апис – Kurir.mk

Колумна на Стоименов: Предизборни игри (на среќа)!

Ивона Петрова — Thu, 19 Oct 2023 08:02:25 +0000

Како непишано правило, речиси пред секои избори, се актуелизира прашањето на игрите на среќа. Постојат дежурни критичари на легалните игри на среќа, кои со наративот дека младите стекнуваат зависност од излозите и рекламите на објектите, ја потхрануваат негативната перцепција на јавноста. Да биде иронијата поголема, таквите „независни активисти“ неретко се луѓе кои имаат искуство со игри на среќа и како разочарани што не ги оствариле своите финансиски планови се најгласно против. Партиите сметајќи дека така ќе освојат повеќе гласови на изборите го држат ова прашање високо на нивните агенди. Да бидам сликовит, партиите се натпреваруваат кои ќе биде порадикален со најголемиот приватен работодавец во државата. И така постојат засега два популистички концепта. Едниот дека игрите на среќа треба да се дистанцираат на 500 метри, 3 километри, само во хотели со 5 sвезди и другиот концепт, да се затворат целосно. Заедничко за двата концепта е што предизвикуваат иста последица, затворање на легалните игри на среќа и отворање на диви играчници, по подруми како во минатото, без никаква контрола од државата, каде профитот ќе завршува во приватни џебови. Дистанцата е параван за затворањето на објектите, бидејќи истата е неизводлива поради инфраструктурната поставеност на општините. Патем, 10 илјади луѓе ќе останат без работа, 54 илјади до 100 илјади други работни места кои индиректно печалат од игрите на среќа ќе трпат сериозни загуби, а околу 35 илјади луѓе ќе станат кандидати за иселување од Македонија. Ќе се иселат во западните земји каде повторно ќе работат во истиот сектор. А не треба да се оди подалеку, доволно е да се види искуството со Албанија. Забраната на игрите на среќа предизвикала штети по нивниот Буџет затоа што се отвориле играчници на црно. После таквото признание премиерот Еди Рама предложи укинување на забраната. Во Грција беа ограничени игрите на среќа само во хотели. Кога забележаа дека помеѓу 3 до 5 илјади Грци во еден ден играат во казината во Гевгелија, Грчките власти за да спречат одлив на финансии надвор од нивните граници, поставија 36 илјади апарати за игри на среќа во државата. И никој не си го поставува прашањето, на кој приредувач на игри на среќа му се потребни млади гости? За да го трошат џепарлакот од родителите? Зарем некој верува дека игрите на среќа можат или сакаат од нив економски да опстојуваат? Како што никој не ја отвора дилемата зошто нашите сограѓани (важи и за политичарите) кога ќе отидат на туристичките посети на Монако или Лас Вегас, гордо се фотографираат како гости на нивните казина? Зошто таму е „ин“ да играш игри на среќа, а во Македонија треба да биде „ерес“? Дали во Македонија постои барем еден случај каде некој е присилен, спротивно од неговата волја, да игра игри на среќа? Зошто логиката за предизвикување на зависност од објектите за игри на среќа не важи и за кафулињата, кафеаните и тобаката? Игрите на среќа во Македонија се легален бизнис, постоечката регулатива е најстрога на Балканскиот Полуостров. Надлежните државни институции вршат перманентна контрола на сите сегменти на функционирањето на објектите. Голем дел од компаниите се претставници на странски капитал, кој доаѓа од ЕУ. За членките на Асоцијацијата на приредувачи на игри на среќа – АПИС не постои записник од надлежни органи каде е констатирано присуство на малолетници во објектите на игри на среќа. Станува збор за општествено одговорни компании кои постојано водат кампања во медиумите за елиминирање на сите евентуални ризици и влијаат за одвраќање на малолетниците од било каков контакт со игрите на среќа. Во објектите постои и дежурен психолог за секој играч кој чувствува дека развива зависност од игрите да побара и добие стручна помош. Дополнително, АПИС спроведе истражување кое утврди дека автомат клубови и казина посетува само 3 проценти од полнолетната популација. Станува збор за традиционални играчи, кои веќе си ја пробувале среќата претходно, најчесто во западните земји. Најтрагично е што ниту една државна институција не чувствува потреба да заштити 10 илјади вработени во овој економски сектор. Едноставно, кон нив се однесуваат како да се заразни. Не е важно што меѓу нив има и мајки, најчесто на малолетни деца, на кои воопшто не им е сеедно кога слушаат обвинувања дека игрите на среќа се извориште на зло за младината. Како да се пуштени низ вода. А, нивните и судбините на нивните семејства се доведени во прашање. Апсурдот да биде поголем, во исто време кога измените го поминаа првиот Собраниски филтер на Комисијата за европски прашања, Државата носи одлука за капитално учество на Државната лотарија во 3 нови компании кои ќе организираат игри на среќа преку интернет. Е како оди дистанца на објектите заедно со интернет игри на среќа? Не е можно во исто време да се тврди дека учениците се загрозени од близината на објектите, а да се овозможува онлајн игри на среќа кои се целосно достапни од секое место преку мобилните уреди. Крајно време е да се погледне на вистината во очи. Научно е докажано дека потенцијалната зависност не се стекнува преку очите, туку заради несакани социјални потреси, негативни домашни и семејни околности. Семејството и домашното воспитување се клучниот фактор за здрава и прогресивна младина. Бројот на отворени објекти за игри на среќа е последица на менталитетот и навиките на луѓето од овие простори да си ја искушуваат среќата. Не беше толку одамна кога секојдневно бевме сведоци на игри со ќибритчиња на поранешната калдрма на „Камен мост“ и покер апарати поставени во кафулиња и „флиперници“. Игрите на среќа постојат откако постои цивилизацијата. Само со строга државна контрола оваа економска гранка може си го оправда постоењето. Политичките партии треба да ја ослободат оваа економска гранка од стегите на дневната политика. Пратениците се избрани меѓу другите да ги претставуваат и овие 10 илјади вработени. Нека соберат храброст и нека ги погледнат во очи. Нека го слушнат нивниот глас. Тие се обични луѓе, не се роботи. Нека се одважат да ги послушаат и да ја прекинат нивната неизвесност и голгота. Нека им кажат дека во услови на инфлација, растечка сиромаштија и ценовни шокови нема да гласаат скандалозни законски измени кои ќе предизвикаат затворање на легалните игри на среќа. Едноставно, партиите треба да стават крај на постојаната негативна кампања која се води против легалните игри на среќа. Затоа што не постои ниту една ЕУ директива која заменува легални со нелегални игри на среќа. Ако може Принцот на Лихтенштајн на референдум да ги брани игрите на среќа во Кнежевството, можат и нашите политичари! Горан Стоименов, претставник на АПИС

