апсења – Kurir.mk

Серија на апсења во Скопје, на ГП „Св.Наум“ лишени од слобода двајца французи

Тале Кристо — Sun, 15 Oct 2023 10:55:52 +0000

На 15.10.2023 во 02.10 часот на подрачје на Центар, полициски службеници од Единицата за интервентна полиција при СВР Скопје ја лишиле од слобода А.М.Д.(24) од с.Стајковци, скопско, затоа што кај неа била пронајдена и одземена марихуана. По документирање на случајот ќе биде поднесен соодветен поднесок. На 14.10.2023 во 23.00 часот на подрачјето на Карпош, полициски службеници од Единицата за интервентна полиција при СВР Скопје ги лишиле од слобода К.Ѓ.(36) и А.К.(38), двајцата од Скопје, затоа што кај нив биле пронајдени и одземени бела прашкаста материја и марихуана. По документирање на случајот ќе биде поднесен соодветен поднесок. На 14.10.2023 во 14.30 часот на подрачје на Карпош, полициски службеници од Единицата за интервентна полиција при СВР Скопје го лишиле од слобода А.В.(32) од Скопје затоа што кај него била пронајдена и одземена бела прашкаста материја. По документирање на случајот ќе биде поднесен соодветен поднесок. На 14.10.2023 во 13.30 часот на подрачје на Бит Пазар, полициски службеници од Единицата за интервентна полиција при СВР Скопје го лишиле од слобода Д.Д.(27) од Скопје затоа што кај него била пронајдена и одземена марихуана. По документирање на случајот ќе биде поднесен соодветен поднесок. На 14.10.2023 во 12.10 часот на Граничен премин „Св.Наум“, полициски службеници ги лишиле од слобода И.П.Р.В.Ф.(19) и Б.Т.А.А.(41), двајцата од Франција. При преглед во патничкото возило „рено твинго“ со француски национални ознаки, кое го управувал И.П.Р.В.Ф., а сопатник бил Б.Т.А.А., била пронајдена и одземена марихуана. Лицата биле задржани во полициска станица и по целосно документирање на случајот ќе биде поднесен соодветен поднесок.

Во Англија се повеќе апсења поврзани со фудбалот

Ивана Ефремовски — Thu, 28 Sep 2023 18:32:52 +0000

Во Англија бројот на апсења поврзани со фудбалот го достигна рекордот од 2014 година, објави денеска британското Министерство за внатрешни работи. Извештајот покажува дека во изминатата фудбалска сезона (2022/23) се регистрирани 2.264 апсења поврзани со фудбалот, додека важечки се 1.624 забрани за влез на фудбалските стадиони. Најчесто кривично дело за апсењата поврзани со фудбалот било нарушување на јавниот ред и мир (34 проценти). Во исто време, за 53 отсто се намалени слуачите на апсења поради упад на навивачи на фудбалските терени. Втора година по ред најголем број уапсени се навивачи на Вест Хем (89), по што следат навивачи на Манчестер јунајтед (83) и Лидс (69). (МИА)

