Арбен Бени Шакири – Kurir.mk

Откако Бени Шаќири се судри со Шилегов, сестрата Нора остана без работа

Катерина Бојаџиева — Wed, 24 Nov 2021 12:03:40 +0000

Нора Шаќири Марковиќ е разрешена од функција в.д. директорка на „Театар комедија“, потврдија од Министерството за култура за МКД.мк. Одлуката за нејзино разрешување ја донесе министерката за култура Ирена Стефоска по добиениот извештај од Државниот инспекторат за труд. За нова директорка е назначена актерката Магдалена Ризова Черних. „Во Извештајот е констатирано дека раководното лице презело активности спротивни на член 34, став 1, алинеа 3, од Законот за спречување на корупција и судир на интереси, член 8-а став 1 алиниеа 3 од Изборниот законик и член 11 од Законот за заштита од вознемирување на работно место. Со тоа се потврдува дека раководното лице водело и ја завршило дисциплинската постапка врз вработени во време на изборен процес“, се вели во одговорот за МКД.мк од Министерството за култура. За нов в.д. директор на НУ „Театар комедија“ е назначена актерката Магдалена Ризова Черних која и е вработена во театарот, информираат од Министерството. Инаку, минатата недела во театарот влегла вонредна инспекциска контрола по пријава, според која, како што тогаш беше објавено во некои медиуми, Шаќири-Марковиќ вршела мобинг и психичко вознемирување врз вработените во „Театар комедија“. За медиумите тогаш таа изјави дека таквиот навод не е точен и дека е најдобро да се прашаат самите вработени и додаде дека „Театар комедија“ токму сега, иако уште е пандемиско време, работи со полна пареа и има претстави кои се добро посетени. Инаку, ова следи откако кандидатот за градоначалник на Град Скопје на овогодинешните локални избори, Бени Шаќири, се судри со Петре Шилегов. Шакири тогаш објасни, односно ја демантираше изјавата на Петре Шилегов дека тие се пријатели и дека всусшност Шилегов нема да ги добие неговите гласови во вториот круг. – Актуелниот градоначалник Петре Шилегов веќе три и пол години е пасивен и сега прави офанзивна во последните месец дена. Од првиот ден треба да се засукаат ракавите, не постои проект на кој му требаат 10 и повеќе години. За помалите проекти не постои нешто што не може да се заврши од пола до една година. Јас сум само познаник со него, ние не сме пријатели и секако нема да ги добие моите гласови во вториот круг, појасни Шаќири за неговиот однос со сегашниот градоначалник, во гостување на дневникот на ТВ Сител.

Арсовска на средба со Бени Шакири: Скопски муабети (ФОТО)

Катерина Бојаџиева — Thu, 28 Oct 2021 10:25:00 +0000

Кандидатот за градоначалник на Град Скопје Данела Арсовска поддржана од ВМРО-ДПМНЕ, денеска оствари средба со кандидатот за градоначалник од движењето „Одлучно за промени“ на ДОМ и ЛДП, Арбен Бени Шакир, кој отпадна во првиот круг на локалните избори. -Скопски муабети, напиша Арсовска на Фејсбук. Инаку, Шакири, неодамна при гостување во дневникот на ТВ Сител објасни, односно ја демантираше изјавата на Петре Шилегов дека тие се пријатели и кажа дека всусшност Шилегов нема да ги добие неговите гласови во вториот круг. -Актуелниот градоначалник Петре Шилегов веќе три и пол години е пасивен и сега прави офанзивна во последните месец дена. Од првиот ден треба да се засукаат ракавите, не постои проект на кој му требаат 10 и повеќе години. За помалите проекти не постои нешто што не може да се заврши од пола до една година. Јас сум само познаник со него, ние не сме пријатели и секако нема да ги добие моите гласови во вториот круг, појаснува Шаќири за неговиот однос со сегашниот градоначалник, во гостувањето на дневникот на ТВ Сител. Шакири исто така, по првиот круг од локалните избори, истакна дека нема коментар за изјава на премиерот Зоран Заев во која го нарече негов другар и оти е убеден дека нема да гласа за ВМРО-ДПМНЕ. Шакири во изјава за „Република“ вели дека нема коментар на зборовите на Заев и оти знае сигурно дека нема да гласа за Шилегов. -Немам коментар за изјавата на Заев и на тоа што го рекол и што мисли со тоа. Јас точно знам што реков по изборите и останувам на ставот дека знам за кого нема да гласам, а тоа е Шилегов. Јас сум возрасен човек со изграден став врз основа на неговото четиригодишно работење и како би го сменил за еден ден, вели Шакири за „Република“.

Откако Заев го нарече другар, Бени му порача: Нека си мисли што сака, не гласам за Шилегов

Катерина Бојаџиева — Fri, 22 Oct 2021 14:11:45 +0000

Кандидатот за градоначалник на Скопје, Бени Шакири нема коментар за вчерашната изјава на премиерот Зоран Заев во која го нарече негов другар и оти е убеден дека нема да гласа за ВМРО-ДПМНЕ. Шакири во изјава за „Република“ вели дека нема коментар на зборовите на Заев и оти знае сигурно дека нема да гласа за Шилегов. -Немам коментар за изјавата на Заев и на тоа што го рекол и што мисли со тоа. Јас точно знам што реков по изборите и останувам на ставот дека знам за кого нема да гласам, а тоа е Шилегов. Јас сум возрасен човек со изграден став врз основа на неговото четиригодишно работење и како би го сменил за еден ден, вели Шакири за „Република“.

Шакири: Ќе бидам градоначалник на сите граѓани на Скопје

Ивана Ефремовски — Mon, 04 Oct 2021 19:41:22 +0000

Доколку бидам избран ќе работам посветено и ќе бидам градоначалник на сите граѓани на Градот Скопје без разлика на нивната партиска, национална, верска и било која друга припадност, порача Арбен Бени Шакири, кандидатот за градоначалник на Град Скопје од Коалицијата „Одлучно за промени“ на ДОМ и ЛДП на официјалното отворање на Градскиот штаб на Коалицијата. -Заедно со професорот Пановски ќе дадеме се од себе да покажеме дека сме вистински скопјани, дека сме вистински домаќини и дека ќе работиме посветено и ќе носиме храбри и одлучни решенија. Ќе работиме исклучиво за граѓаните за да ги решаваме проблемите на граѓаните на Градот Скопје. Токму затоа сме тука, а не за да истераме мандат, да ги затвориме кабинетите и да не фатиме ништо што доаѓа од страна на граѓаните. Овој пат ве уверувам дека тоа нема биде така, изјави Шакири.