Нов компјутерски томограф на Факултетот за ветеринарна медицина-Скопје

Ристе Здравков — Sun, 11 Dec 2022 12:03:28 +0000

Вложуваме во знаењето на студентите и се грижиме за милениците. Нов современ компјутерски томограф за брза и прецизна дијагностика кај домашните миленици со примена на минимално зрачење, набави Универзитетската ветеринарна болница при Факултетот за ветеринарна медицина-Скопје. - Следејќи ги најновите достигнувања во ветеринарна медицина, за првпат во нашата држава, Факултетот ги обедини на едно место сите услуги на современата дијагностика кај домашните миленици, со што се започнува со едно ново поглавје на услуги за врвна дијагностичка процедура на многу болести, посочува проф. д-р Лазо Пендовски, декан на Факултетот за ветеринарна медицина-Скопје. Тој додава дека компјутерскиот томограф е од најновата генерација и располага со софтвер за комплексна детекција на сите промени во организмот репродуцирајќи квалитетни снимки кои имаат можност за реконструктивен тродимензионален приказ на промените со примена на контрастно средство за уште подетален приказ. - Факултетот за ветеринарна медицина во Скопје како водечка институција во државата, со набавката на овој современ апарат на студентите им овозможува поквалитетно студирање и стекнување на практични вештини и компетиции како идни доктори по ветеринарна медицина, а на клиентите им се овозможува квалитетна услуга за брза и современа дијагностика на нивните домашни миленици, додаде деканот проф. д-р Лазо Пендовски.

Фондацијата чии основач е Митко Јанчев донираше звучен апарат – ехо за Клиниката за гастроентерохепатологија

Ристе Здравков — Fri, 17 Jun 2022 16:31:20 +0000

Денеска сме особено горди што сме овде, во Универзитетската Клиника за гастроентерохепатологија при ЈЗУ Клинички центар ,,Мајка Тереза,, Скопје, и што во оваа глобална здравствена и економска криза успеавме да направиме уште еден хуман акт со доделување на овој ултра звучен апарат - ехо за потребите на клиниката, кој е во вредност од 2,300,000 денари. Донацијата ја доделува Фондацијата Никола Јанчев од Кавадарци која е основана на 14.02.2018 година. Основач е Митко Јанчев, кој е актуелен градоначалник на Општина Кавадарци, додека Фондацијата го носи името на основачот на компанијата Кожувчанка, Никола Јанчев. Нашата фондацијата има една единствена цел, а тоа е да им се помага на луѓето преку хуманитарни активности. Компанијата Кожувчанка и Фондацијата Никола Јанчев се долгогодишен партнер на хуманоста низ целата наша држава. Позади нас се голем број на хуманитарни активности во секоја сфера од нашето општество, независно дали станува збор за инфраструктура, здравство, спорт, клутура или слично. Како и секогаш, ние нема да застанеме овде, ќе продолжиме да ги препознаваме вистинските потреби на луѓето и преку вакви хуманитарни активности истите да ги поддржуваме.

апарат – Kurir.mk

Нов компјутерски томограф на Факултетот за ветеринарна медицина-Скопје

Фондацијата чии основач е Митко Јанчев донираше звучен апарат – ехо за Клиниката за гастроентерохепатологија