35-годишна жена заврши зад решетки, повеќе апсења низ Македонија

Тале Кристо — Tue, 12 Sep 2023 11:01:38 +0000

На 11.09.2023 во 15.50 часот во с.Копаница, општина Сарај, полициски службеници од Оперативен тим потраги при СВР Скопје и од Единицата за интервентна полиција при СВР Скопје го лишиле од слобода Ш.С.(27) од с.Копаница. Тој бил баран по централна потерница врз основа на наредба на Основен кривичен суд Скопје за издржување казна затвор од три години за сторено кривично дело „тешка кражба“ по член 236 од Кривичниот законик. Лицето било спроведено во Казнено - поправната установа Затвор Идризово за издржување на казната. Денеска (12.09.2023) околу 03.20 часот на улица „Борче Јовановски“ во Гостивар, полициски службеници на Секторот за внатрешни работи Тетово-Одделение за внатрешни работи Гостивар, го привеле 35-годишниот Ѓ.М. од гостиварско Здуње. За него била издадена судска наредба, со која се барал како осудено лице на затворска казна од една година и шест месеци. Лицето било спроведено во Казнено-поправната установа Затвор „Идризово“ за издржување на казната. На 11.09.2023 околу 21.00 часот во Маврови Анови, полициски службеници на СВР Тетово - Одделение за внатрешни работи Гостивар ги лишиле од слобода Д.С.(52) и С.М.(55), двајцата од Куманово. Тие биле затекнати како од две возила оставени на паркинг, сопственост на јавно претпријатие во кое работеле, со црева одземале гориво од резервоарите. Кај нив биле пронајдени и одземени седум пластични канти со гориво и две црева. Двајцата се задржани во Полициската станица Гостивар за целосно расчистување и документирање на случајот, по што ќе им бидат поднесени соодветни пријави. На 12.09.2023 околу 03.20 часот на улица „Борче Јовановски“ во Гостивар, полициски службеници на СВР Тетово-Одделение за внатрешни работи Гостивар го привеле 38-годишниот А.Б. од гостиварска Симница. За него била распишана потерница за доиздржување на затворска казна од 1 година и 8 месеци. Притоа, кај него бил пронајден и одземен кокаин. Лицето било спроведено во Казнено-поправната установа Затвор „Идризово“ за доиздржување на казната. На 10.09.2023 во 22.00 часот, полициски службеници од ОВР Неготино ја лишиле од слобода Џ.С.(35) од Виница. Таа се сомничи дека околу 19.30 часот влегла во куќа во село Тимјаник, неготинско и се обидела да изврши кражба. Таа била приведена во ОВР Неготино и по целосно документирање на случајот против неа ќе биде поднесена соодветна пријава. На 11.09.2023 во 23.20 часот, полициски службеници од СВР Велес го лишиле од слобода И.Д.(44) од Велес, затоа што кај него била пронајдена и одземена марихуана. Лицето било приведено во полициска станица, известен бил јавен обвинител, а по целосно документирање на настанот, против него ќе биде поднесен соодветен поднесок. На 11.09.2023 во 09.40 часот на Граничниот премин „Долно Блаце“, полициски службеници го привеле Б.Ф.(29) од Република Албанија, затоа што при извршена гранична проверка било утврдено дека на увид дал албанска патна исправа на друго име, односно дека се послужил со туѓа патна исправа. При преглед во неговиот багаж биле пронајдени и албанска возачка дозвола и дозвола за престој издадена во Шпанија на друго име. Тој бил предаден на полициски службеници за понатамошна постапка и врз основа на пресуда од Основен кривичен суд Скопје, од Одделението за прекуграничен криминал и миграција му била изречена казна протерување странец од Република Северна Македонија.

Петта ноќ по ред нереди во Франција, уапсени повеќе од 420 лица

Тале Кристо — Sun, 02 Jul 2023 09:06:52 +0000

Петтата ноќ на нереди поради полициската бруталност во француските градови доведе до апсење на најмалку 427 лица во текот на ноќта, јави ДПА. Париз, Марсеј и Лион беа меѓу најпогодените градови, со нереди, грабежи и оштетувања на имот. Сепак, министерот за внатрешни работи Жералд Дарманин денеска информира дека ноќта била помирна поради „решителната акција“ на полицијата. Премиерката Елизабет Борн посочи дека 45 илјади полицајци, жандарми и пожарникари биле распоредени низ Франција. -Соочени со насилство, тие покажуваат примерна храброст, напиша таа на Твитер. Во петокот беа уапсени 1.311, а повредени 79 полицајци, соопшти вчера француското МВР. Немирите беа предизвикани од фаталното пукање во вторникот во 17-годишен возач од страна на полицијата за време на сообраќајна контрола. Нереди избувнаа низ цела Франција, а исто така беа пријавени и на француски прекуморски територии, вклучително и Француска Гвајана во Јужна Америка и карипскиот остров Мартиник. Францускиот претседател Емануел Макрон вчера ја откажа својата државна посета на Германија планирана за следната недела со оглед на политичките нереди.

