анхел ди марија – Kurir.mk

Ди Марија остро одговори на зборовите на Матеус дека Меси не ја заслужил Златната топка

Дарко Андоновски — Wed, 01 Nov 2023 09:07:43 +0000

Фудбалерот од средниот ред на Бенфика и Аргентина, Анхел Ди Марија одговори на изјавата на поранешниот германски репрезентативец Лотар Матаус дека напаѓачот на Интер Мајами, Лионел Меси не ја заслужил Златната топка. Претходно, Матеус церемонијата за доделување на Златната топка во 2023 година ја нарече фарса. Според него, напаѓачот на Манчестер Сити, Ерлинг Халанд повеќе ја заслужил наградата отколку Меси. - Оди плачи на друго место, му одговори Ди Марија на Германецот на социјалните мрежи. Лионел Меси пред два дена по осми пат ја освои Златната топка. Во гласањето, 36-годишниот Аргентинец ги победи Ерлинг Халанд и Килијан Мбапе, кои го освоија второто, односно третото место.

Официјално: Анхел Ди Марија има нов клуб

Ристе Здравков — Wed, 21 Jun 2023 07:41:26 +0000

Пред неколку дена Анхел Ди Марија реши јавно да каже дека неговиот договор со Јувентус нема да биде продолжен. Тој така реши да се прости од овој клуб, а веднаш почнаа шпекулациите за продолжување на неговата кариера. Фабрицио Романо сега ексклузивно објави дека Аргентинецот има нов клуб, и дека се договорил со Бенфика. “Бенфика го финализира потписот на Ди Марија. Се е во завршна фаза, треба да се завршат некои ситни детали. Се ќе биде официјализирано во следните неколку дена. Тој прифати едногодишен договор и чека да потпише”. напиша Романо на својот Твитер профил. 35-годишниот аргентински интернационалец минатото лето пристигна како слободен играч од Пари Сен Жермен на едногодишен договор, а сега си заминува под слични околности.

EXCLUSIVE: Benfica are closing in on Ángel Di Maria deal, here we go soon! 🚨⚪️🔴🦅🇦🇷

Negotiations at final stages — just final details are missing to get it sealed and it will happen in the next days if all goes to plan.

Contract until June 2024 accepted, waiting to sign. pic.twitter.com/5sulR1hPW2
— Fabrizio Romano (@FabrizioRomano) June 20, 2023

Ди Марија го напушта Јувентус

Ивана Ефремовски — Tue, 06 Jun 2023 19:30:41 +0000

Аргентинскиот фудбалски репрезентативец Анхел ди Марија потврди денеска дека нема да го продолжи договорот со најтрофејниот италијански клуб Јувентус. „Дојдов до крајот на тежок и сложен период. Заминувам сигурен дека дадов сè од себе. Не успеавме да освоиме титули и поради тоа останува горчлив вкус во устата“, напиша Ди Марија на својот Инстаграм профил. Ди Марија одигра за Јувентус 40 натпревари на кои постигна осум голови и додаде седум асистенции. „Од првиот момент кога дојдов се чувствував како дома. Засекогаш ќе го носам Јувентус во срцето“, додаде Ди Марија, кој го облече дресот на Јувентус минатото лето кога без обесштетување дојде од ПСЖ. (МИА)

Ди Марија на лето би можел да се пресели во Барселона доколку Меси се врати во шпанскиот клуб

Тале Кристо — Sat, 27 May 2023 09:39:51 +0000

Барселона е заинтересирана за напаѓачот на Јувентус, Анхел Ди Марија, пренесува „Relevo“. Каталонскиот клуб очекува да потпише со 35-годишниот Аргентинец, кој најверојатно ова лето ќе стане слободен играч. Самиот фудбалер сака да продолжи да игра во Европа, дополнителен мотив за напаѓачот може да биде враќањето во Барселона на неговиот партнер во репрезентацијата на Аргентина, Лионел Меси, со кого има пријателски односи. Во сезоната 2022/23, Ди Марија на 38 натпревари за Јувентус постигна осум гола и направи седум асистенции. Договорот на играчот со торинскиот клуб е со важност до крајот на јуни 2023 година. Од јули 2010 до август 2014 година, Ди Марија играше за Реал Мадрид.

Јувентус нема да го продолжи договорот со Ди Марија, променета стратегијата на клубот

Дарко Андоновски — Thu, 25 May 2023 16:15:45 +0000

Анхел Ди Марија ќе го напушти Јувентус. Договорот на аргентинскиот играч за врска со клубот е со важност до крајот на тековната сезона. Страните преговараа за продолжување на договорот. Сепак, според „Goal“, трансфер стратегијата на „Старата дама“ е променета. Јувентус одлучи да одбие да ја продолжи соработката со Анхел. Триесет и петгодишниот Ди Марија му се приклучи на Јуве летото 2022 година. Во Серија А одигра 24 натпревари на кои постигна по четири гола и исто толку асистенции.

