архангел – Kurir.mk

„Архангелот над Скопје“- рокенрол мјузикл на Ристо Вртев посветен на урбаниот скопски живот

Катерина Бојаџиева — Wed, 30 Nov 2022 09:58:13 +0000

Музичарот и фронтмен на рок-групата „Архангел“ Ристо Вртев е автор на рокенрол мјузиклот „Архангелот над Скопје“ кој премиерно ќе биде прикажан на 24 декември на големата сцена на Македонскиот народен театар (МНТ) во 20 часот. Наташа Поплавска е режисерка и дизајн на мјузиклот, а музиката, лириката и текстот се на Вртев. „Архангелот над Скопје“ е рокенрол мјузикл направен на музиката на нашиот најголем рок бенд „Архангел“, создадена од музичарот и лиричар Вртев. Приказната зборува за животот на градот Скопје во периодот на неговото созревање од деведесетите години на минатиот век па се до денес. Урбаниот скопски живот ќе се прикаже преку животот на транзиционите деца кои сакаат да направат промена во културно општествениот живот наспроти баналната стварност која ги фрла на маргините на општеството. Претставата е подржана од Министерството за култура, а е направена во соработка со Македонскиот Народен Театар и Театар Комедија.

Со концерт на „Архангел“ вечер почнува 22. издание на Таксират

Дарко Андоновски — Sun, 11 Oct 2020 07:24:18 +0000

Со концерт на групата „Архангел“, под мотото „30 години љубов“ вечер во салата „Борис Трајковски“ почнува 22-то издание на Таксират. Концертот ќе се одржи по соодветен протокол, со запазување на мерките за заштита од коронавирусот. Носењето маска и одржувањето растојание се задолжителни во текот на целиот концерт. Една недела подоцна, на 23 октомври, програмата продолжува со соло концерт на „СТРАЈК“. Во рамките на Таксират Фестивал #22, ќе се одржи и седмото издание на музичката конференција и шоукејс фестивал кај нас – ПИН. Со поддршка од Делегацијата на Европската Унија, годинава, ПИН ќе се одржи во три програмски денови, од 26 до 28 ноември, на повеќе локации низ Скопје.

„Архангел“ го отвора годинашниот Вевчански карневал

Ивона Петрова — Wed, 02 Jan 2019 12:12:33 +0000

Рок групите „Архангел“ и „ Галија“, како и познати диџеи ќе бидат дел од програмата на Вевчанскиот карневал што ќе се одржи од 12 до 14 јануари во Вевчани. Во рамки на карневалската манифестација градоначалникот на Вевчани Сашо Јанкоски за МИА открива дека на 12 јануари предвидено е културно уметничка работилница и настап на македонската рок група „Архангел“ и српска „Галија“, а во ноќните часови присутните ќе ги забавува познат ди – џеј. На Стара Нова година вевчанци и посетителите ќе ги забавуваат „Кате и Нели ти реков“, „Баклава“, „Џубокс бенд“ и оркестар со зурли и тапани. -Подготовките се во тек, а деталите околу организацијата на Вечанскиот карневал ќе бидат соопштени на прес-конференција в петок, изјави Јанкоски. Карневалот е вековна традиција во Вевчани, а вевчанци ќе кажат се, но до карневалското дефиле маските ги чуваат во тајност. Карневалот почнува со традиционално карневалско дефиле под маски напладне на 13 јануари, а следниот ден маските се палат во центарот на Вевчани, со што завршува манифестацијата. МИА

Андерграунд сцената се побуни против ова што се случува во и околу Македонија- култните Архангел со нова песна (ВИДЕО)

Ивана Ефремовски — Wed, 27 Jun 2018 13:23:32 +0000

Македонската музичка група Архангел, денеска премиерно го објавува својот нов сингл насловен „ПИНОКИО". Нејзиното претставување во јавноста е проследено и со видео спот. Песната за прв пат беше најавена во живо пред две години со изведба на нивниот настап на Таксират Фестивал. Фановите на Архангел ова дело долго го чекаа.