Арда Туран – Kurir.mk

Арда Туран ќе се врати во Галатасарај

Дарко Андоновски — Fri, 01 May 2020 18:10:25 +0000

Играчот од средниот ред, Арда Туран ќе ја продолжи кариерата во Галатасарај, пренесува спорт.ес. Според извори, тренерот на турскиот тим Фатих Терим го убедил претседателот на клубот, Мустафа Тенгиз да потпише со 33-годишниот играч од средниот ред. Туран моментно има договор со Барселона, но истекува на крајот на јуни 2020 година. За време на сезоната 2019/20 играше во Истанбул ББ, запиша 12 натпревари за тимот. Во јануари 2020 година, клубот го раскина договорот со играчот. Туран ги бранеше боите на Галатасарај од 2000 до 2011 година.

Сексуално вознемирување, пукање, претепување: Фудбалер на Барселона доби казна затвор од 2 години и 8 месеци

Ивана Ефремовски — Wed, 11 Sep 2019 10:55:23 +0000

Еден од најдобрите турски фудбалери во последната деценија, Арда Туран е осуден на 2 години и 8 месеци затвор. Според информациите од Турција, се уште актуелниот фудбалер на Барселона кој е на позајмица во Истанбул Башакшекир е осуден поради пукање од огнено оружје (пиштол), незаконско поседување на оружје како и вооружен напад на друго лице. Казната е условна, но при следниот прекршок ќе стане активна. Во исто време, Туран беше ослободен од обвинението за „сексуално вознемирување“. Во октомври минатата година, Туран предизвика скандал во еден ноќен клуб во Истанбул. Фудбалерот започнал да малтретира една девојка која е сопруга на пејачот Беркаи Шахин. Поради ова, избило тепачка, по што Арда му го скршил носот на пејачот. Потоа, Туран ја посетил жртвата во болницата со пиштол.

Нови проблеми за Арда Туран, го поврзуваат со Ѓулен

Ристе Здравков — Fri, 19 Oct 2018 07:26:47 +0000

Поранешната ѕвезда на Барселона, Арда Туран, доживува вистински пекол во својата родна Турција. Откако беше казнет за туркање на асистент-судија, а потоа се степа со познат локален пејач, обвинителството сега го гони Туран за тероризам. Обвиненијата се повеќе од тешки и може да остават траен белег врз неговиот живот, бидејќи има сомневања дека фудбалерот одржува врски со луѓе на исламскиот свештеник Фетхулах Ѓулен, кој во Турција е со статус на терорист и поттикнувач на обидот за преврат во 2016-та година. Обвинителството се сомнева дека фудбалерот помага на екстремистите, заедно со уште шестмина играчи од домашното првенство, пренесе локалното издание „Хуриет“. Ако обвиненијата бидат докажани, ќе бидат прифатени како „нож во грбот“ на турскиот претседател Реџеп Таип Ердоган, кој не само што е близок до Туран, но дури и му беше кум на свадбата.

Башакшехир го казни Арда Туран со 370.000 евра

Ристе Здравков — Tue, 16 Oct 2018 14:36:39 +0000

Турскиот фудбалер Арда Туран кој игра во истанбулскиот тим Башакшехир како позајмен играч од Барселона, ќе ја плати цената за своето арогантно однесување и инцидентот што го предизвика во ноќен клуб. Клубот процени дека „несоодветното однесување на Туран не се вклопува во етичкото и професионалното разбирање на фудбалот“ и го казни со 370.000 евра. Поранешниот турски репрезентативец продолжува редовно да ги извршува своите обврски за клубот до судска пресуда за инцидентот во кој учествуваше. Туран е обвиент поради напад врз турскиот пејач Беркај Шахин, поради што Обвинителството во Истанбул побара затворска казна од 12 и пол години. Инцидентот се случи минатата седмица во ноќен клуб во Истанбул, а 31-годишниот фудбалер го нападнал пејачот и му го скршил носот. Во ноќниот клуб за време на нападот присуствувала и сопругата на Шахин, а како што објавија турските медиуми причина за расправијата биле токму навредите на Туран упатени кон неа. Туран е обвинет за сексуален напад, незаконско носење на огнено оружје, закани по живот и намерно нанесување тешки телесни повреди. Искусниот 31-годишен играч од средниот ред не прави проблеми првпат. Во мај на Туран му беше изречена парична казна од 9.200 долари и доби суспензија од 16 натпревари, откако нападна помошен судија за време на натпревар од турското фудбалско првенство, а минатата година беше исфрлен од Барселона, бидејќи сакаше да се пресмета со новинар.

