антикорупциска комисија – Kurir.mk

„Зошто Антикорупциска молчела 4 години иако знаела за скандалите на Мерко, и кој од власта на СДС и ДУИ правел притисоци во судскиот совет да го згасне предметот“

Дарко Андоновски — Fri, 23 Jun 2023 13:34:32 +0000

Денес Државната комисија за спречување на корупција излезе со признание дека пред 4 години реагирале за случај каде има основано сомнение за криминал на струшкиот градоначалник Мерко, а Судскиот Совет политички контролиран од СДС и ДУИ го згаснал, ова денеска преку соопштение до јавноста го истакнаа од ВМРО-ДПМНЕ. Од таму додаваа дека отворено се поставуваат две прашања: Зошто Антикорупциска молчела 4 години иако знаела за скандалите на Мерко, и кој од власта на СДС и ДУИ правел притисоци во судскиот совет да го згасне предметот на струшкиот градоначалник? -Очигледно дека оставките во Судскиот Совет се најмалата работа, бидејќи потребна е оставка на цела влада. Криминалот е длабоко метастазиран во сите институции на државата, велат од ВМРО-ДПМНЕ.

Антикорупциска го бара целиот договор со „Бехтел-Енка“

Ивона Петрова — Thu, 01 Jun 2023 16:46:18 +0000

Нецелосниот договор со „Бехтел и Енка“ за изградба на Коридорите 8 и 10Д кој е доставен до Антикорупциската комисија го спречува ова тело да истражува дали има прекршувања и можна корупција. Од комисијата велат дека досега добиле само дел од договорот, па се обидуваат да го го добијат целиот. Членовите на Антикорупциската комисија велат дека однесувањето и постапките на Владата со усвојувањето на законите по брза постапка и со европското знаме отвораат многу сомневања за корупција. -Она што може да се оцени од сега е фактот дека спроведувањето на ваквите закони е спротивно на европските стандарди. Таквите закони можат да продуцираат сè. Ние можеме само да информираме, да препорачаме и да започнеме иницијатива за одговорност и толку, немаме никакви алатки да ги принудиме институциите и функционерите да ги почитуваат нашите иницијативи и мерки. Употребата на европското знаме, носењето закони по скратена постапка, носењето посебни закони кои ги негираат сите други закони, значи дека ни се случува политичка корупција, рече Нури Бајрами, Антикорупциска комисија. Подолго време Антикорупциската комисија алармира дека најголем проблем во државата е што корупцијата станува легална, а институциите ги занемаруваат нејзините препораки за преземање конкретни мерки во случаите кога е констатирана корупција. Вицепремиерот и министер за политички систем и односи меѓу заедниците Артан Груби денеска изјави дека поради клаузулата за доверливост до Антикорупциската комисија не е доставен целиот договор со американско-турскиот конзорциум „Бехтел и Енка“ за изградба на Коридорите 8 и 10д. – Согласно договорот што е потпишан, има клаузула за доверливост. За да се достави до медиумите, Собранието и до ДКСК или која било друга институција, освен Јавното обвинителство, мора да има согласност од двете страни, односно од Владата и од конзорциумот „Бехтел и Енка“. Тие ни доставија редактирана верзија којашто е доставена до ДКСК за разгледување, изјави Груби, одговарајќи на новинарски прашања на почетокот на градежните активности за изградба на Коридорот 8. Целосната верзија од договорот, како што изјави Груби, е доставена само со Јавното обвинителство.

Антикорупциската комисија отвара предмет за изградбата на автопатиштата

Ивона Петрова — Thu, 09 Mar 2023 19:57:54 +0000

Државната комисија за спречување на корупцијата отвара предмет за надзорот на изградбата на автопатиштата на коридорите 8 и 10 што го доби компанијата ИРД, а како подизведувачи се избрани уште три компании. Според ДКСК, треба да се проверат информациите пласирани во медиумите дека фирмата „Ептиса“, која е една од подизведувачите, имала забрана од државата за да не биде ангажирана на градежни надзори поради неетичко и непрофесионално однесување, но пред тендерот Владата ја поништила таа забрана. Велат дека ќе треба време за да се обезбедат сите документи затоа што се работи за огромен тендер. - Ако се има предвид фактот дека е огромен тендер со голема вредност, мислам дека вреди да се почека да се добие таа документација и дополнително потребно е време за нејзино анализирање. Тие се странски фирми за кои нашето истражување по нив ќе биде малку ограничено. Доколку има потреба ќе се потрудиме да најдеме и дополнителни податоци, изјави Катица Николовска, член на ДКСК за „Сител“. Денеска, лидерот на ВМРО-ДПМНЕ Христијан Мицкоски излезе со тврдење дека од 2016 година соппственик на шпанска „Ептиса“ е кинеска компанија и дека генералниот директор на компанијата е Кинез. Договорот за изградба на четири автопатски делници беше потпишан вчера со конзорциумот „Бехтел и Енка“. Според договорот што беше потпишан во Владата, конзорциумот „Бехтел и Енка“ на 22 април годинава треба да биде воведен во работа за изградба на автопатските делници Тетово-Гостивар (17,5 км) Гостивар - Букојчани (30,3 км) и Прилеп -Битола (39,3 км), а на 12 декември и на делницата Требеништа -Струга -Ќафасан во должина од 21,7 километри. За изградбата на автопатските делници во вкупна должина од 108,8 километри во вредност од 1,3 милијарди евра, изведувачот доби обврска сам или преку домашни проектански фирми и компании истовремено да проектира и да гради.

