анкети – Kurir.mk

Мицкоски: Последните бројки од анкетите покажуваат водство на ВМРО-ДПМНЕ од 24 спрема 11, тоа е предност за повеќе од два пати

Ивана Ефремовски — Tue, 25 Jul 2023 17:06:22 +0000

„Последните анкети кои што ние како политичка партија ги правиме секој месец по една теренска и по една телефонска анкета, морам да кажам дека покажуваат за првпат разликата помеѓу нас и СДС да е многу повеќе и од два пати. Последните бројки кои што ги добивме овој месец се 24 наспроти 11 проценти. И тоа е огормна доверба и огромно очекување на граѓаните од ВМРО-ДПМНЕ“, истакна претседателот на ВМРО-ДПМНЕ, Христијан Мицкоски при гостувањ во ТВ Тера. Мицкоски додаде дека тенденција на партијата е довербата кај граѓаните во ВМРО-ДПМНЕ да расте. „Значи вие кога имате толкава предност, тоа и ве обврзува и треба и ние да се замислиме во ВМРО-ДПМНЕ, и добро да се екипираме затоа што граѓаните ќе имаат огромни очекувања и брзи очекувања во идната Влада која што ВМРО-ДПМНЕ ќе ја предводи“, заклучи Мицкоски.

Анкетите прогнозираат успех на Републиканците на конгресните избори во САД: Дали изненадувања сепак се можни?!

Ристе Здравков — Mon, 07 Nov 2022 13:55:06 +0000

Американскиот претседател Џозеф Бајден се бори да го спречи поразот на утрешните „меѓуизбори“, бидејќи републиканците изгледаат подготвени да постигнат големи придобивки во американскиот Конгрес и да започнат двегодишна политичка војна. Бајден, заедно со поранешниот претседател Барак Обама, ги спроведува најновите иницијативи низ Америка за да ги убеди гласачите дека победата на демократите е важна не само за законодавната агенда на Бајден, туку и за зачувување на американската демократија. Но, излегува дека републиканците добиваат опасен ветар со заработка од фрустрации за инфлацијата и стравовите за криминал и илегална имиграција. Изборните прогнозери и анкетите укажуваат на голема веројатност дека партијата на поранешниот претседател Доналд Трамп ќе освои мнозинство во Претставничкиот дом и исто така ќе има шанса да ја преземе контролата врз Сенатот. „Републиканците стигнаа до врвот во вистинско време“, рече Брендан Бак, поранешен помошник на претседателите на Претставничкиот дом Пол Рајан и Џон Бонер. „Демократите направија добра работа пркосејќи ѝ се на политичката гравитација долго време, но таа конечно ги надминува. Постои тенденција кон здраво републиканско мнозинство во Претставничкиот дом, и кога би се обложил, би предвидел дека републиканците ќе го освојат тоа едно место што им е потребно во Сенатот“. Среднорочните избори се одржуваат на секои четири години, но годинава, посочува Гардијан, е далеку од вообичаено, а има голема излезност во фазата на предвремено гласање. Утрешните избори го претставуваат првиот тест за демократијата низ целата земја откако следбениците на Трамп организираа смртоносен бунт во американскиот Капитол на 6 јануари минатата година. Во прашање се сите 435 места во Претставничкиот дом, 35 од вкупно сто места во Сенатот, 36 позиции на државни гувернери, три позиции гувернери на американска територија и бројни позиции на градоначалници, како и позиции во локални канцеларии. Околу 129 нацрт-закони за кои треба да гласаат гласачите во 36 држави вклучуваат закони за абортус во Калифорнија, Кентаки, Мичиген, Монтана и Вермонт. Изненадната победа на демократите во Претставничкиот дом и Сенатот ќе му даде мандат на Бајден да ја протурка законодавната агенда за прашања како што се правата на абортусот, полициските реформи и правата на глас во следните две години од неговото претседателствување. Но, доколку републиканците ја преземат контролата врз еден од двата дома на Конгресот, тоа би било доволно да се попречат таквите амбиции и да се покренат прашања за поддршката на САД за Украина во нејзината војна против Русија. Бајден би можел да се соочи со истраги на Конгресот за низа прашања - од повлекувањето на силите од Авганистан до деловните договори на неговиот син Хантер во странство. „На крајот на денот, не е важно дали е една куќа или два дома, ако републиканците ја преземат контролата, следните 18 до 24 месеци ќе бидат нов политички пекол во оваа земја каков што досега не сме виделе“, изјави Мајкл Стил, поранешен претседател на Републиканскиот национален комитет. Како што се приближува кон крајот на долгата кампања, двете партии инвестираат милиони долари во ТВ реклами, водат кампањи на социјалните мрежи, организираат митинзи со нивните најголеми ѕвезди... Последните напори на Бајден во кампањата укажуваат на одбранбен став во државите кои веќе се во рацете на демократите - во Калифорнија, Илиноис и Ново Мексико, заедно со Пенсилванија. Среднорочните избори обично служат како референдум за актуелниот претседател. Рејтингот на популарноста на Бајден е под 50 отсто повеќе од половина година, а во неодамнешната анкета на Ројтерс и Ипсос, таа беше 40 отсто. Истото истражување покажа дека 69 отсто од Американците веруваат дека земјата е на погрешен пат, додека само 18 отсто мислат поинаку. Историјата не ги фаворизира ниту демократите. Партијата на власт обично губи места во Претставничкиот дом на половина пат од четиригодишниот претседателски мандат. Во 2006 година Џорџ В. Буш рече дека неговите републиканци биле „тепани“ на конгресните избори. Во 2010 година, Обама ја нарече „голем пораз“ загубата на неговата партија од 63 места во Претставничкиот дом. Во 2018 година, откако Трамп помина две години на функцијата, Републиканската партија загуби 41 место во Претставничкиот дом.

