антисемитизам – Kurir.mk

Над 150 холандски навивачи приведени поради антисемитизам

Тале Кристо — Mon, 08 May 2023 16:08:22 +0000

Холандската полиција изминатиот викенд приведе повеќе од 150 навивачи поради антисемитско скандирање пред прволигашкиот натпревар меѓу Ајакс и АЗ Алкмар. Полицијата не откри други детали во врска со навивачите, но локалните медиуми тврдат дека уапсените се приврзаници на АЗ. Навивачите пееле антисемитски песни во еден од вагоните на подземната железница на патот до Арената „Јохан Кројф“ во Амстердам. Полицијата наведе дека во повеќе наврати барале од навивачите да престанат со антисемитски пароли, а кога тоа не се случило, полицајците го запреле од возот и привеле 154 навивачи. АЗ Алкмар во клупското соопштение ги „отфрли и осуди“ инцидентите, најавувајќи дека ќе соработува во полициската истрага.

Јанушев: Наместо да решава проблеми на граѓаните, криминално рекетарската банда на Заев шири антисемитизам

Катерина Бојаџиева — Sat, 15 Feb 2020 15:06:33 +0000

Мизеријата на криминално-рекетарската банда на Заев продолжува, после се она што го видовме со случувањата последните денови во собранието. Продолжувањето со ширење на шовинизам и антисемитизам, дополнително го поделуваат македонското општество и ова не е затоа што ВМРО-ДПМНЕ го кажува туку ова е ставот на граѓаните, истакна Игор Јанушев, генерален секретар на ВМРО-ДПМНЕ. -Денеска сме во посета на општината Чешиново-Облешево, ги посетивме населените места Соколарци и Облешево, разговаравме со граѓаните, разговаравме со земјоделците пред се. Но, она што овие денови ја тишти цела Република Македонија се токму овие последни случувања и она што го кажав пред малку што е всушност ставот на граѓаните, подвлече Јанушев и додаде: „Имаме да порачаме дека за сите овие злодно рекетарската банда на Заев шири антисемитизамела, за се ова што го прават ќе одговараат. 12-ти април е денот којшто доаѓа за нешто повеќе од 50-тина денови од денеска, народот си доаѓа по своето и народот ќе ја казни оваа криминално-рекетарска банда на власт. А сите оние коишто се огрешија, сите оние коишто придонесоа за уништување на македонската држава ќе одговараат после 12-ти април“.

И ОБСЕ со осуда на антисемитизмот и говорот на омраза на СДСМ

Љупчо Цветаноски — Thu, 09 Jan 2020 09:22:02 +0000

И Мисијата на ОБСЕ во Скопје го осуди говорот на омраза и антисемитизмот на СДСМ. Иако директно не го посочуваат „виновникот“ за ширењето на истото, од соопштението е јасно на кого и на чии партиски војници се однесува јавната осуда на реномираната светска организација. За потсетување, минатите денови членови на СДСМ, делови на пи-ар тимот на Владата и нивни активисти упатија редица навреди и антисемитски изјави на адреса на техничката министерка за труд и социјала Рашела Мизрахи. СДСМ до денешен ден не се огради директно од своите членови, само лидерот на партијата Зоран Заев декларативно се огради од антисемитизмот. До сега неманикаква казна или исклучување за нивните членови. Денеска, Мисијата на ОБСЕ упати силна и директна осуда на сите форми на расизам, антисемитизам и нетолеранција. На својата официјална страница на Фејсбук, мисијата на ОБСЕ ги повика членовите и поддржувачите на сите политички партии да се воздржат од изразување и споделување навредлива содржина на етничка, верска или друга основа. Предизборните периоди се времиња кога државите се особено ранливи на говор на дискриминација и нетолеранција, што може да доведе до сериозни последици. Податоците на Мисијата и на локалните НВО од изминатите седум години покажуваат дека инцидентите од говор на омраза во Македонија историски бележат пораст за време на предизборните периоди, особено по основ на етничка и политичка припадност – се наведува во апелот ОБСЕ. Мисијата додава дека ова е особено важно време за државата, имајќи ги предвид спроведувањето на стратешките цели на Македонија. ОБСЕ посочува и дека слободни, фер и избори без говор на омраза се неопходни за земјата.