Анонимуси – Kurir.mk

Анонимуси објавија дека хакирале доверливи документи на Владата на Србија

Ристе Здравков — Tue, 17 Jan 2023 20:25:26 +0000

Хакерската група „Анонимуси“ објави дека „протекле десетици доверливи документи од Владата на Србија“. Во својата објава на Твитер напишаа: „Се уште не завршивме со тебе, марионето на господинот Путин!“ Објавија и линк со доверливи документи од Владата на Србија. Хакерската група „Анонимуси“ пред почетокот на јануари извршила серија напади на веб-страниците на државните институции под заедничкиот хаштаг „опсербија“ – операција Србија, тврдат членовите на оваа неформална група на Твитер. На неколку различни профили на Твитер, кои го носат името Анонимус, имаше соопштенија за хакирање на веб-страниците на Војската на Србија, НБС, потоа веб-страницата на претседателот на Србија, Александар Вучиќ, како и веб-страницата на Министерството за надворешни работи и БИА.

Инвазија на северни антимакедонски анонимуси

Љупчо Цветановски — Wed, 09 Nov 2022 10:03:45 +0000

Колку си понепознат, подилајла и посуртук, толку си поподобен за висока позиција во северната влада. Се прашувате зошто? Не, затоа што зевзечкиот рецепт е ачик јасен. Така, со демек „нови лица“ Заевите пулени и избраници си купуваат време, нови дни и месеци додека збунетиот народ не сфати со каква послушна и „насадена“ дилајла си има работа. Полека , но сигурно, Македонија станува земја во која северните анонимуси се на цена и сцена, барана роба за една политичка употреба. Кондом ко кондом, нели... Сетете се само на Таче, црпнат пустиот од финансии, паднат од Марс (поверојатно Венера) лик за кој се’ уште и ден-денес никој не знае кој е, но сите знаат зошто е. Тука е и анонимната есдеесовска правничка, која Богати, стана уставен судија, а соселанецот безимен на Ахмети ќе раководи со обвинителство за организиран криминал? Ццццц, ќе ве зачуди нешто нормално, а со неизживеаните и неинвентивни Тачевци го живееме ефектот и феноменот на Катица Јанева, онаа госпожата со просек 6 и IQ22, малу понизок од лидерот Црпко кого го красеше IQ33, толку соодветно на неговите кирилични иницијали. Онаа која направи ршум во обвинителство и судови, толку специјална што испадна и ненаситен арамија, оти толку и сечеше.. Да, ова е македонско чудно време-невреме во кое стана ненормално да сте нормален, лета Господови кога со носење скафандер станувате министерка, преку терање до балчак црна кампања заслужувате да бидете прв човек на одбрана на држава, забегани години кога за награда за уништување земјоделство затоа што некому сте многу мил го водите истото, а преку тендер-мафија имате изим да раководите со полиција и МВР? Примери милион, логика нула, ама тоа бил, е и ќе биде тертипот на црпнатата, антимакедонска влада, банда ли беше. Се’ што треба да имате и поседувате за успех во милата ни Македонија е несветото комуњарско/северно тројство. Многу амбиција, малку мозок и да сте опериран од македонштина. И така, во „северна“, небото ви е граница! Македонија, новокомпонирана земја на ќурани, орли и муртински зајаци. Кој од кој поинфантилен и со тоа поподобен за успех во забегната северна прикаска, која претполага недостиг на скрупули, национално чувство и огромна желба за правење пари. По секоја цена... Да, сфативме дека присуствуваме на смена на довчерашните ислужени кловнови, па Заев е заменет со Ковачевски, Русковска со детето на Алија, Славјанка ја „мења“ Рада, Стево се менува самиот себеси, а Црната Бисера не ни знае кого до Бога менува. Нова генерација северџганистански поданици кои „оком и скоком“ ќе ја бранат непостоечката неолиберална кауза, заслепени од функциите кои ниту ги заслужуваат, ниту некогаш сонувале дека ќе ги извршуваат. И, не, не им завидувајте, не им е лесно во кондурите со 10 пати поголем број, ама ич. Амбицијата е едно, ама си знаат каде припаѓаат, што прават и што ги чека. Така што, не е убаво да бидете во нивната руба, уште помалку во нивните празни главчиња, преполни со партиски фрази и директиви... И сега? Епа, сега кога сконтаа