антонијо милишоски – Kurir.mk

Милошоски за Фрчковски: Да именувате амбасадор во Њујорк кој што претходно е одбиен од Вашингтон, е еклатантно кршење на дипломатскиот кодекс

Дарко Андоновски — Fri, 04 Mar 2022 19:37:25 +0000

Антонијо Милошоски, пратеник во македонското собрание и член на ИК на ВМРО-ДПМНЕ во гостување во Тема на денот во централниот дневник на ТВ Сител ги отфрли обвинувањата дека тој го блокирал процесот на испраќање на сега именуваниот амбасадор во Њујорк Љубомир Фрчковски, бидејќи 8 месеци не дозволувал во собраниската комисија за надворешна политика да се свика комисијата каде што Фрчковски би ги презентирал своите приоритети како амбасадор, нагласувајќи дека ваквиот избор всушност покажува еклатантно кршење на дипломатскиот кодекс, односно како што рече тој Собранието како контролен механизам има уставна надлежност одредени погрешни потези или чекори на извршната власт да ги корегира, додавајќи дека сметам дека ќе беше многу подобро ако владата најдеше посоодветен кадар за амбасадор во ОН. -Собранието е контролен механизам. Во собранието поминале многу амбасадори. Помина амбасадорот за Виена, Рим, ОБСЕ, за Совет за Европа, Австралија итн, и тоа се избори на владата, на министерството и ние гледаме да упатиме, некоја критика или пофалба, но во секој случај процесот да тече. Но кога имате еклатантно кршење на дипломатскиот кодекс и кандидат за Обединети Нации ви е човек кој што е официјално одбиен од Вашингтон, како неподобна личност да биде амбасадор, и претседателот Пендаровски и поранешниот премиер Заев знаат дека Фрчковски е одбиен од официјален Вашингтон, потенцираше Милошоски. Во која фаза од постапката бил одбиен Милошоски рече: Откако е донесена одлука на затворена седница на влада да биде кандидат за амбасадор во Вашингтон, за што Фрчковски веќе и примаше честитки во јавноста, потоа е одбиен од висок претставник на Стејт Департментот и тој разговор многу добро го знае и претседателот Пендаровски и поранешниот премиер, и сегашниот министер за надворешни работи. И кога имате човек кој што е одбиен од официјален Вашингтон со многу сериозни причини, а Пендаровски исто ги знае причините тогаш е невкусно таквиот човек да го испраќате за амбасадор во Обединети Нации, повторно на територија на државата која што веќе еднаш го одбила и каде што членуваат петте земји во Советот за безбедност, Америка, Русија, Кина, Велика Британија, и Франција. Тој амбасадор ќе биде хендикепиран, Македонија нема да ги добива сите информации, за него во кулоарите ќе зборат дека амбасадор кој што Америка го одбила да биде претставник во Вашингтон и затоа сметам дека Собранието како контролен механизам има уставна надлежност одредени погрешни потези или чекори на извршната власт да ги корегира и сметам дека владата ќе беше многу подобро ако најдеше посоодветен кадар за амбасадор во ОН. И мислам дека и во само МНР, и во самото СДСМ или ДУИ кои и да се политички фигури има многу поспособни луѓе и подостоинствени за да бидат амбасадори во ОН, вели Милошоски. Милошоски додаде дека владата нема испратено предлог имиња за амбасадори во Србија, Турција, Софија, а во Вашингтон како што кажа тој, нема амбасадор веќе четири години што претставува голем дипломатски пропуст. -За жал владата до сега не испратила ниту еден кандидат и Македонија во моментот е без амбасадори во Србија, Турција, Софија, Вашингтон цели четири години што за прв пат ни се случува да имаме толку голем дипломатски пропуст и со самото тоа не искористуваме економски, трговски и безбедносни прилики со нашето не присуство во Америка, изјави Милошоски.

Милошоски: Со преформулација на „негативното мислење“, се гледа дека власта сака да се ограничи критиката кон функционерите

Тале Кристо — Tue, 08 Feb 2022 13:52:58 +0000

Власта ретерира и тоа негативно мислење има намера да го преформулира во омаловажувачко или понижувачко мислење но сепак се гледа дека тенденцијата е да се ограничи критиката кон функционерите од власта, рече денеска во изјава за медиумите пртеникот од редовите на ВМРО-ДПМНЕ Антонјо Милошоски. Интегрален текст од изјавата на Милошоски: -Денес, би сакал да го искажам ставот на Пратеничката група на ВМРО-ДПМНЕ и коалицијата по однос на според нас, скандалозниот предлог закон кој што дојде во Собранието, а се однесуваше на именување на членовите за одговорност за клевета и навреда. За прв пат, после едноумието се воведува една формулација каде што би се санкционирало и негативно мислење. Сега гледаме дека власта ретерира и тоа негативно мислење има намера да го преформулира во омаловажувачко или понижувачко мислење но сепак се гледа дека тенденцијата е да се ограничи критиката кон функционерите од власта. Ова воопшто не зачудува бидејќи автор на овој текст е академикот Камбовски кој што во 1987 година го казнуваше професорот Маријановиќ зошто сакал да се укине вербалниот деликт. Нашата порака до министерот Тупанчевски е да го смени последниот министер на Милошевиќ кој што на мала врата го протнува овој вербален деликт, изјави Милошоски.

