антонио тајани – Kurir.mk

Тајани: Експлозијата во болницата во Газа не била предизвикана од израелска ракета, бројот на загинати е помал

Ивана Ефремовски — Tue, 24 Oct 2023 12:21:25 +0000

Италијанскиот министер за надворешни работи Антонио Тајани денеска изјави дека експлозијата во болницата во градот Газа минатата недела не била предизвикана од ракета истрелана од Израел, а го доведе во прашање и бројот на загинати што го пријавија палестинските власти. „Мораме да го избегнеме негативното влијание на пропагандата, бидејќи таа ракета за која се вели дека предизвикала 500 смртни случаи, во реалноста имало околу 50 луѓе, не е лансирана од Израел“, изјави Тајани за телевизијата Скај ТГ24. Министерството за здравство на Газа соопшти дека бројот на загинати во болницата е 471. Тајани не соопшти на кои докази ги базира своите тврдења. (МИА)

Тајани: Италија сака дипломатски решенија за Нигер и Габон

Тале Кристо — Wed, 30 Aug 2023 15:55:20 +0000

Италијанскиот вицепремиер и министер за надворешни работи Антонио Тајани денеска изјави дека Италија работи на постигнување дипломатски решенија по воениот удар во Габон. - Италија останува посветена на изнаоѓање дипломатско решение за кризата во Нигер, како и таа во Габон, работејќи во координација со своите партнери, посочи Тајани. Тој додаде дека е „исклучително важно европските земји да одржат целосно единство во потрагата по мирно решение, што ќе обезбеди мир и стабилност за целиот регион Сахел, работејќи во хармонија со регионалните партнери“.

Тајани: Иран мора да го прекине прогонот и погубувањето на граѓаните кои протестираат

Ивана Ефремовски — Wed, 28 Dec 2022 13:22:02 +0000

Италијанскиот министер за надворешни работи Антонио Тајани денеска изјави дека Иран мора да го прекине прогонот и егзекуцијата на граѓаните кои учествуваат на протестите во таа земја и да започне дијалог со нив. Тој го изјави ова откако го покани иранскиот амбасадор на разговор. Тајани рече дека смртните казни за луѓето кои учествуваат во демонстрациите или жените кои одбиваат да носат шамии се непропорционална и неприфатлива форма на казна. Протестите низ Иран избија на 16 септември по смртта на Махса Амини (22), кој беше приведен од „полицијата на моралот“ поради наводно н еправилно носење хиџаб и се претворија во општонароден бунт против власта. Бројни демонстранти се осудени на смрт, а некои веќе се егзекутирани. „Амнести интернешнал“ соопшти дека иранските власти бараат смртна казна за најмалку 21 лице поради учество во протестите. (МИА)

Тајани: Белград и Приштина да ги нормализираат односите и да го продолжат патот на дијалог

Ивана Ефремовски — Thu, 24 Nov 2022 13:38:56 +0000

Белград и Приштина мора целосно да ги нормализираат односите откако постигнаа договор со кој заврши двегодишниот спор за регистарските таблички, изјави денеска италијанскиот министер за надворешни работи Антонио Тајани. „Сега е неопходно да се продолжи патот на дијалог и целосно да се нормализираат односите меѓу Белград и Приштина“, наведе Тајани во соопштение по телефонските разговори со лидерите во Белград и Приштина. Тајани, кој во вторникот ги посети Белград и Приштина со италијанскиот министер за одбрана Гвидо Крозето, додаде дека иднината на Балканот е во Европа и дека Италија е подготвена да игра водечка улога во регионот. Италија во моментов ја предводи мисијата на НАТО на Косово – КФОР. (МИА)

Мицкоски оствари средби со Антонио Тајани, Маријана Петир и Катја Леикерт

Тале Кристо — Thu, 21 Nov 2019 19:23:23 +0000

Во рамки на посетата на Загреб каде што се одржа изборот за претседател на Европската народна партија, претседателот на ВМРО-ДПМНЕ Христија Мицкоски денеска оствари неколку средби со високи претставници од сестринските партии како и големи пријатели и поддржувачи на Република Македонија. -Во Загреб имав средба со потпретседателот на Европската народна партија и доскорешниот претседател на Европскиот парламент Антонио Тајани, со пријателот на Македонија и голем поддржувач, поранешната европарламентарка Маријана Петир, како и со Катја Леикерт од групата ЦДУ ЦСУ. Разговаравме за актуелните проблеми во Македонија, проблемот со криминалот, корумпираното судство, и стагнацијата на реформите. Побарав поддршка и продлабочена соработка која ќе донесе напредок на европските интеграции. Македонија мора да се издигне над ниските страсти на власта, нејзините лоши политики и популизмот кој е покритие на нивната нервоза поради престојниот пораз, пишува на Фејсбук претседателот на ВМРО-ДПМНЕ Христијан Мицкоски.

Тајани: Брегзит без договор би бил катастрофа

Предраг Кукиќ — Thu, 07 Feb 2019 14:56:57 +0000

Евентуалното истапување на Велика Британија од ЕУ без договор би имало катастрофални последици, предупреди денеска претседателот на Европскиот парламент, Антонио Тајани. – Многу сме загружени. Се наоѓаме на неколку недели до економска и хуманитарна кастраофа, Тоа е реалноста на Брегзит без договор. Тоа би било многу опасно решение, изјави Тајани по средбата со британската премиерка Тереза Меј во Брисел. На средбата присуствуваше и главниот преговарач на Европарламнетот за Брегзит, Ги Верхофштат, кој го поздрави писмото што лидерот на британската опозициска Лабуристичка партија, Џереми Корвин до Меј, во кое и понуди поддршка за прифаќање на Договорот за истапувањето на Велика Британија од ЕУ, доколку таа се согласи на постојано британско членство во европската царинската унија. Корбин побара усогласување на Лондон со царинскиот закон на ЕУ, заеднички надворешни царини и договор за комерцијална политика која го вклучува ставот на Велика Британија за идниот трговски договор со ЕУ. Меј претходно денеска во Брисел се сретна и со претседателот на Европската комисија, Жан-Клод Јункер, кој го повтори претходно искажаниот став дека ЕУ нема да прифати „повторно отворање“ на Договорот за Брегзит, но дополни дека се можни промени во анексот, што е во форма на политичка декларација.