ВМРО-ДПМНЕ: Анкетите покажуваат дека владата нема никаква поддршка, а премиерот е оценет со недоволен еден

Ристе Здравков — Sun, 07 Aug 2022 07:12:52 +0000

ВМРО-ДПМНЕ има двојно поголем рејтинг од СДСМ, се вели во партиското соопштение на опозициската ВМРО-ДПМНЕ. -Анкетите јасно покажуваат дека СДСМ ќе доживее катастрофа на престојните избори. Тоа ќе биде исход од нивното катастрофално владеење. Анкетите покажуваат дека владата и премиерот немаат никаква поддршкa, а Ковачевски е оценет со оценака недоволен еден. Лошиот рејтинг на оваа влада предводена од Ковачевски е поради криминалните тендери, поради корумпираноста, поради неправдата, поради матните набавки како таа на битумен, поради тоа што имаме една од највисоките инфлации во регионот, поради најнискиот раст на економијата споредено со регионот, поради растечката сиромаштија и урнисаниот стандард. Владата покаже дека ниту знае, ниту сака да се справува со проблемите на граѓаните. Функционерите од власта на СДСМ се фрлени само на криминал и лично богатење. Анкетите, кои и самите ги имаат, им покажуваат дека рејтингот им е во слободен пад, истакнуваат од ВМРО-ДПМНЕ. Затоа бегаат од соочување со народот и се обидуваат да се задржат уште некој ден повеќе на власт за некој тендер повеќе, додават од таму.

