аријан адеми – Kurir.mk

Хрватите откриваат: Адеми ретко игра за Динамо поради чудни клаузули во договорот

Ристе Здравков — Mon, 02 Oct 2023 12:22:05 +0000

Аријан Адеми ова лето од Кина се врати во Динамо Загреб. Во Пекинг Гуоан мина само шест месеци. Преговорите беа во сила со недели, за на крај во последниот ден од преодниот рок, Адеми се врати на „Максимир“ за 300.000 евра. Динамо не стигна да го пријави Адеми за натпреварите во Европа, а ќе може да игра дури во нокаут фазата. Од враќањето на „Максимир“, Адеми одигра само седум минути против Славен Белупо, 28 против Рудеш, 27 против Пониква во Купот. Кинезите најмногу драматизирале и одоговлекувле по прашање на бонусите кои Динамо треба да им ги исплати. А токму бонусите се главна пречка зошто Адеми не игра повеќе за „модрите“. Хрватите откриваат дека доколку Адеми за Динамо до крајот на оваа година во осум натпревари одигра повеќе од 35 минути (не сметајќи го судиското надополнување), Динамо на Кинезите ќе мора да им исплати 500.000 евра. Во 15 натпревари ако одигра повеќе од 35 минути, Динамо ќе мора да им исплати уште 700.000 евра, што значи дека Динамо би можел да треба да плати 1,3 милиони евра. Сега следува дербито со Хајдук, а некои шпекулации велат дека Адеми би можел да почне од стартните 11.

Македонија без Адеми против Малта

Ристе Здравков — Tue, 12 Sep 2023 08:48:19 +0000

Селекторот Благоја Милевски пред мечот вечерва во Малта се соочи со уште еден проблем. По голманот Столе Димитриевски поради повреда отпадна Аријен Адеми. Ова ќе значи дека одличниот играч за врска ќе пропушти уште еден меч во низа. -Аријан Адеми поради повреда на листот на ногата нема да биде во комбинација за настап вечерва против Малта. Нашиот репрезентативец почувствува болка веднаш после загревањето на синоќешниот тренинг. Се работи за истата повреда поради која Адеми беше спречен да даде придонес и за мечот против Италија, порачаа утрово од ФФМ.

Адеми: Не очекував да се вратам толку брзо во Динамо Загреб

Бошко Тасиќ — Sat, 09 Sep 2023 05:06:08 +0000

Македонскиот репрезентативец, Аријан Адеми и официјално се врати во редовите на најдобриот хрватски клуб Динамо Загреб.

-Враќањето во Динамо, од моја перспектива, никогаш не беше под знак прашање. Не очекував дека тоа ќе се случи толку брзо, но работите тргнаа на тој начин. Цело време го следев секој натпревар од Кина,, секоја вест поврзана со мојот сакан клуб, па затоа сум пресреќен поради овој епилог.
Во целиот процес, секако, голема улога одиграа клупската администрација и спортскиот сектор, бидејќи преку контактот со нив почувствував колку сакаат да ме вратат и колку им е важно во овој преоден рок. Заслуга има и соблекувалната на Динамо со кого бев во контакт цело време, како и тренерот Јакировиќ кој инсистираше на моето доаѓање и лично беше силно вклучен во целиот процес. Можам само да кажам дека сум исклучително среќен што се враќам во мојот клуб, на мојот омилен стадион и им ветувам на навивачите дека ќе продолжам таму каде што застанав пред неколку месеци – дека ќе дадам се од себе, ќе гинам за овој клуб и ќе се погрижам се да подобриме се нови победи, -порача Аки за официјалниот сајт на клубот.

Аријан нема да може игра за Динамо во групната фаза на Конференциската лига, но ќе биде активен во лигата и Купот.

Ристовски на посебен начин го пречека Адеми во Загреб (ФОТО)

Ристе Здравков — Fri, 08 Sep 2023 16:45:21 +0000

Аријан Адеми се врати во Динамо Загреб откако денеска го официјализираше договорот со хрватскиот шампион. Првиот кој го пречека популарниот „Аки“ на „Максимир“ беше македонскиот интернационалец Стефан Ристовски. Ристовски на посебен начин го пречека својот соиграч и добар пријател, со маица со ликот на Адеми.

Аријан Адеми и дефинитивно направи кам-бек во Загреб

Ристе Здравков — Fri, 08 Sep 2023 14:51:15 +0000

Македонскиот интернационалец Аријан Адеми и дефинитивно направи кам-бек во Динамо Загреб. Динамо ги финишира повеќе дневните преговори со кинескиот клуб за кој изминатиот период настапуваше Адеми, работите беа на ден два закочени, но сепак, на крајот Адеми повторно се враќа во старото јато. Адеми многу посакуваше да се врати во Динамо бидејки не му одговараше фудбалскиот стил во кинескиот клуб за кој потпиша. Динамо за да го донесе назад се согласил на сите услови кои ги диктирале од кинескиот клуб. Прва опција била Динамо да го добие Адеми на позајмица, а Динамо и тоа го прифатил. Втора опција била да го добијат на позајмица со можност за откуп на неговиот договор, но на крајот тој дефинитивно се врати како играч на Динамо. Со оглед на тоа дека во Хрватска вечерва се завршува трансфер пазарот, овој трансфер е како кец на десетка за клубот од Загреб. Адеми по раскин на договорот со Пекинг, се враќа во Динамо како слободен играч.

