антитела – Kurir.mk

Рендевски: Високиот процент на антитела кај граѓаните не значи дека е постигнат колективен имунитет

Ивона Петрова — Tue, 22 Mar 2022 11:37:17 +0000

Податоците од анализата од ковид тестирањето односно скринингот што го спроведе Министерството за здравство покажуваат дека кај испитаниците кои не се вакцинирани степенот на присуство на антитела се движеше од 75 до 76 проценти, додека кај испитаниците кои се вакцинирани нивното присуство на антитела е 85-86 проценти, што укажува дека голем број од тие кои не се вакцинирани против Ковид-19, или прележале или дошле во контакт со вирусот, меѓутоа тоа не значи дека е постигнат колективен имунитет, изјави за МИА заменик-министерот за здравство Владимир Рендевски. Тој посочи дека за тоа дали сме дојдени до колективен имунитет одлучува Комисијата за заразни болести врз база на анализите. Сепак, појасни Рендевски, најрелевантен параметар се анализите на бројот на новозаболени, починати и хоспитализирани и врз основа на тоа се препорачуваат епидемиолошките мерки. – Во поглед на актуелната епидемиолошка состојба и моменталните епидемиолошки мерки се во корелација со одредени варијабли кои се испитуваат во последните шест недели и се предмет на испитување во останатите европски земји. Тоа се бројот на новозаболени, починати и хоспитализирани, односно оптовареноста на здравствениот систем. Врз основа на овие варијабли постои посебен алгоритам кој го одредува епидемиолошкиот ризик односно епидемиолошката состојба во секоја земја. Врз основа на таа актуелна епидемиолошка состојба постојат предлог епидемиолошки мерки. Анализите во државава покажуваат дека во однос на овие три параметри моментално се наоѓаме во зелена фаза и според тоа се имплементираат соодветни епидемиолошки мерки кои се во корелација со зелената фаза. Анализите се следат на дневно и на неделно ниво и во зависност од одредено намалување или зголемување на овие параметри така би се планирале и идните епидемиолошки мерки, истакна Рендевски. Тој потенцира дека вакцинацијата против Ковид-19 е столб за подобрување на имунолошката состојба. – Затоа вчера започна караванот за вакцинација против Ковид-19 и во тој поглед мора да делуваме првенствено на повозрасните пациенти и пациентите со коморбидитети, а понатаму и на останатите пациенти кои се вакцинирани со две дози, а поминал подолг период од три месеци од последното вакцинирање. Практично да се даде и иницијатива за бустер доза кај овие пациенти, изјави за МИА заменик-министерот за здравство Рендевски.

Нивото на антитела зависи и од времето во денот кога сте ја примиле вакцината против Ковид-19

Катерина Бојаџиева — Thu, 30 Dec 2021 10:41:57 +0000

Нашиот внатрешен часовник регулира многу аспекти во организмот, вклучувајќи го и одговорот на вакцината. Нова студија објавена во списанието Biological Rhythms покажува дека нивото на антитела може да биде повисоко кога луѓето ќе ја примат вакцината попладне отколку наутро, пишува Харвард Газет. „Студијата нуди груб одговор за тоа како времето во денот влијае на имунолошкиот одговор на вакцината против Ковид“, објасни една од авторките на студијата, д-р Елизабет Клерман и професорка на Универзитетот Харвард. Истото се случува и со многу лекови, луѓето кои имаат белодробни заболувања ќе почувствуваат силни симптоми во одредени периоди од денот. Студијата покажа дека луѓето кои примаат вакцина против грип имаат повеќе антитела ако го направат тоа наутро отколку попладне. „Се покажа дека хемотерапијата, доколку се дава во одредени периоди од денот, исто така подобро ќе ги таргетира клетките на ракот и ќе ја ограничи токсичноста на другите“, додаде тој. Затоа, авторите предложија да се испита колку внатрешниот часовник влијае на имунолошкиот одговор на вакцината против Ковид. Студијата ги мереше нивоата на антитела по примањето на оваа вакцина кај 2.190 здравствени работници во Англија. Во моментот на вакцинацијата беа собрани примероци од крв од асимптоматски лица. Направија модел според кој можат да го проверат ефектот на антителата, во зависност од времето на вакцинација и вакцината што ја примиле, годините, полот и бројот на денови по вакцинацијата. Се испостави дека одговорот на антителата бил многу посилен кај секоја личност која примила вакцина во попладневните часови. Покрај овој факт, одговорот на антителата е подобар кај жените и младите луѓе – кои ја примиле вакцината mRNA. Оваа студија не се совпаѓа со старите информации дека постарите мажи покажале подобар одговор во однос на антителата по вакцината против грип и дали биле вакцинирани наутро. – Вакцината против SARS-CoV-2 и вакцината против грип имаат различни механизми на дејствување, така што одговорот на антителата може да зависи од тоа дали телото ги препознава патогените од претходната вакцина или се соочува со нов вирус, вели Клерман. Ограничување на студијата е недостигот на податоци за учесниците, лековите и медицинската историја, навиките за спиење и работното време, што може да влијае на одговорот на вакцината. – Треба да продолжиме со истражување и прегледување на податоците за подобро да ги разбереме ефектите од вакцината и одговорот на телото на вакцината пред да им препорачаме на луѓето во кој период да ја примат дополнителната вакцина, ако тоа го сакаат, вели таа. – Ако прелиминарните податоци покажат разлика во влијанието на внесот на вакцини во зависност од времето во денот, тоа може да предизвика промени во начинот на примање вакцини во одредени периоди од денот, додава таа. Клерман и нејзините колеги моментално ги анализираат податоците за несаканите ефекти од вакцината кај луѓето кои биле вакцинирани во болницата во Масачусетс Општа Бригам. „Ако нивото на антитела е повисоко кај луѓето кои ги примиле попладне, може да видиме и промени во несаканите ефекти“, додава Клерман. Таа, исто така, се надева дека ќе има можност да добие податоци од контролни студии поврзани со оваа вакцина и одговорот на антителата.