северџганистанците дека немаат 2/3 мнозинство за смена на Устав и за да со песна да внесат Бугари во него, е сега го прават она што најдобро и единствено го знаат. Го практикуваа нон-стоп по „надвор“, а сега и по дома. Коленичат и молат, безрбетно кукаат, лелекаат, глумат Македонци и плачат: АМААААН, „БРАЌА“ ВРЕМЕ Е ЗА ОБЕДИНУВАЊЕ!!! Чек, чек, како рековте, ОБЕДИНУВАЊЕ ли?! ! Со кого бре, со вас??? Со суртуци кои сменија име на држава без глас на народ да почитуваат? Со оние заради кои разни белосветски шалабајзери не’ нарекуваат „северомакедонци“, а тие молчат ко онакви под кошула? Со дилајли кои воведоа ступидна и тотално неаргументирана двојазичност, на која се спротистави дури и една Венецијанска комисија ли? Колаборација со ајвани кои сменија и Прембула на Устав и го извадија АСНОМ за да не’ навредуваат Бугари, сакатејќи не’? Со опортунисти кои ни ја продадоа придавката МАКЕДОНСКИ ли!?!? Сервилни интересџии кои ќе ме убедуваат дека Илинден и Гоце не биле само наши?!?! Да се обединам со некој кој лаже-суши дека ми го зачувал ЧИСТИОТ македонски јазик?! Со шутраци кои склепаа индолента територијална поделба?! Со дезертери кои ко ѓавол од темјан бегаа, бегаат и ќе бегаат од одбрана на татковината? Со оние кои ми сменија знаме и идентитет ни „зацементираа“, со нив да шурувам? Со лукративци кои ги задолжија и нашите правнуци? Со северџганистанци кои се срамат да кажат МАКЕДОНИЈА? Ликчиња кои како со гумичка ги избришаа и се откажаа од моите браќа и сестри во Егејска и Пиринска? Со апаши кои ја испокрадоа државата, кутнаа на колена здравство, руинираа образование? Манипуланти кои уништија фабрики за да потоа ги купат истите? Со ликови кои се потсмеваат со патриотизмот и љубовта кон Македонија. Црепови кои се кријат под фустан кога Бугари ликуваат и прават зулуми во 2022-ра година по Битола и Охрид? Неолиберални чеда кои се откажаа од татко и мајка и имаат родител 1 и 2? Со лукративни акрепи кои немаат проблем да ја сменат мојата историја, хохштаплери кои со насмевка уринираат по гробовите на нашите предци, светци, револуционери и дедовци? Зборувате за некакво си обединување со Едиповци со Електра комплекс кои и ебаа мајката на сопствената ТАТКОВИНА?!?! А пораката во суштина гласи: „Аман, обединете се со наС за да останеме на влаС!“ Абе, ајт, сиктер таму. Обединување со вас значи и преземање на вашата вина, забеганите антимакедонски идеи и нихилистички неолиберални злодејанија, а поистоветување со вас е можно само откако ќе се извините за сите зулуми кои му ги сторивте на македонскиот народ. Кога ќе плукнете на СЕВЕРНАТА глупост и ќе признаете дека згрешивте, бескрајно. Кога ќе кажете МАКЕДОНИЈА... Ок, знаеме и дека тоа никогаш нема да биде. Немате ниту трунка храброст, срам уште помалку, ни малку доблест, ни трошка национално чувство за такво нешто. Нити некогаш ќе ги имате. Тоа е јасно ко ден. Не Дончев. Симптоматично или не, но времињата се менуваат, а саде едни поданици остануваат исти, небаре клонирани и препарирани. Да, крајно време е истото тоа време да ги прегази. А, ако не тоа, тогаш некој друг. И не, не очекуваме конечно да сфатите дека е подобро и полесно да издадете книга, отколку својата татковина...

Анонимуси им се заканија на западните компании во Русија

Катерина Бојаџиева — Fri, 01 Apr 2022 10:15:57 +0000

Хакерите од Анонимус им се заканија на западните компании што продолжуваат со работа во Русија, а дел од нив уверуваат дека веќе се повлекле од земјата, дури и пред хакерската закана. На интернет беше објавен список со 42 фирми и предупредување дека ако не се повлечат од Русија, компаниите ќе се соочат со кибер напади. По руската инвазија на Украина, Анонимус ги мобилизираа доброволците со цел да извршат кибер напади на руски јавни институции, како и медиумски куќи, што се под државна контрола. Во неодамнешните обиди, мета беа Руската централна банка и градежната компанија „Ростпроект“ во Русија. Од Анонимус најавија дека ќе објават 35.000 документи со „тајни договори“, а соопштија и дека ги хакирале мејловите на „Ростпроект“.

