антидепресиви – Kurir.mk

Повеќе од осум милиони Британци користат антидепресиви

Ивона Петрова — Mon, 19 Jun 2023 14:40:05 +0000

Над осум милиони Британци или 12 проценти од населението на Велика Британија, користат антидепресиви, соопшти Државната здравствена служба (НХС). Според истражувањето, два милиони луѓе користат антидепресиви повеќе од пет години. Најновите податоци за долготрајната употреба на антидепресивите, за периодот од 2018 до 2022 година, даваат генерална слика, но не и детали за евентуалните последици, се наведува во соопштението. Современите антидепресиви, наречени „Селективни инхибитори на повторното земање на серотонин“ (ССРИ), како што е „Прозак“, што се појавија на крајот од 80-тите години од 20 век, беа најавени како „чудесни лекови“ без сериозни несакани ефекти. Постојат некои докази кои сугерираат дека долготрајната употреба на антидепресиви може да биде поврзана со здравствени ризици како што се срцеви проблеми и дијабетес. Исто така, се смета дека долготрајната употреба може да доведе до поголем ризик од несакани симптоми откако пациентите ќе престанат да ги користат: некои може да доживеат посериозни и долготрајни негативни ефекти, додека други може да престанат да ги користат лековите без проблеми.

Истражување: Антидепресивите предизвикуваат бесчувствителност

Ивана Ефремовски — Tue, 24 Jan 2023 12:10:47 +0000

Антидепресивите предизвикуваат „емоционална бесчувствителност“, според истражувањето кое нуди нови сознанија за тоа како лековите можат да делуваат и нивните можни несакани ефекти. Трудот посочува дека самите лекови (и тоа од оние што се најкористени) може да предизвикаат „отапеност“ на емоциите кај човек. -Овие лекови одземаат дел од емоционалната болка кај луѓето со депресија, но за жал, се чини, отстрануваат и дел од убавите чувства. Овие наоди би можеле да им помогнат на пациентите да направат поинформиран избор на лекови. Но, од друга страна, нема сомнеж дека антидепресивите се корисни за многу пациенти, појаснува професорката Барбара Сахакијан од Универзитетот Кембриџ, една од авторите на студијата. Истражувањето, објавено во списанието „Невропсихофармакологија“ (Neuropsychopharmacology), било спроведено на 66 доброволци во текот на три седмици. Тоа покажа дека „отапувањето“ на емоциите може да биде една несакана последица од лековите против депресија. Според Националната здравствена служба, на повеќе од 8,3 милиони пациенти во Англија им бил препишан антидепресив во текот на 2021 – 22 година. Сахакијан вели дека овие наоди би можеле да бидат корисни за пациентите, како и за третирањето и на посериозни болести. (МИА)

Антидепресивите кај помладата популација предизвикуваат емоционално осиромашување

Катерина Бојаџиева — Mon, 23 Jan 2023 13:47:14 +0000

Антидепресивите, кои се’ почесто се користат, особено кај помладата популација, предизвикуваат емоционално осиромашување, покажа студијата која нуди нови сознанија за ефектите на лековите и нивните можни несакани ефекти. Студијата покажа дека здравите волонтери реагирале помалку на позитивни и негативни повратни информации откако земале селективни инхибитори на репреземањето на серотонинот (SSRI) три недели. Негативните емоции би можеле да бидат дел од тоа како лековите им помагаат на луѓето да се опорават од депресија, но исто така може да предизвикаат несакан ефект. Еден од авторите на студијата, проф. Барбара Сахакијан од Универзитетот во Кембриџ рече дека ова може да биде еден начин на кој делуваат антидепресивите. Тие одземаат дел од емоционалната болка што ја чувствуваат луѓето кои страдаат од депресија, но за жал, изгледа дека одземаат и дел од задоволството, објасни таа. Студијата може да им помогне на пациентите подобро да се информираат пред да ги земат лековите, рече таа, но додаде дека нема сомнеж дека антидепресивите се корисни за многу пациенти. Според Здравствениот орган на ОК, повеќе од 8,3 милиони пациенти во Англија примиле антидепресив во 2021-2022 година. SSRI се меѓу најчесто користените и се ефикасни за повеќето, иако не за сите пациенти. Некои луѓе рекоа дека по користењето на лекот се чувствуваат емоционално блокирани или дека убавите нешта веќе не се пријатни, а студијата сугерира дека ова се однесува на 40-60 проценти од луѓето кои земале лек. Сепак, не е јасно дали овој симптом е несакан ефект на лекот или симптом на депресија.

Овој евтин антидепресив го намалува ризикот од долга хоспитализација кај пациенти со Ковид-19

Дарко Андоновски — Thu, 28 Oct 2021 14:38:45 +0000

Евтин антидепресив ја намалува потребата од хоспитализација кај високоризичните возрасни пациенти со Ковид-19 покажуваат клиничките испитувања, јавија американските медиуми. Научниците испробале лек против депресија и опсесивно-компулсивно нарушување врз пациенти бидејќи за него имало податоци дека го намалува воспалението и дал ветувачки резултати во мали студии. Резултатите беа споделени со американскиот национален институт за здравје, а авторите на студијата се надеваат дека терапијата ќе биде препорачана од Светската здравствена организација. – Доколку СЗО препорача, ќе биде широко користен, вели коавторот на студијата д-р Едвард Милс од Универзитетот МекМастер во Хамилтон, Онтарио, Канада. Тој додаде дека сиромашните земји ќе можат брзо да го употребуваат лекот. – Се надеваме дека ова ќе ги спаси животите на многу луѓе, рече тој. Лекот Флувоксамин чини четири долари. За споредба, терапија со антитела е околу две илјади долари додека експерименталниот лек на Мерк за Ковид-19 е со цена од околу 700 долари. Истражувачите го дале антидепресивот на 1.500 Бразилци заразени со новиот коронавирус. Резултатите се објавени во Лансет глобал хелт.

Не посегнувајте по антидепресиви: Oвој зачин го има истиот ефект

Ивана Ефремовски — Thu, 25 Jan 2018 11:38:06 +0000

Научниците од Универзитетот во Лос Анџелес откриле дека соединението на куркуминот, содржано во зачини, (куркума )го зголемува расположението, а редовната употреба ги подобрува мемориските и когнитивните функции на мозокот. Во рамките на истражувања на ткива, научниците заклучиле дека куркуминот има значителни анти-воспалителни и антиоксидантни својства во лабораториски услови. Неговата активност е споредлива со онаа на индустриските лекови и може да помогне да се запре развојот на Алцхајмеровата болест. Користењето на куркумин во храната ја стимулира активноста на амигдалата и хипоталамусот – мозочни области, кои „одговараат“ за спомените, впечатоците и емоционалноста. Излегува дека куркуминот е веројатно најдобриот природен антидепресив за оние чија работа и начин на живот се поврзани со многу стрес. Некои луѓе кои го користат како зачин во храната, добиваат гадење и имаат стомачни болки.