апликации – Kurir.mk

Ако ги имате овие апликации на вашиот телефон, веднаш избришете ги

Ристе Здравков — Thu, 02 Nov 2023 10:48:58 +0000

Експертите за интернет безбедност предупредуваат за лажни апликации кои се појавиле во продавницата за апликации и содржат опасни вируси, т.н. Тројанци. Експертите ги советуваат корисниците секогаш да инсталираат апликации на своите мобилни уреди исклучиво преку официјални онлајн продавници, пренесува N1 Словенија. За корисниците на "Android", тоа е "Google Play", додека за корисниците на "Apple", тоа е "App Store". Но, дури и официјалните продавници повеќе не се целосно безбедни од апликации кои содржат малициозен софтвер кој може да ги заобиколи сите безбедносни механизми. "Google Play", продавницата за "Android", изгледа поранлива на опасните апликации. Неодамна рускиот производител на антивирусен софтвер „Dr. Web“ предупреди за неколку апликации што се појавија во продавницата на "Google Play" и содржат тројанци. Иако "Google" оттогаш ги отстрани злонамерните апликации од својата продавница, милиони корисници веќе ги инсталираа апликациите на своите уреди. Ако имате инсталирано некоја од нив на вашиот уред, се препорачува да ја избришете. Избришете ги овие апликации Меѓу најчесто инсталираните апликации кои содржат тројанци се четири игри. Тие се: „Agent Shooter“, „Rainbow Stretch“, „Rubber Punch 3D“ и „Super Skibydi Killer“. Кога ги отворате овие апликации, тројанците работат во заднина, трошат ресурси на телефонот и постојано прикажуваат наметливи реклами. Во некои случаи, апликацијата ја менува својата икона во целосно транспарентна, оставајќи го името празно, што им отежнува на корисниците да ја забележат. Понекогаш малициозниот софтвер ја заменува својата икона со иконата на прелистувачот "Chrome". Кога корисникот се обидува да го отвори "Chrome", тројанецот работи во позадина, без знаење на корисникот. Друга опасна апликација која крие тројанец е наречена „Android. Joker“. Оваа апликација може да предизвика неочекувани трошоци бидејќи ги претплатува корисниците на различни услуги и истовремено имитира многу постоечки апликации. „Dr. Web“ предупреди и за некои други апликации кои можат да претставуваат опасност за корисниците, особено оние поврзани со акции и други форми на инвестирање. Меѓу нив се „MoneyMentor“, „FinancialFusion“, „GazEndow Economics“ и „Financial Vault“. Овие апликации се обидуваат да ги измамат корисниците и да ги пренасочат на лажни инвестициски сајтови. Апликациите кои содржат тројански коњ исто така се "Eternal Maze", "Jungle Jewels", "Stellar Secrets", "Fire Fruits", "Cowboy’s Frontier", "Beauty Wallpaper HD" и "Love Emoji Messenger".

Доколку ги имате овие апликации на вашиот телефон мора веднаш да ги избришете

Ристе Здравков — Tue, 18 Apr 2023 10:01:08 +0000

Неодамнешното истражување на McAfee откри дека повеќе од 60 апликации биле заразени со вирусот Goldoson. Некои апликации се инсталирани повеќе од милион пати, главно апликации од Јужна Кореја. Програмерите на овие апликации, наводно, случајно додале малициозен софтвер во апликациите. Зборувајќи за самиот Goldoson, истражувачите на McAfee истакнаа дека овој малициозен софтвер може да собере листа на апликации инсталирани на вашиот уред и имиња на синхронизирани и поврзани уреди преку Bluetooth, GPS или Wi-Fi. Овој процес на собирање податоци се активира на секои два дена. После тоа, тие ќе таргетираат некаква корисничка измама. Исто како и крајните корисници, програмерите се погодени на ист начин. Според извештајот, ако случајно ги имате на вашиот телефон, избришете ги следните апликации што е можно поскоро: L.POINT with L.PAY Swipe Brick Breaker Money Manager Expense & Budget TMAP Lotte Cinema Genie Music Cultureland version GOM Player Megabox LIVE Score Real-Time score Pikicast Compass 9: Smart Compass GOM Audio – Music, Sync lyrics TV – All About Video Guninday Item mania LOTTE WORLD Magicpass Bounce Brick Breaker InfiniteSlice Infinite Slice Norae bang SomNote – Beautiful note app Korea Subway Info: Metroid GoodTVBible Happy Mobile Happy Screen UBhind: Mobile Tracker Manager Mafu Driving Free Girl singer WorldCup FSP Mobile Audio Recorder Catmera Cultureland Plus Simple Air Lotteworld Seoul Sky Snake Ball Lover Play Geto Memory Memo PB Stream Money Manager (Remove Ads) Inssaticon – Cute Emoticons ECloud SCinema Ticket Office Lotteworld Aquarium Lotteworld Water Park T map for KT, LGU Random number AOG Loader GOM Audio Plus – Music, Sync Swipe Brick Breaker Safe Home Chuncheon Fantaholic Cinecube TNT Bestcare Health InfinitySolitaire New Safe Cashnote TDI News Eyesting TingSearch Krieshachu Fantastic Yeonhagoogokka извор: kajgana.com

