арбен зибери – Kurir.mk

Зибери соопштува: Пред докторите и работниците, први ќе се вакцинирале пратениците

Катерина Бојаџиева — Tue, 02 Feb 2021 15:36:39 +0000

Арбен Зибери, претседател на Комисијата за здравство во Собранието, гостуваше во Студио 10 и рече дека имаме многу луѓе кои ги поминале вирусот и дека не сме во почетна фаза. Тој вели дека цела година имаме некоја скала на колективен имунитет, но и со вакцините ќе се постигне баланс и да се врати нормалниот живот и тие ќе се даваат на оние кои ја немале болеста, објави ТВ24. – Во февруари ќе почнеме со давање на вакцината и земјите каде е почната вакцинацијата се членки на ЕУ. Во Србија се користат кинески вакцини и има претставништво „Фајзер“. Фокусот на Фајзер и сите компании сигурно е поголемиот пазар и ова е глобален проблем, вели Зибери. Зибери смета дека пратениците треба да се вакцинираат за да може да функционира Собранието, но и оние кои не ја имале болеста и немаат антитела. – Јас имам антитела и нема потреба да се вакцинирам, зошто ја имав болеста, вели Зибери. Тој смета дека во неколку земји веќе се зборува за лек против вирусот, не само вакцина, зашто не е сигурно колку ќе штити вакцината и колку ќе трае.

Зибери: Загрижувачка е состојбата со смртноста од Ковид-19, нешто не е во ред со системот

Ивона Петрова — Tue, 27 Oct 2020 10:14:28 +0000

Алармантно е како на околу 500 нови случаи има 22 починати во еден ден, а во Србија, на пример, на околу 700 позитивни случаи има тројца починати. Тоа покажува дека нешто не е во ред со системот, вели за „360 степени“ претседателот на собраниската Комисија за здравство и поранешен директор на Центарот за јавно здравје-Скопје. -Посебно е загрижувачка состојбата со смртноста во земјава од Ковид-19. Треба да се утврди што е причината за тоа. Дали е во прашање само задоцнето јавување на лекар или и недоволните капацитети на болниците, исцрпеноста на здравствените работници и неподготвеноста на здравствениот систем во целина, вели пратеникот на ДУИ, Арбен Зибери, кој претходно беше директор на Центарот за јавно здравје-Скопје. Зибери сега е претседател на собраниската Комисија за здравство, која, како што најавува тој, денеска или утре ќе ги разгледа измените во Законот за заштита на населението од заразни болести, кои се на дневен ред на собраниската седница што почнува денеска. целиот текст прочитајте го на „360 степени“

Претеникот Зибери не бил воопшто тестиран на Covid-19, само не се чувстувал добро

Магдалена Андонова — Mon, 31 Aug 2020 11:45:40 +0000

Пратеникот на ДУИ, Арбен Зибери, во неделата не бил изолиран ниту тестиран, само не се чувствувал добро и затоа гласаше од посебна просторија Од Собранието во понеделникот дадоа појаснување во врска со пратеникот Арбен Зибери, којшто гласаше вчера во посебна просторија под посебни протоколи. Иако се појави информација дека бил позитивен на коронавирусот, сепак, од Собранието демантираат велејќи дека тој ниту бил тестиран, туку само не се чувствувал добро. -Пратеникот не беше на седницата воопшто. Тој не се чувствувал добро, и истиот ниту е изолиран, ниту тестиран за Ковид-19, туку лично не се чувствувал добро. Од колегијален аспект го информирал претседателот на Собранието за неговата состојба. Потоа претседателот на Собранието по протокол на здравствената комисија што ни беше доставен преку препораките во случај некој да се двоуми односно да сугерира дека не се чувствува добро, Собранието да биде подготвено со посебен простор за гласање. На горниот кат постои кабината за превод определена за таа намена, и пратеникот дојде само во моментот на гласање. Од автомобил директно се качи со лиф во просторијата, и по гласањето се врати во лифтот и директно во автомобило, односно немаше контакт со никого. Лифтот после него не беше во функција се до моментот на дезинфицирање. Претседателот Џафери целосно ги почитуваше препораките од комисијата, велат од Собранието.

Чив глас вреди повеќе во ДУИ: Гласот на Меџити и Зибери или гласот на Груби и Османи

Ристе Здравков — Fri, 21 Aug 2020 07:17:03 +0000

Раскол или партиска фингерајка во ДУИ по вчерашните драми на двајца нивни пратеници во законодавниот дом? Изет Меџити и Арбен Зибери се двајцата пратеници од редовите на ДУИ кои вчера остро се спротиставија на поделбата на министерските места во партијата. Имено Меџити и Зибери беа против назначувањето на Бујар Османи како министер за надрворешни работи и Артан Груби како вицепремиер во новата влада помеѓу СДСМ и ДУИ. Во јавноста се шпекулираше дека екс градоначалникот на Чаир, Изет Меџити, бил дециден и од неговиот лидер Ахмети побарал смена на Артан Груби од вицепремиерската функција и побарал тој да биде на негово место. Се поставува прашањето, што се случува во ДУИ? Чив глас вреди повеќе, оној на Груби и Османи или оној на Меџити и Зибери?