„Анкетите го даваат одговорот зошто СДСМ бега од избори, ВМРО-ДПМНЕ со убедлива поддршка од народот, Мицкоски со двојна предност пред Ковачевски“

Тале Кристо — Sun, 08 May 2022 12:51:18 +0000

Анкетите го даваат одговорот зошто СДСМ бега од избори, ВМРО-ДПМНЕ со убедлива поддршка од народот, претседателот Мицкоски со двојна предност пред Ковачевски. Мнозинството граѓани се за предвремени парламентарни избори, ВМРО-ДПМНЕ со убедлива предност од 5% пред СДСМ. Според анкетата на ИПИС, 39.2% од граѓаните сметаат дека е потребно да има предвремени избори, наспротив 32.5% кои се против. Народот сака промени затоа што со оваа влада само тонеме. Граѓаните според анкетата на ИПИС му даваат огромна поддршка на ВМРО-ДПМНЕ. убедлива е предноста пред СДСМ со 5% разлика. За ВМРО-ДПМНЕ својот глас би го дале 21.2% од граѓаните, наспроти 16.2% за СДСМ. Народот јасно ја препознава разликата, која се гледа и од работата на градоначалниците на ВМРО-ДПМНЕ, во однос на не работата на тие од СДСМ. Претседателот Мицкоски е политичар со најголема доверба меѓу граѓаните, и лидер со најголема поддршка. Дури 16.2% од граѓаните имаат најголема доверба во претседателот Мицкоски, наспроти 8.7% во Димитар Ковачевски, кој е втор на листата, а има дупло понизок рејтинг. Анкетите го покажуваат тоа што сите го знаат. Предвремени избори мора да има час поскоро. Само ВМРО-ДПМНЕ може са ја извади државата од кризата.

ИЗБОРИ ВО УНГАРИЈА: Анкетите најавуваат чиста победа на Виктор Орбан! (ФОТО)

Магдалена Андонова — Sun, 03 Apr 2022 17:35:41 +0000

Милиони Унгарци денеска излегоа на гласање на парламентарните избори на кои долгогодишниот премиер на таа земја Виктор Орбан бара петти мандат. Негов противкандидат е Петер Марки-Заи, кој е на чело на опозициската коалиција која се обедини во желбата да го собори. Гласачките места низ Унгарија се затворени во 19 часот по средноевропско време, но според унгарската новинска агенција, доколку некој веќе чекал на ред за гласање во тој момент, сепак можел да гласа. Излезноста се очекува да биде околу 70%, како и на изборите во 2018 година.

Конзервативците на Џонсон ја загубија предноста во анкетите откако се откри нивна божиќна забава во локдаун

Тале Кристо — Fri, 10 Dec 2021 09:41:56 +0000

Конзервативната партија на британскиот премиер Борис Џонсон го загуби водството во анкетите наспроти опозициската Лабуристичка партија, по откривањето на наводна божиќна забава за време на локдаунот, што предизвика незадоволство од нивното лицемерие. Анкетата на YouGov за весникот „Тајмс“ покажа дека конзервативците го загубија водството, губејќи три процентни поени од 2 декември и сега имаат 33 отсто доверба кај гласачите, додека лабуристите ја зголемија својата доверба кај нив за четири процентни поени, достигнувајќи 37 отсто. Џонсон на предвремените избори во 2019 година освои 365 од 650-те места во Долниот дом на британскиот Парламент, што претставуваше најголемо мнозинство на Конзервативната партија од победата на Маргарет Тачер во 1987 година. Џонсон од пред два дена наметна нови ограничувања во Англија, само неколку часа откако се извини за видеото на кое се прикажува неговиот персонал како се смее на забава во Даунинг стрит за време на локдаунот за Божиќ 2020 година поради Ковид-19, кога таквите прослави беа забранети. Тајмс пишува дека три четвртини од Британците веруваат дека се одржала божиќна забава на која биле прекршени правилата за коронавирус, а 68 отсто од анкетираните веруваат дека Џонсон не ја кажувал вистината кога тоа го негираше.