Научници: „Антителата од делта сојот можеби не штитат од омикрон варијантата и обратно“

Магдалена Андонова — Sun, 05 Dec 2021 08:43:01 +0000

Антителата кои се развиваат по претходна инфекција со делта сојот на коронавирусот можеби нема да обезбедат заштита од сојот омикрон, и обратно, изјави денеска генералниот директор на рускиот ДНК центар за молекуларни генетски студии Андреј Исајев за ТАС С. - Големиот број на мутации значи дека вирионот на овој сој е структурно различен од вирионот на другите соеви - тие имаат различен протеин на шилец. Затоа антителата кај луѓето кои имале претходни соеви не можат да го „поддржат“ сојот омикрон. Ова значи дека не постои вкрстен имунитет помеѓу омикрон и другите соеви. Затоа, антителата што се развиле по омикрон нема да го заштитат човекот од делта, и тоа е точно во двете насоки. Значи, ковид е поделен на две „популации“: ковид-Д и ковид-О, како што точно напиша еден познат биолог - рече Исајев. Виронот е стабилна инфективна вирусна честичка која се ослободува од клетка и е способна да инфицира други клетки од ист тип. Тој исто така додаде дека поради големиот број мутации кај омикрон, тешко е да се предвиди како тие ќе се однесуваат во иднина. – Овој феномен е сосема нов – додаде рускиот експерт.

КОНЕЧНО Е ПОЗНАТО: Колку антитела се потребни за заштита од сите соеви на коронавирус?

Ивана Ефремовски — Tue, 09 Nov 2021 09:03:39 +0000

Потребни се 150 единици антитела за да се спречи зaболување со првичниот сој на Ковид-19 кај човекот. Односно, за да може имунолошкиот систем да ги надмине мутациите на вирусот – на пример Делта-сојот, бројот на антитела треба да биде најмалку еден и пол пати повеќе, смета рускиот доктор за заразни болести, Евгениј Тимаков. Според тоа, нивоата од 500 и повеќе единици антитела обезбедуваат совршена заштита од сите видови и мутации на вирусот. Најагресивниот сој е Делта, но со над 300 единици антитела, едно лице може да се заштити од него. За претходните соеви на вирусот, како што е првичниот сој од Вухан, доволни се 150 антитела, посочуваат испитувањата. Истажувањето е спроведено во Москва меѓу повеќе од 4.000 тестирани пациенти. (МИА)

Конечно е познато: Колку антитела остануваат во телото по инфекцијата?