Стоименов од АПИС: Не си поигрувајте со 10.000 човечки судбини, повлечете ги измени на Законот за игри на среќа пред да стане предоцна

Ивана Ефремовски — Mon, 09 Oct 2023 10:17:17 +0000

Сакаме од тука, пред Собранието, уште еднаш да им укажеме на пратениците на штетните последици и хаосот што следи во овој сектор доколку се опстои на намерите овие измени да стапат на сила по секоја цена. Веруваме дека нашите предупредување ќе бидат примени со добра волја, без предрасуди и надвор од дневно политичките збиднувања, порача Горан Стоименов, претставник на Асоцијацијата на приредувачи на игри на среќа во заедничката изјава со претставникот на Асоцијацијата на спортски обложувалници (АСОМ) по повод продолжувањето на собраниската процедура за усвојување на измените на Законот за игри на среќа со ЕУ знаме. Стоименов истакна дека во услови на сериозни економски предизвици, растечка инфлација, ценовни шокови, целосно е нерационално да се туркаат измени кои во пракса ќе предизвикаат затворање на автомат клубовите и спортските обложувалници и со тоа отпуштање на 10 илјади вработени. Државата ќе изгуби најмалку 280 милиони евра буџетски приходи на годишна основа. Се затвора целосно законска економска гранка што ќе предизвика отворање играње на црно во подрумски простории, како децении наназад, предупредуваат од АПИС. „Државата ќе нема ниту контрола, ниту ќе остварува буџетски приливи. Приходите ќе завршуваат во приватни џебови, без да се плаќаат лиценци и даноци. Не е точно дека младите ќе бидат повеќе заштитени со дистанца од 500 метри. Ваквиот концепт е целосно промашен и неизводлив на терен. Затоа одговорно тврдиме дека дислокацијата е параван за клуч на врата на легалните објекти за игри на среќа. Критиките дека називите и излозите на спортските објектите ги привлекуваат младите и наводно така преку очите им се создава навика за игри на среќа, нема врска со реалноста. Ако ја прифатиме оваа логика, со истите аргументи ќе треба да се дистанцираат и кафулињата, кафеаните и тобаката за младината да не биде под ризик да стекнува зависност од алкохол и никотин. Не го занемарувајте фактот дека постојната регулатива во Северна Македонија е најстрога на Балканот, бидејќи актуелниот Закон ги опфаќа сите сегменти на контрола на игрите на среќа од сите надлежни институции“, истакна Стоименов во изјавата пред Собранието. Според Асоцијацијата, нелогично е во исто време да се воведува дистанца на објектите и да се спроведува постапка во која државата ќе стане партнер во организирање игри на среќа преку интернет. „Онлајн игрите на среќа се достапни преку мобилни уреди, компјутери на секое место во државата. Доколку ваквиот упад во актуелниот строго контролиран систем на игри на среќа се прави со цел да се затворат легалните објекти за сметка на фирми кои без ниту еден вработен во иднина ќе организираат игри на среќа преку интернет, тогаш некој е во тешка заблуда за наводно позитивните ефекти“, рече Стоименов. Компаниите, кои се членки на Асоцијацијата на приредувачи на игри на среќа, се претставници и на реномирани странски компании од ЕУ, кои индиректно помагаат меѓу 54 илјади до 100 илјади работни места во земјата, и, како што велат од Асоцијацијата, најмалку што очекуваат е да бидат третирани од државата во која инвестираар со години на ист начин како и другите странски инвеститори. Особено што станува збор за најголемиот приватен работодавец во државата. „Станува збор за општествено одговорни компании кои целосно го штитат јавниот интерес и неселективно ги спроведуваме законските норми. Одговорно тврдиме дека постојат повеќе опции заштитата на младината да биде уште повеќе зајакната, а државата да ги остварува и понатаму буџетски приливи. Затоа, жалиме што надлежните институции останаа глуви на нашите писмени барања, уште во фазата на подготовката на законските измени, да бидеме вклучени со конструктивни предлози“, додава Стоименов. АПИС испрати апел до пратениците да не ги заведува еуфоријата од изборите кои се наближуваат. Бараат да престанат да бидат ставани во фокусот на дневно политичките препукувања. „Денес, тука сме со мал дел од вработените кои загрижени за својата иднина побараа од мене да ја пренесам и нивната порака. Ќе бидеме многу повеќе, ќе излеземе на масовни протести ако продолжи туркањето на измените на Законот за игри на среќа по секоја цена. Ние друг избор немаме. Или со сите демократски средства ќе се бориме за зачувување на работните места или ќе бидеме принудени со нашите семејства да се иселиме и да си ја бараме егзистенцијата во западните земји. Таму повторно ќе работиме во секторот игри на среќа. А не планираме да дозволиме да бидеме избркани од сопствената држава. Ние сме обични луѓе, меѓу нас има родители на малолетни деца. На неправда и обид да бидеме жртвувани сме подготвени да реагираме со жесток револт. Затоа, не си поигрувајте со 10 илјади човечки судбини, повлечете ги законските измени пред да стане предоцна“, нагласи на крајот од својата изјава Стоименов.

