антони марсијал – Kurir.mk

Марсијал на крајот од сезоната заминува во Италија

Бошко Тасиќ — Fri, 14 Apr 2023 05:54:45 +0000

Италијанските гиганти Јувентус и Милан покажуваат сериозен интерес за напаѓачот на Манчестер Јунајтед, Антони Марсијал. Французинот ова лето се врати на „Олд Трафорд“ после позајмицата во Севиља, но и понатаму не добива поголема минутажа од новиот тренер. „Црвените ѓаволи“ се спремни да го продадат на лето, а најсилен интерес за Французинот покажуваат италијанските гиганти Јувентус и Милан. Марсијал на лето влегува во последната година од договорот, па „црвените ѓаволи“ за неговата слобода бараат 20 милиони евра.

Марсијал би можел да ја продолжи кариерата во Севилја или Валенсија

Ивона Петрова — Mon, 03 Oct 2022 10:40:20 +0000

Напаѓачот на Манчестер јунајтед, Антони Марсијал може да ја продолжи кариерата во шампионатот на Шпанија. Дваесет и шестгодишниот Французин е интересен за Севилја и Валенсија, објави „Мундо Депортиво“. За потсетување, Антони Марсијал вториот дел од сезоната 2021/2022 го помина на позајмица во Севилја Сега клубот од Андалузија е подготвен да му понуди постојан договор на францускиот напаѓач. Марсијал оваа сезона одигра два натпревара во Премиер лигата за Манчестер јунајтед, постигнувајќи два гола и една асистенција. Порталот Трансфермаркт ја проценува вредноста на 26-годишниот играч на 16 милиони евра.

Марсијал дефинитивно има нов клуб

Бошко Тасиќ — Tue, 18 Jan 2022 19:11:10 +0000

Неколку играчи на Манчестер Јунајтед се незадоволни од статусот во тимот и сакаат да го сменат клубот. Марсијал одби да игра против Астон Вила. Така барем изјави тренерот Ралф Рагник. Французинот подоцна го демантираше тоа, но сигурно е дека ќе го напушти Манчестер Јунајтед. Веќе некое време се бара клуб за 26-годишниот фудбалер, а во изненадувачки трансфер тој ќе заврши во Јувентус. „Бјанконерите“ се во потрага по крилен напаѓач по повредата на Федерико Кизе, а се чини дека изборот падна на Марсијал. Клубовите веќе се договорија играчот да биде на позајмица и дека Јувентус ќе му ја покрие платата.

Севиља го бара Марсијал од Јунајтед

Дарко Андоновски — Wed, 29 Dec 2021 16:47:11 +0000

Шпанскиот фудбалски прволигаш Севиља испрати понуда до премиерлигашот Манчестер јунајтед според која во тимот од Андалузија како позајмен играч би дошол Антони Марсијал, објави „Скај спорт“. Понудата од шпанскиот тим опфаќа позајмица до крајот на сезоната, но не вклучува опција Севиља да го откупи договорот на Марсијал со Јунјатед. Францускиот напаѓач го носи дресот на англискиот клуб од 2015 година и има важечки договор до 2024. Тренерот на Јунјатед, Ралф Рангник рече минатата недела дека 26-годишниот Марсијал минатата недела изразил желба да замине од „Олд Трафорд“, откако оваа сезона одигра само два натпревари во Премиер лигата, а вкупно четири во сите натпреварувања.

Марсијал останува во Манчестер Јунајтед

Дарко Андоновски — Fri, 10 May 2019 15:06:06 +0000

Напаѓачот Антони Марсија ќе остане во Манчестер Јунајтед и следната сезона, вели „Дејли мејл“. Оваа одлука е донесена од менаџерот Оле Гунар Солскјер. На крајот на јануари, Французинот потпиша нов договор, но многу наскоро следеше пад во неговата игра. Солскјер е разочаран не толку од формата на Марсијал, колку од неговиот став кон работата. Норвешкиот стратег останал крајно вознемирен од однесувањето на Марсијал на крајот на минатиот месец, кога на загревање пред натпреварот со Челзи на демонстративен начин стоеше на теренот. Сепак Солскјер донел одлука да му изгласа доверба на Марсијал и да се потпира на него во следната сезона. Менаџерот на Манчестер Јунајтед верува дека може да добие многу добри резултати од неговата заедничка работа со Марсијал.

