот час- кога ќе дознаете каде била оваа баба за време на забраната ќе ви надојдат секакви мисли

Дарко Андоновски — Mon, 30 Mar 2020 14:40:09 +0000

Како што знаеме, во целиот свет владее епидемијата на коронавирусот, а многу од државите ширум светот веќе прогласија вонредна состојба... Во Србија воведена е вонредна состојба и посебни мерки за заштита на граѓаните. Една од нив е и таа според која на лицата постари од 65 години во градските средини и на лицата постари од 70 години во руралните средини целосно им е забранет излез од нивните домови. Сепак, една баба била ‘уловена’ надвор од својот дом, во центарот на Белград, но набрзо ја сопрела полиција. На една од многубројните снимки кои што постојано се појавуваат на социјалните мрежи, а поврзани со вонредната состојба во земјите, го слушаме полицаецот како ја прашува бабата зошто е надвор сред вонредна состојба? „Еве, си одам дома. Бев на час по англиски кај мојата пријателка која што има слободно време“ – изјавила бабата чие име е Оливера. Погледнете го видеото:

View this post on Instagram

Koja ste vi laž? Mi smo "bila sam na času engleskog" ?? #ostanikodkuće

A post shared by Dnevna doza policijskog časa (@policijski_cas) on Mar 29, 2020 at 11:51am PDT