АПИС до пратениците: Сфатете нѐ сериозно пред да стане предоцна!

Ристе Здравков — Wed, 04 Oct 2023 13:31:16 +0000

Како Асоцијација на приредувачи на игри на среќа во автомат клубови и казина – АПИС, сакаме да испратиме предупредување кое се надеваме дека со добра волја ќе биде примено од сите пратеници, без разлика на нивната политичка, етничка или верска припадност. Впрочем, се работи за судбините на 10 илјади семејства кои се вработени во економската гранка – игри на среќа, кои на еден или друг начин пратениците ги носат на нивната совест. Имаме сознанија дека денес на седницата на Комисијата за европски прашања ќе биде дополнет дневниот ред со Предлогот на закон за измени и дополнување на законот за игри на среќа и забавни игри, кој беше пуштен во Собраниска процедура со ЕУ знаме на 16 март оваа година. Пред неколку дена јавно ја отворивме дилемата дали упадот на Државна лотарија во досегашниот систем на игри на среќа со одлуката капитално да учествува во формирањето три нови трговски друштва за организирање игри на среќа преку интернет, е всушност вовед во ставање клуч на врата на обложувалниците и автомат клубовите? Дали некој лажно верува дека приходите од досегашниот систем на организирање игри на среќа можат да се заменат со приходи од игри на среќа преку интернет? Или можеби се работи исклучиво за задоволување лични бизнис апетити во кои ќе се жртвува цела економска гранка за во Северна Македонија да царуваат фирми на кои ќе им се дозволи да организираат игри на среќа без ниту еден вработен? Разочарани сме што некој се’ уште не ја разбира сериозноста на последиците кои ќе ги предизвика усвојувањето на овие законски измени. Очигледно, ниту забелешките на амбасадорите на земјите членки на ЕУ не се доволни. И покрај фактот што уште во февруари евроамбасадорот Дејвид Гир јавно порача дека европското знаме не смее да се злоупотребува за избегнување на дискусиите за важни прашања некој не се откажува од намерата да протурка скандалозни и противуставни измени на законот за игри на среќа. Воведувањето на дистанца од 500 метри од образовни институции е фасада за скриената намера за целосно затворање на објектите каде организираат игри на среќа. Со ова погубно сценарио, државата ќе изгуби 280 милиони евра годишно приход во централниот Буџет и ќе создаде предуслови за организирање игри на среќа на црно, без лиценци и без никаква контрола од надлежните институции. Доколку се изгласаат овие законски измени 10 илјади луѓе ќе останат без работа и заедно со своите семејства ќе бидат принудени, во најголем број да си ја бараат среќата во западните земји, членки на ЕУ, каде повторно ќе работат во истата економска дејност игри на среќа. Ова се обични луѓе, меѓу кои и родители на малолетни деца кои чесно си ги заработуваат платите и не сакаат да бидат избркани од сопствената држава. Крајно време е игрите на среќа да се тргнат од дневно политичкиот ринг. Апелираме пратениците да не сфатат сериозно пред да стане предоцна. Не треба да наседнуваат на манипулациите на противниците на легалните игри на среќа. Тие никогаш нема да кажат чии бизнис интереси штитат и нема да преземат одговорност за хаосот кој следи доколку овие законски измени се усвојат Добро е денес сите членови на Комисијата за европски прашања пред да се изјаснуваат да си го постават прашањето, кога младите се повеќе заштитени, сега кога игрите на среќа се одвиваат на легален начин или кога ќе се организираат на црно и државата ќе нема никаква контрола? Конечно, ако процедурата за усвојување на овие законски измени продолжи по секоја цена, тогаш ние ќе бидеме доведени во состојба на крајна нужда. Ќе бидеме принудени да излеземе на масовни протести и со сите демократски средства да се бориме против неправдата. Наша должност е да ги заштитиме вработените и огромните инвестиции кои ја придвижуваат македонската економија напред. АСОЦИЈАЦИЈА НА ПРИРЕДУВАЧИ НА ИГРИ НА СРЕЌА - АПИС