Милошоски: Очекувам Бугарија да продолжи со притисокот кон една ваква слаба македонска Влада

Тале Кристо — Thu, 13 Jan 2022 18:53:44 +0000

Во вечерашното гостување во централниот дневник на Телевизија Сител, гостин беше членот на ИК на ВМРО-ДПМНЕ, Антонијо Милошоски, во однос на состанокот на советот национална безбедност на Бугарија за прашањето кон Македонија, тој истакна дека состанокот во Бугарија покажува високо ниво на политичко заедништво, кое ние за жал го немаме. „Состанокот во Бугарија на советот за национална безбедност за прашањето кон Македонија покажува едно високо ниво на политичко заедништво во соседна Бугарија, кое ние за жал го немаме. Ние едвај успеавме после долги убедувања по иницијатива на ВМРО-ДПМНЕ да поминеме една резолуција во македонското Собрание“ , истакна Милошоски. Милошоски додаде дека ништо повеќе од резолуцијата не се успеало како држава, а тука пред се одговорноста е на претседателот, на Владата, на премиерот, на министерот за надворешни работи да изградиме по силни национални позиции. „Во овој момент гледајќи ја сервилноста на македонската Влада, но и самата фрагментираност внатре во Владата каде што борбата за фотелја и позиции е посилна од борбата за националните и државни интереси, очекувам Бугарија да продолжи со притисокот кон една ваква слаба македонска Влада. Со тоа Бугарија ќе се обиде да издејствува максимум отстапки од македонската страна со една ваква слаба Влада“, заклучи Милошоски.

Мицкоски и Милошоски се сретнаа со претставници на Советот на амбасадори

Тале Кристо — Tue, 11 Jan 2022 18:11:55 +0000

Денес претседателот на ВМРО-ДПМНЕ проф. д-р. Христијан Мицкоски и членот на ИК на ВМРО-ДПМНЕ г. Антонијо Милошоски остварија средба претставници на Советот на амбасадори, информираат од ВМРО-ДПМНЕ. На средбата Мицкоски ги објасни позициите на ВМРО-ДПМНЕ во однос на надворешните предизвици со кои се соочува Македонија. Беше потенцирана потребата од одблокирање на европските интеграции со зачувување на државните и национални интереси, особено во поглед на прашањето со Бугарија. Воедно беше посочено дека потребна е усогласена и заедничка државна позиција во однос на преговорите за ова прашање која е изразена во црвените линии кои се дел од Резолуцијата усвоена во Собранието, а која беше предложена од ВМРО-ДПМНЕ. Исто така беше истакната потребата од реформи и промени кои ќе обезбедат посигурна иднина, се вели во соопштението на ВМРО-ДПМНЕ.

Милошоски: Поради селотејп коалицијата на СДСМ во собрание, ВМРО-ДПМНЕ ќе присуствува на седницата за да не бараат кривци во време кога треба да бараат решенија

Магдалена Андонова — Wed, 21 Oct 2020 14:01:10 +0000

„Министерот Венко деновиве не е многу заинтересиран како што беше пред изборите, секојдневно да излегува на прес конференции и да раскажува колку добро се справувале со Ковид кризата. Не го прави тоа првенствено затоа што не е добра состојбата и секој ден е се полошо за народот, за медицинскиот персонал и за државата. Одговорноста е негова. Ќе потсетам тоа е човекот кој ни велеше дека оваа ковид криза ќе заврши со околу 2000 заразени, а ние имаме толку само оваа измината недела. Меѓудругото тој е одговорен затоа што 800 наши сограѓани, за жал, повеќе не се меѓу најблиските. Филипче и Др Караџовски не превземаа ништо кога дискотеки во Струмица и Скопје кои важат за блиски до власта, организираа масовни и здравствено ризични концерти. Единствено за успех на Филипче може да се смета фактот што е ефикасен со тендерите во време на вонредната состојба, паралелно со плацевите на планината Водно“, стои во Фејсбук статусот на Антонијо Милошоски од ВМРО-ДПМНЕ. -Можам да порачам две работи: првата е да се разреши комисијата за заразни болести, во која што веројатно поради материјален интерес има и педијатри и да се формира специјална државна комисија од стручни експерти кои ќе ја водат борбата против ковидот. Второ, законот на Филипче во кој не се предлага ниту една мерка повикувам веднаш да се предложи и да се стави на гласање. Поради селотејп коалицијата на СДСМ во собранието ветуваме дека ВМРО-ДПМНЕ ќе присуствува на седницата и ќе им обезбеди кворум, за да не бараат кривци во време кога треба да бараат решенија.Овој закон нема важност за граѓаните и за борбата против ковидот, и затоа што ВМРО-ДПМНЕ нема да биде учесник во оваа соло игра на Др Караџовски, Филипче и неспособната влада на Заев, апелирам да не се злоупотребува катастрофата со заразата која што секојдневно се зголемува, пишува тој.