ВИДЕО: Пратеникот Арбен Зибери (внук на Насер) нервозен излезе од Собранието, со џипот удри во металната рампа

Предраг Кукиќ — Thu, 20 Aug 2020 12:02:23 +0000

Новинарот на ТВ Клан, Фуркан Салиу, на својот Фејсубк профил објави видео на кое се гледа како новиот пратеник Арбен Зибери, инаку внук на Насер Зибери (кандидатот на ДУИ за премиер), нервозен излезе од Собранието и на излегување со џипот удри во металната рампа. Зибери беше директор на ИЈЗ пред да биде разрешен од министерот за здравство Венко Филипче.

Филипче ќе го разреши Зибери кој ги повика иселениците да гласаат за премиер Албанец

Ивана Ефремовски — Thu, 25 Jun 2020 13:17:46 +0000

Министерот за здравство Венко Филипче рече дека се консултира со правни лица и доколку може, уште денес ќе биде разрешен директорот на Центарот за јавно здравје, Арбен Зибери, откако тој се пофали дека како член на Комисијата за заразни болести помогнал да се отворат границите без протоколите препорачани од Светската здравствена организација за да дојдат иселениците да гласаат за премиер Албанец. Зибери утрово на Фејсбук се пофали дека ДУИ допринела да се отворат границите без протоколите од Светска здравствена организација односно негативен тест и 14 дневна изолација. Филипче додаде дека Зибери воопшто не е член на Комисијата за заштитна од заразни болести и дека неговата изјава е политичка и несреќна. -Добредојдовте иселеници. Родното место ве чека. Сега можете да си дојдете дома без тестови и 14-дневна изолација, благодарение на нашиот придонес во здравствените политики на владата. Јас како член на Комисијата за заразни болести и другите членови помогнавме да се отворат границите и луѓето да се движат слободно без протоколите препорачани од СЗО. Зошто да не, дојдете дома за Албанец премиер, напиша Зибери на својот фејсбук профил

Зибери се дистанцираше од Заев: Во ниту еден момент Комисијата не излезе со став дека треба или не треба да има избори

Дарко Андоновски — Wed, 03 Jun 2020 19:10:12 +0000

Вечерва на „Топ Тема“ Арбен Зибери посочи дека Комисијата за заразни болести ниту еднаш нема посочено дека е време или не е време за избори. Очигледно е дека Заев сам останува со одлуката за избори, Зибери се дистанцираше вечерва од него. „Сакам да објаснам на јавноста и на сите дека во ниту еден момент Комисијата не излезе со став дека треба или не треба да има избори. Впрочем ние немаме таква надлежност. Ние не треба да кажуваме дали е време сега за избори или не е време за избори“, нагласи Зибери. Зибери додаде дека од Комисијата за заразни болести беше побарано од страна на лидерите да се направи протокол. Но од Комисијата не кажуваат таму дали треба или не треба да има избори. Од Комисијата имаат само посочено дека во случај да има избори, како би се изведеле. „Ние не сме надлежни да кажеме дали може да има избори. Ние кажавме само како би изгледале тие избори ако ги има во овие услови. Никогаш не сме влегле во таква дискусија во Комисијата. Тоа што беше побарано од Комисијата лидерите го добија“, истакна Зибери.

Директорот на јавно здравје вели нема да се отворат границите, а Заев бара избори

Дарко Андоновски — Wed, 03 Jun 2020 18:54:53 +0000

Вечерва во емисијата „Топ Тема“ гостуваше директорот на јавно здравје, Арбен Зибери кој што посочи дека поради новостаната ситуација со нагло зголемување на бројката на новозаболени знак прашалник е дали ќе се отворат границите на 15-ти јуни. Ова го изјави Зибери додека Заев бара упорно избори на 5-ти јули. „Сега за сега пак ќе кажам секоја одлука не може да кажеме дека ќе биде точно на 15-ти. Бидејќи ние еден период имавме мал број на заразени и никој не очекуваше дека денеска по еден месец , јас како пример ќе го спомнам Скопје, 5-ти мај немавме ниту еден заразен, а денеска имаме 59. Тоа значи дека никој од тогашна гледна точка никој не би прогнозирал дека по еден месец ние ќе имаме толку заболени“, појасни Зибери.