Серија на апсења во Македонија

Тале Кристо — Tue, 20 Jun 2023 10:29:50 +0000

На 19.06.2023 во 14.00 часот и на 20.06.2023 во 04.30 часот во Струмица, полициски службеници од СВР Струмица ги лишиле од слобода Ј.Д.(31) од Струмица и С.Д.(50) од с.Три Води, струмичко. Тие се сомничат дека на 19.06.2023 околу 05.00 часот со употреба на сила и тврди предмети влегле во куќата на С.Н.(64) од с.Три Води, физички го нападнале и му одзеле пари. Двајцата биле задржани во полициска станица и со нив бил извршен службен разговор. За настанот бил запознаен јавен обвинител и по негово расчистување и документирање ќе биде поднесена соодветна пријава. На 19.06.2023 во 22.20 часот на подрачје на Аеродром, полициски службеници го лишиле од слобода В.П.(39) од Скопје затоа што кај него била пронајдена и одземена марихуана. По целосно документирање на случајот ќе биде поднесен соодветен поднесок. На 19.06.2023 во 14.40 часот на подрачје на Гази Баба, полициски службеници го лишиле од слобода А.М.(45) од Тетово затоа што кај него била пронајдена и одземена прашкаста материја. По целосно документирање на случајот ќе биде поднесен соодветен поднесок. На 20.06.2023 околу 03.30 часот на улица „Борче Јовановски“ во Гостивар, полициски службеници на СВР Тетово - Одделение за внатрешни работи Гостивар го лишиле од слобода 51-годишниот гостиварец Ф.С. затоа што кај него бил пронајден и одземен кокаин. Тој бил задржан во Полициската станица Гостивар и по целосно документирање на случајот ќе му биде изготвен соодветен поднесок. На 19.06.2023 околу 12.30 часот на улица „Видое Смилевски - Бато“ во Тетово, полициски службеници на СВР Тетово лишиле од слобода малолетник од Добарце затоа што кај него била пронајдена марихуана. По целосно документирање на случајот против него ќе следува поднесок. На 19.06.2023 во 10.30 часот на граничен премин „Долно Блаце“, полициски службеници го привеле E.Г.(30) од Косово затоа што при гранична контрола било констатирано дека на увид приложил косовска лична карта на друго име. Лицето било предадено на полициски службеници од Одделението за прекуграничен криминал и миграции при Регионалниот центар за гранични работи Север за понатамошна постапка. На 19.06.2023 во 16.45 часот на регионалниот пат Маврово-Дебар, кај место викано „Бошков мост“, полициски службеници од Полициската станица Жировница го привеле П.Е.(52) од Република Албанија затоа што по извршена контрола било констатирано дека непријавено престојува во државата. Лицето било предадено на полициски службеници од Одделението за прекуграничен криминал, миграции, странци и реадмисија Дебар за понатамошна постапка.

Оддавање почит и нови апсења поврзани со масакрите во Србија

Тале Кристо — Sun, 11 Jun 2023 12:41:12 +0000

Во Основното училиште „Владислав Рибникар“ во Врачар, Белград, денеска ќе се одбележат 40 дена од убиството на девет ученици и чуварот, а истовремено е уапсено уште едно лице поврзано со вториот масакар кај Младеновац, јави дописникот на МИА од Белград. Како што е најавено, училиштето „Владислав Рибникар“ ќе биде отворено од 10.00 до 18.00 часот за граѓаните кои сакаат да положат цвеќе или да запалат свеќа во спомен на жртвите од масовните убиства. Ученикот К.К. (13) на 3 мај во основното училиште „Владислав Рибникар“ уби девет ученици и чувар, а повреди пет ученици и еден наставник. По наредба на Вишото јавно обвинителство во Смедерево, денеска е уапсен и одредена му е мерка притвор до 48 часа на Б.Г., братучед од вујко на У.Б., кој е осомничен за масакрот во околината на Младеновац. Б. Г. е осомничен за кривично дело недозволено изработување, држење, носење и тргување со оружје и распрскувачки материи. Тој е уапсен врз основа на нови факти утврдени во тековната истрага против У.Б., Р.Б. и Г.Г. заради утврдување и расветлување на сите околности во врска со потеклото на оружјето, муницијата и експлозивните направи што обвинетиот У.Б. го употребил при извршувањето на кривичните дела што му се ставаат на товар, односно што е пронајдено при претрес на просториите што ги користеле обвинетите. Претходно беа уапсени таткото и вујкото на У.Б., кои се осомничени за недозволено изработување, држење, носење и тргување со оружје и распрскувачки материи.