Анхел Ди Марија ќе го продолжи договорот со Јувентус

Бошко Тасиќ — Sun, 02 Apr 2023 17:43:34 +0000

Според италијанскиот „Tuttomercatoweb“, Аргентинецот ќе остане во торинскиот клуб дури и ако тимот не се пласира во европските натпреварувања на крајот од оваа сезона. Клубот е на седмото место во Серија А. Претходно беше објавено дека Атлетико Мадрид е заинтересиран за фудбалерот од средниот ред. Триесет и петгодишниот Ди Марија одигра 16 натпревари оваа сезона во Серија А, постигнувајќи четири гола и четири асистенции. Во Јувентус е од 2022 година.

Ди Марија: Долго време чекав шанса во Јувентус

Бошко Тасиќ — Fri, 24 Feb 2023 05:41:07 +0000

Јувентус успеа да ја мине првата пречка во Лига Европа, односно да слави над составот на Нант со вкупно 4-1 во двомечот. „Бјанконерите“ беа супериорни во реваншот во Франција, победија со 3-0 во средба во која свое шоу имаше аргентинскиот репрезентативец Анхел Ди Марија. Офанзивецот беше креатор на сите три гола (два во првото, еден во второто полувреме) од кои за издвојување дефинитивно беше првиот кој сигурно ќе влезе во конкуренција за најдобар во оваа сезона во ова натпреварување. -Јас сум навистина среќен што успеав да ја завршам добрата работа на тимот и да ја претворам во голови. Сакавме да се најдеме во следната рунда, Лигата на Европа е многу важна за нас. Долго време чекав за ваква можност во дресот на Јувентус и успеав да ја подигнам летвичката. Се обидувам да му помогнам на тимот, победивме и сме во осминафиналето. Овој резултат значи многу за нашата сезона, победувајќи овде со целиот стадион навивајќи се против нас, но го добивме она што го сакавме, -порача Ди Марија во својот коментар.

Ди Марија сака да остане во Европа уште една година

Ивана Ефремовски — Thu, 09 Feb 2023 09:31:43 +0000

Анхел Ди Марија сака да продолжи да игра во Европа. Триесет и четиригодишниот фудбалер од средниот ред на Јувентус планира да остане во Европа најмалку уште една година, објави новинарот на „TyC Sports“, Гастон Едул. Договорот на Аргентинецот со клубот од Торино истекува во летото 2023 година. Претходно беше објавено дека Јувентус не планира да го обнови договорот со Анхел. Ди Марија ја започна својата европска кариера во 2007 година во Бенфика. Оттогаш играше за Реал Мадрид, Манчестер Јунајтед и ПСЖ, од каде на слободен трансфер во летото 2022 година се пресели во Јувентус. Оваа сезона Ди Марија на 17 натпревари за Јувентус во сите натпреварувања постигна три гола и имаше пет асистенции. (МИА)

Јувентус нема да го продолжи договорот со Ди Марија

Ивона Петрова — Tue, 31 Jan 2023 10:27:09 +0000

Јувентус нема да го продолжи договорот со Анхел Ди Марија, објави „Газета дело Спорт“. Според италијснакиот весник, „бјанконерите“ сакаат да го намалат својот платен список следната сезона и нема да му понудат на Ди Марија продолжување на договорот. Играчот од средниот ред игра за Јувентус од летото 2022 година. Рокот на актуелниот договор на 34-годишниот Аргентинец со клубот е со важност до 30 јуни 2023 година. Порталот „Трансфермаркт“ ја проценува вредноста на играчот на 10 милиони евра. Во сезоната 2022/23, Ди Марија забележа 15 настапи за Јувентус во сите натпреварувања, постигнувајќи три гола и пет асистенции.

Ди Марија нема да игра за Јувентус

Бошко Тасиќ — Wed, 04 Jan 2023 06:03:12 +0000

Анхел Ди Марија во текот на летото пристигна во Јувентус откако му истече договорот со ПСЖ. На своето деби веднаш го покажа квалитетот, но потоа стигнаа проблемите со повреди. Против Сасуоло имаше гол и асистенција, меѓутоа се јави стариот проблем со Ахилобата тетива. Започнаа честите повреди и веќе три ги имаше во Јувентус. Со Аргентина играше на Светското првенство, а сега се очекуваше да игра за Јувентус утре против Кремонезе, но „бјанконерите“ ќе мора уште малку да почекаат. Ди Марија се мачи со повреда на десниот зглоб и се уште не е познато колку ќе биде потребно да се опорави и да му помогне на Јувентус.