англиски клубови – Kurir.mk

Англиските клубови оваа зима потрошија рекордни 440 милиони фунти за засилувања

Тале Кристо — Wed, 25 Jan 2023 13:41:14 +0000

Клубовите од англиската Премиер лига го соборија рекордот по трошење пари за засилувања во зимскиот преоден рок. Премиерлигашите потрошија 440 милиони фунти на трансфери во зимскиот трансфер прозорец. Последниот рекорд беше поставен во 2018 година, кога англиските клубови потрошија 430 милиони фунти во јануари. Челзи беше најголем трошач оваа зима, а новите трансфери го чинат клубот околу 180 милиони фунти. Во овој преоден рок „сините“ потпишаа со Михаил Мудрик, Беноит Бадијашиле, Нони Мадуеке, Андреј Сантос, Давид Фофан и го позајмија Жоао Феликс.

Супер Лигата се огласи по повлекувањето на англиските клубови, еве што ќе превземе

Ивона Петрова — Wed, 21 Apr 2021 06:31:46 +0000

Основачите на фудбалската Супер Лига синоќа соопштија дека ќе разгледаат кои се најдобрите чекори за измена на овој проект истакнувајќи дека англиските клубови се повлекле од натпреварување под притисок. -Со оглед на моменталната ситуаација, ќе разгледаме кои се најдобрите чекори за измена на проектот, имајќи ги во предвид нашите цели на навивачите да им понудиме најдобро можно искуство, истовремено зголемувајќи ја солидарната исплата за целата фудбалска заедница, се наведува во соопштението. Ова соопштението доаѓа откако сите шест англиски клубови вклучени во основањето на Супер Лига Европа, се повлекоа од натпреварувањето. Прво тоа го направи Манчестер Сити, па Челси, Манчестер Јунајтед, Ливерпул, Арсенал и Тотенхем. -И покрај објавеното отстапување на англиските клубови, на што беа приморани под притисокот извршен врз нив, ние сме уверени дека нашиот предлог во целост е со согласност со законот и нормативите на Европската Унија што е потврдено и со судска одлука (во Мадрид) која ја штити Супер Лигата, стои во соопштението.

Уште еден тежок удар за англиските клубови

Магдалена Андонова — Thu, 03 Sep 2020 14:01:52 +0000

Англиската Премиер лига го раскина договорот за телевизиски права со кинескиот провајдер за видео-стриминг преку Интернет, ППТВ (PPTV). Лигата не ја прецизираше причината за раскинување на договорот по една од вкупно трите сезони. Британскиот весник „Дејли мејл“ минатиот месец објави дека ППТВ не платила 160 милиони фунти за права што треба да ги достави во март. Тогаш Премиер лигата беше запрена поради пандемијата на коронавирусот. Договорот меѓу Лигата и ППТВ беше потпишан пред четири години. Тогаш беше објавено дека кинеската компанија ќе плати околу 523 милиони. фунти за да се здобијат со права за пренос на натпреварите од англискиот шампионат во живо за три години. Договорот стапи на сила на почетокот на сезоната 2019/2020. Ова е голем удар за клубовите кои се потпираат на овие приходи. (MИА)