Ивана Ефремовски — Mon, 01 Nov 2021 16:58:53 +0000

Колку долго антителата остануваат во телото по инфекцијата со Ковид е едно од клучните прашања што се поставува од почетокот на пандемијата. Една нова студија го дава одговорот. Студијата, објавена во Nature Microbiology, се заснова на тестирање на антитела на 38 пациенти и здравствени работници во болницата „Сент Томас“ кои биле заразени за време на првиот бран на пандемијата на коронавирус, пред да бидат вакцинирани. И покрај првичниот пад на нивото на антителата веднаш по инфекцијата, резултатите покажале дека кај повеќето луѓе (18/19 пациенти) антителата биле откриени 10 месеци по инфекцијата. Истражувачкиот тим, предводен од д-р Кејти Дорс од Факултетот за имунологија и микробиолошки науки, исто така тестирала како антителата создадени за борба против специфична варијанта на САРС-КоВ-2 ќе реагираат на други варијанти. Се покажало дека антителата генерираат силен одговор на повторна инфекција со истиот сој, но биле помалку ефикасни кога се бореле со други видови, објави „Кралскиот колеџ“ во Лондон. Антителата се врзуваат за шилестиот протеин на вирусот САРС-КоВ-2, а вакцините го имитираат овој протеин за да создадат имунолошки одговор. Сепак, мутациите во новите соеви на вируси (алфа, бета, делта) предизвикале загриженост за тоа дали вакцините развиени за да ја таргетираат оригиналната варијанта на коронавирус ќе бидат ефективни против новите варијанти и дали новите вакцини треба да се редизајнираат. Овие резултати сугерираат дека вакцините специјализирани за еден вид би биле помалку ефикасни во однос на другите соеви и дека вакцините дизајнирани за оригиналната варијанта, моментално давана, обезбедуваат најдобра заштита од сите видови и треба да се користат за програми за вакцинација.

Имунолог препорачува: НЕ МЕРЕТЕ АНТИТЕЛА ВО КРВТА

Ристе Здравков — Wed, 27 Oct 2021 10:41:35 +0000

Антителата се само еден вид одбрана од коронавирусот и врз основа на нивната количина не може точно да се утврди дали сме имуни или не, изјави за РТС имунологот Милош Марковиќ од Медицинскиот факултет во Белград. Тој ги повика луѓето да се вакцинираат и да не ја мерат количината на антитела. „Антителата се само еден вид одбрана, секоја инфекција предизвикува Т-лимфоцити, ние правиме и некои мемориски клетки кои живеат и паметат долго време и кои кога повторно ќе се сретнат со вирусот, подобро реагираат и нè штитат“, објаснува професорот Марковиќ за РТС. Тоа е, како што вели, имунолошка меморија и врз основа на тоа имаме имунитет кога ќе ја прележиме инфекцијата и по вакцината. Единствените антитела, посочува, кои даваат појасни информации се неутрализирачките антитела, чија количина може да ја направат само специјализирани лаборатории. Што и да измерите во која било лабораторија, нема да измерите ниту еден параметар дали сте имуни или не“, вели Марковиќ. „Дури и да го направите тој тест, не знаеме кое е нивото на заштита и мојата порака е јасна – воопшто не мерете антитела“, рече тој.

СЗО препорача коктел од антитела против коронавирус, еве за кого е наменет

Ивана Ефремовски — Fri, 24 Sep 2021 07:47:24 +0000

Комисијата на Светската здравствена организација (СЗО) препорача употреба на коктели од антитела против Ковид-19, развиени од компаниите „Регенерон“ и „Рош“, за пациенти со висок ризик од хоспитализација, како и за оние кои се сериозно болни и немаат природни антитела. -Третманот доби итно одобрување во Соединетите држави, бидејќи привлече внимание кога се користеше минатата година за лекување на тогашниот претседател Доналд Трамп, пренесе Ројтерс. Терапијата во моментов се разгледува во Европа, додека Британија ја одобри минатиот месец. Во специјална изјава, СЗО ја повика американската компанија „Регенерон“ да ги намали цените и да го дистрибуира третманот подеднакво низ целиот свет, особено во земјите со низок и среден приход. Други компании, исто така, се поканети да ја пренесат технологијата за да помогнат во развојот на слични третмани.

Во Велика Британија почнува програма за масовно тестирање на антитела

Ивона Петрова — Sun, 22 Aug 2021 09:11:09 +0000

Во рамките на новата владина програма, што има за цел да дознае повеќе за тоа колку луѓе имаат природна заштита по инфекција со коронавирусот, Велика Британија воведува тестовите за антитела што ќе бидат масовно достапни за јавноста, пишува Би -Би -Си, додавајќи дека секој ден на илјадници возрасни лица ќе им се нудат ваквите тестови. Во тестирањето од вторник ќе може да се вклучи секое лице постаро од 18 години, кое претходно ќе има направено ПЦР -тест. Министерот за здравство Саџид Џавид кажа дека тестирањето ќе биде брзо и лесно. Од сите оние кои ќе излезат позитивни на ПЦР-тестот, 8.000 ќе добијат два сета тестови за антитела, што ќе можат да ги направат дома. Првиот тест се изведува со боцкање во прст и треба да се изврши што е можно поскоро по позитивниот резултат. Вториот ќе биде земен 28 дена подоцна и со него ќе се мерат антителата како одговор на инфекцијата. Агенцијата за здравствена безбедност на Обединетото Кралство треба да ја води програмата и ќе работи заедно со службите за тестирање и следење на НХС во Англија, Шкотска, Велс и Северна Ирска за да ги користат резултатите за следење на нивото на антитела во позитивни случаи. Извршниот директор др. Џени Харис изјави дека програмата ќе му помогне на Обединетото Кралство да добие важен увид во влијанието на програмите за вакцинација и имунолошките одговори на различните варијанти на вирусот.