Јунајтед го продолжи договорот на Марсијал до 2020-та

Ристе Здравков — Mon, 17 Dec 2018 17:04:25 +0000

Водечкиот стрелец на Манчестер Јунајтед во Премиер лигата оваа сезона, Антони Марсијал ќе остане уште една година во клубот. Ова се случи откако раководството на „црвените ѓаволи“ еднострано го продолжи договорот до 2020 година. Французинот беше обврзан со англискиот гигант до крајот на оваа сезона, но имаше опција за еднострано продолжување на договорот од страна на клубот. Беше активиран без дури да мора да се преговара со играчот и агентот. Во меѓувреме, претставниците на Марсијал ќе имаат средба со раководството на Јунајтед, но за долгорочно продолжување на неговиот договор. Французинот сигурно ќе добие предлог за повисока плата и долгорочен договор. Од почетокот на сезоната, Французинот има 19 натпревари и 8 гола во нив. Во целата мината сезона имашепостигнато вкупно 11 гола.

Марсијал се врати во составот на Франција

Дарко Андоновски — Thu, 08 Nov 2018 15:20:06 +0000

Најдобриот стрелец на Манчестер Јунајтед, Антони Марсијал се врати во националниот тим на Франција за натпреварите со Холандија и Уругвај овој месец. Дваесет и две годишниот Марсијал не беше во составот на „петлите“ на Светското првенство во Русија во текот на летото, но силниот старт на сезоната и шесте гола во десетте натпревари како стартер за „црвените ѓаволи“ му обезбедија место меѓу избраниците на Дидие Дешамп. Франција и гостува на Холандија во Ротердам на 16 ноември во последниот натпревар од групата 1 на Лига „А“ на Лигата на нациите, а четири дена подоцна го пречекува Уругвај на „Стад де Франс“ во контролна средба.

Поради Марсијал, Челзи не го пушта Вилијан во Јунајтед

Даниел Василев — Thu, 26 Jul 2018 13:01:55 +0000

Челзи ги продолжува преговорите со Барселона за продажба на Вилијан, а варијанта за трансфер на Бразилецот во Манчестер Јунајтед е исклучена, пишуваат на Островот. Каталонскиот клуб го постави крилото на врвот на својата листа за летни трансфери и нема да се откаже лесно. Кандидат за 29-годишниот Бразилец исто така е Јунајтед, но трансферот на „Олд Трафорд“ е невозможен. По блокирањето на Челзи за Антони Марсијал, „црвените ѓаволи“ се соочија со истиот одговор од „сините“. Минатата година, Челзи му дозволи на Немања Матиќ да се пресели на „Олд Трафорд“ за 40 милиони фунти, а сега нема намера да ја повтори оваа грешка, а продажбата на Вилијан е можна само во клуб од странство. Челзи сака 65 милиони фунти за Вилијан во оваа фаза, но тимот од Лондон се подготвени да ја намалат цената за да го продадат Бразилецот на тим надвор од Англија. Барселона не е подготвена да плати повеќе од 50 милиони фунти. Каталонците се подготвени да ги задоволат финансиските барања на 29-годишниот фудбалер. Бразилецот сака плата од 8 милиони евра за сезона. МИА

Јувентус се насочува кон Марсијал по откажувањето на Мората

Даниел Василев — Sun, 27 May 2018 12:46:24 +0000

Јувентус ќе се насочи кон Антони Марсијал откако не успеа да постигне договор со напаѓачот на Челзи, Алваро Мората. Претставниците на италијанскиот шампион се сретнале со фудбалерот на тимот од Лондон и неговиот агент, но не постигнале договор. Финансиските барања на шпанскиот напаѓач се причината за раководството на „бјанконерите“ да погледне кон Манчестер Јунајтед и францускиот напаѓач. Торинското издание „Тутоспорт“ вели дека од Јувентус ќе се обидат да го убедат францускиот репрезентативец да премине на „Алијанц“ стадионот. Марсијал во моментов добива 3,5 милиони евра по сезона, но неговиот договор истекува летото 2019 година. МИА