АПИС: Државна лотарија да ја преиспита одлуката за организирање игри на среќа на интернет

Ивона Петрова — Thu, 28 Sep 2023 09:19:20 +0000

Асоцијацијата на приредувачи на игри на среќа - АПИС ја оценува одлуката на Државна лотарија за капитално учество во основањето три нови трговски друштва за организирање игри на среќа на интернет за упад во досегашниот систем на игри на среќа. Клучната дилема е дали е ова вовед во ставањето клуч на врата на обложувалниците и автомат клубовите? Дали државата сака да остави 10 илјади луѓе без работа за да остварува буџетски приходи преку онлајн игри на среќа? Зошто упорно се игнорира мислењето на АПИС и АСОМ? Дали студијата која е направена укажува дека интернет игрите на среќа заради полесната достапност се потенцијално поголем ризик за младината? Целокупниот процес е нетранспарентен и со месеци се криел од јавноста. Може само да претпоставуваме кои се мотивите за вака погрешен пристап. Не слушнавме ниту еден издржан аргумент зошто на државата под овие услови и се потребни три нови компании кои ќе организираат игри на среќа на интернет. Отворено се сомневаме дека условите кои треба да се исполнат се креирани така да однапред се знае кој ќе бидат партнерите на Државна лотарија. Скандалозно е да не се почитуваат реализираните инвестиции на актуелните приредувачи на игри на среќа, кои и во овој случај се дискриминирани, иако на дел од нив капиталот им доаѓа од земји членки на ЕУ. Уште пострашно е што ќе се дозволи на компанија која нема ниту еден вработен да приредува игри на среќа, што е надвор од економската логика и спротивно на високите стандарди во индустријата. Ја повикуваме Владата и Државната лотарија да ја преиспитаат одлуката за организирање игри на среќа преку интернет. Без јавна расправа, без да се чуе мислењето на експертската јавност, секое продолжување на постапката ќе биде штетен преседан со сериозни последици. Актуелните приредувачи на игри на среќа како најголем работодавец во земјата имаат право да бараат нивниот глас да се слуша. Нема да дозволиме заради нечии лични бизнис апетити да се разградува постоечкиот систем на игри на среќа, кој е еден од најстрого регулираните во регионот и пошироко.

АПИС до пратениците: Која ЕУ директива предвидува затворање на легални игри на среќа и 10 илјади луѓе да останат без работа?

Ивона Петрова — Thu, 16 Mar 2023 12:53:37 +0000

Претставниците на Асоцијација на приредувачи на игри на среќа во автомат клубови и казина – АПИС, поддржани од стотина вработените во Групацијата Новоматик и Апекс Македонија и Асоцијацијата на спортски обложувалници (АСОМ) со дел од вработените, денес во пресрет на пленарната седница на чиј дневен ред е Предлогот на закон за измени и дополнување на законот за игри на среќа и забавни игри со ЕУ знаме, до сите пратеници, без разлика на нивната политичка, етничка или верска припадност испратија директни пораки. „И покрај нашиот јавен повик, владиниот Секретаријат за европски прашања не даде одговори на следните оправдани дилеми на јавноста: • Која ЕУ директива предвидува затворање на легални игри на среќа? • Која ЕУ директива создава предуслови за игри на среќа на црно, без државна контрола? • Која ЕУ директива предвидува 10 илјади луѓе да останат без своите работни места? • Која ЕУ директива овозможува противуставни законски измени? • Која ЕУ директива предвидува бркање странски инвеститори кои доаѓаат од земја членка на ЕУ?“, изјави Горан Стоименов, претставник на АПИС Побараа од пратениците да не наседнуваат на лажниот популизам кои го шират противниците на легалните игри на среќа. Сметаат дека истите тие никогаш нема да кажат чии бизнис интереси штитат и нема да преземат одговорност за хаосот кој следи доколку овие законски измени се усвојат. “Добро е сите пратеници пред да гласаат да си го постават прашањето, кога младите се повеќе заштитени, сега кога игрите на среќа се одвиваат на легален начин или кога ќе се организираат на црно и државата ќе нема никаква контрола?“, реторички истакна во изјавата Горан Стоименов, претставник на АПИС. Асоцијацијата уште еднаш предупреди дека ако овие законски измени не се повлечат и низ една широка општествена, јавна дебата со вклучување на сите засегнати страни не се пристапи кон изработка на одржливо законско решение кое ќе ги следи сите светски стандарди за игри на среќа, АПИС, АСОМ и Здружението на вработени во сектор игри на среќа “Сакам да работам” ќе бидат принудени да излезат на масовни протести. „Ќе се бориме до крај против неправдата со сите демократски средства. Ако надлежните институции не сакаат да ги прифатат нашите аргументи ќе немаме друг избор. Наша должност е да ги заштитиме вработените и огромните инвестиции кои ја придвижуваат македонската економија напред“, рече Стоименов. Во изјавата беше нагласено и дека во овој момент на совеста на сите пратениците се оставени судбините на 10 илјади семејства, кои доколку се изгласаат овие законски измени ќе бидат принудени, во најголем број да си ја бараат среќата во западните земји, членки на ЕУ, каде повторно ќе работат во истата економска дејност. Посочија дека во игрите на среќа работат обични луѓе, меѓу кои и родители на малолетни деца кои чесно си ги заработуваат платите и не сакаат да бидат избркани од сопствената држава.