Злоупотребен приватниот ФБ профил на претседателката на ДКСК

Дарко Андоновски — Mon, 27 Feb 2023 15:04:22 +0000

Приватниот профил на претседателката на Државната комисија за спречување на корупцијата (ДКСК) Билјана Ивановска на „Фејсбук“ е злоупотребен, информираа денеска од ДКСК. - Одредени лица за нив познати цели злоупотребуваат семејни фотографии на Ивановска и со фотомонтажа се обидуваат да создадат невистинита слика во јавноста. Против нив, Ивановска ќе поведе приватна постапка, имајќи предвид дека се работи за приватен профил, се наведува во соопштението од ДКСК. Државната комисија за спречување на корупцијата и судирот на интересите најави дека ќе продолжи да работи согласно своите надлежности и да постапува по ист принцип кон сите предмети. ДКСК ги повикува сите релевантни чинители во општеството да дадат свој придонес во борбата против корупцијата и судирот на интереси бидејќи, како што посочуваат, само со заеднички залагања може да има резултати. - Државната комисија за спречување на корупцијата (ДКСК) согласно своите надлежности постапува со ист пристап кон сите предмети. Целокупната стручност и расположливите капацитети се насочени кон утврдување на фактите и давање на соодветни препораки за натамошно постапување за сите предмети на кој работела Комисијата во овој мандат. Сите предмети кои досега ги оформила Комисијата, се процесуирани согласно постоечката регулатива. Секогаш кога имало законска основа за препорака за понатамошно процесирање на одреден предмет, Комисијата ги проследила до надлежната институција која понатаму согласно своите ингеренции треба да постапува, стои во соопштението. Согласно природата на дејствување, Комисијата постапува по предмети од областа на корупцијата и судирот на интереси, области кои се поврзани со високи јавни функции. - Тоа е често и причина да се преземаат јавни дејствија за дефокусирање на јавноста од одредени отворени предмети или теми, за да се искриви реалната слика и да се наруши интегритетот и кредибилитетот на одредени членови на Комисијата. На тоа сме сведоци и во моментот, наведуваат од ДКСК.

Претседателот на бугарската Антикорупциска комисија поднесе оставка

Магдалена Андонова — Mon, 17 Jan 2022 16:04:53 +0000

Директорот на бугарската агенција за борба против корупцијата Сотир Цацаров поднесе оставка бидејќи новата бугарска центристичка влада бара законски измени за да започне борба против широко распространетата корупција, изјави денеска портпаролот на бугарскиот парламент. Бугарија е рангирана како најкорумпирана земја-членка на Европската Унија според Транспаренси Интернешнл. Коалициската влада предводена од премиерот Кирил Петков, кој ја презеде функцијата минатиот месец ветувајќи нулта толеранција за корупцијата, планира да ја ревидира агенцијата како прв чекор кон ставање крај на климата на неказнивост во таа балканска земја. Аналитичарите велат дека корупцијата на високо ниво е сериозна пречка за амбициите на Бугарија да привлече повеќе странски инвестиции и да се приклучи на Шенген и еврозоната.Цацаров, поранешниот главен обвинител ја презеде Антикорупциска во 2019 година.