ФОТО: Стратум, кој доби пари од Фондот за иновации, сега пред избори мести анкети за СДСМ

Катерина Бојаџиева — Sat, 02 Oct 2021 14:15:28 +0000

Стратум Рид е истата компанија која во неколку наврати добива пари од скандалозните исплати на Фондот за иновации. Сега истата компанија која доби пари од власта, пред избори мести анкети за СДСМ, велат од ВМРО-ДПМНЕ. -Анкетата е лажна и за политичка употреба пред самите избори, што најдобро ја отсликува нервозата во СДСМ и поразот кој им следи. Компанијата која е соработничка на владата сега е соработничка и на СДСМ. Веројатно самите анкети се правени на компјутерот во седиштето на СДСМ, а не врз основа на научен и репрезентативен примерок. За сето ова говори и фактот што управителката на Стратум Весна Кузмановиќ е соработник и со Зоран Заев, што го потврдуваат и фотографиите кои во прилог ги испраќаме. Уште еден доказ дека СДСМ е најлошото државата, стои во партиската реакција.

Мисајловски: Анкетите покажуваат убедлива победа на ВМРО-ДПМНЕ во повеќе општини

Магдалена Андонова — Fri, 27 Aug 2021 18:26:59 +0000

Овие локални избори ќе бидат еден вид на референдум бидејќи со голема победа на ВМРО-ДПМНЕ паѓа СДСМ, паѓа ДУИ, смета потпретседателот на ВМРО-ДПМНЕ Владо Мисајловски во вечерашното гостување во Централниот дневник на Македонската телевизија, посочувајќи дека потребно е подготовка на добри програми за локалните избори со кои ќе се решат проблемите на граѓаните. Но секако ние треба сето тоа да го преточиме во локална програма бидејќи граѓаните очекуваат решавање на нивните проблеми, рече Мисајловски. Мисајловски коментирајќи ги обвинувањата дека ВМРО-ДПМНЕ постигнала договор за измените за Изборниот законик далеку од очите на јавноста, посочи дека ВМРО-ДПМНЕ била коректна и отворена при носење на ова законско решение, додавајќи дека сите кои говореле и барале една изборна единица на крај побегнале од тоа барање. Толку бевме отворени и коректни што оставивме и власта да се договори со помалите политички партии за да најдат заеднички јазик и ние ќе го прифатиме, додека едно време сите говореа за една изборна единица сите побегнаа од таа една изборна единица. Така што мислам дека ова е една мала игра помеѓу СДСМ, ДУИ и некои политички партии, посочи Мисајловски. На прашањето што им дава толкав оптимизам за по победата на локалните избори да бараат и предвремени парламентарни избори, Мисајловски рече дека тоа е опозициското расположение, но и анкетите кои покажуваат голема победа за ВМРО-ДПМНЕ на овие локални избори. Први и основни ви кажав, тоа е опозициското расположение, кое што го гледаме на анкетите за ВМРО-ДПМНЕ. Ние во најголемиот дел во Македонија имаме одлични бројки сигурни победи, во другите општини се разбира ќе дадеме се од себе да ги освоиме. Така што ВМРО-ДПМНЕ е пред убедлива победа и затоа велиме секој да ни се приклучи за оваа победа да биде многу поголем, вели потпретседателот Мисајловски. Целосното интервју за МРТ на потпретседателот на ВМРО-ДПМНЕ, Владо Мисајловски може да го погледнете ТУКА.

Човекот кој стои зад идејата дека Македонија е дел од Бугарија и дека треба да отвориме бугарски универзитет има за задача да ги величи Зоран Заев и СДСМ

