апетисани – Kurir.mk

Плаќа над 21.000 евра од џебот на граѓаните: Шилегов набавува 265 килограми апетисани, печеници, сирење…

Ивана Ефремовски — Fri, 29 Jan 2021 20:56:54 +0000

Град Скопје купи четврт тон апетисани. Фстаци, бадеми лешници, индиски ореви, кикирики се дел од набавката објавена на Бирото за јавни набавки. Според техничката спецификација пакувањата на јаткаските производи треба да бидат од 100 до 500 грама. Па така од градскиот буџет ќе се исплатат 60 килограми фстаци, 90 кила бадеми, 55 килограми лешници и по 30 килограми кикирики и печени индиски ореви. Или вкупно 265 килограми апетисани, кои чинат речиси 3.000 евра, пренесе СИТЕЛ. Според набавената количина Градската управа месечно ќе може да троши по 11 килограми апетисани. Набавката се однесува за две години. На тендерот имало само еден понудувач. Освен ова, градот набавува и сувоместани производи и тоа свинска и телешка печеница, виршли и салами, врат, колбасици и вакумирани пилешки гради. Од млечни производи овчо и кравјо сирење, јогурт со висока масленост, путер, овчи кашкавал и млеко. Конзерви риба и нарезак, јајца, ајвар, мед мармалад , а набавени се количини и од овошје и зеленчук. Од Град Скопје велат викендов ќе ја анализираат набавката и во понеделник ќе одговорат за што ќе се користат сите овие производи. Вкупната вредност на целиот договор е над 21 илјада евра. Прилогот на СИТЕЛ погледнете го во продолжение:

Граѓани со пораки до Владата: Немате пари за маски и ракавици, а има за апетисани и кафе

Ивана Ефремовски — Mon, 27 Apr 2020 15:08:18 +0000

Граѓаните изреволтирани што Владата троши огромни суми за апетисани и кафиња, а нема ракавици и маски за заштита од коронавирусот. Денес пред владината зграда осамнаа пораки: -Нема пари за маски, ракавици, антисептици, заштитна опрема за здравствените работници, но има доволно за Владата да се претвори во кафуле.

Трипуновски: Владата купува 3 тони кафе и 700 килограми апетисани, а крати од субвенции и инвестиции во земјоделството

Тале Кристо — Sat, 25 Apr 2020 15:13:28 +0000

Владата купува 3 тони кафе и 700 килограми апетисани, а крати од субвенции и инвестиции во земјоделството. Срамота!!! Аздисаноста на власта и неоткажувањето од луксуз ги остава македонските ниви без соодветно наводнување во иднина. СДСМ крати 36 милиони денари од секторот Водостопанство, 30 милиони од проектот ХЕЦ Злетовица и 31 милион од проектот Јужно Вардарска долина. Скратени се пари и од субвенции. Вкупно 30 милиони помалку за субвенции и капитални трансфери. Трајане, Љупчо каде плови овој брод на кој вие сте капетани знаете ли!? Јас ќе ви кажам, не плови! Сидрото на вашиот шеф го укотвило во немирно море. Од ден во ден наместо решенија за излез од кризата барате начин како да им земете на земјоделците, на граѓаните. Тактиката на СДСМ е осиромаши го народот, а потоа дели хуманитарни пакети. Земјоделците се категоријата која најмногу ја осиромашивте и продолжувате да ја осиромашувате. Наместо инвестирање и поттикнување на раст, со измените во буџетот за земјоделие кратите милиони наменети за развој. Во ек на криза треба да се крати од луксузи, патувања, автомобили, мебел, апетисани итн. Но не и од земјоделците, кои се категорија од над 100 илјади граѓани и категорија која треба да произведе храна и да ја прехрани нацијата. Земјоделците заслужуваат подобро!, реагира дополнителниот заменик за земјоделство шумарство и водостопанство Цветан Трипуновски. https://www.facebook.com/tripunovskicvetan/posts/1523017234522586

Владата ќе потроши илјадници евра за набавка на ф`стаци, лешници, бадеми и индиски ореви

Предраг Кукиќ — Wed, 06 Feb 2019 16:22:26 +0000

Владата набавува апетисани во вредност од 450.000 денари односно околу 7.500 евра. На страната на бирото за јавни набавки објавен е оглас на кои како договорен орган стои Служба за општи и заеднички работи на Владата на Република Македонија, а чив предмет на договор е набавка на апетисани. Како што може да се забележи во тендерската документација ќе се набавуваат по 180 килограми бадеми и лешници, 150 килограми индиски ореви како и 100 килограми ф`стаци.