Серија на апсења во Скопје и вовнатрешноста на земјата, меѓу нив и малолетник

Тале Кристо — Sun, 11 Jun 2023 09:51:16 +0000

На 10.06.2023 во 14.00 часот на подрачје на Ѓорче Петров, полициски службеници од Единицата за интервентна полиција при СВР Скопје го лишиле од слобода Н.М.(24) од с.Бојане, скопско. По извршени проверки било констатирано дека возилото „дачиа сандеро“ со скопски регистарски ознаки, кое го управувал, било пријавено за одземено од рент а кар компанија. Исто така, кај него била пронајдена и одземена марихуана. Лицето било задржано во полициска станица и по целосно документирање на случаите против него ќе бидат поднесени соодветни пријави. На 11.06.2023 во 00.10 часот на подрачје на Центар, полициски службеници од Единицата за интервентна полиција при СВР Скопје го лишиле од слобода В.Ј.(18) од Скопје затоа што кај него била пронајдена и одземена марихуана. По документирање на случајот ќе биде поднесен соодветен поднесок. На 11.06.2023 во 00.10 часот на подрачје на Центар, полициски службеници од Единицата за интервентна полиција при СВР Скопје го лишиле од слобода В.С.(19) од Скопје затоа што кај него била пронајдена и одземена марихуана. По документирање на случајот ќе биде поднесен соодветен поднесок. На 11.06.2023 во 03.45 часот на подрачје на Центар, полициски службеници од Единицата за интервентна полиција при СВР Скопје го лишиле од слобода М.К.(31) од Скопје затоа што кај него била пронајдена и одземена бела прашкаста материја. По документирање на случајот ќе биде поднесен соодветен поднесок. На 11.06.2023 во 00.20 часот на ул.„Маршал Тито“ во Тетово, полициски службеници од СВР Тетово го лишиле од слобода И.Т.(21) од с. Жилче, тетовско, затоа што кај него била пронајдена и одземена бела прашкаста материја. По документирање на случајот ќе биде поднесен соодветен поднесок. На 11.06.2023 во 00.20 часот на подрачје на Бит Пазар, полициски службеници од Единицата за интервентна полиција при СВР Скопје го лишиле од слобода Н.Ч.(29) од Скопје затоа што кај него била пронајдена и одземена марихуана. По документирање на случајот ќе биде поднесен соодветен поднесок. На 10.06.2023 во 22.10 часот на подрачје на Центар, полициски службеници од Единицата за интервентна полиција при СВР Скопје лишиле од слобода малолетник од Скопје затоа што кај него била пронајдена и одземена марихуана. По документирање на случајот ќе биде поднесен соодветен поднесок. На 10.06.2023 во 23.00 часот на подрачје на Карпош, полициски службеници од Полициската станица Карпош ја лишиле од слобода М.И.(41) од с.Истибања, виничко, затоа што кај неа била пронајдена и одземена марихуана. По документирање на случајот ќе биде поднесен соодветен поднесок. На 11.06.2023 во 01.50 часот на подрачје на Карпош, полициски службеници од Единицата за интервентна полиција при СВР Скопје го лишиле од слобода Г.М.(42) од с.Арачиново, скопско, затоа што кај него била пронајдена и одземена марихуана По документирање на случајот ќе биде поднесен соодветен поднесок. На 10.06.2023 во 18.55 часот на ул.„Благоја Тоска“ во Тетово, полициски службеници од СВР Тетово го лишиле од слобода А.П.(23) од Косово затоа што кај него била пронајдена и одземена марихуана. По документирање на случајот ќе биде поднесен соодветен поднесок. На 11.06.2023 во 02.30 часот на подрачје на Карпош, полициски службеници од Единицата за интервентна полиција при СВР Скопје го лишиле од слобода В.Л.(29) од Скопје затоа што кја него била пронајдена и одземена бела прашкаста материја. По документирање на случајот ќе биде поднесен соодветен поднесок. На 11.06.2023 во 03.00 часот во угостителски објект на подрачје на Карпош, полициски службеници го лишиле од слобода Н.Т.(30) од Скопје затоа што кај него била пронајдена и одземена прашкаста материја. По документирање на случајот ќе биде поднесен соодветен поднесок. На 11.06.2023 во 03.50 часот на подрачје на Карпош, полициски службеници од Единицата за интервентна полиција при СВР Скопје лишиле од слобода малолетник од Скопје затоа што кај него била пронајдена и одземена марихуана. По документирање на случајот ќе биде поднесен соодветен поднесок. На 10.06.2023 во 23.30 часот на подрачје на Гази Баба, полициски службеници од Единицата за интервентна полиција при СВР Скопје го лишиле од слобода Д.Ѓ.(25) од с.Страшинци, скопско, затоа што кај него била пронајдена и одземена марихуана. По документирање на случајот ќе биде поднесен соодветен поднесок.