Антикорупциската комисија со иницијатива до премиерот за одговорност за етичко однесување за владини членови

Магдалена Андонова — Fri, 14 Jan 2022 12:58:17 +0000

Антикорупциската комисија на денешната седница констатираше дека избраните и именуваните лица од страна на Владата, Фекми Јонузи, заменик-директор на КПУ Идризово, Абдул Селами, заменик – директор на УЈП, Беким Реџепи, заменик-министер за транспорт и врски, Назим Буши, заменик-министер за внатрешни работи и Артан Груби, министер за политички систем и односи меѓу заедниците, постапиле спротивно од Кодексот за етичко однесување за владините членови и носителите на јавни функции именувани од страна на Влада. Според ДКСК, овие лица во текот на работното време учествувале на настан на 22.09.2021 година поврзан со изградба на водоводна мрежа во скопското село Долно Количани, што бил за време на изборната кампања за Локалните избори 2021 година. ДКСК упати иницијатива до претседателот на Владата и до лицето назначено како одговорно за следење на спроведување на Кодексот, со цел, да се поведе постапка за утврдување одговорност за овие лица.

ЈП Лајка заглавена до долгови – на кого се се исплаќале хонорари и по кој основ прашува Антикорупциска комисија

Тале Кристо — Mon, 06 Dec 2021 10:35:18 +0000

Државната комисија за спречување корупција се сомнева во работењето на ЈП Лајка и исплатите кон надворешни лица. Затоа, ќе се испитува работата на Лајка и исплатите што довело до зголемување на долговите во ова јавно претпријатие. Државната комисија за спречување корупција, побара од Град Скопје да изврши внатрешна ревизија на ЈП Лајка со посебен акцент на ангажирање надворешни соработници и исплати на две лица, стои во барањето испратено од ДКСК до Град Скопје, а кое пристигна и во нашата редакција. Барањето за ревизија, коешто е според член 76 од Законот за спречување корупција и судир на интереси, ги издвојува исплатите за надворешните лица, од кои едната е преку Ветеринарен факултет, а другата исплата преку Агенција за храна и ветеринарство. Побаравме став од град Скопје, од каде не информираа дека ќе одговорат на барањето на ДКСК во законскиот рок и дека од утре започнува вонредна ревизија во ЈП Лајка за да може да се одговори на рокот побаран за Државната комисија за спречување корупција. Од наши извори дознаваме и дека во ЈП Лајка од самото основање воопшто не е направена ни една ревизија. Ова јавно претпријатие речиси четири години работи без никој да има увид во неговата работа. Пред неколку дена на предлог на здруженијата за заштита на животните за в.д. директор на ЈП Лајка беше поставен Војислав Димитровски.

ДКСК повикува да се почитуваат законските забрани во пресрет на Локалните избори 2021

