ансу фати – Kurir.mk

Барселона се договори со Брајтон, а потоа дојде повик кој никој не го очекуваше

Ристе Здравков — Thu, 31 Aug 2023 08:11:59 +0000

Медиумите во Шпанија и Англија синоќа објавија дека Барселона и Брајтон се договориле за позајмица на Ансу Фати, кој до крајот на сезоната ќе игра во ПЛ, но набргу потоа работите се искомплицираа бидејќи во приказната се вклучи и трет клуб. Ансу Фати не е задоволен од минутажата која ја игра во Барселона откако Чави Ернандез ја презеде тренерската функција, а на крајот реши дека најдобро за него е да замине на позајмица во клуб каде што ќе има можност да се докаже. Овој 20-годишен фудбалер во изминатите денови беше поврзуван со Тотенхем, но на крајот синоќа сите беа изненадени од информацијата дека Фати оди во Англија, но не во Тотенхем, туку во Брајтон. И угледниот Фабрицио Романо потврди дека се воспоставени контакти помеѓу Барселона и Брајтон и дека Фати се согласил кариерата да ја продолжи во овој англиски клуб. Договорена е позајмица до крајот на сезоната, а Брајтон нема да има право да го откупи договорот и Фати ќе се врати во Барселона на крајот на сезоната со надеж дека конечно ќе може да се избори кај Чави за стартна позиција во каталонскиот клуб. Сепак, иако беше најавено дека позајмицата на Фати во Брајтон е завршена работа, работата наводно се искомплицира. Утринава шпанските медиуми пишуваа дека во приказната се вклучил и трет клуб, екипа од Ла Лига. Не се знае за кој клуб се работи, но дека е екипа од самиот врв, и дека може да расипе се.

ICYMI last night, via colleague @David_Ornstein.
Exciting replacement for the injured Julio Enciso if they pull it off. #BHAFC
They’ll be keen to get it done. A significant La Liga club has reportedly emerged late on the scene. https://t.co/OcR4wXf2Ok
— Andy Naylor (@AndyNaylorBHAFC) August 31, 2023

Ансу Фати се сели во Премиерлигата

Бошко Тасиќ — Thu, 31 Aug 2023 04:13:59 +0000

Ансу Фати се најавуваше како наследник на Лео Меси, но честите повреди го забавија неговиот развој. Младиот напаѓач се надаваше дека оваа сезона ќе добие шанса да блесне, но Чави има други планови и на почетокот од новата сезона доверба му укажа на 16 годишниот Ламине Јамал.

Па откако му стана јасно дека ќе има ограничена минутажа, Ансу Фати оваа недела реши да го напушти Камп Ноу.

Неколку клубови од Премиерлигата како Челси, Арсенал и Тотенхем пројавија интерес, но нааѓачот на крајот изненади со изборот.

Новинарот Фабрицио Романо објави дека Ансу Фати е многу блиску до преселба на позајмица во Брајтон, се решил на еден ваков чекор по разговорот со тренерот Роберто Де Зерби, кој му ветил дека ќе игра клучна улога во тимот.

Двајца гиганти од Премиер лигата заинтересирани за Фати

Бошко Тасиќ — Mon, 21 Aug 2023 03:54:39 +0000

Големите ривали од англиската Премиер лига, Манчестер Јунајтед и Арсенал, се вклучија во трката по потписот на крилниот напаѓач од редовите на каталонскиот гигант Барселона, Ансу Фати. Повремениот репрезентативец на Шпанија нема статус на стандарден првотимец и затоа ќе му биде дозволено да си замине од „Ноу Камп“ веќе ова лето доколку официјалната понуда за неговото обештетување не биде помала од 70 мил. евра.

Ансу Фати си оди од Барелона

Бошко Тасиќ — Wed, 03 May 2023 04:14:49 +0000

Шпанскиот фудбалски репрезентативец Ансу Фати важеше за еден од најголемите таленти на „Ла Масија“, но и натаму не е во преден план во оваа екипа. Фати оваа сезона запиша само 16 настапи, но скоро сите беа само од клупите за резерви и вкупно на теренот помина околу 500 минути. Агентот на Фати, Жорж Мендеш не е задоволен од третманот кој го има неговиот клиент во Барселона и веќе почнал да му бара нов клуб. Мендеш веќе го понудил Фати на четири клуба од Премиер лигата, меѓу нив и Манчестер Јунајтед, кој минатото лето покажа интерес за талентот. На Барсселона и се потребни пари да ги среди финансиските документи и Фати изгледа како добра можност за солидна заработка. Каталонскиот клуб е спремен да го продаде, а за неговата слобода бара 50 милиони евра.

