Во Србија пристигна антивирусниот лек на „Фајзер“ – северниот сосед стана прва земја во континентална Европа која го доби „Паксловид“

Магдалена Андонова — Mon, 07 Feb 2022 15:49:05 +0000

Првиот контигент од антивирусниот лек Паксловид на Фајзер, еден од најмодерните лекови против корона вирусот, пристигна во Србија. Србија е првата земја во континентална Европа која го доби овој лек (го има само уште во Велика Британија), десет дена откако ЕМА (Европска агенција за лекови) одобри употреба и на овој лек. „Паксловид“ е антивирусен лек кој содржи две компоненти ритонавир и нирматрелвир и е наменет за орална употреба. Индициран е за третман на инфекција со ковид-19, кај возрасни на кои не им е потребен дополнителен кислород и кои имаат зголемен ризик од прогресија во тешка форма на болеста. Се препорачува да се започне со употреба на лекот во првите пет дена по почетокот на симптомите. На крајот на минатата година, Србија беше меѓу првите, заедно со Соединетите Американски Држави и Велика Британија, што потпишаа договор со претставниците на „Фајзер“ за набавка на најдобриот лек против коронавирусот, кој го намалува ризикот од хоспитализација и тешки болести до до 89 проценти.

Русија: Одобрен нов антивирусен лек за третман на заболени од Ковид-19

Тале Кристо — Thu, 09 Jul 2020 13:45:53 +0000

Русија одобри нов антивирусен лек „Коронавир“ за третман на пациенти со Ковид-19, објави руската фармацевтска компанија Р-Фарм, додека бројот на заразени лица во таа земја надмина 700.000. Во соопштението на Р-Фарм, која го разви Коронавир, се вели дека станува збор за клиничко испитување, кое вклучувало благи до средно тешки случаи. „Коронавир“ е еден од првите лекови во Русија и во светот кој не се бори против компликациите предизвикани од вирусот САРС-КоВ-2, туку против самиот вирус“, наведува Р-Фарм. Клиничката студија покажала подобрување кај 55 проценти од пациентите, кои не биле хоспитализирани, на седмиот ден од третманот со Коронавир, во споредба со 20 проценти од оние кои примале стандардна терапија. До петиот ден од третманот, новиот коронавирус бил елиминиран кај 77,5 проценти од пациентите кои земале Коронавир, тврди Р-Фарм. – Глобалната клиничка пракса и клиничката студија што ја спроведовме потврдија дека Коронавир многу побрзо ја запира инфекцијата на вирусот, изјави Михаил Самсонов, медицински директор на Р-Фарм. Тестирањето почнало кон крајот на мај, а досега повеќе од 110 пациенти биле третирани со тој лек, изјави директорката за клинички испитувања при рускиот Централен истражувачки институт за епидемиологија, Татјана Рјаженцова. Ова е трет лек регистриран во Русија за третман на новиот коронавирус. Првиот, Авифавир, се дава на пациенти од 11 јуни. (МИА)

антивирусен лек – Kurir.mk

Во Србија пристигна антивирусниот лек на „Фајзер“ – северниот сосед стана прва земја во континентална Европа која го доби „Паксловид“

Русија: Одобрен нов антивирусен лек за третман на заболени од Ковид-19