Повеќе апсења во Скопје и во внатрешноста на земјата

Тале Кристо — Mon, 05 Jun 2023 09:55:22 +0000

На 04.06.2023 во 21.30 часот, полициски службеници од СВР Куманово го лишиле од слобода С.С.(38) од Куманово. Тој бил осуден на 10 години и 10 месеци затворска казна за сторени кривични дела „тешка кражба“ по член 236, „разбојништво“ по член 237 и „загрозување на безбедноста на сообраќајот“ по член 297 од Кривичниот законик, а бил баран по потерница за доиздржување на шест години и пет месеци од казната. Лицето ќе биде спроведено во Казнено-поправна установа Затвор Штип за доиздржување на казната. На 04.06.2023 во 14.50 часот на подрачјето на Центар, полициски службеници од Единицата за интервентна полиција при СВР Скопје го лишиле од слобода Г.В.(34) од Скопје затоа што кај него била пронајдена и одземена прашкаста материја. По целосно документирање на случајот ќе следи соодветен поднесок. На 04.06.2023 во 13.50 часот на подрачјето на Петровец, полициски службеници од Единицата за интервентна полиција при СВР Скопје го лишиле од слобода Ф.Ѓ.(31) од Скопје затоа што кај него била пронајдена и одземена марухуана. По целосно документирање на случајот ќе следи соодветен поднесок. На 04.06.2023 во 20.00 часот на подрачјето на Ѓорче Петров, полициски службеници од Единицата за интервентна полиција при СВР Скопје го лишиле од слобода А.А.(28) од Скопје затоа што кај него била пронајдена и одземена прашкаста материја. По целосно документирање на случајот ќе следи соодветен поднесок. На 04.06.2023 во 21.55 часот на улица „Илинденска“ во Тетово, полициски службеници од СВР Тетово го лишиле од слобода Р.Љ.(37) од Тетово затоа што кај него и во неговото патничко возило „бмв“ со скопски регистарски ознаки бил пронајден хероин. Тој бил задржан во полициска станица за расчистување и документирање на случајот, по што ќе следува соодветен поднесок.