Ансу Фати повторно е повреден

Бошко Тасиќ — Sat, 25 Feb 2023 05:21:18 +0000

Напаѓачот на Барселона, Ансу Фати, повторно е повреден. Каталонскиот клуб соопшти дека Фати го повредил левото колено на последниот тренинг, а се уште не е познато колку време ќе мора да паузира. Барса в недела ќе гостува во Алмерија, а в четврток во Мадрид го игра првиот натпревар од полуфиналето на Купот на Кралот против Реал Мадрид. Ова е голем проблем за тренерот Чави, кој ги нема на располагање и Осман Дембеле и Педри, а тимот има пеколен распоред во Ла Лига и Копа дел Реј.

Jунајтед испрати последна понуда до Барселона за Фати

Ивона Петрова — Thu, 09 Feb 2023 12:05:33 +0000

Манчестер јунајтед се уште е сериозно заинтересиран за потписот на напаѓачот на Барселона, Ансу Фати. Како што објави „Fichajes“, во Манчестер се подготвени да платат отштета во висина од 60 милиони евра за Фати и чекаат одговор од каталонскиот клуб. Дваесетгодишниот Шпанец е „дете“ на каталонскиот великан. Неговиот актуелен договор со Барса е до летото 2027 година. Во тековната сезона, Фати има 31 настап за Барселона во сите натпреварувања, постигнувајќи шест гола и три асистенции. Вредноста на играчот според порталот „Трансфермаркт“ се проценува на 50 милиони евра.

Асенсио, Фати и Алкантара се вратија во националниот тим

Бошко Тасиќ — Tue, 24 May 2022 06:52:03 +0000

Селекторот на Шпанија, Луис Енрике, го објави списокот на играчи за четири натпревари во Лигата на нации во јуни. На списокот од 25 играчи се најде и фудбалерот на Барселона, Ансу Фати, кој поради повреди нема играно за националниот тим од натпреварот од Лигата на нации против Украина во октомври 2020 година. Во репрезентацијата се врати и напаѓачот на Реал Мадрид, Марко Асенсио, кој последен пат за Шпанија играше во ноември 2020 година, односно во поразот од Германија со 6-0 во Лигата на нации. Играчот од средниот ред на Ливерпул, Тиаго Алкантара беше повикан во националниот тим за прв пат по Европското првенство минатата година. Тијаго се повреди на последниот натпревар на Ливерпул во Премиер лигата, но Енрике изјави дека повредата не изгледа сериозно. На списокот на Енрике се најде и Серхио Бускетс кој го пропушти последниот собир поради повреда, додека поради повреди ќе отсуствуваат Педри, Микел Ојарзабал, Џереми Пина, Џерар Морено, Давид де Хеа. Шпанската фудбалска репрезентација, која минатата година загуби од Франција во финалето на Лигата на нации, првиот натпревар од групата 2 ќе го одигра во Севиља на 2.јуни против Португалија.

Сезоната за Ансу Фати е завршена?

Бошко Тасиќ — Sat, 22 Jan 2022 07:55:56 +0000

Фудбалерот на Барселона Ансу Фати повторно ќе паузира. Каталонскиот гигант потврди дека 19-годишниот напаѓач заработил повреда на бутниот мускул и можно е повторно да паузира подолго време поради оперативен зафат. Доколку се лекува по конзервативен пат, тогаш Ансу Фати ќе паузира околу три месеци. Но, многу подобро би се санирала повредата со хируршки зафат и тоа го препорачуваат клупските лекари на Барселона. .

Фати повторно се повреди, пауза еден месец

Бошко Тасиќ — Sun, 07 Nov 2021 07:46:30 +0000

Барселона вчера испушти победа на гостувањето во Виго кај Селта и водство од 0:3, и на крајот освои само бод во ремито 3:3, а го загуби и еден од најдобрите свои играчи во моментов Ансу Фати. Тој во првото полувреме почувствува болка во мускулот и беше заменет. Информациите од Шпанија велат дека тој ќе одуствува околу еден месец. Фати имаше сериозна повреда на коленото каде паузираше долг период, и откако се врати на терените и заигра константно мора повторно да паузира.

Ансу Фати пак се повреди

Ристе Здравков — Wed, 27 Oct 2021 11:00:38 +0000

Проблемите со повредените фудбалери на Барселона уште повеќе се продлабочија откако и Ансу Фати отпадна од комбинација за настап на денешниот дуел против Рајо Валјекано. Суперталентираниот млад офанзивец неодамна се врати во тимот по пауза од речиси цела сезона, постигна и неколку голови за Барса, но по дербито со Реал Мадрид се пожали на болка во коленото на десната нога. Куман на вчерашната прес-конференција најави дека настапот на Фати е неизвесен, за утрово да биде обелоденето дека „десетката“ на Барселона нема да патува со остатокот на тимот за мечот со Рајо. Во текот на денешниот ден врз Фати ќе бидат извршени детални прегледи, по што ќе биде познато колку долга ќе биде неговата пауза од фудбалските терени. Покрај Ансу Фати, Роналд Куман нема да може да смета ниту на Френки де Јонг, а подолго време повреден е и Бреитвајт.