АПИС на средба со пратениците од ВМРО-ДПМНЕ, в понеделник со СДСМ

Ристе Здравков — Thu, 09 Mar 2023 10:17:51 +0000

Денес, претставници на Асоцијацијата на приредувачи на игри на среќа (АПИС) заедно со претставници на Асоцијацијата на спортски обложувалници (АСОМ) остваривме средба со пратеници на политичката партија ВМРО-ДПМНЕ во Собранието на Република Северна Македонија. Средбата се реализираше како резултат на барањата на двете асоцијации, кои се испратени до сите инстанци на законодавната власт. Во понеделник ќе имаме средба и со Коалицијата „МОЖЕМЕ“, предводена од СДСМ. Наша должност е да ги информираме народните избраници, за крајно штетните последици кои неминовно следат доколку овој Предлог на закон за измени и дополнување на игрите на среќа и забавни игри биде изгласан од Собранието. Уште повеќе што нема никакво издржано објаснување зошто е одлучено токму на овие законски измени да им се стави Европско знаме, што никогаш претходно не било законодавна пракса, земајќи предвид дека измените предизвикуваат драматични финансиски импликации. На средбата, ја искористивме приликата да ги пренесеме суштинските забелешки за целокупната постапка за законски измени. Убедени сме дека е неопходно е да се отвори широка општествена, јавна дебата преку која ќе се дојде до најсоодветните модалитети кои ќе ги следат сите светски стандарди за организирање игри на среќа. Објаснивме дека предлогот за дислокација на објектите каде се организираат игри на среќа е многу тешко изводлив на терен. Согласно постоечката урбанизација, дистанцирање на одреден објект на 500 метри од едно училиште, ќе го приближи истиот објект на помалку од 500 метри до друго училиште. Затоа, дистанцата од 500 метри по својата суштина значи дека се предлага целосно затворање на оваа економска дејност. Потенциравме дека ќе се затвори 100 проценти законски бизнис што автоматски ќе предизвика игри на среќа да се играат на црно, во подруми, како децении наназад. Државата ќе нема ниту контрола, ниту ќе остварува буџетски приливи. Приходите од играње во диви играчници ќе завршуваат во приватни џебови, без да се плаќаат лиценци и даноци. Наведовме компаративни примери кои укажуваат дека ставањето Европско знаме на предложените измени е без основ, бидејќи актуелните процеси во Европа и соседството ги демантираат домашните критичари на игрите на среќа. На 29 јануари, 72 проценти од жителите на Лихтенштајн на референдум со гласање против ја отфрлија иницијативата за затворање на игрите на среќа во Кнежевството. Во октомври лани, албанската Влада соопшти дека после четири годишната забрана ги враќа игрите на среќа. Образложението на нивниот Премиер Еди Рама е дека после забраната, игрите на среќа во Албанија почнале да се одвиваат на црно и дека повторното отворање на индустријата значително ќе и помогне на албанската економија. И во Грција беа забранети на игрите на среќа. Кога грчките власти видоа дека меѓу 3 до 5 илјади Грци само во еден ден играат во Гевгелија, во 2018 поставија 36 илјади апарати за игри на среќа за да спречат одлив на финансиски средства надвор од државата. Иако постоечкото законско решение е најстрого во регионот, укажавме дека генерално не сме против законски измени. Се противиме на погрешни, противуставни и популистички мотивирани законски измени, кои ќе предизвикаат хаос со игрите на среќа. Затоа, на 16 ноември 2022 со писмени барања адресирани до Владата и Министерството за финансии побаравме нашите правни тимови да бидат вклучени во процесот на изработка на предложените измени. За жал, и покрај писменото ветување на Министерството за финансии од 19.12.2022 дека после изготвувањето на првичниот драфт на измените ќе ни се овозможи како засегнати страни да се вклучиме со свои мислења и коментари, тоа не се случи. Конечно, како асоцијации уште еднаш потенциравме дека имаме одговорност да ги заштитиме нашите вработени и огромните инвестиции во Северна Македонија кои ја придвижуваат македонската економија напред. Се надеваме дека нашите апели ќе вродат со плод и предложените законски измени ќе бидат повлечени за да се обезбеди целосно инклузивна постапка за изработка на вистински одржлива регулатива за игрите на среќа.

АПИС бара да се обрати пред пратениците за штетите кои следат доколку се изгласаат законските измени за игрите на среќа