Адеми привремено ја напушти репрезентативната база за да потпише со Динамо

Тале Кристо — Wed, 06 Sep 2023 14:38:15 +0000

Македонскиот репрезентативец, Аријан Адеми (32) поради приватни обврски поврзани со продолжување на клупската кариера утре наутро заминува за Загреб и откако ќе ги реши административните прашања ќе се стави на располагање на националниот тим за натпреварите против Италија и Малта, соопшти попладнево Фудбалската федерација на Македонија (ФФМ). Паралелно со ова хрватските медиуми пренесуваат дека Адеми утре ќе потпише договор со Динамо Загреб и ќе се врати во тимот од кој пред шест месеци замина за кинескиот прволигаш Пекинг Гуан со кој се обврза на верност до 2025 година. ФФМ соопшти дека одлуката Адеми привремено да ја напушти репрезентативната база во Скопје е донесена во договор со селекторот Благоја Милевски. - Нашиот предводник се надева дека Адеми ќе биде на располагање за настап против Италија, односно повредата нема да го спречи да даде придонес во натпреварите против европскиот првак, Италија и мечот со Малта, се наведува во соопштението на ФФМ. Адеми и се приклучи на почетокот на оваа недела на македонската репрезентација и покрај повредата на листот на левата нога, поради која одигра само пет минути на последниот натпревар од првенството во Кина.

Стефан Ристовски го најави кам-бекот на Адеми во Динамо

Бошко Тасиќ — Mon, 04 Sep 2023 17:31:04 +0000

Македонскиот репрезентативец Аријан Адеми веројатно е пред нова клупска промена. Иако во март се пресели во Пекинг Гуан од Динамо Загреб, играчот за врска е пред кам-бек во таборот на „модрите“. Хрватските медиуми веќе некое време шпекулираат и најавуваат враќање на Адеми во ХНЛ, а веројатно тоа и ќе се исполни. Тој ќе допатува во Скопје, ќе одговори на повикот на селекторот Благоја Милевски и ќе биде на располагање за дуелите со Италија и Малта. Сепак, гласините за враќање во Динамо сега дополнително ги подгреа Стефан Ристовски. Доскорешниот македонски капитен кој се повлече од репрезентацијата, објави фотографија со Адеми и стави песочен часовник, кој обично означува дека нешто наскоро треба да се случи. Тоа се карактеризира како најава за враќањето на легендата во Динамо Загреб.

„Бомба“ од „Максимир“: Динамо Загреб го враќа Аријан Адеми!

Ристе Здравков — Wed, 23 Aug 2023 11:59:10 +0000

Очигледна е желбата во редовите на Динамо Загреб за големи промени по неуспехот во квалификациите за Лигата на шампионите и непосакуваната елиминација од грчки АЕК. Сето тоа донесе промена на тренерската позиција, отказ за Бишчан и именување на Сергеј Јакировиќ за нов тренер. А, со доаѓањето на Јакировиќ, Динамо веднаш тргна и во голема офанзива за освежување на играчките редови. Како што пренесува „Спортске новости“, денеска од „Максимир“ е активирана акција за враќање на македонскиот репрезентативец Аријан Адеми од Кина! „Нема воопшто да биде тоа лесна задача, затоа што има многу непознаници и препреки, но во Динамо веруваат дека имаат аргументи и сили да го вратат Адеми во своите редови кој очигледно и тоа како му е потребен на тимот“ – пишува „Спортске новости“. Динамо Загреб сака да го донесе и напаѓачот на Осијек, Рамон Миерез со понуда од три милиони евра.

Трабзонспор, има голема желба да го ангажира Аријан Адеми

Ристе Здравков — Fri, 16 Jun 2023 07:43:35 +0000

Турскиот прволигаш Трабзонспор, чиј член е Енис Барди, има голема желба да го ангажира Аријан Адеми. Македонскиот репрезентативец игра во кинескиот шампионат и го носи дресот на Пекинг Гуан, но раководството на Трабзонспор ќе се обиде брзо да го врати во Европа. Новиот тренер на Трабзонспор, Ненад Бјелица, одлично ги познава квалитетите на Трабзонспор од периодот кога работеше со него во Динамо Загреб и смета дека тој би бил идеално решение за средниот ред на турскиот тим. Сепак, преговорите со Пекинг Гуан нема да бидат лесни, со оглед дека Адеми штотуку се пресели во Кина и потпиша договор до 2025 година. Адеми за Динамо Загреб одигра 359 натпревари, постигна 41 гол и забележа 30 асистенции.

Адеми му донесе триумф на Пекинг Гуоан (ВИДЕО)

Ристе Здравков — Mon, 15 May 2023 13:53:15 +0000

Македонскиот фудбалски репрезентативец Аријан Адеми е херој за својот Пекинг Гуоан во минималниот триумф од 1-0 против Нантонг во 7. коло од новата сезона во кинеската Суперлига. Токму Адеми беше стрелец на погодокот вреден три бода за својот тим во 23. минута на феноменален начин со удар од некои шеснаесетина метри. Адеми беше стартер за својот тим, а беше заменет во 72. минута од натпреварот.

Meilleure vidéo du but d'Arijan Ademi 💥 https://t.co/Wdvtkp2aAR pic.twitter.com/d1LiLUVeqh
— QeeYou (@QeeYouBet) May 15, 2023