Адвокатот Арбен Гоља: „Тенк“ е смешно кривично дело, во тој процес прашање е дали и воопшто има кривично дело

Дарко Андоновски — Sat, 10 Nov 2018 11:29:06 +0000

На вчерашната емисија „24 анализа“ на ТВ 24, гостуваше познатиот скопски адвокат Арбен Гоља кој заедно со колумнистот Тодор Пендаров и политичкиот аналитичар Оливер Андонов дебатираше на темата „Дали одлуката на судот, ќе биде лекција за сите идни функционери?“ Според адвокатот Гоља судството во РМ не независно. Можеби тоа се декларира како такво, но не е. Начинот на кој се бираат судиите, односно по политичка линија, тогаш не можеме да имаме квалитетно и независно судство. Со самото тоа што сте вие преку некоја партија избран за судија, вие сте во долг кон таа партија, вие сте заложник на таа партија и мора да дејствувате онака како ќе ви кажат. Во контекст на судскиот процес „Тенк“ на екс премиерот Никола Груевски, адвокатот Гоља изјави дека е смешен. -Ние сите размислуваме како да отиде господинот Никола Груевски во затвор. Јас немам ништо од тоа што тој ќе отиде во затвор. Јас се прашувам дали тие што ја водат државата размислувале за тоа каде се тие што јавно се декларираат околу 5 или 6 милијарди, каде се правите процеси, доколку ги има, за правите кривични дела. „Тенк“ е смешно кривично дело, извините на израз, затоа што лично сметам дека таму и прашање е дали воопшто има кривично дело, од причини што возилото е во сопственост на РМ. Возилото и сегашната власт го користи. Имаме едно старо блиндирано возило и доколку се купеше поволно, тоа ќе чинеше околу 350-400 илјади евра. Практично јас би бил, веќе ако треба да се купи ново блиндирано возило. По мене СЈО работи многу непрофесионално, многу аматерски. Мислам дека сето ова има политичка заднина, да иницира да би јавноста добила впечаток дека еве нешто се работи и дека правдата ги стига сите.

арбен гоља – Kurir.mk

Адвокатот Арбен Гоља: „Тенк“ е смешно кривично дело, во тој процес прашање е дали и воопшто има кривично дело