Ивана Ефремовски — Wed, 08 Mar 2023 08:28:13 +0000

Како Асоцијација на приредувачи на игри на среќа (АПИС) во кои членуваат трговските друштва кои организираат игри на среќа во автомат клубови и казина, претставници на Новоматик и Апекс од Република Австрија, побаравме од Собранието на Република Македонија да се обратиме на седницата на Комисијата за европски прашања кога ќе биде разгледуван Предлог на законот за измени и дополнување на законот за игри на среќа и забавни игри. Нашето барање е во согласност со член 122 став од Деловникот за работа Собранието. Соопштението на АПИС го пренесуваме во продолжение: Наша должност е да ги информираме народните избраници за крајно штетните последици кои неминовно следат доколку законски измени бидат изгласани од Собранието со решенијата кои се дел од предложените законски измени. Иако постоечкото законско решение е најстрого во регионот, ние генерално не сме против законски измени. АПИС се противи на погрешни, противуставни и популистички мотивирани законски измени, кои ќе предизвикаат хаос со игрите на среќа. Затоа, на 16 ноември 2022 со писмени барања адресирани до Владата и Министерството за финансии побаравме нашите правни тимови да бидат вклучени во процесот на изработка на предложените измени. За жал, и покрај писменото ветување на Министерството за финансии од 19.12.2022 дека после изготвувањето на првичниот драфт на измените ќе ни се овозможи како засегната страна да се вклучиме со свои мислења и коментари, тоа не се случи. Напротив, Владата од необјасниви причини одлучи на предложените измени да им стави Европско знаме, што никогаш претходно не било собраниска пракса, земајќи предвид дека измените предизвикуваат драматични финансиски импликации. Демократски обичај е како странски инвеститори, претставници на капитал кој доаѓа од земја членка на ЕУ, да бидеме ислушани и нашата експертиза и знаење да биде земено предвид со цел изработка на одржливо законско решение во согласност со највисоките светски стандарди за организирање игри на среќа. Досега како Групација во Република Македонија сме инвестирале 124 милиони евра, имаме тековни инвестиции од дополнителни 30 милиони евра, вработуваме илјадници луѓе. Како општествено одговорни компании донираме во јавното здравство, спортот, културата и постојано учествуваме или сме покровители на хуманитарни акции. Целата економска дејност – игри на среќа годишно приходува 280 милиони евра во буџетот, што е зафаќање од 6 проценти од приходната страна на централниот Буџет предвиден за 2023 година. Конечно, како Асоцијација на приредувачи на игри на среќа имаме одговорност да ги заштитиме нашите вработени и огромните инвестиции во Македонија кои ја придвижуваат македонската економија напред. Очекуваме од Собранието нашето Барање да биде прифатено.

АПИС: ЕУ знаме за скандалозни и противуставни измени на законот за игри на среќа

Ристе Здравков — Sat, 25 Feb 2023 09:59:42 +0000

Очигледно е дека некој се’ уште не ја разбира сериозноста на последиците кои ќе ги предизвика усвојувањето на овој Предлог закон за изменување и дополнување на законот за игри на среќа и забавни игри, предложен од владата. Ниту забелешките на амбасадорите на земјите членки на ЕУ не ги одвратија од нивните намери. Иако пред две седмици евроамбасадорот Дејвид Гир јавно порача дека европското знаме не смее да се злоупотребува за избегнување на дискусиите за важни прашања, владата не се откажа од намерата да протурка скандалозни и противуставни измени на законот за игри на среќа. Испратени се во Собрание со европско знаме. Го повикуваме владиниот Секретаријат за европски прашања да одговори на следните дилеми на јавноста:

Која ЕУ директива предвидува затворање на легални игри на среќа?
Која ЕУ директива создава предуслови за игри на среќа на црно, без државна контрола?
Која ЕУ директива предвидува 10 илјади луѓе да останат без своите работни места?
Која ЕУ директива овозможува противуставни законски измени?
Која ЕУ директива предвидува бркање странски инвеститори кои доаѓаат од земја членка на ЕУ?

Апелираме до пратениците на сите политички партии да посветат особено внимание на Законот за измени и дополнување на законот за игри на среќа и забавни игри. Ниту еден пратеник не треба да наседне на лажниот популизам кои го шират противниците на легалните игри на среќа. Доволно е да си го постават реторички прашањето, кога младите се повеќе заштитени, сега кога игрите на среќа се одвиваат на легален начин или кога ќе се организираат на црно и државата ќе нема никаква контрола? Ние имаме одговорност да ги заштитиме нашите вработени и огромните инвестиции кои ги имаме направено во Северна Македонија. Ќе се бориме до крај против неправдата со сите демократски средства. Кога надлежните институции не сакаат да ги слушнат аргументите ќе бидеме принудени да излеземе на масовни протести. Пред целата јавност ќе покажеме дека и во оваа економска гранка работат обични луѓе, меѓу кои и родители на малолетни деца кои чесно си ги заработуваат платите и не сакаат да бидат избркани од сопствената држава. АСОЦИЈАЦИЈА НА ПРИРЕДУВАЧИ НА ИГРИ НА СРЕЌА - АПИС Интегрален текст од реакцијата на АПИС за законот за игри на среќа

Стоименов од АПИС: Предлог измените на Законот за игри на среќа се контроверзните и е прашање дали ќе поминат испитот на уставност