Четири најдобри апликации за следење земјотреси

Дарко Андоновски — Tue, 14 Feb 2023 18:22:23 +0000

Дали сакате да се информирате или да добивате предупредувања за земјотрес во вашата близина или во светот? Ви ги претставуваме четирите најдобри апликации за тоа. За жал, природните непогоди, како земјотреси, се суровата реалност на светот во кој живееме. Додека Турција и Сирија бројат десетици илјади жртви и огромна материјална штета по серијата земјотреси, почвата се тресе и во Романија и Грција, а се почувствува потрес и кај нас. Затоа е многу корисно да останете информирани за овие настани, а најбрзиот начин да го направите ова е преку апликации на паметниот телефон. Иако Google го интегрира системот за предупредување за земјотрес во својот оперативен систем Android, оваа функција сè уште не е широко распространета, затоа мора да се потпреме на апликации од трети страни за да бидеме информирани за земјотреси во нашата близина навремено. Ние ви ги презентираме четирите најдобри апликации за следење на земјотреси: LastQuake Ова листа нема рангирање, но ако мораме да издвоиме едн апликација пред другите, тоа секако е LastQuake, проект на Европскиот сеизмолошки центар. Покрај официјалната страница, која е достапна за информации за земјотреси низ целиот свет, на корисниците исто така им е достапна апликација за паметни телефони која ја нуди истата функционалност. Корисниците може самите да пријават земјотреси, а со другите корисници да споделуваат искуства во коментарите, а апликацијата известува за потреси во радиус што самите го одредувате. Рака на срце, апликацијата изгледа прилично застарено, но сè додека е едноставна за употреба, функционална и ажурна, овој аспект лесно се занемарува. My Earthquake Alerts Како што кажува самото име, My Earthquake Alerts ги следи земјотресите низ целиот свет и ги известува нејзините корисници. Прилично е ажурна, така што не треба да се грижите дека нема да ве извести за земјотрес што се случил во близина. Дизајнот на аплиакцијата е можеби најпрегледен во споредба со другите сервиси од овој вид, а недостаток на My Earthquake Alerts е отсуството на дел за коментари. Earthquake App Уште една корисна и добро дизајнирана апликација за следење на земјотресите е Earthquake App. Земјотресите се прикажани во форма на картички на почетната страница - прво оние во близина, а потоа и најзначајните во светот. Исто така, има многу корисна мапа што нуди поголема прегледност од другите апликации благодарение на паметното групирање на земјотреси за полесна навигација. Earthquakes Tracker Убедливо најгрдата и најкомплицирана апликација на нашата листа е Earthquakes Tracker. Како и да е, иако оваа апликација на прв (па и на втор) поглед можеби ги одбива корисниците со својот изглед и дизајн, таа е едно од најкорисните решенија ако сте подготвени да ги истрпите непрегледните листи и иконите кои понекогаш и не сме сигурни што означуваат. Им овозможува на своите корисници многу точно да го филтрираат и пребаруваат тресењето на тлото низ светот, и до детали да нагодат кои известувања сакаат да ги добиваат. Опцијата за детектирање цунами е бонус карактеристика. Се разбира, цунамијата не се опасност во Македонија, но оваа функција може да биде многу корисна за оние кои патуваат во ризични подрачја.