Ивона Петрова — Fri, 13 Aug 2021 11:10:50 +0000

Државната комисија за спречување корупција (ДКСК) ќе го следи целиот изборен процес и во случаите со основи за сомневања за прекршување на законите, ќе презема мерки за утврдување на таквите сомневања, ќе ги извести надлежните органи и ќе побара преземање активности во рамки на нивните надлежности. Ова на денешната прес-конференција го изјави претседателката на ДКСК Билјана Ивановска, информирајќи за активностите на Антикорупциска во врска со Локалните избори 2021 година. Како што информира Катица Николовска од ДКСК, говорејќи за активностите на Комисијата во однос на целиот изборен процес за претстојните Локални избори 2021, во изминатата недела во Комисијата се примени 60 барања за мислења од институции, за што, според неа, постои правна несигурност во однос на одлучувањето во самите институции и бараат согласност од ДКСК. Николовска на прес-конференција беше децидна дека ДКСК нема надлежност да дава мислења по овие предмети. – Во делот на вработувањата се најголем дел од овие барања односно дали смеат да вработуваат итн… Во делот на измените во Изборниот законик предвидено е дека вработувања може да се вржшат само во дело на неодложни и итни случаи, освен за потребите на воспитно образовниот процес, појаснуваше Николовска. Од ДКСК повикаа секој да си ги носи одлуките во рамки на законските одлуки. И претседателката на ДКСК, Ивановска истакна дека Антикорупциска нема да дава мислење односно согласности по барањата доставени од институциите, а кои се однесуваат на вршење активности претходно опфатени со забраните. Донесените одлуки, рече таа, за работењето на институциите за време на изборниот пеоцес, се одговорност на нивните раководни лица. Според Ивановска, самата постапка на објавување огласи за вработување непосредно пред започнување на изборниот процес, не е во ред иако законски не е забрането. – Ние сметаме дека тие не се во духот на доброто управуавње и дотолку повеќе што веднаш треба да се стават во мирување. Со самото објавување ги ставаат во заложничка позиција оние што очекуваат да бидат вработени и тоа може да го користат како класичен клиентелизам односно обезбедување гласови, рече Ивановска, одговарајќи на новинарско прашање. Во однос на земјоделските субвенции, Ивановска потенцира дека субвенциите се редовна исплата, што се прави секоја година по Програма донесена од Агенцијата за финансирање на земјоделството и руралнито развој. Но, како ќе се исплатат и на кои луѓе, подвлече таа, има критериуми и цела програма и селекцијата ја прави Агенцијата. Според неа, перцепцијата е дека се изнаоѓаат разни начини за да се заобиколат законските забрани кои се однесуваат на изборите. – Порано немаше забрани, а произлегле од непрофесионално и несоодветно постапвуање на претходните гарнитури и се договориле дека ќе има правила на игра. Секоја година гледаме дека овие правила на игра се сака да се заобиколат, незнам зошто, тогаш нека ги укинат и секој нека работи по своја совест, изјави меѓу другото претседателката на ДКСК. Николовска информира дека и оваа година ќе соработуват со Меѓународната фондација за следење на изборните политички системи. Ќе се обезбеди поддршка со лица кои ќе бидат вклучени во следењето на изборните активнсти на учесниците во овие локални избори и во име на ДКСК ќе обезбедуваат податоци и информации во однос на начинот и видот на рекламирање и друго. За таа цел на веб страницата на ДКСК е објавен повика за пријавување на 50 набљудувачи за речиси сите општини и тоа по еден за поголеми општини, а за помалите општини предвидено е еден набљудувач за две до три општини зависно од нивната големина и локација. Прв пат оваа година, информира Николовска, е објавен повик за пет аналитичари чија надлежност ќе биде анализа на податоци и информации од финансиски извештаи, како и анализа на податоците што набљудувачите ќе ги приберат од терен и ќе ги достават до ДКСК. ДКСК го обновува регистар на возила на државни органи, локална самоуправа, јавни претпријатија, како ефективна алатка во контролата на користтењето на службените возила за партиски цели и потреби на изборни кампањи. Регистарот, нагласи Николовска е објавен на веб страницата на ДКСК и упатен е повик до сите државни органи да извршат ажурирарње на податоците за новонабавени, оттуѓени во меѓувреме и на друг начин обезбедни возила за користење. – На нашата веб страница е објавен и образец за пријавување неправилности или за сомневање за незаконско користење на државните ресурси во делот на изборната кампања, изјави Николовска и ги повика граѓаните да ги користат овие алатки без да се плашат дека ќе бидат обелоденети нивните податоци или некој ќе може да врши притисок врз нив. Таа потенцира дека и оваа година ДКСК ќе обезбеди пристап до бази на податоци на други институции каде ќе може да врши паралелна проверка на податоците што учесниците во локалните избори преку своите финансиски извештаи и преку извештаите за обезбедени донации ќе може да се контролираат преку другите бази на податоци со цел да се утврди дали донациите се законски обезбедени. На прес-конференцијата од ДКСК потсетуваат на обврската да се почитуваат и применуваат одредбите на членовите од Изборниот законик, како и членот 34 од Законот за спречување корупција и судир на интереси, што се однесуваат на ограничување и забрани одредени активности во изборниот период. Претседателката на ДКСК, потсети дека од денот на донесување на одлуката за распишување на изборите до завршување на локалните изборите односно до конституирање на Советите на општините и Градот Скопје, не може да се започне изградба со средства од Буџет или од јавни фондови или со средства на јавни претпријатија и други правни лица кои располагаат со државен капитал, на нови објекти во инфраструктурата или објекти за општествени дејсноти, освен ако за таа намена претходно се обезбедени средства од буџетот односно се работи за реализација на програма донесена врз основа на закон во тековната година. – Институциите не смеат да вршат исплата на плати, пензии, социјална помош и други исплати и материјални надоместоци од буџетски срдства, кои не се редовни месечни исплати односно забрането е да се врши исплати на едногодишни трансфери и исплати на еднократни трансфери од буџетските средства или од средствата на јавните фондови, ниту да се оттуѓува државен имот и капитал и да се потпишуваат колективни договори. Не смее да се започне постапка за вработување нови лица, или постапка за престанок на работен однос во државни и јавни институции, а започнатите постапки се ставаат во мирување, освен во случаи на неодложни работи, изјави Ивановска. Забрането е во период од 20 дена пред започнување на изборната кампања, па до завршување на изборите, да се одржуваат јавни настани по повод започнување изградба или пуштање во употреба објекти изградени од буџетски средства, како што се патишта, далноводи, водоводи, канализација, спортски игралишта, училишта, градинки…. Под забрана не се подразбира давање изјава од носител на јавна функција или кандидат за јавна функција, на митинг, интервју, дебата на медиум или како одговор на медиумско прашање. За потребите на изборната кампања, укажуваат од ДКСК, забрането е користење канцелариски простор, опрема и службени возила.