Анонимус ја хакираа Централната банка на Русија, ќе објавуваат тајни податоци

Ивона Петрова — Thu, 24 Mar 2022 12:02:12 +0000

Хакерската група Анонимус објави дека ја хакирале Централната банка на Русија и дека ќе објават повеќе од 35.000 податоци. Групата Анонимус на својот Твитер профил објави дека нивната заедница ја хакирала Централната банка на Русија. Тие тврдат дека во следните 48 часа ќе објават повеќе од 35.000 документи, меѓу кои и тајни договори. Анонимус е најекспонираната хакерска заедница во светот, која објави војна на Русија по руската инвазија на Украина. Претходно се пофалија дека на 26 февруари ги хакирале државните ТВ канали во Русија и ја објавиле вистината за тоа што се случува во Украина.

Анонимуси хакирале надзорни камери на семејни куќи во Русија

Ристе Здравков — Fri, 18 Mar 2022 09:56:30 +0000

Анонимуси упаднаа и во надзорните камери на семејните куќи, па цел свет можеше да погледне во домовите на руските цивили, но подоцна се предомислија и решија да го отстранат пристапот до овие камери за да ја заштитат приватноста на луѓето. На страницата што ја формираа за таа цел, нарекувајќи ја „Зад непријателските линии – во живо“, тие ја опишаа нивната цел да ја запознаат руската нација за тоа што се случува во Украина и да им кажат дека државната пропаганда им го пере мозокот. Речиси 150 милиони Руси не ја знаат вистината за причините и текот на војната во Украина. Нив ги храни пропагандата од Кремљ. Во Русија нема слободни медиуми, а интернетот е цензуриран. – Имаме можност да се обидеме да пренесеме директна порака до луѓето во поробената земја – ги објаснуваат Анонимус причините за лансирањето на страницата. Им порачуваат на Русите дека цел свет ќе им помогне доколку решат да се борат со диктаторот.

ФОТО: Анонимуси тврдат дека ја хакирале страницата на руската разузнавачка служба

Ристе Здравков — Wed, 16 Mar 2022 06:48:21 +0000

Анонимуси денеска објавија дека хакирале неколку руски сајтови во борбата против инвазијата на Путин на Украина, а меѓу нив се и страниците на руската разузнавачка служба ФСБ (наследник на КГБ) како и страниците на руската влада. Тие го објавија ова на Твитер користејќи го воениот термин „Танго надолу“, додавајќи дека хакирале уште две страници, аналитички центар на руската влада и Министерството за спорт. Тие објавија и наводна приватна кореспонденција меѓу Путин и неговиот министер за одбрана Сергеј Шојгуи за плановите за сечење на украинските шуми. Да потсетиме, Анонимуси ја отфрлија војната на Путин на самиот почеток на неговата инвазија на Украина, а пред неколку дена објавија порака специјално дизајнирана да допре до руските граѓани, наводно, повикувајќи ги да застанат против Путин и да го тргнат од власт. „Анонимусите официјално се во сајбер војна против руската влада“, објавија тие на Твитер на 25 февруари.

Russian sites under attack [Tango Down]
Moscow
FSB
Analytical Center for the Government of the Russian Federation
Ministry of Sport of the Russian Federation#Anonymous #OpRussia pic.twitter.com/OLOMSNBvWr
— Anonymous (@YourAnonNews) March 15, 2022