Ивона Петрова — Tue, 21 Feb 2023 10:41:23 +0000

Иако се уште не сме ги виделе законските измени кои Владата ги усвоила, од тоа што се слуша, голем дел од превидените законски решенија се контроверзни и е прашање дали ќе го поминат испитот на уставност, вели во разговор на „Плусинфо“, претставникот на Асоцијацијата на приредувачи на игри на среќа (АПИС), Горан Стоименов говорејќи за измените на Законот за игри на среќа предложени од Владата, а кои што предвидуваат уплатните места за игри на среќа да бидат оддалечени не помалку од 500 метри од образовни институции. Предложените измени ќе направат несогледливи последици кои многу тешко ќе може да се поправат Имајќи ги предвид и искуствата на земјите од Европа и регионот во однос на регулација на игрите на среќа, Стоименов истакнува дека не е потребно да се брза и по секоја цена да се донесат законските измени кои на среден рок ќе направат несогледливи последици кои многу тешко ќе можат да се поправат. „Сметаме дека е вообичаена демократска пракса, како странски инвеститори, претставници на капитал кој доаѓа од земја членка на ЕУ да бидеме ислушани и нашата експертиза и знаење да биде уважени со цел изработка на одржливо законско решение во согласност со највисоките светски стандарди за организирање игри на среќа. Погрешен е впечатокот дека ние генерално сме против измени на законот за игри на среќа и забавни игри, туку сме против нелогични, погрешни, популистички и политички мотивирани измени. Апсурдно е Владата да става Европско знаме на предложените измени, а истовремено да не ги следи актуелните процеси во Европа...Иако се уште не сме ги виделе законските измени кои Владата ги усвоила, од тоа што се слуша, голем дел од превидените законски решенија се контроверзни и е прашање дали ќе го поминат испитот на уставност. Затоа, не е потребно да се брза и по секоја цена да се донесат законски измени кои на среден рок ќе направат несогледиви последици кои многу тешко ќе можат да се поправат. Дислокацијата на објектите на 500 метри ќе предизвика отворање на играчници на црно врз кои државата ќе нема никаква контрола Стоименов истакнува дека никој во Групацијата Новоматик и Апекс Македонија нема интерес во објектите за игри на среќа да влегуваат малолетници и не се противи на строга регулација на овој бизнис сектор, но смета дека предложените измени не се вистинското решение за да се заштитат младите. „Никој од Групацијата Новоматик и Апекс Македонија нема интерес во објектите за игри на среќа да влегуваат малолетници. Контролите се толку ригорозни што е речиси невозможно и по грешка да се протне малолетно лице. Не постои записник на надлежните државни органи каде е евидентирано присуство на малолетник во казината и автомат клубовите кои се во надлежност на групацијата, што е исклучителна потврда дека се работи за врвни професионалци, општествено одговорни компании кои го штитат јавниот интерес 100 проценти и неселективно ги спроведуваат законските норми... Затоа, клучното прашање кое општествената јавност треба да си го постави е дали младите се повеќе заштитени сега кога игрите на среќа се одвиваат на легален начин или кога ќе се организираат на црно? Владата и Собранието не треба да го кријат фактот дека дислокацијата на објектите на 500 метри од образовните институции неминовно ќе предизвика затворање на легална економска дејност и отворање на играчници на црно, на кои државата ќе нема никаква контрола“, вели Стоименов. 280 милиони евра од игрите на среќа се слеваат директно во државниот буџет Преку повеќе ставки и даноци од приредувањето на игри на среќа годишно во државната каса се слеваат околу 280 милиони евра кои се насочуваат кон здравството, младите и спортот. „Кумулативните финансиски обврски за приредувачите на игри на среќа се јавни и зафаќаат 6 проценти од приходите на планираниот буџет за 2023 година. Тие имаат законска обврска за плаќање посебна давачка во вкупен износ од 23 проценти, од кои 1,5 проценти одат за потребите на јавното здравство и 1,5 проценти за потребите на Агенцијата за млади и спорт, а останатите 20 проценти директно се слеваат во централниот Буџет. Казината и автомат клубовите дополнително плаќаат годишно и за секоја лиценца која на приредувачите на игри на среќа во строго дефинирана процедура им ја издава Министерството за финансии, а конечно ја одобрува Владата. Како правни лица плаќаат и годишен данок на добивка по стапка од 10 проценти. Плус за секоја поединечно остварена добивка од играње приредувачите имаат обврска да платат 15 проценти данок на истата“, вели Стоименов. Над 154 милиони евра инвестиции од членките на АПИС досега во државава Компаниите кои ја сочинуваат АПИС, според податоците кои ги изнесува Стоименов, покрај редовните годишни финансиски обврски кон државата, досега реализирале инвестиции во вкупна вредност од 124 милиони евра и дополнителни 30 милиони евра кои тековно се реализираат. Групацијата Новоматик и Апекс Македонија вработува илјадници луѓе и како општествено одговорни компании донираат во јавното здравство, спортот, културата и постојано учествуваат или се покровители на хуманитарни акции.