Арсовски: Антикорупциска со мислењето за судијата поротник Митко Сандев покажа дека е партиска испостава на власта, правдата ќе ја бараме на суд преку кривични за Џолев и Сандев

Ивона Петрова — Thu, 17 Jun 2021 12:17:30 +0000

На самиот ден кога ја поднесов претставката и барањето за утврдување на судир на интереси кај судијата поротник Митко Сандев до Антикорупциска комисија, напоменав дека веќе очекуваме и знаеме каков ќе биде исходот, но сепак доставивме до институцијата барање за да може да си го обели образот, односно нема образ бидејќи се однесува како партиска испостава на власта, изјави денеска портпаролот на ВМРО-ДПМНЕ, Димче Арсовски. Тој посочи дека одговорот, односно мислењето на Антикорупциска денеска стигна, каде што наведуваат дека нема судир на интереси кај Митко Сандев во неговата функција. -Зошто поднесовме барање и претставка да се утврди судир на интереси, затоа што во Партијата на пензионери, Митко Сандев е член на статутарната комисија, а Партијата на пензионери е во коалиција со СДСМ и со власта. Тоа е доволен показател дека тој не може да одлучува непристрасно, дотолку повеќе што ова штуро мислење на Антикорупциска комисија се наведуваат два членови. Тоа се член 42 дека може да биде избран судија поротник секој полнолетен државјанин кој има најмалку средно образование, говори македонски и не е постар од 60 години и вториот член 43, став 1 дека при изборот на судии и судии поротници не смее да се врши дискриминација во однос на полот, расата, бојата на кожата, националното и социјалното потекло. Морам да напоменам дека оваа Антикорупциска комисија, нејзините членови покажа и докажа дека се подготвени да си дадат оставки бидејќи тие се само една испостава на власта и одлучуваат онака како што ќе им биде кажано од нивните ментори. Член 52, став 6, од Законот за судии јасно кажува дека судија поротник не може да биде избран доколку е политички определен, односно не смее да биде политички определен. Така да и повеќе од јасно зошто е вакво мислењето и одлуката на Антикорупциска, вели Арсовски. Тие се подготвени да си дадат оставки, бидејќи не одлучуваат согласно законот, туку согласно нарачките кои им ги праќаат од горе, како што и самите велат ќе чекаат мислење од горе. Она кое можам да го потенцирам е дека во Република Македонија не важат законите. Денешното мислење на антикорупциската е доволен показател за истото и доволен показател дека и понатака продолжува теророт врз ВМРО-ДПМНЕ. Односно оној политички прогон кој се врши врз ВМРО-ДПМНЕ, во случајот „Талир“ каде овој судија поротник е именуван, а треба да му биде прекината функцијата, е замрзнат имотот на ВМРО-ДПМНЕ. Нам не ни останува ништо друго освен да ја бараме правдата на суд, односно да поднесеме кривични пријави за господинот Иван Џолев кој е претседател на Кривичниот суд и за Митко Сандев кој е судија поротник.

ГРОМ: Антикорупциска да отвори предмет за партиските злоупотреби при вработувањето на сопругата на Ненад Јовановиќ.

Магдалена Андонова — Fri, 16 Apr 2021 11:23:08 +0000

Во вчерашната емисија „Само вистина“ на Канал 5, Ненад Јовановиќ познат како бескомпромисен поддржувач на владеачката гарнитура ја кажа вистината за партизираната држава. Имено тој објасни дека за вработување на неговата сопруга побарал помош од Општинската организација на СДСМ Кавадарци и истата потоа му ја вработиле во ХЕЦ Тиквеш. Ова јасно покажува дека поддржувачите на власта и на СДСМ, услугите за себе и своите семејства не ги бараат од институциите на државата туку од СДСМ, велат од ГРОМ. - Ненад Јовановиќ наместо да побара помош за вработување на неговата сопруга од Агенцијата за вработување, подрачна единица Кавадарци тој тоа го сторил кај партискиот огранок на партијата на власт. Значи привилегија за вработување од евидентирани 250 илјади невработени имаат само оние кои се блиски до власта. Со ова Ненад Јовановиќ јасно и недвосмислено потврди дека Македонија е партиски заробена држава и дека институциите постојат формално, а партијата на власт СДСМ е таа која што е над сите. Од Антикорупциската комисија бараме да отвори предмет за партиските злоупотреби при вработување на сопругата на Ненад Јовановиќ, посочуваат од партијата.