Индија: Антитела на Ковид-19 има 67 отсто од населението

Ивона Петрова — Wed, 21 Jul 2021 09:22:33 +0000

Антитела кон коронавирусот се откриени кај 67 проценти од населението во Индија, покажуваат резултатите од ново истражување, што укажува колку вирусот се проширил низ целата земја за време на вториот бран на пандемијата. Индиско истражување, во кое е испитано присуство на антитела кај луѓето, или преку прележан Ковид-19 или вакцинација, покажало дека 67,6 проценти од населението имаат антитела, во земјата со 1,3 милијарди жители. Истражувањето, исто така, покажало дека во Индија бавно се спроведува вакцинацијата, односно кај луѓето кои имале антитела, 62,2 проценти од нив не биле имунизирани, а 24,8 отсто ја примиле само правата доза. Овие резултати покажуваат зголемен број на луѓе кои имаат антитела во однос на декември и јануари, кога 24 проценти од населението имале ваков вид заштита од коронавирусот. Најновото истражување е спроведено во последните недели од јуни и почетокот на јули, кога вториот бран се смири и учествувале 29.000 луѓе низ Индија.

Одложувањето на втората доза на вакцината на Фајзер кај постарите лица резултира со поголеми нивоа на антитела

Тале Кристо — Fri, 14 May 2021 08:57:30 +0000

Вакцината на Фајзер/Бионтек против коронавирус кај постари лица произведува три и пол пати поголема реакција на антитела кога втората доза се одложува до 12 недели по првата, покажа британско истражување. Ова е прва студија која директно го споредува производството на антитела по тринеделен интервал помеѓу две дози, како што е препорачано од Фајзер/Бионтек, и продолжен интервал до 12 недели помеѓу две дози, што многу земји го воведоа во недостиг на вакцини за да ги опфатат многу повеќе луѓе со прва доза на вакцина и со тоа барем делумно да се заштити поголем број на луѓе од смртоносната болест. Откако Велика Британија исто така воведе поголем период меѓу двете дози, производителите на вакцината на компанијата Фајзер/ Бионтек изјавија дека нема податоци за да се обезбеди научна основа за таквата одлука. Но, компаниите признаа дека јавните здравствени интереси за заштита на што поголем број жители можат да бидат земени предвид. Тогаш истражувањата веќе покажаа дека единечна доза од вакцината Фајзер обезбедува значителна заштита од болеста. – Нашата студија покажува дека врвот на одговорот на антителата по втората доза на Фајзер е значително зголемен кај постарите лица кога се одложува до 12 недели, изјави авторот на студијата Хелен Пари од Универзитетот во Бирмингем. Во многу европски земји, вакцината на Фајзер/Бионтек почна да се применува пред да се донесе одлука за продолжување на интервалот помеѓу двете дози, па така, мал дел од луѓето беа вакцинирани со втората доза по 21 ден, како што препорачува производителот. Со студијата, која сè уште не поминала научна рецензија, биле опфатени 175 лица на возраст од 80 до 99 години и утврдено е дека продолжувањето на интервалот меѓу две дози го зголемува врвот на создавање на антитела за три и пол пати во споредба со луѓето кои го примиле втора доза по три недели. Антителата се дел од имунолошкиот систем, а вакцината исто така го стимулира производството на Т-клетки, кои исто така учествуваат во одбраната на организмот од инфекција. Врвот на Т-клетките бил поголем во групата која ја добила втората доза по три недели, па авторите на студијата предупредуваат дека сè уште не можат да извлечат заклучоци за нивото на заштита што го има едно лице во зависност од интервалот меѓу две дози на вакцини. Но, земајќи ги предвид овие податоци во комбинација со нивото на заштита што го обезбедува првата доза на вакцина против хоспитализација и смрт од Ковид-19, Институтот за јавно здравје на Англија процени дека студијата дополнително го поддржува британскиот пристап за вакцинација со кој се зголемува периодот помеѓу две дози вакцини и така со првата доза се опфатени и заштитени голем број лица. – Пристапот за кој се одлучи Велика Британија со одложување на втората доза на вакцина навистина се исплати, рече Гајатри Амирталингам, епидемиолог во Англискиот институт за јавно здравје.