Серија на апсења во Скопје и во внатрешноста на земјата

Тале Кристо — Wed, 24 May 2023 10:12:33 +0000

На 24.05.2023 во 00.20 часот во Градскиот парк во Скопје, полициски службеници од Единицата за интервентна полиција при СВР Скопје го лишиле од слобода Д.Ј.(18) од Скопје, затоа што кај него била пронајдена и одземена бела прашкаста материја. По целосно документирање на случајот ќе следи соодветен поднесок. На 24.05.2023 во 03.30 часот во угостителски објект во Градскиот парк во Скопје, полициски службеници ги лишиле од слобода А.Е.(25) и Б.К.(30), двајцата од Скопје, затоа што кај нив била пронајдена и одземена бела прашкаста материја. По целосно документирање на случајот ќе следи соодветен поднесок. На 23.05.2023 во 22.35 часот на подрачјето на Аеродром, полициски службеници од ЕВР Аеродром и Драчево при СВР Скопје го лишиле од слобода В.П.(20) од Скопје, затоа што кај него била пронајдена и одземена марихуана. По целосно документирање на случајот ќе следи соодветен поднесок. На 24.05.2023 во 04.15 часот во Штип, од полициски службеници од СВР Штип бил приведен Д.П.(20) од Штип, затоа што кај него била пронајдена и одземена марихуана. По целосно документирање на случајот ќе следи соодветен поднесок. На 23.05.2023 во 10.00 часот во Битола од полициски службеници од криминалистичката полиција при СВР Битола бил лишен од слобода Ќ.М.(60) од Битола поради тоа што при претрес во неговиот дом биле пронајдени и одземени голема количина капсули трамадол и таблети дијазепам. По целосно документирање на случајот ќе следи кривична пријава по чл.212 од КЗ на РСМ. На 24.05.2023 во 01.30 часот во Тетово од полициски службеници од СВР Тетово бил лишен од слобода Ф.Е.(40) од Тетово затоа што кај него била пронајдена и одземена бела прашкаста материја. По целосно документирање на случајот ќе следи соодветен поднесок. На 24.05.2023 во 02.00 часот во казино во Тетово од полициски службеници од СВР Тетово бил лишен од слобода С.Д.(21) од Р.Србија поради нерегулиран престој во РСМ. Тој бил задржан во полициска станица за понатамошна постапка.

Серија на апсења во Скопје

Тале Кристо — Sat, 22 Apr 2023 09:34:44 +0000

На 21.04.2023 во 23.15 часот на подрачјето на Центар, полициски службеници го лишиле од слобода Г.К.(44) од Скопје, затоа што кај него била пронајдена и одземена марихуана. По целосно документирање на случајот ќе следи соодветен поднесок. На 21.04.2023 во 22.00 часот на подрачјето на Центар, полициски службеници од Единицата за интервентна полиција при СВР Скопје го лишиле од слобода Б.А.(30) од Скопје, затоа што кај него билe пронајдени и одземени марихуана и дробилка. По целосно документирање на случајот ќе следи соодветен поднесок. На 22.04.2023 во 00.45 часот на подрачјето на Карпош, полициски службеници од Единицата за интервентна полиција при СВР Скопје го лишиле од слобода А.Н.(34) од Скопје, затоа што кај него била пронајдена и одземена бела прашкаста материја. По целосно документирање на случајот ќе следи соодветен поднесок. На 21.04.2023 во 22.40 часот на подрачјето на Карпош, полициски службеници од Полициската станица Карпош го лишиле од слобода Д.С.(23) од Скопје, затоа што кај него била пронајдена и одземена марихуана. По целосно документирање на случајот ќе следи соодветен поднесок. На 21.04.2023 во 15.45 часот на подрачјето на Центар, полициски службеници ги лишиле од слобода Ќ.М.(21) и Б.М.(38) двајцата од Гостивар, затоа што кај нив била пронајдена и одземена бела прашкаста материја. По целосно документирање на случајот ќе следи соодветен поднесок. На 21.04.2023 во 19.10 часот на подрачјето на Центар, полициски службеници од Полициската станица Центар го лишиле од слобода Ѓ.Г.(44) од Скопје, затоа што кај него биле пронајдени и одземени марихуана и бела прашкаста материја. По целосно документирање на случајот ќе следи соодветен поднесок. На 21.04.2023 во 16.55 часот на подрачјето на Бит Пазар, полициски службеници од Единицата за интервентна полиција при СВР Скопје го лишиле од слобода Е.А.(22) од Скопје, затоа што кај него била пронајдена и одземена марихуана. По целосно документирање на случајот ќе следи соодветен поднесок. На 21.04.2023 во 12.40 часот на подрачјето на Аеродром, полициски службеници од Единицата за интервентна полиција при СВР Скопје го лишиле од слобода Љ.Н.(20) од Скопје, затоа што кај него била пронајдена и одземена марихуана. По целосно документирање на случајот ќе следи соодветен поднесок. На 21.04.2023 во 15.20 часот на подрачјето на Аеродром, полициски службеници од Единицата за интервентна полиција при СВР Скопје ги лишиле од слобода А.З.(25) и А.Б.(28) двајцата од Скопје, затоа што кај нив билe пронајдени и одземени марихуана и бела прашкаста материја. По целосно документирање на случајот ќе следи соодветен поднесок.