Ивана Ефремовски — Wed, 21 Jul 2021 13:49:38 +0000

Човекот кој стои зад идејата да биде отворен бугарски универзитет во Македонија и кој тврди дека Србија одзела парче од Бугарија за да настане Македонија, има задача да ги брани и величи Зоран Заев и СДСМ. Со своите изјави тој дава поддршка за штетните политики кои македонската Владата ги води на сметка на државата. Станува збор за Андреј Рајчев, бугарски социолог, човек близок до Бојко Борисов. Тој стои зад агенцијата „Галуп“ која во Македонија објавува анкети на кои на Заев му се дава предност. Во интервју за Дојче Веле, дадено минатата година, Рајчев истакна: „И второ: наш интерес е тие да знаат за Бугарија. Зошто, на пример, во Скопје да нема бугарски универзитет? Како што во Благоевград има Американски универзитет. Дипломираните од тој универзитет не стануваат Американци, но стануваат блиски на Америка. Таму доаѓаат пари од Америка, доаѓаат експерти од Америка- и се претпоставува дека голем процент од дипломците на тој универзитет се проамерикански настроени. И тоа е целосно легитимно, не е некаква пропаганда или агитација. Тоа е едноставно голема услуга која тие луѓе ја добиле од една држава“. Ваквите ставови на поддржувачот на Заев се загрижувачки и, секако, на штета на Македонија. Еве што друго истакна тој: „Србија со една многу итра и подмолна политика успеа да оддели едно парче од Бугарите и да ги претвори во самостојна нација. Тоа е факт. Но тоа веќе се случило. Така што: каков е нашиот интерес во моментов? Нашиот интерес е прво, тие да ја засакаат Бугарија. Тоа е апсолутна претпоставка за да продолжиме со некакво воспоставување на односите со тие наши браќа кои постепено ни станале братучеди“. Социјалдемократскиот сојуз на Македонија денеска објави резултати од анкета спороведена токму од агенцијата „Брима“, според кои партијата има предност од 2,6 отсто пред ВМРО-ДПМНЕ. Според оваа анкета, доверба во Зоран Заев изразиле 12,6 отсто од испитаниците. Токму човекот чии изјави цитиравме погоре, стои зад овие анкети. Така, Рајчев му го крева егото на Заев пред избори. Вака Бугарите дитектно му помагаат на македонскиот премиер, кој со нив преговара за се што тие ќе побараат.

Николоски: Релевантните анкети покажуваат водство на ВМРО-ДПМНЕ, затоа Заев бега од предвремени парламентарни

Тале Кристо — Fri, 25 Jun 2021 17:54:59 +0000

Релевантните анкети, оние кои се теренски покажуваат големо водство на ВМРО-ДПМНЕ пред СДСМ и покажуваат дека граѓаните ќе го казнат Заев за играњето со државните и национални интереси, недобивањето на датум и лошото справување со корона и економската криза, вели потпретседателот на ВМРО-ДПМНЕ, Александар Николоски за „Трилинг“ на 24 ТВ. Николоски во однос на неодамнешната анкета на ИРИ вели дека таа е правена во месец март, а се објави во јуни и прашање само по себе зошто е тоа така, но потсети дека на последната анкета која ја има ВМРО-ДПМНЕ и која што е теренска, ВМРО-ДПМНЕ има 21,7% проценти, СДСМ има околу 14%. - Тоа е доказ дека од март досега се случи топење на СДСМ во делот на корона кризата не набавија вакцини, имаше ужас во делот на корона кризата, финансиски имаше лоша ситуација и излегуваат разговори кои Заев ги води во однос на националните прашања. За анкетата на ИРИ битна е медотологијата. На пример, за градоначалниците маргината на грешка е 6% во анкетата на ИРИ, а стандардна маргина веќе и не се осудуваат повеќе од 2%. Второ не може да се постави прашање за непознат противник како што е прашањето дали би гласале за кандидатот на СДСМ тој и тој, или кандидатот на ВМРО-ДПМНЕ кој не е објавен. За да може да ги мерите треба да се знаат двајцата, за да може да се споредуваат, рече Николоски. Николоски додаде дека за локалните избори во однос на кандидат за Скопје за се гледа расположението кај граѓаните и тука се мерат и партиски и непартиски личности и сите стојат подобро од Шилегов, а втората варијабла е дали ќе има парламентарни заедно со локалните избори што целосно го менува наративот. - Затоа што такви ако се само локални, тогаш тие ќе бидат референдум дали граѓаните сакаат предвремени парламентарни избори. За Заев е добро сега да прифати парламентарни заедно со локалните од причина што на овој начин покажува слабост, негов главен аргумент беше дека Македонија ќе почне преговори со ЕУ. Бегањето од избори доволно кажува што мислат граѓаните, истакна Николоски.