Арда Tуран се соочува со 12,5 години затвор за нападот врз Беркај Шахин

Ристе Здравков — Tue, 16 Oct 2018 07:59:50 +0000

Обвинителството во Истанбул побара затворска казна од 12 и пол години за фудбалерот Арда Туран поради нападот врз турскиот пејач Беркај Шахин. Инцидентот се случи минатата седмица во ноќен клуб во Истанбул, а 31-годишниот фудбалер го нападнал пејачот и му го скршил носот. Во ноќниот клуб за време на нападот присуствувала и сопругата на Шахин, а како што објавија турските медиуми причина за расправијата биле токму навредите на Туран упатени кон неа. Туран е обвинет за сексуален напад, незаконско носење на огнено оружје, закани по живот и намерно нанесување тешки телесни повреди. Во мај на фудбалерот му беше изречена парична казна од 9.200 долари и доби суспензија од 16 натпревари, откако нападна помошен судија за време на натпревар од турското фудбалско првенство. Туран од јануари настапува за истанбулскиот клуб Башакшехир, откако Барселона го отстапи на 2,5 години.

Фудбалскиот свет во шок: Туран ќе лежи 12 години затвор откако му го пукна носот на познатиот пејач среде настап (ФОТО)

Дарко Андоновски — Mon, 15 Oct 2018 17:22:57 +0000

Издаден налог за апсење на Арда Туран

Ивона Петрова — Thu, 11 Oct 2018 19:28:29 +0000

Турското обвинителство издаде налог за апсење на Арда Туран, јавуваат турските медиуми. Арда е обвинет дека му го скршил носот на турскиот пејач Беркај, што подоцна фудбалерот демантирал, но последните информации не му одат во прилог. Туран наводно го нападнал пејачот и неговата сопруга, а им се заканувал и со пиштол. -Да не сум оженет, не би пропуштил девојка каква што си ти, наводно и рекол Туран на девојката која била во друштво со пејачот. Арда во моментов е член на Башахшехир од Истанбул.

Познатиот фудбалер предизвика инцидент: Пијан заведувал девојка на пејач, па му го скршил носот

Ивона Петрова — Wed, 10 Oct 2018 19:54:03 +0000

Турскиот фудбалер Арда Туран, предизвика тепачка во ноќен клуб, а во мешаницата настрада локалниот пејач Беркај, објавија медиумите во Турција. Според информациите, Арда Туран бил пијан и се обидел да ја заведе девојката на пејачот, кој остро реагирал. Во тепачката Туран му го скршил носот на Беркај. Пејачот веднаш бил однесен во најблиската болница за итна операција. Арда Туран наводно и рекол на девојката на Беркај дека би спиел со неа ако не бил оженет. Поранешниот играч на Атлетико Мадрид на социјалните мрежи потврди дека имало инцидент, но одрече дека тој се случил поради неговите коментари кон девојката на Беркај. Сепак, не даде повеќе детали што точно била причината за настанатата ситуација. МИА

Големата турска ѕвезда полуде: Арда Туран го нападна судијата, па доби брутално висока казна (ВИДЕО)

Матеја Петровски — Fri, 11 May 2018 09:30:00 +0000

Турскиот репрезентативец Арда Туран прилично долго нема да учествува во натпреварите на својот Башакшехир, каде дојде на позајмица од Барселона. Во лигашкиот дуел со Сиваспор минатиот викенд, Туран доби директен црвен картон, откако го бутна помошниот судија, незадоволен од неговата одлука во последните минути од мечот.

Arda Turan’ın cezasına neden olan ses kayıtları ortaya çıktı ???? pic.twitter.com/pl1UMn5yjp
— Aslan10line (@Aslan10line) May 10, 2018

Поради тој екцес тој доби рекордни 16 натпревари казна: Десет за напад на судијата, три за вреѓање и три за закана. Доби удар и по џебот, ќе мора да плати 9.000 долари. Башакшехир водеше со 1:0, но на крајот натпреварот заврши 1:1, а тимот на теренот имаше 9 играчи. Тимот на Туран е во игра за својата прва титула, имаат три бода помалку од Галатасарај на две кола пред крајот на првенството. Туран за турската репрезентација има 100 настапи, а настап на Светското првенство во Русија не успеаја да обезбедат. Беа четврти во групата од каде на Мундијалот патуваат Хрватска и Исланд.

Жестока казна за Арда Туран

Даниел Василев — Thu, 10 May 2018 18:06:34 +0000

Турскиот фудбалер Арда Туран е казнет со 16 натпревари поради напад, закани и навреди кон судијата на натпреварот од 32. коло од турска Суперлига. Туран го турна помошниот судија Ердинк Сезертам по што доби црвен картон на мечот со Сиваспор, а бесот го пренесе и на главниот судија, Јашар Кемал Угурлу. Инцидентот се случи во продолжението, а во тој момент веќе беше исклучен Марсио Мосоро, па Башакшехир остана со деветмина на теренот. Дисциплинската комисија на Фудбалскиот сојуз на Турција казната ја изрече во четвртокот, кога наложи да исплати и 9.200 долари поради своето однесување. Натпреварот заврши со резултат 1:1, а екипата на Туран во моментот е трет на табела позади Галатасарај и Фенербахче.