Google ги објави најдобрите апликации за Android во 2022 година

Ристе Здравков — Wed, 07 Dec 2022 15:39:57 +0000

Технолошкиот гигант Google ја објави годишната листа на најдобри и најпопуларни апликации и игри за оперативниот систем Android во 2022 година. За најдобра апликација за 2022 година според уредничкиот тим на Google е избрана Dream by WOMBO – генератор на „вештачка уметност“, во кој само впишувате текст, избирате уметнички стил и добивате готова слика. Според изборот на корисниците, најдобра апликација за 2022 година е социјалната мрежа BeReal. Се работи за социјална мрежа базирана на спонтаност, која што секој ден, во различно време, испраќа известување до сите корисници да направат фотографија во рок од две минути – без никакви филтри. Како најдобра апликација за забава е избрана PetStar, која на корисниците им овозможува да создаваат музички видеа со нивните домашни миленици. Најдобра апликација за личен развој, според Google, е Breathwrk која ги води корисниците низ брзи вежби за дишење, дизајнирани да го ублажат стресот и анксиозноста, да ја подобрат издржливоста, да им дадат енергија и да им помогнат да заспијат. Како најдобра апликација за секојдневните основни работи е избрана Plant Parent, која на корисниците им помага да идентификуваат растенија, но и да го организираат своето време и активности за како најдобро да ги одгледуваат своите вегетални пријатели. Како најдобра апликација за добро е избрана The STIGMA App, која на корисниците им овозможува безбеден простор за разговори за своето ментално здравје, доверувајќи се еден на друг и споделувајќи ги своите искуства со одредни недоволно разбрани ментални состојби. За најдобра мобилна игра според Google и корисниците на Android е избрана Apex Legends Mobile, во која корисниците избираат карактер, се здружуваат со пријатели и потоа се борат против други играчи на даден простор во форма на остров. Погледнете ја целосната линкувана листа на најдобри и најпопуларни апликации и игри за Android во 2022 година, на следниот линк.

Град Скопје: Пристигнати 220 онлајн апликации за субвенции за набавка на инвертер клима уреди

Магдалена Андонова — Mon, 13 Jun 2022 14:46:59 +0000

Од почетокот на отворањето на јавниот повик за субвенции за инвертери поднесени се 220 апликации, што говори за голем интерес на граѓаните за добивање средства за надоместок на дел од трошоците. Според проценките за исплата во максималниот износ остануваат финансиски средства за уште околу 120 барања. Доколку се исполни бројката од околу 340 барање, онлајн аплицирањето автоматски ќе биде прекинато за да се разгледаат барањата и согласно тоа да се направи проценка на финансиските средства. Во Буџетот на Град Скопје за 2022 година за оваа намена се предвидени 24 милиони денари. Повикот ги опфаќа граѓаните кои купиле инвертер од 01.01.2022 година, до завршувањето на повикот на 01.11.2022 години или до денот на исцрпување на средствата. На граѓаните ќе им бидат целосно надоместени трошоците за набавка на инвертер уред, но не поголема од 62.000 денари во нето износ.

Финска и Шведска ги предадоа апликациите за влез во НАТО

Ивона Петрова — Wed, 18 May 2022 06:57:05 +0000

Шведскиот и финскиот амбасадор официјално ги доставија своите апликации за членство во НАТО до генералниот секретар на Алијансата, Јенс Столтенберг. Прифаќајќи ги апликациите во седиштето на НАТО, Столтенберг изјави дека потегот е „историски чекор“ во „критичен момент“ за европската безбедност. Шефот на НАТО истакна дека Алијансата ќе ја процени кандидатурата за членство што е можно побрзо, но безбедносните интереси на сите сојузници „мора да се земат предвид“.

Финска и Шведска историски беа неутрални, но руската инвазија на Украина радикално го промени јавното мислење во двете држави за приклучување кон Северноатлантската алијанса. Со исклучок на Турција, останатите членки на НАТО ја поддржуваат кандидатурата на двете земји.

Гугл ги отстранува сите апликации за снимање повици

Ивона Петрова — Fri, 22 Apr 2022 20:31:34 +0000

Во рамки на оперативниот систем Андроид 10, Гугл ги отстрани сите опции за снимање повици, а од 11 мај компанијата ќе имплементира и нови правила за Плеј Стор. Со новите правила кои ќе бидат воведени се спречува ектерни апликации да користат Accessibility API за снимање на аудио повици. Променетите услови во рамки на политиките за користење се имплементирани за да се подобри приватноста и безбедноста на корисниците, а особено поради фактот дека законите за снимање на повиците варираат од држава до држава. Исклучок се однапред инсталираните апликации кои веќе имаат дозвола за пристап до Accessibility API и на нив ова отстранување нема да се примени. Тоа се однесува на Pixel и Xiaomi уредите кои имаат сопствени апликации за снимање на повици. За овие уреди се смета дека имаат изворна функција за снимање повици, но постои можност во иднина да бидат имплементирани некои дополнителни правила за вакви ситуации.

