Герашченко: Русија наскоро ќе има нов претседател

Ивона Петрова — Sat, 24 Jun 2023 10:30:08 +0000

Украинскиот советник за внатрешни работи, Антон Герашченко, во врска со ноќешниот бунт на групата „Вагнер“ против руското раководството, денеска на каналот Телеграм го сподели соопштението на вагнеровците во кое се наведува: „Путин направи погрешен избор. Толку полошо за него. Наскоро ќе имаме нов претседател“. Руските канали на Телеграм јавуваат дека „војниците на „Вагнер“ влегле во Воронеж и се на периферијата на Краснодар и Волгоград и дека никој не им дава отпор“. Како потсетување, во раните утрински часови група платеници на „Вагнер“, под водство на Пригожин, почнаа вооружен бунт, окупирајќи го градот Ростов-на-Дон. Според Пригожин, нивната крајна цел е влегување во Москва.

Герашченко: Планот на Русија е да се пробие со тенкови до Киев

Ивона Петрова — Fri, 25 Feb 2022 07:16:48 +0000

Советникот на министерот за внатрешни работи на Украина, Антон Герашченко изјави дека, планот на Русија за денеска е да се пробие до Киев со тенкови од правец на Иванков и Чернигов. – Најтешкиот ден ќе биде денешниот. Планот на непријателот е да се пробие со колони тенкови од Иванков и Чернигов до Киев, напиша Герашченко на Телеграм. Тој додаде дека бранителите на Киев се подготвени. – Нападите врз Киев со крстосувачки и балистички ракети продолжија, наведе Герашченко преку СМС порака до новинарите.

Антон Герашченко – Kurir.mk

Герашченко: Русија наскоро ќе има нов претседател

Герашченко: Планот на Русија е да се пробие со тенкови до Киев