Отворено писмо на АПИС до Владата за измените на Законот за игри на среќа

Катерина Бојаџиева — Wed, 08 Feb 2023 08:49:41 +0000

Асоцијација на приредувачи на игри на среќа- АПИС испрати Отворено писмо на до Владата за измените на Законот за игри на среќа. ЕУ ЗНАМЕ ЗА НЕЕВРОПСКИ ПОЛИТИКИ! Владата со вчерашната одлука го отпочна процесот на затворање на игрите на среќа во Северна Македонија! Предложените измени на Законот за игри на среќа и забавни игри Владата ќе се обиде да ги турка во Собрание на брза лента со Европско знаме. Во превод, со Европско знаме, по скратена постапка ќе им ја укине работата на 10 илјади луѓе и ќе го осиромаши државниот буџет за 280 милиони евра на годишно ниво. Сето ова во услови на невидена економска криза, најголема после Втората светска војна. ФАКТИ Предлогот за дислокација на објектите каде се организираат игри на среќа е многу тешко изводлив на терен. Согласно постоечката урбанизација, дистанцирање на одреден објект на 500 метри од едно училиште, ќе го приближи истиот објект на помалку од 500 метри до друго училиште. Затоа, одговорно тврдиме дека предложената дистанца од 500 метри во својата суштина значи дека Владата всушност предлага целосно затворање на оваа економска гранка. Ќе се затвори 100% законски бизнис што автоматски ќе предизвика игри на среќа да се играат на црно, во подруми, како децении наназад. Државата ќе нема ниту контрола, ниту ќе остварува буџетски приливи. Приходите од играње во диви играчници ќе завршуваат во приватни џебови, без да се плаќаат лиценци и даноци. СПОРЕДБА Апсурдно е Владата да им става Европско знаме на предложените измени, а истовремено да не ги следи актуелните процеси во Европа. На 29 јануари, 72% од жителите на Лихтенштајн на референдум со гласање против ја отфрлија иницијативата за затворање на казината во Кнежевството. Еве не треба да се гледа дури до Лихтенштајн, доволно е Владата да погледне во соседството. Во октомври лани, албанската Влада соопшти дека после четири годишната забрана ги враќа игрите на среќа. Образложението на нивниот Премиер Еди Рама е дека после забраната, игрите на среќа во Албанија почнале да се одвиваат на црно и дека повторното отворање на индустријата значително ќе и помогне на албанската економија. И во Грција беа забранети на игрите на среќа. Кога грчките власти видоа дека меѓу 3 до 5 илјади Грци само во еден ден играат во Гевгелија, во 2018 поставија 36 илјади апарати за игри на среќа за да спречат одлив на финансиски средства надвор од државата. НЕ ПОСТОЈАТ АРГУМЕНТИ ЗА ВАКВИ РИГИДНИ ПОЛИТИКИ КОН ИГРИТЕ НА СРЕЌА Владата треба да се соочи со фактите и уште сега да се подготви за одговорност за штетните последици од погрешните одлуки. Процесите во Албанија, Лихтенштајн и Грција ги рушат аргументите на критичарите на игрите на среќа во Северна Македонија. Европјаните не ја прифаќаат тезата дека потенцијалната зависност од игрите на среќа се решава со нивно затворање, како што ни потенцијалната зависност од алкохол и никотин никаде не се решава со затворање на кафулињата, тобаката и продавниците за алкохолни пијалаци. Погрешен е впечатокот дека ние генерално сме против измени на законот за игри на среќа и забавни игри, туку сме против нелогични, погрешни, популистички и политички мотивирани измени. Ние сме претставници на реномирани странски компании од ЕУ, кои индиректно помагаат меѓу 54 илјади до 100 илјади работни места во земјата и ред е да бидеме третирани од државата во која инвестираме со години на ист начин како и другите странски инвеститори. На 16 ноември 2022 со писмени барања адресирани до Владата и Министерството за финансии побаравме нашите правни тимови да бидат вклучени во процесот на изработка на предложените измени со цел нашето искуство да биде искористено за изработка на одржливо законско решение. За жал никој не ја побара нашата експертиза и знаење. АПЕЛ ДО МЕДИУМИТЕ И ПОЛИТИЧАРИТЕ Апелираме до сите пратеници, без разлика на нивната политичката и етничка припадност пред да се изјаснуваат за предложените измени да си го постават следното прашање: Зошто Северна Македонија која тежнее да стане дел од ЕУ би била исклучок од европските земји и западните цивилизации каде има организирани и легални игри на среќа? Не потпаѓајте под влијание на црната кампања на оние критичари на игрите на среќа кои никогаш не кажаа зад чии бизнис интереси се кријат! Тие никогаш нема да преземат одговорност за штетните последици кои ќе следат доколку овие законските измени стапат на сила. Вешто прават притисок врз политичките партии и суптилно се обидуваат да ги инволвираат и верските заедници. Ова е недозволиво и претставува злоупотреба на верските чувства на граѓаните за оцрнување на секој кој има допирна точка со игрите на среќа. Бидете уверени дека постоечката регулатива во Северна Македонија е најстрога на Балканот, бидејќи актуелниот Закон ги опфаќа сите сегменти на контрола на игрите на среќа од сите надлежни институции. Не постои записник на инспекциските служби каде е евидентирано присуство на малолетник во автомат клубовите кои се во наша надлежност, што е исклучителна потврда дека ние сме врвни професионалци, општествено одговорни компании кои го штитат јавниот интерес 100% и неселективно ги спроведуваме законските норми. Конечно, ние имаме одговорност да ги заштитиме нашите вработени и огромните инвестиции кои ги имаме направено во Северна Македонија. Ќе се бориме до крај против неправдата со сите демократски средства. Кога надлежните институции не сакаат да ги слушнат нашите аргументи ќе бидеме принудени да излеземе на масовни протести. Пред целата јавност ќе покажеме дека и во оваа економска гранка работат луѓе од крв и месо, родители на малолетни деца кои чесно си ги заработуваат платите и не сакаат да бидат избркани од сопствената држава, стои во отвореното писмо на АСОЦИЈАЦИЈА НА ПРИРЕДУВАЧИ НА ИГРИ НА СРЕЌА - АПИС.