Анонимуси ја хакираа руската федерална агенција и објавија 360.000 датотеки

Ивана Ефремовски — Thu, 10 Mar 2022 20:11:35 +0000

Најпознатата хакерска група Анонимуси ја хакираше Роскомнадзор, руската федерална агенција одговорна за следење и цензура на медиумите и објави 360.000 датотеки, соопшти групата на својот налог на Твитер. Меѓу цензурираните документи објавени од Анонимуси, од кои некои датираат од 5 март, се и оние кои покажуваат дека Москва цензурирала сè каде се споменува војната како „руска инвазија“ на Украина. Роскомнадзор го блокираше пристапот на Русите на Фејсбук, откако руски написи беа означени како неточни. Органот, исто така, се закани дека ќе ја блокира руската Википедија поради вклучувањето на напис за „руската инвазија“, објави „Џерусалим пост“. Анонимуси пред неколку дена хакираа неколку руски медиуми, прекинувајќи ја нивната содржина и оставија порака дека „нормалните Руси не ја поддржуваат војната“. „Почитувани граѓани. Ве повикуваме да престанете со ова лудило, не ги праќајте вашите синови и сопрузи во сигурна смрт. Путин нè тера да лажеме и нè загрозува“, се вели во соопштението на руски јазик. „Изолирани сме од остатокот од светот, повеќе не се тргува со нафта и гас. За неколку години ќе живееме како во Северна Кореја“, се вели во соопштението. Анонимуси водат кибер војна против Русија од 24 февруари, кога започна инвазијата. Групата е заслужна за хакирање на голем број веб-страници на руската влада. Тие, исто така, отворија веб-страница на која корисниците можат да испраќаат мејлови до случајни Руси чии електронски адреси се зачувани во базата на податоци и ги охрабрија корисниците да ја „шират вистината за војната во Украина“. Анонимуси, кои се појавија на почетокот на 2000-тите, и во минатото се залагаа за слобода на говор и приватност. (МИА)

Анонимусите тврдат дека хакирале руски телевизиски станици

Катерина Бојаџиева — Mon, 07 Mar 2022 07:37:45 +0000

Хакерскиот колектив „Анонимуси“ тврди дека ги хакирал преносите на руски државни телевизии, притоа емитувајќи снимки од руските воени дејствија во Украина и упатувајќи повици до рускиот народ да се спротистави на Владимир Путин. „Анонимуси“ објавија на Твитер упад во програмите на „Русија 24“, „Канал 1“ и „Москва 24“, како и на стриминг-сервисите „Винк“ и „Иви“. Во друга објава групата соопшти дека спровела „најголема операција што некогаш е видена“, притоа негодувајќи што одредени влади тоа можат да го квалификуваат како закана и на тој начин активностите да бидат дискредитирани. „Сетете се на нас кога ќе го свртиме вниманието на најразлични сили, бидејќи тоа ќе се случи. Ние можеме да го свртиме светот кон подобро. Тоа отсекогаш и била нашата идеја“, објавуваат „Анонимуси“.

Анонимус: Од руската служба за безбедност протекоа информации за атентат на Зеленски

Ивона Петрова — Thu, 03 Mar 2022 07:02:40 +0000

Информациите за планиран атентат на украинскиот претседател Володимир Зеленски протекоа од руската Федерална служба за безбедност, објави хакерскиот колектив Анонимус. Тие исто така соопштија дека сега започнува борбата за моќ во Кремљ за соборување на режимот на Путин. „Во меѓувреме, да продолжиме со нападите“, вели хактивистичката група. Анонимус ја презедоа и одговорноста за уривањето на веб-страницата на Руската вселенска агенција, и тоа по вторпат.

„Анонимуси“ хакирале повеќе од 300 руски и белоруски интернет-страници

Катерина Бојаџиева — Mon, 28 Feb 2022 11:42:12 +0000

Меѓународната хакерска група „Анонимуси“ денеска соопшти дека како што и најави, нејзините активисти собориле повеќе од 300 интернет-страници на официјални руски владини агенции, компании, медиуми, банки, меѓу кои белоруските „Белорусбанк“, „Приорбанк“ и „Белинвестбанк“. Во нивната информација објавена на твитер „Анонимусите“ последните 48 часа хакирале повеќе од 300 руски веб-страници така што повеќето од руските официјални агенции се офлајн. „Анонимуси“ тврдат дека успеале да влезат во базата на податоци и на руската „Сбербанк“, а ја собориле и веб-страницата на руското Министерство за труд и социјална заштита. „Го уриваме финансискиот и владиниот руски кибер систем додека тие маршираат низ Украина“, додаваат „Анонимуси“. Хакирани се и интернет-страниците на водечките белоруски банки, вклучувајќи ги „Белорусбанк“, „Приорбанк“ и „Белинвестбанк“ и нивните услуги преку интернет се недостапни. Претходно групата ја хакираше и официјалната веб-страница на Чеченската Република.