Анте ребиќ – Kurir.mk

Ребиќ се врати на тренинзите и ќе може да му помогне на Милан на дербито со Интер

Ивана Ефремовски — Sat, 06 Nov 2021 11:39:47 +0000

Напаѓачот на Милан, Анте Ребиќ закрепна од повредата и почна да тренира во општата група, пренесува „Фудбал Италија“. Според италијанскиот медиум, 28-годишниот Хрват ќе може да му помогне на својот тим во натпреварот од 12. коло на Серија А против градскиот ривал Интер, кој ќе се одигра утревечер со почеток во 20:45 часот. Во тековната сезона, Ребиќ одигра 10 натпревари за Милан, постигнувајќи два гола и две асистенции. По 11.кола, Милан е на делба на првата позиција на табелата со Наполи со по 31 бод, Интер е трет со 24. (МИА)

Ребиќ нема да игра против Рома, Чалханоглу неизвесен

Ивона Петрова — Sun, 25 Oct 2020 14:56:17 +0000

Тренерот на Милан, Стефано Пиоли информира дека Анте Ребиќ нема да игра на претстојната средба со Рома во 5. коло од Серија А. – Добро ја започнавме сезоната и треба да продолжиме во истиот дух. Имаме натпревар со силен противник кој победи на 5 од последните 6 средби на гости. Тие имаат тренер кој заврши добра работа во нивната прва сезона во Италија, имаат силни млади играчи како Кумбула и им се придружи квалитетен фудбалер како Педро. -Рома е амбициозна, но и Милан. Ќе биде интересна игра и тежок испит за нас. Важно беше да се зголеми конкуренцијата во Милано и да се потпишат силни млади играчи. Раководството заврши добра работа во стекнувањето со овие играчи. Тие ќе ни помогнат да го подобриме нашето ниво, бидејќи секој разбира дека ако се претстави подобро од својот партнер, нивните шанси за настап ќе се зголемат. Чалханоглу и Ребиќ продолжуваат со закрепнувањето. Ребиќ нема да игра утре, ќе ја следиме неговата состојба во наредните денови. Ќе го разгледаме Хакан на следните тренинзи. А сепак тешко дека ќе игра утре, изјави Пиоли. Дуелот Милан – Рома е закажан за утревечер во Милано со почеток во 20.45 часот.

Ребиќ: Не ги сакам играчите како Игуаин, изгледаат силни, но всушност лежат на тревникот три минути

Тале Кристо — Sat, 18 Jul 2020 19:33:09 +0000

Напаѓачот на Милан, Анте Ребиќ ги обвини играчот од средниот ред на Јувентус, Федерико Бернардески и напаѓачот на „Бајаконерите“, Гонзало Игуаин за симулација. – Постојат двајца Анте Ребиќ: во обичниот живот сум многу мирен, срамежлив и не сакам да се зборува за мене. На теренот се појавува уште еден Анте, кој станува проблем за сите. На натпреварот против Јуве, му кажав нешто на Игуаин. Не ги сакам играчите како него, кои се чини дека се големи и силни, но за време на натпреварот се тркалаат на тревникот три минути кога едвај се допираат. Истото важи и за Бернардески. Кај нас Ибрахимовиќ постојано прима многу удри, но веднаш станува и не лелека. Останатите постојано плачат, истакна Ребиќ.

Конте го сака Ребиќ во Интер

Дарко Андоновски — Sat, 15 Jun 2019 17:55:48 +0000

Новиот тренер на Интер, Антони Конте многу го цени хрватскиот фудбалер Анте Ребиќ и и дал зелено светло на управата на клубот да го донесе на Џузепе Меаца. Како што јавуваат италијанските медиуми, Интер е во потрага по засилувањата со кои Конте го услови италијанскиот клуб кога прифати да биде на кормилото на „неразурите“, а освен Ребиќ се наведуваат и Лазаро, Николо Барела и Един Џеко. За клубот од Милано, Ребиќ би бил второто најскапо засилување со обесштетување од најмалку 40 милиони евра за германскиот Ајнтрахт, каде што моментално игра хрватскиот фудбалер. Инаку, за Ребиќ Италија е добро позната бидејќи одредено време играше во Фиорентина, а во Интер би дошол од Франкфурт, каде што минатата сезона за екипата на Ајнтрахт постигна 10 голови.

Aнте Ребиќ останува во Ајнтрахт до 2022 година

Матеја Петровски — Fri, 10 Aug 2018 20:04:17 +0000

Хрватскиот фудбалер Анте Ребиќ останува во Ајнтрахт Франкфурт, откако со клубот потпиша нов четиригодишен договор. Ребиќ е еден од клучните играчи на Ајнтрахт во изминатите две сезони, а летово се појавија гласини дека доскорешниот тренер и сонародник Нико Ковач планира да го поведе со себе во Баерн Минхен. Ајнтрахт успеа да го задржи и покрај интересот на силните клубови, истакна спортскиот директор на клубот, Фреди Бобич. Хрватскиот фудбалер во дресот на Ајнтрах досега постигна осум голови. (Миа)

Ребиќ може да го следи Ковач во Баерн, Ајнтрахт бара 50 милиони евра

Даниел Василев — Wed, 11 Jul 2018 20:58:14 +0000

Хрватскиот репрезентативец Анте Ребиќ сака да продолжи да работи под раководство на Нико Ковач, откако минатата сезона беше избран за најдобар играч на освојувачот на Купот на Германија - Ајнтрахт Франкфурт. Дваесет и четиригодишниот напаѓач дури постигна гол против баварците при успехот со 3:1 во финалето на Купот на земјата, но би сакал да ја продолжи кариерата кај нив, следејќи го поранешниот хрватски слектор, кој го замени Јуп Хајнкес на тренерската позиција. Според „Билд“, Хрватот преферира да остане во Бундеслигата, иако интерес за него пројавуваат англиските гиганти Манчестер Јунајтед, Арсенал и Тотенхем, како и италијанскиот Наполи. Ајнтрахт сака 50 милиони евра за трансфер на Ребиќ и тоа би можело да се покаже како единствената пречка, бидејќи тимот од „Алијанц арена“ не се согласува да троши толку големи суми. Нивниот рекорд е 41,5 милиони евра за францускиот играч од средниот ред Корентен Толисо минатото лето од Лион. МИА