На овие 50 модели WhatsApp нема да функционира, проверете дали вашиот телефон е меѓу нив

Ивана Ефремовски — Mon, 06 Sep 2021 09:10:43 +0000

Популарната апликација за размена на пораки и други мултимедијални содржини WhatsApp за два месеци ќе престане да работи на некои постари модели на телефони. Се проценува дека над милион луѓе не ќе можат да ја користат апликацијата. Уредите кои нема повеќе да го поддржуваат WhatsApp се оние со Android верзија 4.0.4 или некоја од претходните верзии, како и iPhone модели кои работат на iOS-9 или некоја од постарите верзии на тој оперативен систем. Или, се вкупно, тоа се околу 50 модели на мобилни телефони: Samsung: Galaxy Trend Lite, Galaxy Trend II, Galaxy SII, Galaxy S3 mini, Galaxy Xcover 2, Galaxy Core and Galaxy Ace 2. LG: Lucid 2, Optimus F7, Optimus F5, Optimus L3 II Dual, Optimus F5, Optimus L5, Optimus L5 II, Optimus L5 Dual, Optimus L3 II, Optimus L7, Optimus L7 II Dual, Optimus L7 II, Optimus F6, Enact , Optimus L4 II Dual, Optimus F3, Optimus L4 II, Optimus L2 II, Optimus Nitro HD and 4X HD и Optimus F3Q. ZTE: Grand S Flex, ZTE V956, Grand X Quad V987 и Grand Memo. Huawei: Ascend G740, Ascend Mate, Ascend D Quad XL, Ascend D1 Quad XL, Ascend P1 S и Ascend D2. Sony: Xperia Miro, Sony Xperia Neo L и Xperia Arc S. Alcatel: One Touch Evo 7 Apple: iPhone SE, 6s и 6s Plus Корисниците на новите уреди на кои WhatsApp продолжува да работи, до крајот на годината може да очекуваат бројни новитети на апликацијата, како пораки што исчезнуваат, групни повици и нови стикери.

Никогаш не ги инсталирајте ги овие апликации на вашите Андроид телефони: Гугл предупредува на измами!

Магдалена Андонова — Mon, 03 May 2021 18:20:48 +0000

Гугл ги предупреди корисниците на уреди со Андроид, особено оние кои сакаат да играат игри на своите телефони, на ризичниот тренд кој во последно време е сè поприсутен во продавницата за апликации Гугл Плеј. Имено, во популарната продавница се појавија неколку апликации, кои наводно служат како емулатори за популарните игри на PlayStation 3 и PlayStation 4. Сепак, оние што мислат дека навистина ќе можат да уживаат во легендарните хитови на PlayStation на нивните телефони - ќе бидат измамени. Таквите апликации се лажни, пишува Android Authority и потсетува дека единствените вистински емулатори на игри за претходните генерации на конзолите на Сони, постојат за платформите Виндоус и Линукс. Креаторите на овој лажен софтвер, со овие „апликации“, со измама „заработуваат“ кликови на официјалната платформа на Google. Апликациите, сами по себе, не претставуваат закана засега, но тие можат во секој момент да станат дел од поопасен малициозен софтвер, за чија дистрибуција може да се користат. Токму тоа се случи по премиерата на играта Fortnite за Android, потсетува британски Express.

Андроид проблеми: Не ви работат апликациите на мобилниот – ова е решението

Ивона Петрова — Wed, 24 Mar 2021 09:31:17 +0000

Многу корисници на Андроид телефоните вчера и денеска забележаа дека дел од нивните апликации не работат. Гмеил, Вибер, Амазон, Ватс Ап не функционираат, но Гугл соопшти дека знаат за проблемот, а понуди и брзо и лесно решение за апликациите да се отвораат без проблем. Се што треба да направите е да отворите Settings ->Apps и да најдете „Android Webview“, што всушност е апликација која го прави проблемот и треба да се ажурира. Или поедноставо може да Google Play Store директно да ја ажурирате ОВАА апликација .