анте жижиќ – Kurir.mk

Хрватите без Жижиќ на Евробаскет

Бошко Тасиќ — Wed, 03 Aug 2022 07:31:28 +0000

Селекторот на Хрватската кошаркарска репрезентација, Дамир Мулаомеровиќ го соопшти списокот од 16 кошаркари на кои ќе смета на Европското првенство. На него го нема новиот кошаркар на Анадолу Ефес, Анте Жижиќ, но место доби натурализираниот Џејлин Смит. На списокот уште се најдоа и: Рогиќ, Гнијдиќ, Рамљак, Филиповиќ, Пркачин, Хезоња, Перковиќ, Матковиќ, Дрежњак, Симон, Мавра, Марчинковиќ, Богдановиќ, Зубац и Шариќ. Хрватска на Евробаскет се наоѓа во групата Ц заедно со Италија, Украина, Велика Британија, Естонија и Грција.

Жижиќ се договори со Анадолу Ефес

Бошко Тасиќ — Thu, 23 Jun 2022 05:19:30 +0000

Макаби Тел Авив и официјално го објави заминувањето на центарот Анте Жижиќ. Се очекува 25-годишнито Хрват да му се приклучи на актуелниот европски шампион Анадолу Ефес. Претходно беше објавено дека Жижиќ и клубот од Истанбул постигнале договор за двегодишна соработка со можност за раскин по првата година. Жижиќ минатата сезона му помогна на Макаби да стигне до плејофот во Евролигата, со просек од 12,2 поени и 5,0 скока по натпревар. На последниот натпревар од регуларниот дел од израелската лига, центарот падна на подот и остана без свест, по што беше однесен на носилки. Тимот подоцна објави дека Жижиќ бил пренесен во болница со повреда на главата. Пред да дојде во Макаби, Жижиќ помина три сезони во НБА во Кливленд Кавалирс (2017-2020).

Жижиќ: Ви благодарам за пораките и поддршката

Бошко Тасиќ — Tue, 10 May 2022 19:31:19 +0000

Кошаркарот на Макаби Тел Авив, Анте Жижиќ се разбуди по незгодниот пад на мечот против Хапоел, по што испрати видео порака од болница до неговите навивачи.

Клубот од Тел Авив го објави видеото на Жижиќ на социјалните мрежи. „Здраво на сите, ви благодарам за пораките и поддршката. Многу ве сакам. Ќе бидам подобар кога ќе излезам од болница. Се гледаме наскоро. Напред Макаби“, кажа хрватскиот центар. Жижиќ падна на паркетот, откако неговиот соиграч Кинан Еванс ненамерно го удри по главата.